Year: 2026

സവാനി ഗ്രൂപ്പ് കേസുമായി ബന്ധപ്പെട്ട കേസില്‍ നിന്ന് കുറ്റവിമുക്തനാക്കപ്പെട്ടതില്‍ സന്തോഷമറിയിച്ച് സര്‍ട്ടിഫൈഡ് പബ്ലിക് അക്കൗണ്ടന്റായ സുനില്‍ ഫിലിപ്പ്. ജൂറിയുടെ നീതിപൂര്‍ണ്ണമായ തീരുമാനത്തിന് താന്‍ നന്ദിയുള്ളവനാണെന്ന് സുനില്‍ ഫിലിപ്പ് പ്രതികരിച്ചു. അമേരിക്കയിലെ ഈസ്റ്റേണ്‍ ഡിസ്ട്രിക്ട് ഓഫ് പെന്‍സില്‍വേനിയയിലെ യുഎസ് ജില്ലാ കോടതിയില്‍ നടന്ന സങ്കീര്‍ണ്ണമായ ഫെഡറല്‍ കേസില്‍ സര്‍ട്ടിഫൈഡ് പബ്ലിക് അക്കൗണ്ടന്റായ സുനില്‍ ഫിലിപ്പിനെ എല്ലാ കുറ്റാരോപണങ്ങളില്‍ നിന്നും പൂര്‍ണമായി കുറ്റവിമുക്തനാക്കിക്കൊണ്ടുള്ള വിധി വന്നത് മാര്‍ച്ച് 9നാണ്. വിസാ തട്ടിപ്പ്, ഹെല്‍ത്ത്‌കെയര്‍ തട്ടിപ്പ്, നികുതി വെട്ടിപ്പ്, മണി ലോണ്ടറിംഗ്, നിയമ ലംഘനങ്ങള്‍ തുടങ്ങി നിരവധി കുറ്റകൃത്യങ്ങള്‍ നടത്തിയതിനെത്തുടര്‍ന്ന് പെന്‍സില്‍വാനിയയില്‍ നിന്നുള്ള സവാനി ഗ്രൂപ്പ് ഉടമകള്‍ ശിക്ഷിക്കപ്പെട്ട വാര്‍ത്ത ഏറെ വാര്‍ത്താ പ്രാധാന്യം നേടിയിരുന്നു. ഇന്ത്യന്‍ വംശജരായ സഹോദരങ്ങള്‍ ഭാസ്‌കര്‍ സവാനി, അരുണ്‍ സവാനി എന്നിവരാണ് കുറ്റക്കാരാണെന്ന് തെളിഞ്ഞത്. കേസന്വേണത്തിനിടെ കമ്പനിയില്‍ ജോലി ചെയ്തിരുന്ന പലരേയും പ്രതികളുടെ പട്ടികയില്‍ ഉള്‍പ്പെടുത്തിയിരുന്നു.…

വാഷിംഗ്ടണ്‍: 2026 ലെ വാർഷിക റിപ്പോർട്ടിൽ ഇന്ത്യയെ “പ്രത്യേക ആശങ്കയുള്ള രാജ്യം” ആയി പ്രഖ്യാപിക്കാൻ യുഎസ് കമ്മീഷൻ ഓൺ ഇന്റർനാഷണൽ റിലീജിയസ് ഫ്രീഡം വീണ്ടും ശുപാർശ ചെയ്തു. 2025 ൽ മതന്യൂനപക്ഷങ്ങൾക്കെതിരായ വർദ്ധിച്ചുവരുന്ന അക്രമങ്ങൾ, പുതിയ നിയമങ്ങൾ, ക്ഷേത്രങ്ങൾക്കും പള്ളികൾക്കും നേരെയുള്ള ആക്രമണങ്ങൾ എന്നിവയെക്കുറിച്ചുള്ള ആശങ്കകൾ റിപ്പോർട്ടില്‍ ഉദ്ധരിച്ചിട്ടുണ്ട്. രാഷ്ട്രീയ സ്വയംസേവക് സംഘത്തെയും ഇന്ത്യയുടെ രഹസ്യാന്വേഷണ ഏജൻസിയായ റിസർച്ച് ആൻഡ് അനാലിസിസ് വിംഗിനെയും നിരോധിക്കണമെന്ന് യുണൈറ്റഡ് സ്റ്റേറ്റ്സ് കമ്മീഷൻ ഓൺ ഇന്റർനാഷണൽ റിലീജിയസ് ഫ്രീഡം (USCIRF) ആവശ്യപ്പെട്ടതായാണ് റിപ്പോര്‍ട്ട്. കൂടാതെ, രണ്ട് സംഘടനകൾക്കെതിരെയും അടിയന്തര നടപടി സ്വീകരിക്കണമെന്ന് കമ്മീഷൻ ട്രംപ് ഭരണകൂടത്തോട് ആവശ്യപ്പെട്ടിട്ടുണ്ട്. ഈ മാസം ആദ്യം പുറത്തിറങ്ങിയ റിപ്പോർട്ട് ആർ‌എസ്‌എസിന്റെയും റോയുടെയും പ്രവർത്തനത്തെക്കുറിച്ച് ഗുരുതരമായ ചോദ്യങ്ങൾ ഉയർത്തുന്നു. കൂടാതെ, ഇന്ത്യയെ “പ്രത്യേക ആശങ്കയുള്ള രാജ്യം” ആയി പ്രഖ്യാപിക്കാനും, ആയുധ വിൽപ്പനയിൽ നിയന്ത്രണങ്ങൾ ഏർപ്പെടുത്താനും, ഭാവിയിലെ സൈനിക-വാണിജ്യ…

ഫിലഡൽഫിയ: ഗുഡ് സമരിറ്റൻ കമ്മ്യൂണിറ്റിയുടെയും (GSC) സെന്റ് മേരീസ് ക്നാനായ ചർച്ചിന്റെയും സംയുക്ത ആഭിമുഖ്യത്തിൽ “ഫലപ്രദമായ ആശയവിനിമയം” (Building Effective Communication) എന്ന വിഷയത്തിൽ സംഘടിപ്പിച്ച ജനറൽ ക്ലാസ് പങ്കാളിത്തം കൊണ്ടും സംഘാടനം കൊണ്ടും വൻ വിജയമായി. ബെൻസലേം സെന്റ് ഗ്രിഗോറിയോസ് ചർച്ച് മിനിസ്റ്ററും, പ്രശസ്ത ഫാമിലി കൗൺസിലറും, തിയോളജിക്കൽ ബിരുദധാരിയുമായ സീന മാത്യു നയിച്ച സെഷനുകൾ സദസ്സിന് പുതിയ അറിവുകളും ആവേശവും പകരുന്നതായിരുന്നു. ഫിലഡൽഫിയ ബൈബറി റോഡിലെ സെന്റ് മേരീസ് ക്നാനായ പള്ളിയിൽ നടന്ന ചടങ്ങ് ഇടവക വികാരി റെന്നി എബ്രഹാം അച്ചൻ ഉദ്ഘാടനം ചെയ്തു. ചാക്കോ പുന്നൂസ് അച്ചൻ യോഗത്തിൽ അധ്യക്ഷത വഹിച്ചു. മാതാപിതാക്കളും കുട്ടികളും തമ്മിലുള്ള ആശയവിനിമയത്തിലെ പോരായ്മകൾ പരിഹരിക്കാനും കുടുംബബന്ധങ്ങൾ കൂടുതൽ ദൃഢമാക്കാനും സഹായിക്കുന്ന പ്രായോഗിക നിർദ്ദേശങ്ങൾ സീന മാത്യു ക്ലാസ്സിൽ പങ്കുവെച്ചു. രാവിലെ 11:30-ന് ആരംഭിച്ച ക്ലാസ്, പങ്കെടുത്തവരുടെ സജീവമായ…

സാൻ ജോവാക്വിൻ കൗണ്ടി ( കാലിഫോർണിയ):അമേരിക്കയിൽ വർഷങ്ങൾക്ക് മുൻപ് സ്വന്തം സഹോദരിയുടെ മരണത്തിന് കാരണമായ കാറപകടം ഇൻസ്റ്റാഗ്രാമിൽ തത്സമയം സംപ്രേക്ഷണം ചെയ്ത് കുപ്രസിദ്ധി നേടിയ ഒബ്ദുലിയ സാഞ്ചസ് വെടിയേറ്റ് മരിച്ച സംഭവത്തിൽ 27 വയസ്സുകാരിയായ മോണിക്ക ബരാജാസിനെ കൊലപാതകക്കുറ്റം ചുമത്തി പോലീസ് അറസ്റ്റ് ചെയ്തു. 18-ാം വയസ്സിൽ മദ്യപിച്ച് അലക്ഷ്യമായി കാറോടിച്ച സാഞ്ചസ്, തന്റെ 14 വയസ്സുകാരിയായ സഹോദരി കൊല്ലപ്പെട്ട അപകടം ഇൻസ്റ്റാഗ്രാമിൽ ലൈവ് സ്ട്രീം ചെയ്തിരുന്നു. ഈ കേസിൽ ആറ് വർഷം തടവിന് ശിക്ഷിക്കപ്പെട്ടെങ്കിലും 26 മാസത്തെ ജയിൽവാസത്തിന് ശേഷം 2019-ൽ ഇവർ പുറത്തിറങ്ങി. കഴിഞ്ഞ ഡിസംബർ 2-ന് സ്റ്റോക്ടണിലെ ഗെർട്രൂഡ് അവന്യൂവിൽ വെച്ചാണ് സാഞ്ചസിനും കൂടെയുണ്ടായിരുന്ന ഒരാൾക്കും വെടിയേറ്റത്. സാഞ്ചസ് സംഭവസ്ഥലത്ത് വെച്ച് തന്നെ മരിക്കുകയും കൂടെയുണ്ടായിരുന്നയാൾ പരിക്കുകളോടെ രക്ഷപ്പെടുകയും ചെയ്തു. മാസങ്ങൾ നീണ്ട അന്വേഷണത്തിനൊടുവിലാണ് മോണിക്ക ബരാജാസിനെ ഈ വാരാന്ത്യം പോലീസ് പിടികൂടിയത്.…