Year: 2026

ലോസ് ഏഞ്ചൽസ്: ആർട്ടിഫിഷ്യൽ ഇന്റലിജൻസ് (എഐ) സാങ്കേതികവിദ്യയുടെ വളർച്ചയ്ക്കിടയിൽ ഹോളിവുഡ് ജീവനക്കാരെ സഹായിക്കാനായി കാലിഫോർണിയ ഗവർണർ ഗവിൻ ഗ്യുസം പുതിയ നിയമത്തിൽ ഒപ്പുവെച്ചു. ഹോളിവുഡ് സിനിമകളെയും എഐയെയും ബന്ധപ്പെടുത്തി കാലിഫോർണിയയിൽ വരുന്ന ആദ്യ നിയമങ്ങളിൽ ഒന്നാണിത്. കമ്മ്യൂണിറ്റി കോളേജുകളിൽ പരിശീലനത്തിനായി 15 ദശലക്ഷം ഡോളറിന്റെ പൈലറ്റ് പ്രോഗ്രാമിന് ഈ നിയമം രൂപം നൽകുന്നു.സാങ്കേതികവിദ്യയോടൊപ്പം മനുഷ്യന്റെ തൊഴിലിനെയും സർഗ്ഗാത്മകതയെയും സംരക്ഷിക്കുകയാണ് ഇതിന്റെ ലക്ഷ്യം. യൂണിയനുകളുടെയും തൊഴിലുടമകളുടെയും സഹകരണത്തോടെ കാലിഫോർണിയ കമ്മ്യൂണിറ്റി കോളേജസ് ചാൻസലർ ഓഫീസ് ഈ പരിശീലന പദ്ധതിക്ക് നേതൃത്വം നൽകും. സാഗ്-ആഫ്ത്ര (SAG-AFTRA) ഉൾപ്പെടെയുള്ള സംഘടനകൾ ഈ ബില്ലിനെ പിന്തുണച്ചിട്ടുണ്ട്.  

മോണ്ടാന: അമേരിക്കയിലെ മോണ്ടാനയിൽ സഹോദരിയെ പുഴയിൽ ഒഴുക്കിൽപ്പെടാതെ രക്ഷിച്ച 13 വയസ്സുകാരൻ മുങ്ങിമരിച്ചു. എഫ്രേം ഡെയ്‌ലി  എന്ന കുട്ടിയാണ് മരിച്ചത്.വ്യാഴാഴ്ചയായിരുന്നു ഈ ദുരന്തം . മോണ്ടാനയിലെ ഫ്രോംബർഗിന് സമീപം ക്ലാർക്ക്സ് ഫോർക്ക് നദിയിൽ ട്യൂബിങ് നടത്തുന്നതിനിടെയാണ് വ്യാഴാഴ്ചയായിരുന്നു ഈ സംഭവം. സഹോദരി വെള്ളത്തിൽ അപകടത്തിൽപ്പെട്ടത് കണ്ട് എഫ്രേം അവളെ രക്ഷപ്പെടുത്തുകയായിരുന്നു. സഹോദരിയെ സുരക്ഷിതമായി കരയിലെത്തിക്കാൻ കഴിഞ്ഞെങ്കിലും, എഫ്രേം ശക്തമായ ഒഴുക്കിൽപ്പെട്ട് വെള്ളത്തിനടിയിലേക്ക് താഴുകയായിരുന്നു. തുടർന്ന് നടത്തിയ തീവ്രമായ തെരച്ചിലിനൊടുവിൽ, പിറ്റേദിവസം ഉച്ചയോടെയാണ് പ്രത്യേക ഡൈവിംഗ് ഉപകരണങ്ങളും ഹെലികോപ്റ്ററും ഡ്രോണുകളും ഉപയോഗിച്ച് കുട്ടിയുടെ മൃതദേഹം കണ്ടെടുത്തത്. ഒൻപത് മക്കളുള്ള കുടുംബത്തിലെ അംഗമായ എഫ്രേമിനെ ബന്ധുക്കളും സുഹൃത്തുക്കളും ഒരു ‘ഹീറോ’ എന്നാണ് വിശേഷിപ്പിക്കുന്നത്. ഈ ദാരുണ സംഭവം പ്രദേശത്ത് വലിയ ദുഃഖം സൃഷ്ടിച്ചിട്ടുണ്ട്.

വടക്കാങ്ങര: എം.പി.ജി.യു.പി. സ്കൂളിലെ കലൈമാനി സ്കൂൾ കലോത്സവം ഗായകനും പൂർവ്വവിദ്യാർത്ഥിയുമായ ഷബീർ വീനസ് ഉദ്ഘാടനം ചെയ്തു. ഹെഡ്മിസ്ട്രസ് സീമ, പി.ടി.എ പ്രസിഡന്റ് സഹീർ, വാർഡ് അംഗം നാസർ കൊളക്കന്താറ്റിൽ, സ്റ്റാഫ് സെക്രട്ടറി ഇ. അബ്ദുൽ ഷുക്കൂർ, ശിഹാബുദ്ദീൻ, റഷീദ്, സുധീർ സി.കെ, അനീസ, ശ്രുതി, രമ്യ വി.എസ് എന്നിവർ സംസാരിച്ചു.

പരാജയപ്പെട്ടവർ വിജയികളായി ഇല്ലാത്ത വിഷയങ്ങൾക്കും ഫലം ഇംപ്രൂവ്‌മെന്റ് മാർക്കിലും പൊരുത്തക്കേട് പരീക്ഷാ ഡാറ്റയുടെ സുരക്ഷയിലും ആശങ്ക സർവകലാശാലയുടെ സ്വന്തം സോഫ്റ്റ്‌വെയർ സംവിധാനം തിരിച്ചുകൊണ്ടുവരാൻ തീരുമാനം തിരുവനന്തപുരം: കേരള സർവകലാശാല അടുത്തിടെ പ്രസിദ്ധീകരിച്ച FYUGP നാലാം സെമസ്റ്റർ, ഒന്നാം സെമസ്റ്റർ സപ്ലിമെന്ററി പരീക്ഷാഫലങ്ങൾ പിൻവലിച്ചു. ഫലപ്രഖ്യാപനത്തിൽ നിരവധി ഗുരുതര പിഴവുകളും പൊരുത്തക്കേടുകളും കണ്ടെത്തിയതിനെ തുടർന്നാണ് സർവകലാശാല സിൻഡിക്കേറ്റിന്റെ നടപടി. പരീക്ഷാ നടത്തിപ്പിനും ഫലപ്രഖ്യാപനത്തിനുമായി ഉപയോഗിച്ചിരുന്ന K-REAP സോഫ്റ്റ്‌വെയറുമായി ബന്ധപ്പെട്ടാണ് പ്രധാനമായും പരാതികൾ ഉയർന്നത്. ഫലങ്ങളിലെ പിഴവുകൾ വിദ്യാർത്ഥികളുടെ വിജയനിലയെയും മാർക്കുകളെയും നേരിട്ട് ബാധിക്കുന്ന തരത്തിലുള്ളതാണെന്നതാണ് വിഷയം ഗൗരവമുള്ളതാക്കുന്നത്. വിദ്യാർത്ഥികളുടെ പ്രൊഫൈലുകളിൽ ഫലം കാണാൻ കഴിയാത്തത്, നിലവിലില്ലാത്ത വിഷയങ്ങൾക്ക് ഫലം സൃഷ്ടിക്കപ്പെട്ടത്, ഇംപ്രൂവ്‌മെന്റ് പരീക്ഷകളിലെ മാർക്കുകളിൽ പൊരുത്തക്കേടുകൾ ഉണ്ടായത്, പരാജയപ്പെട്ട വിദ്യാർത്ഥികളെ വിജയിച്ചതായി രേഖപ്പെടുത്തിയത് തുടങ്ങിയ പരാതികളാണ് റിപ്പോർട്ട് ചെയ്യപ്പെട്ടത്. പിഴവുകൾ വ്യാപകമായി റിപ്പോർട്ട് ചെയ്യപ്പെട്ടതോടെ K-REAP സോഫ്റ്റ്‌വെയറിന്റെ ഉപയോഗം…