Year: 2026

കൊച്ചി: ‘നവ കേരള സിറ്റിസൺ റെസ്‌പോൺസ് പ്രോഗ്രാം’ എന്ന പേരിൽ വീടുതോറുമുള്ള സർവേ നടത്താനുള്ള 2025 ഒക്ടോബറിലെ സർക്കാർ ഉത്തരവ് (ജിഒ) ചൊവ്വാഴ്ച (ഫെബ്രുവരി 17, 2026) ഹൈക്കോടതി റദ്ദാക്കിയത് എല്‍ ഡി എഫ് സര്‍ക്കാരിന് വന്‍ തിരിച്ചടിയായി. കേരള സ്റ്റുഡന്റ്‌സ് യൂണിയൻ പ്രസിഡന്റ് അലോഷ്യസ് സേവ്യർ, എറണാകുളം സ്വദേശി മുബാസ് എം.എച്ച് എന്നിവർ പരിപാടിയെ ചോദ്യം ചെയ്ത് സമർപ്പിച്ച പൊതുതാൽപ്പര്യ ഹർജി ചീഫ് ജസ്റ്റിസ് സൗമെൻ സെൻ, ജസ്റ്റിസ് ശ്യാം കുമാർ വി.എം എന്നിവരടങ്ങിയ ഡിവിഷൻ ബെഞ്ച് അനുവദിച്ചു. നിയമസഭാ തിരഞ്ഞെടുപ്പിന് മുന്നോടിയായി പരിപാടി നടത്താൻ ഇടതുപക്ഷ ജനാധിപത്യ മുന്നണി (എൽഡിഎഫ്) സർക്കാർ പൊതു ഫണ്ട് ദുരുപയോഗം ചെയ്യുന്നുവെന്ന് സേവ്യർ പൊതുതാൽപ്പര്യ ഹർജിയിൽ ആരോപിച്ചിരുന്നു. ഹർജി കേൾക്കുമ്പോൾ, ഉത്തരവിന് അനുസൃതമായി ആരംഭിച്ച എല്ലാ നടപടികളും നടപടികളും നിർത്തിവയ്ക്കാൻ സർക്കാരിനോട് നിർദ്ദേശിക്കാൻ മതിയായ കാരണം കണ്ടെത്തിയതായി കോടതി…

തിരുവനന്തപുരം: സംസ്ഥാനത്തെ ബാറുകളുടെ നിലവിലെ പ്രവർത്തന സമയം ദീർഘിപ്പിക്കാൻ സർക്കാർ തീരുമാനിച്ചു. നിലവിൽ രാവിലെ 11 മുതൽ രാത്രി 11 വരെയുള്ള സമയമാണ് നീട്ടി രാവിലെ 10 മുതൽ രാത്രി 12 വരെയാക്കിയത്. ബിസിനസ്, പ്രൊഫഷണൽ മീറ്റിംഗുകൾ നടക്കുന്ന കേന്ദ്രങ്ങളിൽ പ്രത്യേക അനുമതിയോടെ പുലർച്ചെ 3 മണി വരെ ബാറുകൾക്ക് പ്രവർത്തിക്കാം. ഇതിനായി വാർഷിക ലൈസൻസ് ഫീസിനു പുറമേ 5 ലക്ഷം രൂപ അധിക ഫീസ് നൽകണം. MICE ടൂറിസം മേഖലകളിലെ പഞ്ചനക്ഷത്ര ഹോട്ടലുകൾക്ക് അനിശ്ചിതമായി പ്രവർത്തിക്കാൻ അനുവാദം നൽകും. ടൂറിസം മേഖലയിലെ ദീർഘകാലമായുള്ള ആവശ്യത്തെ തുടർന്നാണ് ഈ തീരുമാനം. തീരുമാനത്തിന് മുമ്പ് സർക്കാരും പ്രതിപക്ഷവും തമ്മിൽ ചർച്ചകൾ നടന്നു. ഇതോടെ, വളരെക്കാലമായി മാറ്റിവച്ചിരുന്ന വിഷയത്തിൽ അന്തിമ തീരുമാനമായി. എക്സൈസ് കമ്മീഷണറുടെ വിജ്ഞാപനം ഇന്ന് പുറത്തിറങ്ങും. നിലവിൽ ടൂറിസം കേന്ദ്രങ്ങൾക്ക് അർദ്ധരാത്രി 12 വരെ പ്രവർത്തിക്കാൻ അനുമതിയുണ്ടായിരുന്നെങ്കിലും,…

കോഴിക്കോട്: കോഴിക്കോട് പാളയം റെയിൽവേ സ്റ്റേഷന് സമീപമുള്ള ജയലക്ഷ്മി സില്‍ക്സില്‍ വന്‍ തീ പിടുത്തം റിപ്പോര്‍ട്ട് ചെയ്യപ്പെട്ടു. ആളപായമൊന്നുമില്ല എന്നാണ് റിപ്പോര്‍ട്ടില്‍ പറയുന്നത്. കെട്ടിടത്തിന്റെ രണ്ടാമത്തെയും മൂന്നാമത്തെയും നിലകളിലേക്ക് തീ പടർന്നതായാണ് വിവരം. വിവാഹ വസ്ത്രങ്ങൾ സൂക്ഷിച്ചിരുന്ന ഗോഡൗണിൽ നിന്നാണ് തീ പടർന്നത്. തീപിടുത്തം ശ്രദ്ധയിൽപ്പെട്ടയുടൻ ജീവനക്കാരെയും ഉപഭോക്താക്കളെയും സുരക്ഷിതമായി ഒഴിപ്പിച്ചു. കെട്ടിടത്തിനുള്ളിൽ ആരും കുടുങ്ങിയിട്ടില്ലെന്ന് അധികൃതർ പറയുന്നു. മീഞ്ചന്ത, ബീച്ച്, വെള്ളിമാടുകുന്ന് എന്നിവിടങ്ങളിൽ നിന്നുള്ള ഫയർഫോഴ്‌സ് സംഘങ്ങൾ സ്ഥലത്തെത്തി തീ നിയന്ത്രണവിധേയമാക്കാനുള്ള ശ്രമങ്ങൾ തുടരുകയാണ്. പൊട്ടിത്തെറിക്കുന്ന ഗ്ലാസ് പാളികൾ രക്ഷാപ്രവർത്തനത്തിന് വെല്ലുവിളി ഉയർത്തുന്നു. കൂടുതൽ ഫയര്‍ഫോഴ്സ് സംഘങ്ങള്‍ക്ക് സ്ഥലത്തെത്താൻ റോഡുകളിൽ ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്. രക്ഷാപ്രവർത്തനം പുരോഗമിക്കുന്നു.

മഞ്ചേരി : മലർവാടി ബാലസംഘം സംസ്ഥാന വ്യാപകമായി സംഘടിപ്പിച്ച മഴവില്ല് ചിത്രരചന മത്സരത്തിന്റെ മലപ്പുറം ഈസ്റ്റ് ജില്ല വിജയികളെ പ്രഖ്യാപിച്ചു. മഞ്ചേരി മുബാറക്ക് ഹാളിൽ നടന്ന അവാർഡ്ദാന ചടങ്ങിൽ മലർവാടി സംസ്ഥാന കോഓർഡിനേറ്റർ മുസ്തഫ മങ്കട, മലർവാടി മുൻ ജില്ലാ കോഓർഡിനേറ്റർ അബ്ദുറഹ്മാൻ മമ്പാട്, ജില്ലാ വനിത കോഓർഡിനേറ്റർ തസ്നീം ബാനു എന്നിവർ വിജയികൾക്ക് ഉപഹാരം നൽകി. പരിപാടിയിൽ ജില്ലാ കോഓർഡിനേറ്റർ ഷഹീർ വടക്കാങ്ങര സ്വാഗതവും, മഴവില്ല് ചിത്രരചനാ മത്സരം ജനറൽ കൺവീനർ ഉസ്മാൻ മാസ്റ്റർ നന്ദിയും പറഞ്ഞു. മഞ്ചേരി ഏരിയ കോഓർഡിനേറ്റർ സത്താർ മഞ്ചേരി നേതൃത്വം നൽകി. വിജയികളുടെ പേര് വിവരങ്ങൾ താഴെ: കാറ്റഗറി – ബഡ്സ് ഫാത്തിമ തഹ്‌സിബ് പി.പി (ഹിൽടോപ് പബ്ലിക് സ്കൂൾ കുന്നക്കാവ്), ദാനിഷ് വി (ഹിൽടോപ് പബ്ലിക് സ്കൂൾ കുന്നക്കാവ്), സൻഹ ഫാത്തിമ വി (എ.യു.പി.എസ് എറിയാട്). കാറ്റഗറി –…