Category: MIDDLE EAST/GULF

  കുവൈറ്റ് സിറ്റി: കുവൈത്തില്‍ മേയ് ഒന്ന് ഞായര്‍ മുതല്‍ നാല് ബുധന്‍ വരെ ബാങ്ക് അവധിയായിരിക്കുമെന്ന് ബാങ്കിങ് അസോസിയേഷന്‍ അറിയിച്ചു. എന്നാല്‍, പെരുന്നാളിനോടനുബന്ധിച്ചുള്ള മേയ് അഞ്ച് വ്യാഴാഴ്ച എല്ലാ ബാങ്കുകളുടെയും ഹെഡ് ഓഫിസുകള്‍ പ്രവര്‍ത്തിക്കും. രാജ്യത്തെ ആറു ഗവര്‍ണറേറ്റുകളിലെയും പ്രധാന ബ്രാഞ്ചുകള്‍ വഴിയും മേയ് അഞ്ചിന് പൊതുജനങ്ങള്‍ക്ക് ബാങ്കിങ് സേവനങ്ങള്‍ നടത്താം. മേയ് എട്ട് ഞായറാഴ്ച മുതലാണ് എല്ലാ ബ്രാഞ്ചുകളും സാധാരണ രീതിയില്‍ പ്രവര്‍ത്തിച്ചുതുടങ്ങുകയെന്നും ബാങ്കിങ് അസോസിയേഷന്‍ വക്താവ് ശൈഖ് അല്‍ ഈസ അറിയിച്ചു. സലിം കോട്ടയില്‍  

കുവൈറ്റ് സിറ്റി : കുവൈത്തിലെ മുന്‍ മാധ്യമ പ്രവര്‍ത്തകന്‍ കൂടിയേടത്ത് രാമചന്ദ്രന്‍ (റാംജി,61) അന്തരിച്ചു.ഹൃദയാഘാതത്തെത്തുടര്‍ന്ന് നാട്ടില്‍ ചികിത്സയിലായിരുന്നു. കുവൈത്തിലെ മലയാളി മാധ്യമ പ്രവര്‍ത്തകരുടെ കൂട്ടായ്മയായ മലയാളി മീഡിയ ഫോറം സ്ഥാപക ജനറല്‍ കണ്‍വീനര്‍ ആയിരുന്ന അദ്ദേഹം. പത്തു വര്‍ഷം മുമ്പാണു നാട്ടിലേക്ക് മടങ്ങിയത്. ഏഷ്യാനെറ്റ്, റിപ്പോര്‍ട്ടര്‍ ടി. വി. എന്നീ മാധ്യമങ്ങളുടെ കുവൈത്ത് പ്രതിനിധിയായും പ്രവര്‍ത്തിച്ച റാം കുവൈത്ത് എയര്‍ വെയ്‌സില്‍ എഞ്ചിനീയര്‍ ആയിരുന്നു.ഭാര്യ ഉഷ. മക്കള്‍ ദേവിക, വിനായക് . പ്രസന്ന ഏക സഹോദരിയാണ്. സലിം കോട്ടയില്‍  

കൊല്ലം പ്രവാസി അസോസിയേഷന്റെ ഇഫ്താര്‍ സംഗമം ജനപങ്കാളിത്തം കൊണ്ട് ശ്രദ്ധേയമായി. കെസിഎ ഹാളില്‍ നടന്ന ഇഫ്താര്‍ സംഗമത്തില്‍ കേരളീയ സമാജം പ്രസിഡന്‍റ് പി.വി. രാധാകൃഷ്ണപിള്ള, ഇന്ത്യന്‍ സ്കൂള്‍ ചെയര്‍മാനും കെപിഎ രക്ഷാധികാരിയുമായ പ്രിന്‍സ് നടരാജന്‍, കെസിഎ പ്രസിഡന്‍റ് റോയ് മാത്യു എന്നിവര്‍ ആശംസകള്‍ അര്‍പ്പിച്ചു സംസാരിച്ചു. ഫ്രണ്ട്സ് സോഷ്യല്‍ അസോസിയേഷന്‍ പ്രസിഡന്‍റ് സഈദ് റമദാന്‍ നദവി റമദാന്‍ സന്ദേശം നല്‍കി. ബഹ്റൈനിലെ സാമൂഹിക സാംസ്കാരിക രാഷ്ട്രീയ മാധ്യമ രംഗത്തെ പ്രമുഖം പങ്കെടുത്തു. നേരത്തെ കെപിഎ വൈസ് പ്രസിഡന്‍റ് വിനു ക്രിസ്റ്റി സ്വാഗതം ചെയ്ത സംഗമത്തില്‍ കെപിഎ പ്രസിഡന്‍റ് നിസാര്‍ കൊല്ലം അധ്യക്ഷത വഹിച്ചു. സംഗമത്തിന് സെക്രട്ടറി കിഷോര്‍ കുമാര്‍ നന്ദി രേഖപ്പെടുത്തി. സെക്രട്ടറിയറ്റ് അംഗം രാജ് കൃഷ്ണൻ, സെന്‍ട്രല്‍ കമ്മിറ്റി അംഗങ്ങളായ സന്തോഷ്‌ കാവനാട്, അനോജ് മാസ്റ്റർ, മനോജ്‌ ജമാൽ, നിഹാസ് പള്ളിക്കൽ, കോയിവിള മുഹമ്മദ്‌ കുഞ്ഞ്,…

ദുബായ് : നമ്പര്‍ പ്‌ളേറ്റുകളില്‍ വെള്ള പെയിന്റ് അടിച്ച കാറുകള്‍ ദുബായ് നിരത്തില്‍ ഓടിത്തുടങ്ങി. നമ്പര്‍ ഇല്ലാതെ വാഹനങ്ങള്‍ ഓടിക്കുന്നത് നിയമവിരുദ്ധമാണെങ്കിലും ഈ വാഹനങ്ങള്‍ ദുബായ് നിരത്തുകളിലൂടെ ഓടുന്നത് ഒരു സന്ദേശം നല്‍കാനാണെന്ന് ദുബായ് മീഡിയ റിപ്പോര്‍ട്ട് ചെയ്തു. നമ്പര്‍ പ്ലേറ്റില്‍ നമ്പറുകള്‍ ഇല്ലാത്ത വാഹനങ്ങള്‍ ദുബായ് നിരത്തുകളിലൂടെ ഓടുന്നത് കണ്ടു അമ്പരക്കുന്ന യാത്രക്കാരുടെ എണ്ണം വര്‍ധിക്കുകയാണ്. ഭക്ഷണം ഇല്ലാത്ത ഒഴിഞ്ഞ പാത്രത്തെ അനുസ്മരിപ്പിക്കാനാണ് നമ്പറുകള്‍ ഇല്ലാതെ ഒഴിഞ്ഞ നമ്പര്‍ പ്‌ളേറ്റുകള്‍ ഘടിപ്പിച്ച വാഹനങ്ങള്‍ ദുബായിലൂടെ കറങ്ങുന്നത്. ദുബായ് പ്രഖ്യാപിച്ച് വണ്‍ ബില്യണ്‍ മീല്‍സ് എന്ന അതിബ്രഹുത്തായ ജീവകാരുണ്യ പദ്ധതിയിലേക്ക് പൊതുജനങ്ങളുടെ ശ്രദ്ധയാകര്‍ഷിക്കുന്നതിനാണ് എംപ്റ്റി പ്‌ളേറ്റ്‌സ് എന്ന ആശയത്തെ അവതരിപ്പിച്ച് വാഹനങ്ങള്‍ ദൃശ്യമാകുന്നത്. മോസ്റ്റ് നോബിള്‍ നമ്പര്‍ എന്ന ജീവകാരുണ്യ ലേലത്തില്‍ പങ്കെടുത്ത് കാറുകള്‍ക്കും മൊബൈലുകള്‍ക്കും പ്രത്യേകതയുള്ള നമ്പറുകള്‍ കരസ്ഥമാക്കി വണ്‍ ബില്യണ്‍ മീല്‍സ് പദ്ധതിയില്‍ പങ്കു…

അബുദാബി : യുഎഇ ആസ്ഥാനമായുള്ള ബാങ്ക് മുഖേന നല്‍കുന്ന ചെക്ക് മടങ്ങാന്‍ എത്രത്തോളം സാധ്യതയുണ്ടെന്നു മനസിലാക്കാന്‍ കഴിയുന്ന വെബ് പോര്‍ട്ടലിനു തുടക്കമായി. അല്‍ എത്തിഹാദ് ക്രെഡിറ്റ് ബ്യൂറോ ആണ് പുതിയ സംവിധാനം ഒരുക്കിയിരിക്കുന്നത്. യുഎഇ യിലെ ബിസിനസുകള്‍ക്കും വ്യക്തികള്‍ക്കും ഏറെ പ്രയോജനം ചെയ്യുന്ന വെബ് പോര്‍ട്ടലിനാണ് അല്‍ എത്തിഹാദ് ക്രെഡിറ്റ് ബ്യൂറോ തുടക്കം കുറിച്ചിരിക്കുന്നത്. ചെക്ക് സ്‌കോറിനായി ആരംഭിച്ച വെബ് പോര്‍ട്ടലില്‍ പരിശോധിച്ചാല്‍ ലഭിച്ച ചെക്ക് മടങ്ങാന്‍ എത്രമാത്രം സാധ്യതയുണ്ട് എന്ന് അറിയാന്‍ കഴിയും. മാസങ്ങളോളം നടത്തിയ സമഗ്രമായ പരിശോധനകള്‍ക്കു ശേഷമാണ് ചെക്ക് സ്‌കോര്‍ നടപ്പിലാക്കുന്നത്. ട്രയല്‍ കാലയളവില്‍, മൊത്തം 788 ദശലക്ഷം ദിര്‍ഹം മൂല്യമുള്ള 11,000-ത്തിലധികം ചെക്കുകള്‍ ആപ്ലിക്കേഷന്‍ വഴി സ്‌കാന്‍ ചെയ്തു. ആരംഭിച്ചതിനു ശേഷം ചെക്ക്സ്‌കോറിന്റെ മൊബൈല്‍ ആപ്പ് ഡൗണ്‍ലോഡുകള്‍ ഒരു മാസത്തിനുള്ളില്‍ 21,532 ആയി ഉയര്‍ന്നു. ഒരു ഉപയോക്താവ് ചെക്ക് സ്‌കോര്‍ രജിസ്റ്റര്‍…

അബുദാബി: പ്രഫഷണലുകള്‍, നിക്ഷേപകര്‍, സംരംഭകര്‍ ഫ്രീലാന്‍സര്‍മാര്‍ തുടങ്ങിയവര്‍ക്കായി ഗ്രീന്‍ വീസകള്‍ യുഎഇ പ്രഖ്യാപിച്ചു. അഞ്ചു വര്‍ഷമാണ് ഇതിന്റെ കാലാവധി. സ്‌പോണ്‍സറോ തൊഴിലുടമകളോ ആവശ്യമില്ലെന്നതാണ് ഇതിന്റെ പ്രത്യേകത. അപേക്ഷകര്‍ക്ക് സാധുതയുള്ള തൊഴില്‍ കരാര്‍ വേണം. വീസ റദ്ദാവുകയോ കാലാവധി കഴിയുകയോ ചെയ്താലും ആറു മാസം കൂടി രാജ്യത്ത് തങ്ങാവുന്ന തരത്തില്‍ ഗ്രേസ് പീരീഡ് ലഭിക്കുമെന്നതാണ് ഇതിന്റെ പ്രധാന ആകര്‍ഷണം. പുതിയ അറിയിപ്പു പ്രകാരം സ്വയം തൊഴിലുകളില്‍ ഏര്‍പ്പെടുന്നവര്‍ക്കും ഫ്രീലാന്‍സര്‍മാര്‍ക്കും അഞ്ചു വര്‍ഷം കാലാവധിയുള്ള സ്‌പോണ്‍സര്‍ ആവശ്യമില്ലാത്ത വീസകള്‍ ലഭിക്കും. ഇതിനായി മാനവവിഭവശേഷി – സ്വദേശിവത്കരണ മന്ത്രാലയത്തില്‍ നിന്നുള്ള ഫ്രീലാന്‍സ് അല്ലെങ്കില്‍ സെല്‍ഫ് എംപ്ലോയ്‌മെന്റ് പെര്‍മിറ്റ് ആവശ്യമാണ്. ബിരുദമോ അല്ലെങ്കില്‍ സ്‌പെഷലൈസ്ഡ് ഡിപ്ലോമയോ ആണ് കുറഞ്ഞ വിദ്യാഭ്യാസ യോഗ്യത. കഴിഞ്ഞ രണ്ടു വര്‍ഷം ഫ്രീലാന്‍സ് മേഖലയില്‍ നിന്നുള്ള വാര്‍ഷിക വരുമാനം 3,60,000 ദിര്‍ഹത്തിനു മുകളിലായിരിക്കണം. യുഎഇയില്‍ വ്യവസായ പ്രവര്‍ത്തനങ്ങള്‍ തുടങ്ങാനോ…

ദോഹ: ദോഹയിലെ കതാറ ആംഫി തിയറ്ററില്‍ നടക്കുന്ന റമദാന്‍ സംഗമത്തില്‍ കേരളത്തില്‍ നിന്നുള്ള യുവ പണ്ഡിതനും പ്രഭാഷകനുമായ ഡോ. അബ്ദുല്‍ വാസിഅ് ധര്‍മഗിരി സംസാരിക്കും. ഏപ്രില്‍ 21 വ്യാഴാഴ്ച രാത്രി 9.30 ന് ആരംഭിക്കുന്ന സംഗമത്തില്‍ കുടുംബ സമേതം പ്രവേശനം അനുവദിക്കും. ഖത്തര്‍ ഇസ് ലാമിക കാര്യ (ഔഖാഫ്) മന്ത്രാലയത്തിന് കീഴിലെ ബിന്‍ സായിദ് കള്‍ച്ചറല്‍ സെന്റര്‍ സംഘടിപ്പിക്കുന്ന പരിപാടിയില്‍ ഇതാദ്യമായാണ് ഒരു മലയാളിക്ക് ഖത്തറിന്റെ സാംസ്‌കാരിക തലസ്ഥാനമായ കതാറയിലെ ആംഫി തിയേറ്ററില്‍ ആയിരങ്ങളെ അഭിസംബോധന ചെയ്യാന്‍ അവസരം ലഭിക്കുന്നത്. രാജ്യത്തെ ഏറ്റവും വലിയ പ്രവാസി സമൂഹം എന്ന നിലയില്‍ കൂടിയാണ് ഈ ക്ഷണം. മലേഷ്യയിലെ ഇസ് ലാമിക് യൂണിവേഴ്‌സിറ്റിയില്‍ നിന്ന് ഇസ് ലാമിക് ജൂറിസ്പ്രഡന്‍സില്‍ ഗവേഷണ ബിരുദം നേടിയ ഡോ.വാസിഅ് കേരള ഇസ് ലാമിക പണ്ഡിത സഭാംഗവും ദോഹ കേന്ദ്രമായ സെന്റര്‍ ഫോര്‍ സ്റ്റഡി &…

റിയാദ്: ഹജ്ജ് ക്വാട്ടയില്‍ ഇന്ത്യയില്‍ നിന്ന് ഈ വര്‍ഷം 79,237 തീര്‍ഥാടകര്‍ക്ക് അവസരം ലഭിച്ചു. സൗദി ഹജ്ജ് മന്ത്രാലയത്തില്‍ നിന്ന് ഇന്ത്യന്‍ ഹജ്ജ് മിഷന് ലഭിച്ചതാണ് വിവരം. എന്നാല്‍ ഇക്കാര്യം ഇന്ത്യന്‍ ഹജ്ജ് മിഷന്‍ ഔദ്യോഗികമായി അറിയിച്ചിട്ടില്ല. ഇതനുസരിച്ച് അപേക്ഷിച്ച മുഴുവന്‍ പേര്‍ക്കും അവസരം ലഭിക്കുമെന്നാണ് പ്രതീക്ഷിക്കുന്നത്. രാജ്യത്തിനു അകത്തു നിന്നും പുറത്തു നിന്നുമായി ഈ വര്‍ഷം 10 ലക്ഷം തീര്‍ഥടകര്‍ക്ക് ഹജ്ജിന് അവസരമുണ്ടാകും. എട്ടര ലക്ഷം തീര്‍ഥാടകരും വിദേശ രാജ്യങ്ങളില്‍ നിന്നായിരിക്കുമെന്നും മന്ത്രാലയം നേരത്തെ അറിയിച്ചിരുന്നു.  

അബുദാബി: കെട്ടിടങ്ങളുടെ വാടക നിരക്കില്‍ അബുദാബിയില്‍ വന്‍ വര്‍ധനവ്. 20 മുതല്‍ 35 ശതമാനം വരെയാണ് വര്‍ധനവുണ്ടായിരിക്കുന്നത്. ഫ്ലാറ്റുകള്‍ക്കും വില്ലകള്‍ക്കും ആവശ്യക്കാരേറിയതാണ് നിരക്ക് വര്‍ധനയ്ക്കുള്ള പ്രധാന കാരണം. താമസക്കാര്‍ക്കുള്ള ഇടങ്ങളില്‍ ഫ്ലാറ്റുകള്‍ക്കും കടമുറികള്‍ക്കുമാണ് ഡിമാന്റ്. അബുദാബി കോര്‍ണിഷ് ഏരിയയിലെ ശരാശരി വാടക 7.2 ശതമാനം ഉയര്‍ന്നതായിട്ടാണ് കണക്കുകള്‍ സൂചിപ്പിക്കുന്നത്. കുടുംബങ്ങള്‍ കൂടുതലായി ആശ്രയിക്കുന്ന മുസഫ മേഖലയില്‍, നിലവില്‍ താമസിക്കുന്നവര്‍ക്ക് കരാര്‍ പുതുക്കുമ്പോള്‍ വാടക കുറച്ചു നല്‍കാന്‍ ഫ്ലാറ്റ് ഉടമകള്‍ തയാറാവാത്തതും പ്രതിസന്ധി മൂര്‍ച്ഛിച്ചിരിക്കുകയാണ്.