Category: KERALA

കൊടുവള്ളി: എസ് വൈ എസ് കൊടുവള്ളി സോൺ സാന്ത്വനം കമ്മിറ്റിയുമായി സഹകരിച്ച് മർകസ് സാമൂഹ്യക്ഷേമ വിഭാഗം ആർ സി എഫ് ഐ യുമായി നടപ്പിലാക്കുന്ന സോഷ്യൽ കെയർ പദ്ധതി ഉദ്ഘാടനം ചെയ്തു. സോൺ പ്രസിഡണ്ട് റശീദ് അഹ്സനിയുടെ അധ്യക്ഷതയിൽ നടന്ന പദ്ധതി സമർപ്പണം അഡ്വ. പി ടി എ റഹീം എം എൽ എ ഉദ്ഘാടനം ചെയ്തു. കൊടുവള്ളി പരിധിയിൽ ഉൾപ്പെടുന്ന പ്രദേശങ്ങളിലെ സാന്ത്വന കേന്ദ്രങ്ങളിലേക്ക് ആവശ്യമായ വാക്കറുകൾ, എയർ ബെഡ് തുടങ്ങിയവയും കാഴ്ച പരിമിതിയുള്ളവർക്കായി കണ്ണടകളും കൃഷി പ്രോത്സാഹിപ്പിക്കുന്നതിന്റെ ഭാഗമായി ഇരുന്നൂറോളം മികച്ച തെങ്ങിൻ തൈകളുമാണ് പദ്ധതിയിൽ ഉൾപ്പെടുക. മർകസ് ആർ സി എഫ് ഐ ചീഫ് എക്സിക്യൂട്ടീവ് ഓഫീസർ സി പി ഉബൈദുല്ല സഖാഫി പദ്ധതി വിശദീകരിച്ചു. സോൺ നേതാക്കളായ ഒ എം ബശീർ സഖാഫി, ശരീഫ് മാസ്റ്റർ, ബശീർ സഖാഫി കളരാന്തിരി, ബിശ്ർ…

നോളജ് സിറ്റി: ‘നൂറ് കവികള്‍; നൂറ് കവിതകള്‍’ എന്ന പ്രമേയത്തില്‍ മര്‍കസ് നോളജ് സിറ്റിയിലെ വേള്‍ഡ് ഇന്‍സ്റ്റിറ്റ്യൂട്ട് ഫോര്‍ റിസര്‍ച് ഇന്‍ അഡ്വാന്‍സ്ഡ് സയന്‍സസ് (വിറാസ്) സംഘടിപ്പിക്കുന്ന മീം കവിയരങ്ങിന്റെ ആറാം പതിപ്പിലേക്ക് കവിതകള്‍ ക്ഷണിച്ചു. സെപ്തംബര്‍ 28, 29 തീയതികളില്‍ മര്‍കസ് നോളജ് സിറ്റിയില്‍ വെച്ചാണ് കവിയരങ്ങ് നടക്കുന്നത്. പ്രവാചകന്‍ മുഹമ്മദ് നബി (സ്വ)യെ ഇതിവൃത്തമാക്കിയുള്ള കവിതകളാണ് അരങ്ങറുക. കവിതകള്‍ മൗലികവും നേരത്തെ പ്രസിദ്ധീകരിക്കാത്തതുമായിരിക്കണം. തിരഞ്ഞെടുക്കപ്പെടുന്ന കവിതകള്‍ കവിയരങ്ങില്‍ അവതരിപ്പിക്കാനും കവികള്‍ക്ക് പ്രമുഖ സാഹിത്യകാരന്മാര്‍ നേതൃത്വം നല്‍കുന്ന കവിതാ ക്യാമ്പില്‍ പങ്കെടുക്കാനും അവസരം ലഭിക്കും. കൂടാതെ, ഏറ്റവും മികച്ച കവിതക്ക് 5,000 രൂപയും ഫലകവുമടങ്ങുന്ന മീം ജൂനിയര്‍ അവാര്‍ഡും ഏര്‍പ്പെടുത്തിയിട്ടുണ്ട്. സെപ്റ്റംബര്‍ പത്ത് വരെയാണ് രചനകള്‍ സ്വീകരിക്കുന്നത്. meem@markazknowledgecity.com എന്ന ഇ മെയില്‍ വിലാസത്തിലാണ് കവിതകള്‍ അയക്കേണ്ടത്. വിശദവിവരങ്ങള്‍ക്കായി 7736405389 എന്ന നമ്പറില്‍ ബന്ധപ്പെടാവുന്നതാണെന്ന് സംഘാടകര്‍…

എടത്വ : തകഴി റെയിൽവെ ക്രോസിൽ മേൽപ്പാലം നിർമ്മിക്കുവാൻ കേന്ദ്ര സംസ്ഥാന സര്‍ക്കാരുകള്‍ അടിയന്തിര നടപടി സ്വീകരിക്കണമെന്ന് എടത്വ വികസന സമതി 44-ാം വാർഷിക സമ്മേളനം ആവശ്യപ്പെട്ടു.പ്രസിഡന്റ് ആന്റണി ഫ്രാന്‍സിസ് കട്ടപ്പുറം അധ്യക്ഷത വഹിച്ചു.ഈ മാസം മൂന്നാമത്തെ തവണയാണ് ലവൽക്രോസ് അടച്ചിടുന്നത്.ഓരോ തവണ തുടർച്ചയായി അടച്ചിടുപ്പോഴും വലയുന്നത് പൊതു ജനം ആണ്.തകഴി റെയിൽവെ ഗേറ്റിൽ മേൽപ്പാലം നിർമ്മിക്കണമെന്ന് ആവശ്യപ്പെട്ട് എടത്വ വികസന സമിതിയുടെ നേതൃത്വത്തിൽ നില്പ് സമരം ഉൾപ്പെടെ നടത്തിയതിനെ തുടർന്ന് സംസ്ഥാന മനുഷ്യാവകാശ കമ്മീഷൻ അംഗം വി.കെ ബീനാകുമാരി സ്ഥലം സന്ദർശിക്കുകയും ചെയ്തിട്ടുണ്ട്.സംസ്ഥാന ചീഫ് സെക്രട്ടറി ഡോ.വി.വേണുവിന് നിവേദനം നല്കുകയും തകഴി റെയിൽവെ ക്രോസിൽ മേൽപ്പാലം നിർമ്മിക്കുന്നതിന് റോഡ്സ് ആന്റ് ബ്രിഡ്ജസ് ഡവലമെന്റ് കോർപറേഷൻ ഓഫ് കേരളയെ നിർവഹണ ഏജൻസിയായി 2023 നവംബര്‍ 16ന് സർക്കാർ ചുമതലപ്പെടുത്തുകയും ചെയ്തു. വൈസ് പ്രസിഡന്റ് ജോർജ്ജ് തോമസ് കളപ്പുര…

178 ടച്ച് പോയന്റുകളുമായി കമ്പനി ദക്ഷിണേന്ത്യയിലെ സ്വന്തം വ്യാപനം ഏകീകരിക്കുന്നു ന്യൂഡൽഹി: പ്രമുഖ പ്രീമിയം കാർ നിർമ്മാതാക്കളായ കിയ ഇന്ത്യ കേരളത്തിൽ 7 പുതിയ ഡീലർഷിപ്പുകൾ കൂട്ടി ചേർത്തിരിക്കുന്നു. പുതിയ ഡീലർമാർ വരുന്നതോടെ കമ്പനിക്ക് സംസ്ഥാനത്ത് 30 ടച്ച് പോയന്റുകളാകും. തുടർച്ചയായി ടച്ച് പോയന്റുകൾ വർദ്ധിപ്പിക്കുന്നതിലൂടെ കമ്പനി അതിന്റെ ഉൽപ്പന്നങ്ങൾ ഉപഭോക്താക്കൾക്ക് കൂടുതൽ ലഭ്യമാക്കുന്നതിൽ ശ്രദ്ധ കേന്ദ്രീകരിക്കുന്നു. അതിലൂടെ കിയയുടെ അടുത്ത തലമുറ സഞ്ചാര പരിഹാരങ്ങളുടെ തടസ്സരഹിതമായ അനുഭവം അവർക്ക് ലഭിയ്ക്കുന്നു എന്ന് ഉറപ്പാക്കുന്നു. നിലവിൽ, തമിഴ്‌നാട്, കർണാടക, ആന്ധ്രാപ്രദേശ്, തെലങ്കാന, കേരളം, പോണ്ടിച്ചേരി എന്നിവ ഉൾപ്പെടുന്ന ദക്ഷിണേന്ത്യയിൽ ബ്രാൻഡിന് 178 ടച്ച് പോയന്റുകളുണ്ട്. ടച്ച് പോയന്റുകളുടെ കാര്യത്തിൽ വടക്കൻ മേഖലയ്ക്ക് ശേഷം ബ്രാൻഡിന്റെ രണ്ടാമത്തെ വലിയ വിപണിയാണ് തെക്കൻ മേഖല. പ്രാദേശിക, അയൽ പ്രദേശങ്ങളിൽ സേവനം നൽകുന്നതിനായി ഭൂമിശാസ്ത്രപരമായി പ്രധാനമായ സ്ഥലങ്ങളിൽ ടച്ച് പോയന്റുകൾ സ്ഥാപിച്ചുകൊണ്ട്…

ആലുവ: വയനാട് മുണ്ടക്കൈ-ചൂരൽമല ഉരുൾ ദുരന്ത മേഖലയിൽ എറണാകുളം ജില്ലയിൽ നിന്നും രക്ഷാപ്രവർത്തനത്തിൽ പങ്കെടുത്ത ടീം വെൽഫെയർ അംഗങ്ങളെ വെൽഫെയർ പാർട്ടി ജില്ലാ കമ്മിറ്റി ആദരിച്ചു. ഉരുൾപൊട്ടലിൽ സർവതും നഷ്ടപ്പെട്ട സഹോദരങ്ങൾക്ക് ആശ്വാസമേകാൻ സമാനതകളില്ലാത്ത ദുരിതാശ്വാസ പ്രവർത്തനങ്ങൾക്കാണ് ടീം വെൽഫെയർ വളണ്ടിയർമാർ നേതൃത്വം നൽകിയതെന്ന് ഒത്തുചേരൽ ഉദ്ഘാടനം ചെയ്ത വെൽഫെയർ പാർട്ടി ജില്ലാ പ്രസിഡണ്ട് കെ.എച്ച്. സദക്കത്ത് പറഞ്ഞു. ആലുവ അൻസാർ ഓഡിറ്റോറിയത്തിൽ നടന്ന പരിപാടിയിൽ വളണ്ടിയർമാർ അനുഭവങ്ങൾ പങ്കുവെച്ചു. രക്ഷാപ്രവർത്തനത്തിൽ പങ്കെടുത്ത 18 ടീം വെൽഫെയർ വളണ്ടിയർമാർക്ക് ജില്ലാ ഭാരവാഹികൾ മൊമെന്റോ വിതരണം ചെയ്തു. ജില്ലാ ജനറൽ സെക്രട്ടറി ഷംസുദ്ദീൻ എടയാർ, വൈസ് പ്രസിഡണ്ട് നസീർ കൊച്ചി, സെക്രട്ടറിമാരായ ജമാലുദ്ദീൻ എം.കെ., നിസാർ ടി.എ., ആബിദ വൈപ്പിൻ, ഖത്തർ വെൽഫെയർ ഫോറം ഭാരവാഹി എം.എസ്. ഷറഫുദ്ദീൻ, സലാഹുദ്ദീൻ തുടങ്ങിയവർ പങ്കെടുത്തു.

കൊച്ചി: കേരളത്തിലെ ക്രൈസ്തവ സമൂഹത്തിന്റെ വിവിധങ്ങളായ പ്രശ്‌നങ്ങള്‍ പഠിക്കുവാന്‍ സംസ്ഥാന സര്‍ക്കാര്‍ നിയമിച്ച ജസ്റ്റിസ് ജെ.ബി.കോശി കമ്മീഷന്‍ പഠന റിപ്പോര്‍ട്ട് സമര്‍പ്പിച്ചിട്ട് 15 മാസം പിന്നിട്ടിട്ടും റിപ്പോര്‍ട്ടിന്റെ പൂര്‍ണ്ണരൂപം പുറത്തിറക്കാതെ ഭരണസംവിധാനങ്ങള്‍ ഒളിച്ചോടുന്നത് നിര്‍ഭാഗ്യകരമാണെന്നും റിപ്പോര്‍ട്ട് അടിയന്തരമായി വെളിച്ചത്തുകൊണ്ടുവരണമെന്നും കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍ ആവശ്യപ്പെട്ടു. 2020 നവംബറില്‍ പ്രഖ്യാപിച്ച ജെ.ബി.കോശി കമ്മീഷന്‍ 2023 മെയ് 17ന് മുഖ്യമന്ത്രിക്ക് ക്രൈസ്തവ പഠനറിപ്പോര്‍ട്ട് സമര്‍പ്പിച്ചു. വിവിധ ഡിപ്പാര്‍ട്ട്‌മെന്റുകള്‍ക്ക് നിര്‍ദ്ദേശങ്ങള്‍ സമര്‍പ്പിക്കുവാന്‍ കത്തുകളയച്ചിട്ടും നടപടിയുണ്ടായില്ല. തുടര്‍ന്ന് തുടര്‍നടപടികള്‍ക്കായി ചീഫ് സെക്രട്ടറി ഉള്‍പ്പെടെ മൂന്നംഗസമിതിയെ 2024 ഫെബ്രുവരിയില്‍ നിയമിച്ചു. ക്ഷേമപദ്ധതികള്‍ സംബന്ധിച്ച് പഠനം തുടരുകയാണെന്ന് നിയമസഭയില്‍ ന്യൂനപക്ഷ ക്ഷേമവകുപ്പ് മന്ത്രി ആവര്‍ത്തിച്ചു പ്രഖ്യാപിച്ചു. എന്നിട്ടും റിപ്പോര്‍ട്ടിന്റെ പൂര്‍ണ്ണരൂപം പുറത്തുവിടാത്തതെന്ത് എന്ന ചോദ്യത്തിന് ഉത്തരമില്ലാത്തത് ആക്ഷേപകരമായ വന്‍ വീഴ്ചയും ഉത്തരവാദിത്വമില്ലായ്മയുമാണ്. കേരളത്തിലെ ക്രൈസ്തവ സമൂഹം…

വിശാഖപട്ടണം: 37 മണിക്കൂര്‍ നീണ്ട ഉദ്വേഗജനകമായ കാത്തിരിപ്പിനും നിശ്ചിതത്വത്തിനും വിരാമമിട്ട്‌ കഴക്കൂട്ടത്ത്‌ നിന്ന്‌ കാണാതായ പെണ്‍കുട്ടിയെ ബുധനാഴ്ച രാത്രിയോടെ വിശാഖപട്ടണത്ത്‌ കണ്ടെത്തി. പെണ്‍കുട്ടി പശ്ചിമ ബംഗാളിലേക്ക്‌ പോകുന്ന ട്രെയിനില്‍ ഉണ്ടെന്ന്‌ പ്രദേശത്തെ മലയാളി അസോസിയേഷന്‍ അംഗങ്ങള്‍ക്ക്‌ നേരത്തെ തന്നെ സൂചന ലഭിച്ചിരുന്നു. ട്രെയിന്‍ സ്റ്റേഷനില്‍ എത്തിയപ്പോള്‍, അംഗങ്ങള്‍ ഓരോ കമ്പാര്‍ട്ടുമെന്റിലും തിരച്ചില്‍ നടത്തി. ഒടുവില്‍ പെണ്‍കുട്ടി ഒരു ബര്‍ത്തില്‍ ഉറങ്ങുന്നത്‌ കണ്ടു. ചെന്നൈയിലെ താംബരത്ത്‌ നിന്നാണ്‌ പെണ്‍കുട്ടി ട്രെയിനില്‍ കയറിയതെന്നാണ്‌ റിപ്പോര്‍ട്ട്‌. അസം സ്വദേശി അന്‍വര്‍ ഹുസൈന്റെ മകള്‍ തസ്മീദ്‌ ബീഗത്തെ ചൊവ്വാഴ്ച രാവിലെ മുതലാണ്‌ കാണാതായത്‌. ബുധനാഴ്ച രാവിലെ കന്യാകുമാരിയില്‍ പെണ്‍കുട്ടിയെ കണ്ടതായി ചില ഓട്ടോറിക്ഷാ ഡ്രൈവര്‍മാര്‍ പോലീസിനെ അറിയിച്ചിരുന്നു. പെണ്‍കുട്ടിയുടെ പക്കല്‍ 50 രൂപ മാത്രമേ ഉണ്ടായിരുന്നുള്ളൂ, ഈ തുച്ഛമായ തുക കൊണ്ട്‌ കഴക്കൂട്ടത്ത്‌ നിന്ന്‌ ആന്ധ്രാപ്രദേശിലെ വിശാഖപട്ടണത്തിലേക്ക്‌ പെണ്‍കുട്ടി എങ്ങനെ യാത്ര ചെയ്തു…

കൊല്ലം: ഭൂമി രജിസ്‌ട്രേഷനും അളവെടുപ്പും പോക്കുവരവും മറ്റും പൂർണമായും ഓൺലൈനിൽ ചെയ്യാം. രജിസ്ട്രേഷൻ, റവന്യൂ, സർവേ വകുപ്പുകളിൽ നടത്തിയിരുന്ന ഭൂസേവനങ്ങൾ ഒറ്റ പോർട്ടലിലേക്ക് മാറ്റുന്നതോടെ ഈ മൂന്ന് കാര്യങ്ങളും വീട്ടിലിരുന്ന് ചെയ്യാൻ കഴിയുമെന്നതാണ് നേട്ടം. വിൽപന നടത്തുന്ന ഭൂമിയുടെ തണ്ടപ്പേര്‍ സർട്ടിഫിക്കറ്റിനായി റവന്യൂ വകുപ്പിൽ അപേക്ഷ നൽകണം, ഭൂമി ഇടപാടിന് മുമ്പ് സർവേ വകുപ്പിന് സ്കെച്ച് നൽകണം. ഇവ ലഭിച്ചുകഴിഞ്ഞാൽ, നിങ്ങൾക്ക് രജിസ്ട്രേഷന്‍ നടത്താം. ആധാരത്തിന്റെ വിവിധ മോഡലുകൾ പോർട്ടലിൽ ലഭ്യമാകും. നിങ്ങൾക്ക് അനുയോജ്യമായ ടെംപ്ലേറ്റിൻ്റെ അടിസ്ഥാനത്തിൽ നിങ്ങളുടെ വ്യക്തി വിശദാംശങ്ങൾ നൽകുക. ആധാരമെഴുത്തുകാരുടെ സഹായത്തോടെയും ഇത് ചെയ്യാൻ കഴിയും. സ്റ്റാമ്പിനുള്ള ഇ-ഫീസും രജിസ്ട്രേഷനും ഉപഭോക്താവിൻ്റെ അക്കൗണ്ടിൽ നിന്ന് നേരിട്ട് അടയ്ക്കണം. ഇടനിലക്കാരെ ഒഴിവാക്കാനും അധിക ഫീസ് വാങ്ങാതിരിക്കാനുമാണിത്. ആധാരമെഴുത്ത് പൂർത്തിയായാൽ ഒപ്പിടുന്നതിന് ഉടമ സബ് രജിസ്ട്രാർ ഓഫീസിൽ പോകേണ്ടിവരും. സബ് രജിസ്ട്രാർ ഓഫീസിൽ എത്താതെ രജിസ്ട്രേഷൻ…

തിരുവനന്തപുരം: സംസ്ഥാനത്തിന്റെ അടുത്ത ചീഫ് സെക്രട്ടറിയായി ശാരദാ മുരളീധരനെ ബുധനാഴ്ച മന്ത്രിസഭ നിയമിച്ചു. ഭർത്താവും സ്ഥാനമൊഴിയുന്ന ചീഫ് സെക്രട്ടറിയുമായ വി. വേണുവിൽ നിന്ന് സംസ്ഥാന ഭരണത്തിൻ്റെ കടിഞ്ഞാൺ ഏറ്റെടുത്തു എന്ന അപൂർവ നേട്ടമാണ് ശാരദാ മുരളീധരനുള്ളത്. വേണു ഓഗസ്റ്റ് 31-ന് വിരമിക്കും. ഭാര്യ ശാരദാ മുരളീധരൻ നിലവിൽ തദ്ദേശ സ്വയംഭരണ സ്ഥാപനങ്ങളുടെ (LSGI) അഡീഷണൽ ചീഫ് സെക്രട്ടറിയാണ്. വയനാട്ടിലെ ഉരുൾപൊട്ടലിൽ നാശനഷ്ടം സംഭവിച്ചവർക്കുള്ള സർക്കാർ പുനരധിവാസ പദ്ധതിയും മാതൃകാ ടൗൺഷിപ്പും നടപ്പിലാക്കുക എന്ന ശ്രമകരമായ ദൗത്യമാണ് അവർ നേരിടുന്നത്. കേരളത്തിലെ കുടുംബശ്രീ പ്രസ്ഥാനത്തെ വനിതകളുടെ ഉപജീവന ശാക്തീകരണത്തിനുള്ള പ്രധാന സംഘടനയാക്കി മാറ്റുന്നതില്‍ നിര്‍ണായക പങ്ക് വഹിച്ച ഉദ്യോഗസ്ഥയാണ് ശാരദ മുരളീധരന്‍. കുടുംബശ്രീ മിഷന്‍ ഡയറക്‌ടര്‍ എന്ന നിലയില്‍ ഏകദേശം 44 ലക്ഷം വനിതകളെ മൈക്രോ ഫിനാന്‍സ് ഉള്‍പ്പെടെയുള്ള പദ്ധതികള്‍ക്ക് കീഴില്‍ കൊണ്ടുവരാന്‍ കഴിഞ്ഞത് ഇക്കാലയളവിലാണ്. കേന്ദ്ര ഗ്രാമവികസന…

എടത്വാ: ശക്തമായ ചുഴലിക്കാറ്റിൽ വ്യാപക നാശം. നിരവധി വീടുകളും വൈദ്യുതി പോസ്റ്റും തകർന്നു. മരങ്ങൾ കടപുഴകി വീണു. പ്രദേശത്ത് വൈദ്യുതി ബന്ധം നിലച്ചു. തലവടി പഞ്ചായത്ത് 11-ാം വാർഡിൽ മാലിച്ചിറ ശാന്ത, നാലാം വാർഡിൽ നടുവിലേമുറി കൊച്ചുമോൾ ഓമനക്കുട്ടൻ, തകഴി പഞ്ചായത്ത് 8-ാം വാർഡിൽ കേളമംഗലം അഞ്ചിൽ ആനന്ദവല്ലി എന്നിവരുടെ വീടുകളാണ് തകർന്നത്. ലൈഫ് പദ്ധതി പ്രകാരം നിർമ്മാണത്തിലിരിക്കുന്ന ശാന്തയുടെ വിടിന് മുകളിൽ സമീപ വാസിയുടെ പുളിമരം കടപുഴകി വീണാണ് തകർന്നത്. മേൽക്കൂര വാർപ്പ് കഴിഞ്ഞ് ഒരു ദിവസം പിന്നിട്ട വീടിന് മുകളിൽ മരം വീണ് ഭാഗകമായി തകർന്നിട്ടുണ്ട്. കൊച്ചുമോൾ ഓമനക്കുട്ടൻ്റെ വീടിന് മുകളിലും മരം കടപുഴകി വീണ് ഭാഗികമായി തകർന്നു. കേളമംഗലം സ്വദേശിനി ആനന്ദവല്ലിയുടെ വീട് പൂർണ്ണമായി നിലം പതിച്ചു. വിധവയായ ആനന്ദവല്ലിയും വിദ്യാർഥിയായ രണ്ട് കുട്ടികളും മാത്രമാണ് വീട്ടിലുള്ളത്. തലവടി, കേളമംഗലം, ചെക്കിടിക്കാട്, പച്ച…