Year: 2026

ലോകത്തിലെ ഏറ്റവും അപൂർവ ഇനങ്ങളിൽ ഒന്നാണ് ഈ ജനിതകം, ഓറഞ്ച് നിറമുള്ള രോമങ്ങളുമായി ജനിക്കുന്ന ഇവ വളരുമ്പോൾ നിറം കറുത്തതായി മാറുന്നു. പ്രകൃതിയുടെ ഒരു അതുല്യവും അപൂർവവുമായ വീഡിയോ സോഷ്യൽ മീഡിയയിൽ അതിവേഗം വൈറലാകുന്നു. കറുത്ത ലങ്കൂറിന്റെ മടിയിൽ രണ്ട് ഓറഞ്ച് ബാബൂണുകൾ കളിക്കുന്നത് ഈ വീഡിയോയിൽ കാണാം, ഇത് ആളുകളുടെ ശ്രദ്ധ പിടിച്ചുപറ്റി. വിരമിച്ച ഇന്ത്യൻ ഫോറസ്റ്റ് സർവീസ് ഓഫീസർ സുശാന്ത് നന്ദയാണ് ഈ പ്രത്യേക വീഡിയോ സോഷ്യൽ മീഡിയ പ്ലാറ്റ്‌ഫോമായ എക്‌സിൽ പങ്കുവെച്ചത്. ഈ അപൂർവ ഇനത്തെക്കുറിച്ചുള്ള പ്രധാന വിവരങ്ങളും അദ്ദേഹം നൽകിയിട്ടുണ്ട്, ഇത് ഇതിനെ കൂടുതൽ സവിശേഷമാക്കുന്നു. വീഡിയോയിൽ കാണുന്ന ലങ്കറുകൾ “ക്യാറ്റ് ബാ ലങ്കൂർ” ഇനത്തിൽ പെടുന്നവയാണ്. ലോകത്തിലെ ഏറ്റവും അപൂർവവും വംശനാശഭീഷണി നേരിടുന്നതുമായ പ്രൈമേറ്റുകളിൽ ഒന്നായി ഇവ കണക്കാക്കപ്പെടുന്നു. കാട്ടിൽ ഇവയുടെ എണ്ണം ഇപ്പോൾ വളരെ പരിമിതമാണ്. ഏകദേശം 70…

വാഷിങ്‌ടോ ഡി സി :തന്റെ ആരോഗ്യസ്ഥിതിയെക്കുറിച്ച് വീണ്ടും വിചിത്രമായ അവകാശവാദവുമായി അമേരിക്കൻ പ്രസിഡന്റ് ഡൊണാൾഡ് ട്രംപ്. താൻ ജങ്ക് ഫുഡ് ഒഴിവാക്കുകയാണെങ്കിൽ 200 വയസ്സുവരെ ജീവിക്കാൻ കഴിയുമെന്ന് മുൻ വൈറ്റ് ഹൗസ് ഫിസിഷ്യൻ ഡോ. റോണി ജാക്സൺ പറഞ്ഞതായാണ് ട്രംപ് അവകാശപ്പെട്ടത്. വൈറ്റ് ഹൗസിൽ നടന്ന ഒരു ചടങ്ങിലായിരുന്നു അദ്ദേഹത്തിന്റെ ഈ പരാമർശം. ഏറ്റവും ആരോഗ്യവാനായ പ്രസിഡന്റ്: മുൻ പ്രസിഡന്റുമാരായ ജോർജ്ജ് ഡബ്ല്യു. ബുഷ്, ബരാക് ഒബാമ എന്നിവരേക്കാൾ ആരോഗ്യവാൻ ട്രംപ് ആണെന്ന് ഡോക്ടർ വിശേഷിപ്പിച്ചതായും അദ്ദേഹം പറഞ്ഞു.കഴിഞ്ഞ കുറച്ച് മാസങ്ങളായി ട്രംപിന്റെ കൈകളിലെ ചതവുകളും കാലിലെ നീരും വലിയ ചർച്ചയായിരുന്നു. പ്രായമായവരിൽ കണ്ടുവരുന്ന ‘ക്രോണിക് വീനസ് ഇൻസഫിഷ്യൻസി’ എന്ന രക്തചംക്രമണ സംബന്ധമായ അസുഖം അദ്ദേഹത്തിനുണ്ടെന്ന് 2025 ജൂലൈയിൽ വൈറ്റ് ഹൗസ് സ്ഥിരീകരിച്ചിരുന്നു. മക്ഡൊണാൾഡ്സ് പോലെയുള്ള ഫാസ്റ്റ് ഫുഡുകളോടും ഡയറ്റ് കോക്കിനോടുമുള്ള ട്രംപിന്റെ താൽപ്പര്യം പ്രശസ്തമാണ്. ട്രംപ്…

ന്യൂയോർക് :അന്താരാഷ്ട്ര തലത്തിലെ രാഷ്ട്രീയ അനിശ്ചിതത്വങ്ങളെത്തുടർന്ന് ക്രിപ്റ്റോ കറൻസി വിപണിയിൽ വൻ ഇടിവ്. ആഴ്ചകളോളം 70,000 ഡോളറിന് മുകളിൽ വ്യാപാരം നടന്നിരുന്ന ബിറ്റ്‌കോയിൻ, പെട്ടെന്നുണ്ടായ വിൽപന സമ്മർദ്ദത്തെത്തുടർന്ന് 68,680 ഡോളറിലേക്ക് താഴ്ന്നു. ഹോർമുസ് കടലിടുക്ക്  ഉപരോധിച്ചാൽ ഇറാന്റെ ഊർജ്ജ നിലയങ്ങൾക്ക് നേരെ ആക്രമണം നടത്തുമെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മുന്നറിയിപ്പാണ് വിപണിയെ പിടിച്ചുലച്ചത്. ഈ പ്രസ്താവന പുറത്തുവന്നതിന് പിന്നാലെ ഡെറിവേറ്റീവ് വിപണിയിൽ ഏകദേശം 279 ദശലക്ഷം ഡോളറിന്റെ നഷ്ടമുണ്ടായി. വലിയ വിലക്കയറ്റം പ്രതീക്ഷിച്ച് നിക്ഷേപം നടത്തിയവർക്കാണ് (Long positions) തിരിച്ചടിയേറ്റത്. ബിറ്റ്‌കോയിൻ 2.4 ശതമാനം ഇടിഞ്ഞപ്പോൾ, എഥീരിയം (Ethereum) ഉൾപ്പെടെയുള്ള മറ്റ് പ്രമുഖ കോയിനുകൾ 3 ശതമാനത്തിലധികം ഇടിവ് രേഖപ്പെടുത്തി. വിപണിയിലെ സാഹചര്യം: നിലവിൽ 68,000 ഡോളറിനും 72,000 ഡോളറിനും ഇടയിലാണ് ബിറ്റ്‌കോയിന്റെ വ്യാപാരം നടക്കുന്നത്. രാഷ്ട്രീയ പ്രസ്താവനകൾ വിപണിയെ പെട്ടെന്ന് ബാധിക്കുന്നുണ്ടെങ്കിലും വലിയ നിക്ഷേപകർ…

ചിക്കാഗോ: മോർട്ടൻ ഗ്രോവ് സെന്റ് മേരീസ് ക്നാനായ കത്തോലിക്ക ദേവാലയത്തിൽ 2026-27 വർഷത്തെ വിമൻസ് മിനിസ്ട്രിയുടെ പ്രവർത്തനോത്ഘാടനവും ഈ വർഷത്തെ വനിതാ ദിനാചരണവും സംയുക്തമായി നടത്തപ്പെട്ടു. മാർച്ച് 22, ഞായറാഴ്ച രാവിലെ പത്തു മണിക്ക് അസിസ്റ്റന്റ് വികാരി ഫാ. അനീഷ് മാവേലിപുത്തൻപുരയിലിന്റെ കാർമ്മികത്വത്തിൽ നടന്ന വിശുദ്ധ കുർബാനക്ക് ശേഷമാണു പ്രവർത്തനോത്ഘാടനം നടത്തിയത്. വികാരി ഫാ. സിജു മുടക്കോടിൽ, ഫാ, അനീഷ് എന്നിവരുടെ പ്രാർത്ഥനയോടെ യോഗം ആരംഭിച്ചു. കോഓർഡിനേറ്റർ ജയ കുളങ്ങര സ്വാഗതം ആശംശിച്ചു. തുടർന്ന് വിമൻസ് മിനിസ്ട്രിയുടെ വരും വർഷങ്ങളിലെ പ്രവർത്തങ്ങൾക്ക് എല്ലാവിധ ആശംസകൾ നേർന്നുകൊണ്ട് ഫാ. സിജു മുടക്കോടിൽ നിലവിളക്ക് കൊളുത്തി പ്രവർത്തനോത്ഘാടനം നടത്തി. വിമൻസ് മിനിസ്ട്രി കോർഡിനേറ്റർസ്, കൂടാരയോഗം കോർഡിനേറ്റർസ്, മെൻസ് മിനിസ്ട്രി കോർഡിനേറ്റർസ്, പാരിഷ് എക്സിക്യൂട്ടീവ്, സി. സിൽവേരിയൂസ് എന്നിവർ തദവസരത്തിൽ സന്നിഹിതരായിരുന്നു. തുടർന്ന് അന്താരാഷ്ട്ര വനിതാദിനത്തോടനുബന്ധിച്ച് യേശുവും സ്ത്രീകളും എന്ന വിഷയത്തെ…

ടെക്സസ് :കൊലക്കേസ് പ്രതിയായ തടവുകാരൻ ടെക്സസ് ജയിലിലിരുന്ന് അന്താരാഷ്ട്ര തലത്തിൽ സൈബർ കുറ്റകൃത്യങ്ങളും കള്ളക്കടത്തും നടത്തിയതായി ഞെട്ടിക്കുന്ന വെളിപ്പെടുത്തൽ. 1992-ൽ കാമുകിയെ കൊലപ്പെടുത്തിയ കേസിൽ ജീവപര്യന്തം ശിക്ഷ അനുഭവിക്കുന്ന വില്യം പാട്രിക് അലക്സാണ്ടർ (55) ആണ് ഈ ഹൈടെക് ക്രിമിനൽ സംഘത്തിന്റെ തലവൻ. ജയിലിൽ തടവുകാർക്ക് നൽകുന്ന ഔദ്യോഗിക ടാബ്‌ലെറ്റുകൾ ഹാക്ക് ചെയ്താണ് ഇയാൾ നിയമവിരുദ്ധ പ്രവർത്തനങ്ങൾ നടത്തിയത്. പുറംലോകവുമായി ബന്ധപ്പെടാനും മറ്റ് സംസ്ഥാനങ്ങളിലെ തടവുകാരുമായി ഹാക്കിംഗ് വിദ്യകൾ പങ്കുവെക്കാനും ഇത് ഉപയോഗിച്ചു. ഹാക്കിംഗിലൂടെ ജയിൽ രേഖകളിൽ തിരിമറി നടത്തി സ്വന്തം മോചനത്തീയതി മാറ്റാൻ പോലും ഇയാൾ ശ്രമിച്ചതായി അന്വേഷണ ഉദ്യോഗസ്ഥർ കണ്ടെത്തി. ജയിലിന് പുറത്തുള്ള രണ്ട് പേരുടെ സഹായത്തോടെയാണ് ഇയാൾ പ്രവർത്തിച്ചിരുന്നത്. സിം കാർഡുകൾ, ഫോണുകൾ, ഹാക്ക് ചെയ്ത ടാബ്‌ലെറ്റുകൾ എന്നിവ എത്തിക്കാൻ ഒരു മുൻ ജയിൽ ജീവനക്കാരനും റുനീൻ സ്മിത്ത് എന്ന സ്ത്രീയും സഹായിച്ചു.…

ഹൂസ്റ്റൺ: സൗത്ത് ഇന്ത്യൻ യു.എസ്. ചേംബർ ഓഫ് കൊമേഴ്‌സിന്റെ (SIUCC) ഈ വർഷത്തെ ആദ്യ കുടുംബസംഗമം കരിക്കൽസ് റാഞ്ചിൽ വെച്ച് ആവേശകരമായി നടന്നു. സംഘടനയുടെ ഡയറക്ടർ ബോർഡ് അംഗങ്ങളും അവരുടെ കുടുംബാംഗങ്ങളും പങ്കെടുത്ത ചടങ്ങിൽ സ്നേഹബന്ധങ്ങൾ പുതുക്കുന്നതിനും ഭാവി പ്രവർത്തനങ്ങൾ ചർച്ച ചെയ്യുന്നതിനുമുള്ള വേദിയായി ഈ ഒത്തുചേരൽ മാറി. സെക്രട്ടറി ബ്രൂസ് കൊളംബേൽ, ട്രഷറർ സണ്ണി കരിക്കൽ എന്നിവർ പരിപാടികൾക്ക് നേതൃത്വം നൽകി. എക്സിക്യൂട്ടീവ് കമ്മിറ്റിയുടെയും ഡയറക്ടർ ബോർഡിന്റെയും പൂർണ്ണ പിന്തുണയോടെ നടന്ന ചടങ്ങിൽ വിവിധ വിനോദപരിപാടികളും വിഭവസമൃദ്ധമായ ഭക്ഷണവും ഒരുക്കിയിരുന്നു. കുടുംബസംഗമത്തോടനുബന്ധിച്ച് നടന്ന ബോർഡ് ഓഫ് ഡയറക്ടേഴ്സ് യോഗത്തിൽ സംഘടനയുടെ നിലവിലെ പ്രവർത്തനങ്ങളും ഭാവി വളർച്ചയ്ക്കായുള്ള തന്ത്രപ്രധാനമായ പദ്ധതികളും ചർച്ച ചെയ്തു. പരിപാടിയുടെ ഭാഗമായുള്ള ഭക്ഷണക്രമീകരണങ്ങൾക്കും ബാർബിക്യൂവിനും ജിജി ഒലിക്കൻ, മോൻസി വർഗീസ്, രഞ്ജിത കൊളംബേൽ, വിജി തോമസ് എന്നിവർ നേതൃത്വം നൽകി. കഴിഞ്ഞ 15…

ഗാർലൻഡ് (ഡാളസ്): കേരള അസോസിയേഷൻ ഓഫ് ഡാളസും (KAD) ഇന്ത്യ കൾച്ചറൽ ആൻഡ് എഡ്യൂക്കേഷൻ സെന്ററും (IC&EC) സംയുക്തമായി സംഘടിപ്പിച്ച നിയമബോധവൽക്കരണ സെമിനാർ പ്രവാസി മലയാളി സമൂഹത്തിന് പുത്തൻ അറിവുകൾ പകർന്നുനൽകി. മാർച്ച് 22 ഞായറാഴ്ച വൈകുന്നേരം 3:30-ന് ഗാർലൻഡിലെ ഐ.സി.സി ബാങ്ക്വറ്റ് ഹാളിൽ വെച്ചായിരുന്നു പരിപാടി നടന്നത്. ‘നിയമ അവബോധവും കുടുംബ മൂല്യങ്ങളും’ എന്ന വിഷയത്തിലൂന്നിയായിരുന്നു സെമിനാർ. അമേരിക്കയിലെ സങ്കീർണ്ണമായ നിയമവ്യവസ്ഥകളെക്കുറിച്ച് സാധാരണക്കാർക്കിടയിൽ കൃത്യമായ ധാരണയുണ്ടാക്കുക എന്ന ലക്ഷ്യത്തോടെയാണ് ഈ പരിപാടി സംഘടിപ്പിച്ചത്. പ്രമുഖ അഭിഭാഷകരായ സൗമ്യ ജോർജ്, മെലിസ റോയ് എന്നിവർ സെമിനാറിന് നേതൃത്വം നൽകി. അപകടങ്ങൾ സംഭവിക്കുമ്പോൾ പാലിക്കേണ്ട നിയമനടപടികളെക്കുറിച്ചും വ്യക്തിഗത അവകാശങ്ങളെക്കുറിച്ചും അറ്റോർണി  സൗമ്യ ജോർജ് വിശദീകരിച്ചു .ട്രസ്റ്റുകൾ എന്നിവയുടെ പ്രാധാന്യത്തെക്കുറിച്ചും ഭാവി തലമുറയ്ക്കായി സ്വത്തുക്കൾ സുരക്ഷിതമായി കൈമാറുന്ന രീതികളെക്കുറിച്ചും അറ്റോർണി  മെലിസ റോയ് ക്ലാസ്സുകൾ എടുത്തു.കുടുംബങ്ങളുടെ സാമ്പത്തികവും നിയമപരവുമായ ഭാവി…