Category: MIDDLE EAST/GULF

ദോഹ: മധ്യ പൗരസ്ത്യ മേഖലയില്‍ ആദ്യമായി നടക്കാനിരിക്കുന്ന ഫിഫ ലോക കപ്പിനായി ഖത്തര്‍ ഒരുങ്ങുമ്പോള്‍ ലോകത്തിന്റെ വിവിധ ഭാഗങ്ങളില്‍ നിന്നായി 15 ലക്ഷത്തോളം സന്ദര്‍ശകര്‍ രാജ്യത്തെത്തുമെന്നാണ് പ്രതീക്ഷിക്കുന്നത്. ഖത്തറിലെത്തുന്ന ടൂറിസ്റ്റുകളെ സഹായിക്കുന്ന ചില ബജറ്റ് സൗഹൃദ റെസ്റ്റോറന്റുകളുടെ ലിസ്റ്റ് ഖത്തര്‍ ടൂറിസം പ്രസിദ്ധീകരിച്ചു. പ്രാതലും ഉച്ചഭക്ഷണവും അത്താഴവും കൂടാതെ പ്രാദേശിക ചായയും ‘ഖഹ്വ’ കാപ്പിയും അധികം പണം നല്‍കാതെ കഴിക്കാവുന്ന സ്ഥലങ്ങളാണ് ഖത്തര്‍ ടൂറിസം നിര്‍ദേശിച്ചിരിക്കുന്നത്.ഖത്തറിലെത്തുന്ന സന്ദര്‍ശകര്‍ക്കായി ഖത്തര്‍ ടൂറിസം പ്രസിദ്ധീകരിച്ച ബജറ്റ് സൗഹൃദ റെസ്റ്റോറന്റ് ലിസ്റ്റില്‍ പ്രമുഖ മലയാളി സംരംഭമായ ടീ ടൈമും സ്ഥാനം പിടിച്ചിട്ടുണ്ട്. രാജ്യത്തിന്റെ വിവിധ ഭാഗങ്ങളിലായി അമ്പതിലധികം ശാഖകളുള്ള ടീ ടൈം ആഴ്ചയില്‍ 7 ദിവസവും 24 മണി ക്കൂറും പ്രവര്‍ത്തിക്കും. വിവിധ തരം ചായകളും കോഫികളും കൂടാതെ നൂറ് കണക്കിന് ജ്യൂസുകളും സാന്റ്‌വിച്ചുകളുമൊക്കെ ടീം ടൈമിന്റെ പ്രത്യേകതകളാണ് . സ്വദേശികള്‍ക്കും…

റിയാദ് : ലോക പൈതൃക ദിനത്തോടനുബന്ധിച്ച് റിയാദിലെ കിംഗ് അബ്ദുൽ അസീസ് പബ്ലിക് ലൈബ്രറി വ്യാഴാഴ്ച അപൂർവ വിശുദ്ധ ഖുർആനിന്റെ പ്രദർശനം ആരംഭിച്ചതായി സൗദി പ്രസ് ഏജൻസി (എസ്‌പി‌എ) റിപ്പോർട്ട് ചെയ്തു. അറബ്, ഇസ്‌ലാമിക പൈതൃകങ്ങൾ പരിചയപ്പെടുത്തുന്നതിനുള്ള സംഭാവന എന്ന നിലയിലാണ് ലൈബ്രറി പ്രദർശനം നടത്തിയത്. 267 ഖുർആനുകളും 20 വിലപിടിപ്പുള്ള മ്യൂസിയം കോപ്പികളും അടങ്ങുന്ന വിശുദ്ധ ഖുർആനിന്റെ ശേഖരങ്ങളാണ് ലൈബ്രറി സ്വന്തമാക്കുന്നത്. വിവിധ പുഷ്പ അലങ്കാരങ്ങളോടുകൂടിയ ഇന്ത്യൻ ഖുർആനുകളുടെ വിലപ്പെട്ട ശേഖരങ്ങളും മനോഹരമായ ചൈനീസ്, കാശ്മീരി, മംലൂക്ക് നിർമ്മാണ സാമ്പിളുകളും ലൈബ്രറി പ്രദർശിപ്പിച്ചിരുന്നു. ഗലീലി (കുഫിക്), നാസ്ഖ്, തുളുത്ത്, റ്റിംബക്റ്റു, ലേറ്റ് സുഡാനീസ് തുടങ്ങിയ വ്യത്യസ്ത ഫോണ്ടുകളും ലെവന്റ്, ഇറാഖ്, ഈജിപ്ത്, യെമൻ, നജ്ദ്, ഹിജാസി പ്രദേശങ്ങൾ എന്നിവയുടെ പ്രത്യേക ലിപികളും കണ്ടു. പ്രദർശന വേളയിൽ, സന്ദർശകർക്ക് സ്വർണ്ണ വെള്ളം കൊണ്ട് എഴുതിയ കൈയെഴുത്തുപ്രതികൾ കാണാനാകും.…

ദുബായ്: പെരുന്നാളിനോടനുബന്ധിച്ച് ഷോപ്പിംഗ് മാളുകളുടെ പ്രവര്‍ത്തന സമയം ദീര്‍ഘിപ്പിച്ചു. ദുബായ് ഫെസ്റ്റിവല്‍ ആന്‍ഡ് റീട്ടെയില്‍ എസ്റ്റാബ്ലീഷ്‌മെന്റാണ് മാളുകളുടെ പ്രവര്‍ത്തനസമയം നീട്ടിയത്. ഇതനുസരിച്ച് ചില മാളുകള്‍ രാത്രി 12 വരെയും പുലര്‍ച്ച വരെയും പ്രവര്‍ത്തിച്ചേക്കും. ദുബായ് മാളിലെ റി ടെയില്‍ ഷോപ്പുകള്‍ വെള്ളി, ശനി, ഞായര്‍ ദിവസങ്ങളില്‍ പുലര്‍ച്ച ഒന്നു വരെയും തിങ്കള്‍, ചൊവ്വ ദിവസങ്ങളില്‍ പുലര്‍ച്ചെ രണ്ടു വരെയും പ്രവര്‍ത്തിക്കും. റസ്റ്ററന്റും ഫുഡ് കോര്‍ട്ടുകളും എല്ലാ ദിവസവും പുലര്‍ച്ചെ രണ്ടു വരെയുണ്ടാകും. ദേര, മിര്‍ദിഫ് സിറ്റി സെന്ററുകള്‍ ഒരുമണി വരെ പ്രവര്‍ത്തിക്കും. ഇവിടെയുള്ള റസ്റ്ററന്റുകളും കഫെകളും പുലര്‍ച്ചെ രണ്ടു മണി വരെ തുറക്കും. ദുബായ് ഫെസ്റ്റിവല്‍ സിറ്റി മാള്‍ രാത്രി 12 വരെ തുറന്നുപ്രവര്‍ത്തിക്കും. മാള്‍ ഓഫ് എമിറേറ്റ്‌സ് രാവിലെ 10 മുതല്‍ പുലര്‍ച്ച ഒന്നു വരെ പ്രവര്‍ത്തിക്കും.  

ദുബായ്: കോവിഡ് നിയന്ത്രണങ്ങള്‍ സംബന്ധിച്ച് സ്‌കൂളുകള്‍ക്ക് പുതിയ മാര്‍ഗ നിര്‍ദേശങ്ങള്‍ പറപ്പെടുവിച്ചു. ദുബായ് വിദ്യാഭ്യാസ മന്ത്രാലയവും ദേശീയ ദുരന്തനിവാരണ അതോറിറ്റിയും ചേര്‍ന്നാണ് മാര്‍ഗ നിര്‍ദേശങ്ങള്‍ പുറത്തിറക്കിയിരിക്കുന്നത്. ഇതനുസരിച്ച് വിദ്യാഭ്യാസ സ്ഥാപനങ്ങളിലെ എല്ലാ പ്രവര്‍ത്തനങ്ങളും പതിവുപോലെ പുനരാരംഭിക്കും. സ്‌കൂള്‍ പഠന യാത്രകള്‍ സംഘടിപ്പിക്കാനും അനുവാദമുണ്ട്. രക്ഷിതാക്കള്‍ക്കും സ്‌കൂള്‍ പരിപാടികളില്‍ പങ്കെടുക്കാം. എന്നാല്‍ അടച്ചിട്ട സ്ഥലങ്ങളില്‍ മാസ്‌ക് ധരിക്കണം.  

അബുദാബി: യുഎഇയില്‍ പൊതു-സ്വകാര്യ മേഖലയില്‍ പെരുന്നാള്‍ അവധി പ്രഖ്യാപിച്ചു. യുഎഇ ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമന്‍ റിസോഴ്സസ് ആണ് അവധി പ്രഖ്യാപിച്ചത്. ഏപ്രില്‍ 30 മുതല്‍ റംസാന്‍ 29 മുതല്‍ ശവ്വാല്‍ മൂന്നു വരെ അവധിയായിരിക്കും. അതേസമയം മേയ് ഒന്നിനാണ് പെരുന്നാളെങ്കില്‍ മൂന്നു വരെയും രണ്ടിനാണെങ്കില്‍ നാലു വരെയും അവധി ആയിരിക്കും. ഇതോടെ ജീവനക്കാര്‍ക്ക് നാലോ അഞ്ചോ ദിവസം അവധി ദിനങ്ങള്‍ ലഭിച്ചേക്കും.  

അബുദാബി: യുഎഇയില്‍ നിന്ന് ഇന്ത്യയിലേക്കുള്ള വിമാന ടിക്കറ്റ് നിരക്കില്‍ വന്‍ വര്‍ധനവ്. പെരുന്നാളിനോടനുബന്ധിച്ചു പ്രവാസികളില്‍ നല്ലൊരു വിഭാഗം നാട്ടിലേക്ക് തിരിക്കുന്നതിനാല്‍ വന്‍ തിരക്കാണ് അനുഭവപ്പെടുക. ഇതു മുന്നില്‍കണ്ടാണ് പല വിമാനകന്പനികളും ടിക്കറ്റ് നിരക്ക് മൂന്നിരട്ടിയോളം വര്‍ധിപ്പിച്ചിരിക്കുന്നത്. ദുബായില്‍ നിന്നു കൊച്ചിയിലേക്കുള്ള നിരക്ക് ഒരു വശത്തേയ്ക്കു മാത്രം ശരാശരി 450 ദിര്‍ഹമാണ് (7729 രൂപ) നിലവിലെ നിരക്ക്. എന്നാല്‍ പെരുന്നാള്‍ അവധി മുന്നില്‍ കണ്ട് 1550 ദിര്‍ഹം (32,227 രൂപ) ആണ് പല വിമാനകന്പനികളും ഈടാക്കുന്നത്. നാലംഗ കുടുംബത്തിനു കുറഞ്ഞത് 9500 ദിര്‍ഹം (രണ്ടു ലക്ഷത്തോളം രൂപ) ചെലവാകുന്ന സാഹചര്യമാണ് നിലവിലുള്ളത്. ഇതു കുറഞ്ഞ വരുമാനക്കാരായ പ്രവാസികളെ സംബന്ധിച്ചിടത്തോളം അപ്രാപ്യമാണ്. സീസണ്‍ കാലയളവില്‍ മാത്രം പ്രവാസികളെ കൊള്ളയടിക്കുന്ന വിമാനകന്പനികളുടെ ഈ പ്രവണത കഴിഞ്ഞ കുറെ വര്‍ഷങ്ങളായി തുടരുകയാണ്.  

ദോഹ: ഖത്തറിന്റെ സാംസ്‌കാരിക തലസ്ഥാനമായ കതാറയുടെ ചരിത്രത്തില്‍ അപൂര്‍വാനുഭവമായി മലയാളി റമദാന്‍ സംഗമം. ലോക ശ്രദ്ധ നേടിയ കതാറ ആംഫി തിയേറ്ററിന്റെ വിശാലമായ വേദിയില്‍ ഇതാദ്യമായി നടന്ന മലയാള റമദാന്‍ പ്രഭാഷണം കേള്‍ക്കാന്‍ ഖത്തറിന്റെ വിവിധ ഭാഗങ്ങളില്‍ നിന്ന് ആയിരങ്ങള്‍ ഒഴുകിയെത്തി. തിങ്ങി നിറഞ്ഞ ആംഫി തിയറ്റര്‍ മഹാമാരിക്കു ശേഷമുള്ള മലയാളികളുടെ റമദാന്‍ സംഗമ വേദി കൂടിയായി. റമദാനിന്റെ സന്ദേശവും ആത്മാവും ദോഹയിലെ ആയിരക്കണക്കിന് മലയാളി കുടുംബങ്ങള്‍ക്ക് പകര്‍ന്നു നല്‍കുന്നത് ലക്ഷ്യം വച്ച് ഖത്തര്‍ ഇസ്ലാമിക കാര്യമന്ത്രാലയം- കതാറ കള്‍ച്ചറല്‍ വില്ലേജുമായി സഹകരിച്ച് ആംഫി തിയേറ്ററില്‍ സംഘടിപ്പിച്ചതാണ് കതാറ റമദാന്‍ സംഗമം. യുവപണ്ഡിതനും വാഗ്മിയും കേരള ഇസ്ലാമിക പണ്ഡിത സഭാംഗവും സെന്റര്‍ ഫോര്‍ സ്റ്റഡി ആന്‍ഡ് റിസര്‍ച് ദോഹ ഡയറക്ടറുമായ ഡോ. അബ്ദുല്‍വാസിഅ് ധര്‍മഗിരി സംഗമത്തില്‍ റമദാന്‍ പ്രഭാഷണം നടത്തി. ജീവിതവിഭവങ്ങള്‍ ഉളളവര്‍ ഇല്ലാത്തവര്‍ക്ക് പകുത്തുനല്‍കുന്നതിലൂടെ സാമൂഹിക…

അബുദാബി : യു എ ഇയിലെ ഏറ്റവും പുതിയ വിസ പരിഷ്‌കാരങ്ങൾ സംരംഭകർക്കും സ്റ്റാർട്ടപ്പുകൾക്കും എസ്എംഇകൾക്കും പ്രൊഫഷണലുകളെ നിയമിക്കുന്ന പ്രക്രിയ എളുപ്പമാക്കുമെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. യുഎഇ കാബിനറ്റ് തിങ്കളാഴ്ച റസിഡൻസി സംവിധാനത്തിലെ പ്രധാന മെച്ചപ്പെടുത്തലുകൾക്ക് അംഗീകാരം നൽകുകയും പുതിയ അഞ്ച് വർഷത്തെ ഗ്രീൻ വിസ അവതരിപ്പിക്കുകയും ചെയ്തു. സെപ്റ്റംബറോടെ മാറ്റങ്ങൾ പ്രാബല്യത്തിൽ വരും. റിപ്പോർട്ടുകൾ പ്രകാരം, പുതിയ വിസ നിയമം യുഎഇയെ ഹ്രസ്വവും ദീർഘകാല താമസക്കാർക്കും സന്ദർശകർക്കും പ്രൊഫഷണലുകൾക്കും കൂടുതൽ ആകർഷകമാക്കും. “ആദ്യം, തുടക്കക്കാർക്കും എസ്എംഇകൾക്കും വിദേശത്ത് നിന്നുള്ള പ്രൊഫഷണലുകളെ കൂടുതൽ എളുപ്പത്തിൽ നിയമിക്കാൻ ഇത് പ്രാപ്തമാക്കും. ഇത് പ്രതിഭകളുടെ ശേഖരം വിശാലമാക്കും. രണ്ടാമതായി, നിക്ഷേപകർക്ക് യുഎഇയിലേക്ക് മാറുന്നതിന് പ്രോത്സാഹനങ്ങൾ നൽകുന്നതിലൂടെ, ഈ പുതിയ തീരുമാനം രാജ്യത്തിന്റെ നിക്ഷേപ മേഖലയെ ഉത്തേജിപ്പിക്കും, തുടക്കക്കാർ ഫണ്ട് സ്വരൂപിക്കുന്നതിൽ വിജയിക്കുന്നതിനുള്ള സാധ്യത വർദ്ധിപ്പിക്കും, ”ഫനേരയുടെ സ്ഥാപകനും സിഇഒയുമായ…

കുവൈറ്റ് സിറ്റി : കുവൈറ്റില്‍ 13 ലക്ഷം ആളുകള്‍ ബൂസ്റ്റര്‍ ഡോസ് സ്വീകരിച്ചതായി ആരോഗ്യ മന്ത്രാലയം അറിയിച്ചു. രണ്ട് ഡോസുകള്‍ സ്വീകരിച്ചവരുടെ എണ്ണത്തിലും വന്‍ വര്‍ദ്ധനയാണ് രേഖപ്പെടുത്തിയത്. ഇതുവരെയായി 33 ലക്ഷം പേര്‍ രണ്ട് ഡോസ് കൊറോണ പ്രതിരോധ കുത്തിവെപ്പുകള്‍ എടുത്തിട്ടുണ്ട്. അതിനിടെ രാജ്യത്ത് കൊറോണ വൈറസ് ബാധിച്ചവരുടെ പ്രതിദിന രോഗബാധിതരുടെ എണ്ണം 56 ആയി കുറഞ്ഞു.ജനജീവിതം സാധാരണ നിലയിലേക്ക് തിരിച്ചെത്തുന്നതിന്റെ ഭാഗമായി കോവിഡ് നിയന്ത്രണങ്ങളിലും ഏറെ ഇളവുകള്‍ നല്‍കിയിട്ടുണ്ട്. കോവിഡ് പിസിആര്‍ പരിശോധന രോഗബാധയുണ്ടെന്ന് സംശയിക്കുന്നവര്‍ക്ക് മാത്രമാക്കി ചുരുക്കിയതായും രോഗബാധിതരുമായി സമ്പര്‍ക്കത്തിനിടയായവര്‍ക്ക് ക്വാറന്റയ്ന്‍ ആവശ്യമില്ലെന്നും അധികൃതര്‍ വ്യക്തമാക്കി. രോഗലക്ഷണം പ്രകടിപ്പിക്കുന്നുണ്ടെങ്കില്‍ മാത്രം ഇവര്‍ കോവിഡ് പരിശോധന നടത്തിയാല്‍ മതിയാകും. സലിം കോട്ടയില്‍