Year: 2026

കാലിഫോർണിയ: ഗവർണർ ഗാവിൻ ന്യൂസം പ്രമുഖ സിവിൽ റൈറ്റ്സ് അഭിഭാഷകയായ മഞ്ജുഷ പി. കുൽക്കർണിയെ ‘സ്റ്റേറ്റ് ഏഷ്യൻ ആൻഡ് പസഫിക് ഐലൻഡർ അമേരിക്കൻ അഫയേഴ്സ് കമ്മീഷനിലേക്ക്’  നിയമിച്ചു. ജനുവരി 16-ന് പ്രഖ്യാപിച്ച ഈ നിയമനം, കാലിഫോർണിയയിലെ ഏഷ്യൻ-പസഫിക് ഐലൻഡർ സമൂഹത്തിന്റെ അവകാശങ്ങൾ സംരക്ഷിക്കുന്നതിലും അവർ നേരിടുന്ന വെല്ലുവിളികൾ പരിഹരിക്കുന്നതിലും നിർണ്ണായകമായ ഒരു ചുവടുവെപ്പായി കണക്കാക്കപ്പെടുന്നു. മഞ്ജുഷ കുൽക്കർണി നിലവിൽ  ഇക്വിറ്റി അലയൻസിന്റെ എക്സിക്യൂട്ടീവ് ഡയറക്ടറാണ്. ലോസ് ഏഞ്ചൽസ് കൗണ്ടിയിലെ ഏകദേശം 16 ലക്ഷം നിവാസികളെ പ്രതിനിധീകരിക്കുന്ന 40-ലധികം സംഘടനകളുടെ കൂട്ടായ്മയാണിത്. 2020-ൽ ഏഷ്യൻ വംശജർക്കെതിരായ വിദ്വേഷ കുറ്റകൃത്യങ്ങൾ റിപ്പോർട്ട് ചെയ്യുന്നതിനായി അവർ ‘സ്റ്റോപ്പ് എഎപിഐ ഹേറ്റ്’ എന്ന സംഘടന സഹസ്ഥാപിച്ചു.ഇന്ന് ഇത് അമേരിക്കയിലെ ഇത്തരത്തിലുള്ള ഏറ്റവും വലിയ കേന്ദ്രമാണ്. ടൈം മാഗസിൻ ലോകത്തെ സ്വാധീനിച്ച 100 വ്യക്തികളിൽ ഒരാളായും ബ്ലൂംബെർഗ് 50 പട്ടികയിലും അവർ ഇടംപിടിച്ചിട്ടുണ്ട്..രണ്ടാം ലോകമഹായുദ്ധകാലത്ത്…

ഫിലഡൽഫിയ : പ്രവാസികളെ കേരളത്തിലെ വികസന പ്രവർത്തനങ്ങളുടെ ഭാഗമാക്കുക എന്ന ലക്ഷ്യത്തോടെ രൂപീകൃതമായ ലോക കേരള സഭയുടെ അഞ്ചാമത് സമ്മേളനത്തിലേക്ക് അമേരിക്കയിൽനിന്നും മിലി ഫിലിപ്പിനെ തിരഞ്ഞെടുത്തു. ജനുവരി മാസം 29 30 31 തീയതികളിൽ ആയി കേരള നിയമസഭാ മന്ദിരത്തിലെ ആർ ശങ്കരനാരായണൻ തമ്പി ഹാളിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യുന്നതോടെ സമ്മേളനം ആരംഭിക്കും. അമേരിക്കൻ മലയാളികളുടെ സാമൂഹിക സാംസ്കാരിക രംഗങ്ങളിൽ നിറസാന്നിധ്യമാണ് മിലി ഫിലിപ്പ്. അമേരിക്കയിലെ സംഘടനകളുടെ സംഘടനയായ ഫൊക്കാനയുടെ 2024 2026 കാലഘട്ടത്തിലെ അസോസിയേറ്റ് ട്രഷർ ആയി പ്രവർത്തിക്കുന്നു. ഫിലഡൽഫിയയിലെ ഏറ്റവും അംഗസംഖ്യ ഉള്ളതും 40 വർഷത്തിന് മേൽ പ്രവർത്തന പാരമ്പര്യമുള്ള തുമായ മലയാളി അസോസിയേഷൻ ഓഫ് ഗ്രേറ്റർ ഫിലഡൽഫിയ യുടെ വുമൻസ് ഫോറം ചെയർ ആയും പ്രവർത്തിക്കുന്നു. നർത്തകിയും വാഗ്മിയും എഴുത്തുകാരിയും ആണ് മിലി ഫിലിപ്പ്. –സ്വപ്നസാരംഗി എന്ന പേരിൽ പ്രസിദ്ധീകരിച്ച…

ഓസ്റ്റിൻ: ടെക്സസ് സംസ്ഥാനത്തിന്റെ ഭൂരിഭാഗം പ്രദേശങ്ങളിലും കനത്ത ശൈത്യവും മഞ്ഞുവീഴ്ചയും ഉണ്ടാകുമെന്ന മുന്നറിയിപ്പിനെത്തുടർന്ന് ഗവർണർ ഗ്രെഗ് ആബട്ട് അടിയന്തരാവസ്ഥ പ്രഖ്യാപിച്ചു. വ്യാഴാഴ്ച മുതൽ അതിശൈത്യം ആരംഭിക്കുമെന്നാണ് പ്രവചനം. വടക്ക്, വടക്കുപടിഞ്ഞാറൻ ടെക്സസ് മേഖലകളിലായിരിക്കും ശൈത്യം ഏറ്റവും കൂടുതൽ ബാധിക്കുക. തെക്കുകിഴക്കൻ ടെക്സസിൽ ശനിയാഴ്ചയോടെ ഇതിന്റെ ഫലങ്ങൾ കണ്ടുതുടങ്ങും. ടെക്സസ് ഡിവിഷൻ ഓഫ് എമർജൻസി മാനേജ്‌മെന്റിനോടും നാഷണൽ ഗാർഡിനോടും സജ്ജമായിരിക്കാൻ ഗവർണർ നിർദ്ദേശിച്ചു. ഗതാഗതം, ആരോഗ്യം, പൊതുമരാമത്ത് തുടങ്ങി വിവിധ വകുപ്പുകളെ ഏകോപിപ്പിച്ചാണ് സുരക്ഷാ നടപടികൾ സ്വീകരിക്കുന്നത്. ജനങ്ങളോട്: യാത്രയ്ക്ക് മുൻപായി ‘DriveTexas.org’ വഴി റോഡ് സാഹചര്യങ്ങൾ പരിശോധിക്കണമെന്നും തണുപ്പിനെ പ്രതിരോധിക്കാൻ സർക്കാർ ഒരുക്കിയിട്ടുള്ള വാമിംഗ് സെന്ററുകൾ പ്രയോജനപ്പെടുത്തണമെന്നും ഗവർണർ അഭ്യർത്ഥിച്ചു. വൈദ്യുതി വിതരണത്തിൽ തടസ്സമുണ്ടാകില്ലെന്ന് എർക്കോട്ട് (ERCOT) ഉറപ്പുനൽകിയിട്ടുണ്ട്.

ഷിക്കാഗോ: ഷിക്കാഗോ ഉൾപ്പെടെയുള്ള മേഖലകളിൽ ചൊവ്വാഴ്ച രാത്രി മുതൽ ബുധനാഴ്ച വരെ ശക്തമായ മഞ്ഞുവീഴ്ചയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ഇതിനു പിന്നാലെ മേഖലയിൽ അതിശൈത്യം  അനുഭവപ്പെടുമെന്നും മുന്നറിയിപ്പുണ്ട്. ചൊവ്വാഴ്ച രാത്രി 10 മണി മുതൽ ബുധനാഴ്ച രാവിലെ 8 മണി വരെ കുക്ക് (Cook), ഡ്യുപേജ് , ലേക്ക് (Lake) തുടങ്ങിയ കൗണ്ടികളിൽ വിന്റർ വെതർ അഡ്വൈസറി പുറപ്പെടുവിച്ചു. വടക്കൻ സബർബുകളിൽ 4 ഇഞ്ചിലധികം മഞ്ഞുവീഴ്ചയ്ക്ക് സാധ്യതയുണ്ട്. ഇന്റർസ്റ്റേറ്റ് 88, 290 പാതകൾക്ക് വടക്ക് ഭാഗത്തായിരിക്കും കൂടുതൽ മഞ്ഞ് വീഴുക. തെക്കൻ മേഖലകളിൽ 2 ഇഞ്ചിൽ താഴെയാകാനാണ് സാധ്യത. ബുധനാഴ്ച രാവിലെ ജോലിക്ക് പോകുന്നവരെ മഞ്ഞുവീഴ്ച സാരമായി ബാധിച്ചേക്കാം. കാഴ്ചപരിധി കുറയുന്നതിനും റോഡുകളിൽ വഴുക്കലുണ്ടാകാനും സാധ്യതയുള്ളതിനാൽ ഡ്രൈവർമാർ ജാഗ്രത പാലിക്കണം. ബുധനാഴ്ച വൈകുന്നേരത്തോടെ ആർട്ടിക് ശീതകാറ്റ് എത്തുന്നതോടെ താപനില കുത്തനെ താഴാൻ തുടങ്ങും.വ്യാഴാഴ്ച  താപനില 20…

തിരുവനന്തപുരം: ഉന്നത വിദ്യാഭ്യാസ രംഗത്ത്, പ്രത്യേകിച്ച് ആരോഗ്യ വിദ്യാഭ്യാസ രംഗത്ത്, സ്ത്രീകളുടെ പങ്കാളിത്തത്തിൽ സംസ്ഥാനത്ത് ഗണ്യമായ വർധനവുണ്ടായിട്ടുണ്ടെങ്കിലും ലിംഗാധിഷ്ഠിത വിവേചനം ഇപ്പോഴും വ്യാപകമാണെന്ന് ആരോഗ്യ മന്ത്രി വീണ ജോർജ് പറഞ്ഞു. ജീവിതത്തിലെ പ്രതിസന്ധികളെ മാനസിക ധൈര്യത്തോടെ നേരിടാൻ സ്ത്രീകളെ സജ്ജരാക്കുക എന്ന ലക്ഷ്യത്തോടെ കേരള വനിതാ കമ്മീഷൻ ഒരു വർഷം നീണ്ടുനിൽക്കുന്ന സംസ്ഥാനവ്യാപക കാമ്പെയ്‌നായ ‘പറന്നുയരാം കരുത്തോടെ’ തിങ്കളാഴ്ച ഉദ്ഘാടനം ചെയ്തുകൊണ്ട് മന്ത്രി കേരളത്തിലെ സാമൂഹിക ഭൂപ്രകൃതിയിലെ ഈ അസ്വസ്ഥജനകമായ വൈരുദ്ധ്യത്തെ ഉയർത്തിക്കാട്ടി. സംസ്ഥാനത്തെ സ്ത്രീകളുടെ അവകാശങ്ങൾ ഉയർത്തിപ്പിടിക്കുന്നതിനുള്ള കമ്മീഷന്റെ ശ്രമങ്ങളുടെ 30-ാം വാർഷികവും ഈ പരിപാടി ആഘോഷിച്ചു. “ഇരകളെ നിശബ്ദരാക്കുന്നത് നമ്മുടെ സമൂഹത്തിന്റെ പരാജയമാണ്. നമ്മുടേത് പോലെ പുരോഗമനപരമായ ഒരു സംസ്ഥാനത്ത് സ്ത്രീധനവും ലിംഗപരമായ പ്രശ്നങ്ങളുമായി ബന്ധപ്പെട്ട മരണങ്ങൾ ഇപ്പോഴും റിപ്പോർട്ട് ചെയ്യുന്നത് ദുഃഖകരമാണ്,” “സ്ത്രീകളുടെ കണ്ണുനീർ” ഇല്ലാത്ത ഒരു സമൂഹമാണ് ആത്യന്തിക ലക്ഷ്യമെന്ന് ഊന്നിപ്പറഞ്ഞുകൊണ്ട്…

കോഴിക്കോട്: ഗോവിന്ദപുരം സ്വദേശി ദീപക് എന്ന യുവാവിന്റെ ആത്മഹത്യയിലേക്ക് നയിച്ച വീഡിയോ എടുത്ത് പ്രചരിപ്പിച്ച യുവതിക്കെതിരെ കേസെടുത്തു. തിരക്കേറിയ ബസിനുള്ളിൽ ദീപക് തന്നെ മോശമായി സ്പർശിച്ചുവെന്ന് പറഞ്ഞാണ് യുവതി വീഡിയോ പോസ്റ്റ് ചെയ്തത്. എന്നാല്‍, തന്റെ റീല്‍സിന് കൂടുതല്‍ ഫോളോവേഴ്സിനെ ആകര്‍ഷിക്കാനും റീച്ച് കിട്ടാനും മനഃപ്പൂര്‍‌വ്വം ദീപക്കിന്റെ പുറകില്‍ നിന്നുകൊണ്ട് വീഡിയോ എടുത്തതാണെന്ന് വ്യാപക കമന്റുകളാണ് യുവതിയെ തേടിയെത്തിയത്. പ്രസ്തുത വീഡിയോ സോഷ്യൽ മീഡിയയിൽ പങ്കുവെച്ചതോടെ നിമിഷങ്ങൾക്കകമാണ് വൈറലായത്. എന്നാല്‍, നിരപരാധിയായ തന്നെ ഒരു ലൈംഗിക വൈകല്യമുള്ള വ്യക്തിയായി ചിത്രീകരിച്ചത് സഹിക്കവയ്യാതെ ദീപക് ഇന്നലെ ആത്മഹത്യ ചെയ്തു. ദീപക്കിന്റെ അമ്മയുടെ പരാതിയുടെ അടിസ്ഥാനത്തിലാണ് കേസെടുത്തതെന്ന് മെഡിക്കൽ കോളേജ് സിഐ ബൈജു കെ ജോസ് പറഞ്ഞു. യുവതിക്കെതിരെ നടപടിയെടുക്കണമെന്ന് ആവശ്യപ്പെട്ട് യുവാവിന്റെ ബന്ധുക്കൾ സിറ്റി പോലീസ് കമ്മീഷണർക്കും കളക്ടർക്കും പരാതി നൽകിയിരുന്നു. ബന്ധുക്കളുടെ മൊഴികൾ രേഖപ്പെടുത്തിയിട്ടുണ്ട്. അതേസമയം, യുവതി…

മലപ്പുറം: ഭിന്നശേഷി മേഖലയിലെ മികച്ചതും വൈവിധ്യപൂർണ്ണവുമായ സംരംഭങ്ങൾക്ക് 2025 ലെ സംസ്ഥാന അവാർഡ് മലപ്പുറം ജില്ലാ ഭരണകൂടം നേടി. മികച്ച ജില്ലാ ഭരണകൂടത്തിനുള്ള അവാർഡ് ഉൾപ്പെടെ ആറ് സംസ്ഥാന അവാർഡുകളാണ് ജില്ല നേടിയത്. ഒരു ലക്ഷം രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്. ഇന്ന് (തിങ്കളാഴ്ച) തിരുവനന്തപുരത്ത് ഉന്നത വിദ്യാഭ്യാസ, സാമൂഹിക നീതി മന്ത്രി ആർ. ബിന്ദുവിൽ നിന്ന് ജില്ലാ കളക്ടർ വി.ആർ. വിനോദ്, ജില്ലാ സാമൂഹിക നീതി ഓഫീസർ സമീർ മച്ചിങ്ങൽ, സാമൂഹിക നീതി വകുപ്പ് അസിസ്റ്റന്റ് ഡയറക്ടർ ഷീബ മുംതാസ്, സാമൂഹിക സുരക്ഷാ മിഷൻ ജില്ലാ കോഓർഡിനേറ്റർ അബ്ദുൾ അസീസ്, സോഷ്യൽ ഇനിഷ്യേറ്റീവ് ഓൺ ഡിസെബിലിറ്റീസ് (എസ്‌ഐഡി) കോഓർഡിനേറ്റർമാരായ ജിൻഷ, കെ.സി. അബൂബക്കർ എന്നിവർ അവാർഡുകൾ ഏറ്റുവാങ്ങി. ഭിന്നശേഷി വിഭാഗത്തിൽ സംസ്ഥാനത്തെ ഏറ്റവും മികച്ച സർക്കാർ ജീവനക്കാരനുള്ള അവാർഡ് വേങ്ങരയിലെ ഒരു സ്‌കൂളിലെ ലാബ്…