Oct 15, 2026 - Malayalam Daily News

ഇന്നത്തെ രാശിഫലം (15-10-2026 ബുധൻ)

Oct 15, 2026 .

ചിങ്ങം: തൊഴിൽമേഖലയിൽ സമ്മർദ്ദം കൂടാൻ സാധ്യതയുണ്ട്. വലിയ കമ്പനികളിൽ ജോലി ചെയ്യുന്നവർക്ക്‌ അവരുടെ സൂപ്പർവൈസർമാരെ തൃപ്തിപ്പെടുത്തേണ്ടി വരും. അത് ഒഴിച്ചാൽ ഇന്ന് നല്ല ദിവസമായിരിക്കും. വീട്ടമ്മമാർ ഇന്ന് ലൗകികമായ കാര്യങ്ങളിൽ ശ്രദ്ധിക്കും. സാമ്പത്തിക നേട്ടത്തിനും യാത്രക്കും സാധ്യത കാണുന്നു. കന്നി: ദിവസം മുഴുവന്‍ ഉത്സാഹവും ഉന്മേഷവും ഉണ്ടാകും. അപ്രതീക്ഷിത വിരുന്നുകാർ ഉണ്ടാകും. പരീക്ഷ എഴുതുന്ന കുട്ടികൾക്ക് ഇന്ന് ഇരട്ടി അത്മവിശ്വാസം തോന്നിപ്പിക്കും. പ്രിയപ്പെട്ടവരോടൊപ്പം സന്തോഷപൂര്‍വം സമയം ചെലവിടും. തുലാം : ഇന്ന് നിങ്ങൾക്കൊരു സമ്മിശ്ര ദിവസമായിരിക്കും. കുടുംബത്തിൽ സമാധാനം ഉണ്ടാകും. ജോലി സ്ഥലത്ത് സഹപ്രവര്‍ത്തകരുമായുള്ള വാക്ക് തർക്കമുണ്ടായേക്കാം.നിങ്ങളുടെ കാഴ്‌ചപ്പാടുകളുമായി ഒത്തിണങ്ങി പോകുന്നവരെ ഇന്ന് കണ്ടെത്തും. വൃശ്ചികം: സന്തോഷത്തോടെ ഈ ദിവസം ചെലവഴിക്കാന്‍ ശ്രമിക്കുക. ഇന്ന് നിങ്ങളുടെ ആരോഗ്യം മെച്ചപ്പെട്ടതായിരിക്കും. കുടുംബത്തില്‍ നിന്നും സുഹൃത്തുക്കളില്‍ നിന്നും സന്തോഷ വാര്‍ത്ത വന്നെത്തും. ഇന്ന് നിങ്ങളുടെ പ്രണയം പൂവണിയും. ധനു: ഒരു…

അങ്കിത ഭണ്ഡാരി കൊലപാതകക്കേസ്: മാതാപിതാക്കളെ കസ്റ്റഡിയിലെടുത്ത് വിട്ടയച്ച് ഡൽഹി പോലീസ്; ദുഷ്യന്ത് ഗൗതമിന്റെ ഗവർണർ നിയമനത്തിനെതിരെ പ്രതിഷേധം ശക്തം

Oct 15, 2026 .

ന്യൂഡൽഹി: അങ്കിത ഭണ്ഡാരി കൊലപാതകക്കേസിൽ നീതി ആവശ്യപ്പെട്ട് ഡൽഹിയിൽ നടക്കുന്ന പ്രതിഷേധം ശക്തമാകുന്നു. ഇന്ത്യാ ഗേറ്റിൽ പ്രതിഷേധിച്ച അങ്കിതയുടെ മാതാപിതാക്കളെ ഡൽഹി പോലീസ് കസ്റ്റഡിയിലെടുത്തെങ്കിലും അൽപ്പസമയത്തിനകം വിട്ടയച്ചു. ബിജെപി നേതാവ് ദുഷ്യന്ത് ഗൗതമിനെ സിക്കിം ഗവർണറായി നിയമിക്കാനുള്ള തീരുമാനത്തിനെതിരെയാണ് കുടുംബം പ്രതിഷേധിക്കുന്നത്. സംഭവത്തിൽ ഡൽഹി പോലീസിന്റെയും കേന്ദ്ര സർക്കാരിന്റെയും നടപടികളെ ചോദ്യം ചെയ്ത് കോൺഗ്രസും രംഗത്തെത്തി. ബുധനാഴ്ച ഇന്ത്യാ ഗേറ്റിലെ പ്രതിഷേധവേദിയിലെത്തിയ കോൺഗ്രസ് നേതാക്കളായ രാഹുൽ ഗാന്ധിയും പ്രിയങ്ക ഗാന്ധി വധേരയും അങ്കിതയുടെ മാതാപിതാക്കളുമായി കൂടിക്കാഴ്ച നടത്തി. മകൾക്ക് നീതി ലഭിക്കുന്നതുവരെ കുടുംബത്തിനൊപ്പം നിലകൊള്ളുമെന്നും നിയമപോരാട്ടത്തിന് പിന്തുണ നൽകുമെന്നും നേതാക്കൾ ഉറപ്പുനൽകി. ദുഷ്യന്ത് ഗൗതമിന്റെ ഗവർണർ നിയമനം റദ്ദാക്കണമെന്ന ആവശ്യത്തിൽ ഉറച്ചുനിൽക്കുകയാണ് അങ്കിതയുടെ മാതാപിതാക്കൾ. വിഷയത്തിൽ തീരുമാനമെടുക്കാൻ കേന്ദ്ര സർക്കാരിന് 24 മണിക്കൂർ സമയപരിധിയും കുടുംബം നൽകിയിട്ടുണ്ട്. ഇന്ത്യാ ഗേറ്റിൽ സമാധാനപരമായി പ്രതിഷേധിക്കാൻ അനുമതി നിഷേധിച്ചാൽ വീട്ടിൽ…

ജർമ്മനിയിൽ അപ്പാർട്മെന്റിനെ തീപിടിത്തം: മൂന്ന് മലയാളികൾ മരിച്ചു; അഞ്ചുപേർക്ക് പരിക്ക്

Oct 15, 2026 പ്രസാദ് തീയാടിക്കൽ

ബർലിൻ: ജർമ്മനിയിലെ ബോഹും നഗരത്തിലുണ്ടായ തീപിടിത്തത്തിൽ രണ്ട് യുവതികളടക്കം മൂന്ന് മലയാളികൾ മരിച്ചു. ഇടുക്കി ഇരട്ടയാർ ശാന്തിഗ്രാം സ്വദേശി നോവ സാബു (23), കൊല്ലം ചെമ്മക്കാട് സ്വദേശിനി അഞ്ജലി ഷീല ജോയ് (27), കാലടി സ്വദേശി സ്റ്റീൻ ജോണി (26) എന്നിവരാണ് മരിച്ചത്. സംഭവത്തിൽ അഞ്ചുപേർക്ക് പരിക്കേറ്റു. ഇതേ കെട്ടിടത്തിൽ താമസിച്ചിരുന്ന 41 വയസ്സുള്ള റൊമാനിയൻ പൗരനെ പൊലീസ് അറസ്റ്റ് ചെയ്തു. ബോഹുമിലെ ഹോഫ്‌സ്റ്റഡെ മേഖലയിലെ ബഹുനില പാർപ്പിട കെട്ടിടത്തിൽ ചൊവ്വാഴ്ച പുലർച്ചെയാണ് തീപിടിത്തമുണ്ടായത്. രണ്ടാം നിലയിലെ അപ്പാർട്ട്മെന്റിലാണ് മൂന്ന് മലയാളികളെയും അഗ്നിശമനസേനാംഗങ്ങൾ മരിച്ചനിലയിൽ കണ്ടെത്തിയത്. പുക ശ്വസിച്ച് പരിക്കേറ്റ അഞ്ചുപേരെ ബോഹുമിലെ വിവിധ ആശുപത്രികളിൽ പ്രവേശിപ്പിച്ചു. ഇവരുടെ പൗരത്വം സ്ഥിരീകരിച്ചിട്ടില്ല. കോണിപ്പടിയിലൂടെ തീ അതിവേഗം മുകളിലത്തെ നിലകളിലേക്ക് പടർന്നത് രക്ഷാപ്രവർത്തനത്തിന് തടസ്സമായി. ഇതോടെ അപ്പാർട്ട്മെന്റുകളിൽ പ്രവേശിക്കാനും മുകളിലത്തെ നിലകളിലെ താമസക്കാരുടെ അടുത്തെത്താനും അഗ്നിശമനസേനയ്ക്ക് ബുദ്ധിമുട്ട് നേരിട്ടു. കട്ടപ്പന…

ഇലോൺ മസ്കിന്റെ സംശയങ്ങളും ഇന്ത്യയുടെ പരമാധികാരവും (എഡിറ്റോറിയല്‍‌)

Oct 15, 2026Oct 14, 2026 .

ലോകത്തിലെ ഏറ്റവും വലിയ ടെലികമ്മ്യൂണിക്കേഷൻ വിപണികളിലൊന്നായ ഇന്ത്യയിൽ സാറ്റലൈറ്റ് ഇന്റർനെറ്റ് സേവനം ആരംഭിക്കാനുള്ള ഇലോൺ മസ്കിന്റെ സ്റ്റാർലിങ്ക് പദ്ധതിയെ ചുറ്റിപ്പറ്റി ഉയരുന്ന സംശയങ്ങളും വിവാദങ്ങളും കേവലം വാണിജ്യ മത്സരത്തിന്റെ പരിധിയിൽ ഒതുങ്ങുന്നതല്ല. രാജ്യത്തിന്റെ ഡിജിറ്റൽ പരമാധികാരം, ആഭ്യന്തര സുരക്ഷ, വിദേശ സാങ്കേതിക കമ്പനികളുടെ നിയന്ത്രണം, ഭൗമരാഷ്ട്രീയ താൽപ്പര്യങ്ങൾ തുടങ്ങിയ ഗൗരവമേറിയ വിഷയങ്ങളിലേക്കാണ് ഈ വിവാദം വിരൽചൂണ്ടുന്നത്. തന്റെ ഉടമസ്ഥതയിലുള്ള സ്‌പേസ് എക്‌സിന്റെ സ്റ്റാർലിങ്ക് സേവനത്തിന് ഇന്ത്യയിൽ നേരിടേണ്ടിവരുന്ന തടസ്സങ്ങൾക്ക് പിന്നിൽ രാജ്യത്തെ വൻകിട വ്യവസായ താൽപ്പര്യങ്ങളാണെന്ന സംശയമാണ് ഇലോൺ മസ്ക് ഉയർത്തുന്നതായി പറയപ്പെടുന്നത്. റിലയൻസ് ജിയോയുടെ മുകേഷ് അംബാനിയും ഭാരതി എയർടെല്ലിന്റെ സുനിൽ ഭാരതി മിത്തലുമാണ് ഈ സംശയങ്ങളുടെ കേന്ദ്ര സ്ഥാനത്ത്. ഇന്ത്യൻ ടെലികമ്മ്യൂണിക്കേഷൻ, ബ്രോഡ്‌ബാൻഡ് വിപണികളിൽ ഈ കമ്പനികൾക്കുള്ള ശക്തമായ സ്വാധീനം പരിഗണിക്കുമ്പോൾ, വിപണിയിലെ മത്സരവും വ്യവസായ താൽപ്പര്യങ്ങളും സംബന്ധിച്ച ചോദ്യങ്ങൾ സ്വാഭാവികമാണ്. എന്നാൽ, സംശയങ്ങൾ…