പട്ടാമ്പിയിൽ പുലർച്ചെ 4.30ഓടെയാണ് സംഭവം; തീ പടരുന്നത് ശ്രദ്ധയിൽപ്പെട്ട ഡ്രൈവർ ബസ് ഉടൻ നിർത്തി യാത്രക്കാരെ പുറത്തിറക്കി; ബസിന്റെ മുൻഭാഗം പൂർണമായും കത്തിനശിച്ചു പാലക്കാട്: യാത്രക്കാർ ഉറക്കത്തിലായിരിക്കെ ഓടിക്കൊണ്ടിരുന്ന കെഎസ്ആർടിസി ബസിന്റെ മുൻഭാഗത്ത് തീപിടിച്ചത് പരിഭ്രാന്തി പരത്തി. പെരിന്തൽമണ്ണയിൽ നിന്ന് കോട്ടയത്തേക്ക് പോകുകയായിരുന്ന ബസിനാണ് പട്ടാമ്പിയിൽ വെച്ച് പുലർച്ചെ തീപിടിച്ചത്. തീ പടരുന്നത് യഥാസമയം ശ്രദ്ധയിൽപ്പെട്ട ഡ്രൈവറുടെ ഇടപെടലാണ് വലിയൊരു ദുരന്തം ഒഴിവാക്കിയത്. ചൊവ്വാഴ്ച പുലർച്ചെ ഏകദേശം 4.30ഓടെയാണ് സംഭവം. പട്ടാമ്പിയിലെത്തിയപ്പോൾ ബസിന്റെ മുൻവശത്തുനിന്ന് തീയും പുകയും ഉയരുന്നത് ഡ്രൈവറുടെ ശ്രദ്ധയിൽപ്പെടുകയായിരുന്നു. അപകടസാധ്യത മനസ്സിലാക്കിയ ഡ്രൈവർ ഉടൻ തന്നെ ബസ് നിർത്തുകയും യാത്രക്കാരോട് എത്രയും വേഗം പുറത്തിറങ്ങാൻ ആവശ്യപ്പെടുകയും ചെയ്തു. പുലർച്ചെയായതിനാൽ യാത്രക്കാരിൽ പലരും ഉറക്കത്തിലായിരുന്നു. ഇവരെ ഉണർത്തി അതിവേഗം ബസിൽനിന്ന് പുറത്തിറക്കുകയായിരുന്നു. യാത്രക്കാരെ സുരക്ഷിതമായി മാറ്റിയതിന് പിന്നാലെ തീ ബസിന്റെ മുൻഭാഗത്തേക്ക് ശക്തമായി വ്യാപിച്ചു. തീപിടിത്തത്തിൽ…
ഡ്രൈവറുടെ സമയോചിതമായ ഇടപെടല് ബസിലെ യാത്രക്കാരുടെ ജീവന് രക്ഷിച്ചു; ഓടിക്കൊണ്ടിരുന്ന ബസിന് തീപിടിച്ചു, വൻ ദുരന്തം ഒഴിവായത് തലനാരിഴയ്ക്ക്
