Year: 2026

ഹൂസ്റ്റൺ: രാജ്യസഭാംഗവും കേരള കോൺഗ്രസ് (എം) ചെയർമാനുമായ ജോസ് കെ. മാണിക്കും ഭാര്യ നിഷാ ജോസിനും സൗത്ത് ഇന്ത്യൻ യു.എസ്. ചേംബർ ഓഫ് കൊമേഴ്‌സിന്റെ കോർപ്പറേറ്റ് ഓഫീസിൽ ഹൃദ്യമായ സ്വീകരണം നൽകി. ചേംബർ കുടുംബവുമായി ഏറെ അടുത്ത ബന്ധമുള്ള ജോസ് കെ. മാണിക്ക് ഇതിനുമുൻപും ചേംബർ സ്വീകരണം നൽകിയിട്ടുണ്ട്. ഇത്തവണയും വൻ ജനപങ്കാളിത്തത്തോടെ നടന്ന ചടങ്ങ് സ്നേഹത്തിന്റെയും സൗഹൃദത്തിന്റെയും മനോഹര കൂട്ടായ്മയായി മാറി. സൗത്ത് ഇന്ത്യൻ യു.എസ്. ചേംബർ ഓഫ് കൊമേഴ്‌സ്, ഫോമാ (FOMAA), പ്രവാസി കേരള കോൺഗ്രസ് എന്നിവയുടെ സംയുക്താഭിമുഖ്യത്തിലാണ് ഈ സ്വീകരണം സംഘടിപ്പിച്ചത്. വിവിധ സാമൂഹിക, സാംസ്കാരിക, ബിസിനസ് സംഘടനകളുടെ പ്രതിനിധികളും ചേംബർ അംഗങ്ങളും കമ്മ്യൂണിറ്റി നേതാക്കളും ചടങ്ങിൽ സന്നിഹിതരായിരുന്നു. ചേംബർ ഫിനാൻസ് ഡയറക്ടർ സണ്ണി കാരിക്കൽ എം.സിയായി പരിപാടികൾ നിയന്ത്രിച്ചു. നിശ്ശബ്ദ പ്രാർത്ഥനയോടെ ആരംഭിച്ച ചടങ്ങിൽ ചേംബർ സെക്രട്ടറി ബ്രൂസ് കൊളമ്പേൽ സ്വാഗതം…

ട്രാൻസ്‌ജെൻഡർ വ്യക്തിയെ സോഷ്യൽ മീഡിയയിലൂടെ അധിക്ഷേപിക്കുകയും ലൈംഗികമായി അപമാനിക്കുന്ന പരാമർശങ്ങൾ നടത്തുകയും ഭീഷണിപ്പെടുത്തുകയും ചെയ്തെന്ന പരാതിയിലാണ് നടപടി; മൊബൈൽ ഫോൺ പിടിച്ചെടുത്തു, അറസ്റ്റിന് പിന്നാലെ ജാമ്യത്തിൽ വിട്ടു തൃശൂർ: സമൂഹമാധ്യമങ്ങളിലെ വാക്കുതർക്കവും വിവാദവും ഒടുവിൽ പോലീസ് കേസിലേക്കും അറസ്റ്റിലേക്കും. തൃശൂർ സ്വദേശിയായ ട്രാൻസ്‌ജെൻഡർ വ്യക്തിയെ സോഷ്യൽ മീഡിയയിലൂടെ പരസ്യമായി അധിക്ഷേപിക്കുകയും ലൈംഗികമായി അപമാനിക്കുന്ന തരത്തിലുള്ള പരാമർശങ്ങൾ നടത്തുകയും ഭീഷണിപ്പെടുത്തുകയും ചെയ്തെന്ന പരാതിയിൽ ‘സ്പാർട്ടയിലെ ഹെലൻ’ എന്ന പേരിൽ സോഷ്യൽ മീഡിയയിൽ അറിയപ്പെടുന്ന ധന്യ ഹർഷിത്തിനെ തൃശൂർ സിറ്റി പോലീസ് അറസ്റ്റ് ചെയ്തു. കാസർഗോഡ് ബന്ദിയോട് സ്വദേശിയായ ധന്യയെ തൃശൂർ സൈബർ പോലീസ് സ്റ്റേഷനിൽ രജിസ്റ്റർ ചെയ്ത കേസിലാണ് പ്രത്യേക അന്വേഷണ സംഘം കസ്റ്റഡിയിലെടുത്തത്. നടപടിക്രമങ്ങൾ പൂർത്തിയാക്കിയ ശേഷം ധന്യയെ ജാമ്യത്തിൽ വിട്ടയച്ചു. സോഷ്യൽ മീഡിയയിലുണ്ടായ പരാമർശങ്ങളെ തുടർന്നാണ് സംഭവങ്ങളുടെ തുടക്കം. സമൂഹമാധ്യമ പ്ലാറ്റ്‌ഫോമുകൾ ഉപയോഗിച്ച് തന്നെ പരസ്യമായി…

തിരുവനന്തപുരം: പ്രതിപക്ഷ നേതാവും മുൻ മുഖ്യമന്ത്രിയുമായ പിണറായി വിജയൻ, മുൻ മന്ത്രി പി.എ. മുഹമ്മദ് റിയാസ്, ടി. വീണ എന്നിവർക്കെതിരെ അന്വേഷണം ആവശ്യപ്പെട്ട് എൻഫോഴ്‌സ്‌മെന്റ് ഡയറക്ടറേറ്റ് (ഇഡി) സംസ്ഥാന പൊലീസ് മേധാവിക്ക് നൽകിയ കത്തിൽ എന്ത് തുടർനടപടി സ്വീകരിക്കണമെന്ന കാര്യത്തിൽ സംസ്ഥാന സർക്കാർ തിങ്കളാഴ്ച തീരുമാനമെടുത്തേക്കും. നേരിട്ട് എഫ്‌ഐആർ രജിസ്റ്റർ ചെയ്യുന്നതിന് നിയമതടസ്സമില്ലെന്ന നിയമോപദേശം സർക്കാരിന് ലഭിച്ചിട്ടുണ്ടെങ്കിലും, അതിലേക്ക് ഉടൻ കടക്കാതെ പ്രാഥമിക വിജിലൻസ് അന്വേഷണമോ പ്രത്യേക അന്വേഷണ സംഘത്തിന്റെ (എസ്‌ഐടി) വിശദമായ അന്വേഷണമോ നടത്തുന്നതാണ് സർക്കാർ പരിഗണിക്കുന്നത്. നിലവിലെ സാഹചര്യത്തിൽ എസ്‌ഐടി രൂപീകരിക്കുന്നതിനാണ് കൂടുതൽ സാധ്യതയെന്നാണ് റിപ്പോർട്ടുകൾ. ഇഡി നല്‍കിയ കത്തിലെ ആരോപണങ്ങളുടെ സ്വഭാവവും ലഭ്യമായ രേഖകളും പരിശോധിച്ച ശേഷം ഏത് ഏജൻസിയെ അന്വേഷണത്തിന് നിയോഗിക്കണമെന്ന കാര്യത്തിൽ സർക്കാരിന് തീരുമാനമെടുക്കാമെന്നാണ് അഡ്വക്കേറ്റ് ജനറൽ നൽകിയ നിയമോപദേശം. ആഭ്യന്തരവകുപ്പിന് നിയമോപദേശം ലഭിച്ചതായി ആഭ്യന്തരമന്ത്രി രമേശ് ചെന്നിത്തല സ്ഥിരീകരിച്ചിട്ടുണ്ട്.…

ഹ്യൂസ്റ്റൺ : ഹ്യൂസ്റ്റണിൽ 21 കാരിയായ യുവതിയെ കൊലപ്പെടുത്തിയ കേസിൽ പ്രതിക്ക് 75 വർഷം കഠിനതടവ് ശിക്ഷ വിധിച്ചു. 2023 സെപ്റ്റംബറിലാണ് ഒരു കുട്ടിയുടെ അമ്മയായ ഡിയുൺഡ്രിയ ഫോർഡ്  കാണാതാകുന്നത്. ഹാരിസ് കൗണ്ടി ജൂരി പ്രതി കുറ്റക്കാരനാണെന്ന് കണ്ടെത്തുകയും, 2026 സെപ്റ്റംബർ 18-ന് കോടതി 75 വർഷത്തെ തടവ് ശിക്ഷ വിധിക്കുകയും ചെയ്തു. 2023 സെപ്റ്റംബർ 22-ന് ജോലിസ്ഥലത്തുനിന്നും ഒരു പുരുഷനൊപ്പം പോയ ഡിയുൺഡ്രിയ ഫോർഡിനെ പിന്നീട് കാണാതാകുകയായിരുന്നു.54 കാരനായ യോളണ്ട് ജെ. വാഷിംഗ്ടൺ ആണ് കൊലപാതകം നടത്തിയത്. പ്രതിയുടെ വാനിൽ നിന്നും വസ്ത്രങ്ങളിൽ നിന്നും കൊല്ലപ്പെട്ട യുവതിയുടെ രക്തക്കറയും ഡിഎൻഎയും ശാസ്ത്രീയ പരിശോധനയിൽ കണ്ടെത്തി. ഡാളസിൽ കണ്ടെത്തിയ അസ്ഥികൂടാവശിഷ്ടങ്ങൾ 2024 സെപ്റ്റംബറിൽ ഡിയുൺഡ്രിയയുടേതാണെന്ന് സ്ഥിരീകരിച്ചു.

വാഷിംഗ്ടണ്‍: ലാറ്റിനമേരിക്കയിൽ നിന്നുള്ള മയക്കുമരുന്ന് കടത്ത് തടയുന്നതിനായി ട്രംപ് ഭരണകൂടം സ്വീകരിച്ചുവരുന്ന സൈനിക നടപടികളുടെ ഭാഗമായി കരീബിയൻ കടലിൽ സംശയാസ്പദമായ ബോട്ടിന് നേരെ യുഎസ് സൈന്യം ആക്രമണം നടത്തി. ശനിയാഴ്ച നടന്ന ആക്രമണത്തിൽ ബോട്ടിലുണ്ടായിരുന്ന നാല് പേർ കൊല്ലപ്പെട്ടതായാണ് റിപ്പോർട്ട്. കരീബിയൻ മേഖലയിലും കിഴക്കൻ പസഫിക്കിലും മയക്കുമരുന്ന് കടത്തുമായി ബന്ധമുണ്ടെന്ന് ആരോപിക്കപ്പെടുന്ന ബോട്ടുകൾക്കെതിരെ യുഎസ് നടത്തുന്ന സൈനിക നടപടികളുടെ തുടർച്ചയായാണ് പുതിയ ആക്രമണം. ഈ നടപടികളിൽ ഇതുവരെ കൊല്ലപ്പെട്ടവരുടെ എണ്ണം കുറഞ്ഞത് 231 ആയതായും റിപ്പോർട്ടുകളുണ്ട്. ലാറ്റിനമേരിക്കൻ സമുദ്രമേഖലകളിൽ പ്രവർത്തിക്കുന്ന മയക്കുമരുന്ന് കടത്ത് സംഘങ്ങൾക്കെതിരെ ട്രംപ് ഭരണകൂടം ആരംഭിച്ച കാമ്പയിന്റെ ഭാഗമായി യുഎസ് സേന 69-ലധികം മാരകമായ ആക്രമണങ്ങൾ നടത്തിയിട്ടുണ്ടെന്നാണ് യുഎസ് സതേൺ കമാൻഡിനെ ഉദ്ധരിച്ചുള്ള വിവരം. യുഎസിലേക്ക് അനധികൃത മയക്കുമരുന്ന് എത്തിക്കാൻ ഉപയോഗിക്കുന്നതായി അധികൃതർ പറയുന്ന പരമ്പരാഗത സമുദ്ര കള്ളക്കടത്ത് പാതകൾ കേന്ദ്രീകരിച്ചാണ് പ്രധാനമായും ഇത്തരം…

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തെ രാജ്യത്തിന്റെ പ്രധാന റെയിൽവേ ശൃംഖലയുമായി ബന്ധിപ്പിക്കുന്ന നിർദ്ദിഷ്ട വിഴിഞ്ഞം–ബാലരാമപുരം റെയിൽ ലിങ്ക് പദ്ധതിക്കായുള്ള ഭൂമി ഏറ്റെടുക്കൽ നടപടികൾ കൂടുതൽ വിപുലീകരിച്ചു. പള്ളിച്ചൽ, ബാലരാമപുരം ഗ്രാമങ്ങളിലെ അധിക ഭൂമി കൂടി ഏറ്റെടുക്കൽ പരിധിയിൽ ഉൾപ്പെടുത്തി റവന്യൂ വകുപ്പ് പുതിയ വിജ്ഞാപനം പുറത്തിറക്കി. സെപ്റ്റംബർ 14ന് പുറത്തിറക്കിയ വിജ്ഞാപനപ്രകാരം, സർക്കാർ ഭൂമിക്കു പുറമെ സ്വകാര്യ ഉടമസ്ഥതയിലുള്ള ഏകദേശം 2.3195 ഹെക്ടർ ഭൂമിയാണ് പുതുതായി ഏറ്റെടുക്കൽ നടപടികളുടെ പരിധിയിൽ വരുന്നത്. നെയ്യാറ്റിൻകര താലൂക്കിലെ പള്ളിച്ചൽ, ബാലരാമപുരം ഗ്രാമങ്ങളിലായാണ് ഈ ഭൂമി സ്ഥിതി ചെയ്യുന്നത്. റെയിൽ ലിങ്കിന്റെ നിർമാണത്തിന് ആവശ്യമായ ഭൂമി ലഭ്യമാക്കുന്നതിനുള്ള നടപടികളുടെ തുടർച്ചയായാണ് പുതിയ വിജ്ഞാപനം. മുൻപ് പുറത്തിറക്കിയ ഭൂമി ഏറ്റെടുക്കൽ വിജ്ഞാപനത്തിൽ ഉൾപ്പെടാതിരുന്ന വിവിധ പ്രദേശങ്ങളും പുതിയ വിജ്ഞാപനത്തിൽ ഉൾപ്പെടുത്തിയിട്ടുണ്ട്. ലഭ്യമായ വിവരങ്ങൾ പ്രകാരം 104 ഭൂമി ഏറ്റെടുക്കൽ ഉപവിഭാഗങ്ങളാണ് പദ്ധതിയിലേക്ക് പുതുതായി…

പെൻസിൽവാനിയ: 2026-ലെ മാർത്തോമ്മാ സേവികാസംഘം ദേശീയ സമ്മേളനം  ഒക്ടോബർ 1 മുതൽ 4 വരെ പെൻസിൽവാനിയയിലെ കിംഗ് ഓഫ് പ്രഷ്യയിലുള്ള വാലി ഫോർജ് കാസിനോ റിസോർട്ടിൽ  വെച്ച് നടക്കും. ഫിലഡെൽഫിയ ക്രൈസ്തോസ് മാർത്തോമ്മാ ഇടവകയാണ്  ഈ സമ്മേളനത്തിന് ആതിഥേയത്വം വഹിക്കുന്നത്. ” (Women: Rooted in Christ and Routed for Mission) എന്നതാണ് ഈ സമ്മേളനത്തിന്റെ മുഖ്യചിന്താവിഷയം. ഭദ്രാസനാധിപൻ  അബ്രഹാം മാർ പൗലോസ് തിരുമേനിയുടെ നേതൃത്വത്തിലും മാർഗനിർദ്ദേശത്തിലുമാണ് സമ്മേളന പരിപാടികൾ ക്രമീകരിച്ചിരിക്കുന്നത്. കൂടാതെ, വിവിധ സെഷനുകൾക്ക് നേതൃത്വം നൽകാൻ  റവ. സാം കോശി ,ഡോ. ലീന കെ. ചെറിയാൻ ,റ്റിൻസി സഖറിയ,ഡോ. ബെറ്റി എൽസ ജേക്കബ്,തുടങ്ങി പ്രമുഖരായ നേതാക്കളും ഈ സമ്മേളനത്തിൽ പങ്കെടുക്കുന്നുണ്ട്:    ആത്മീയ കൂട്ടായ്മയും പ്രാർത്ഥനയും ലക്ഷ്യമിട്ട് നടത്തുന്ന ഈ ദേശീയ സമ്മേളനത്തിൽ ഈ ദേശീയ സമ്മേളനത്തിൽ അമേരിക്കയിൽ നിന്നും, കാനഡയിൽ നിന്നും…

ഡാളസ്: സെന്റ് പോൾസ് മാർത്തോമാ ചർച്ചിന്റെ 2026 പിക്നിക് പ്രോഗ്രാം ഉല്ലാസത്തിന്റെയും വിനോദത്തിന്റെയും അതിലുപരി ആലിമീക ഉണർവിന്റേയും അവസരമായി മാറി. പൊള്ളുന്ന ചൂടിൽ 200 പരം ആൾക്കാർ വളരെ ആവേശത്തോടുകൂടിയാണ് പിക്നിക്കിൽ എത്തിയത്. ഇടവക വികാരി റെജിൻ രാജു, സെക്രട്ടറി സോജി സ്കറിയ, ഫിൽ മാത്യു, രാജു ചാക്കോ, റിപ്‌സൺ തുടങ്ങിയ ഇടവക ഭാരവാഹികൾ പിക്നിക് ഒരുക്കങ്ങൾക്ക് ചുക്കാൻ പിടിച്ചു. ഉഷ്ണധിക്യത്തെ അതിജീവിക്കുവാൻ വേണ്ട ക്രമീകരങ്ങൾ നടത്തിയിരുന്നു. കുട്ടികൾക്കുവേണ്ടയും യുവജങ്ങൾക്കു വേണ്ടിയും മുതിർന്നവർക്കു വേണ്ടിയുമുള്ള വിവിധ കലാപരിപാടികൾ നടത്തി. കലാപരിപാടികൾക്ക് ശേഷം പുരുഷന്മാരുടെയും സ്ത്രീകളുടെയും വടംവലി മത്സരം ഒരുക്കിയിരുന്നു. രാവിലെ മുതൽ വളരെ രുചികരമായ ഭക്ഷണ പാനീയങ്ങൾ ക്രമീകരിച്ചിരുന്നു. രാവിലെ 8 മണിക്ക് വികാരി റവ. റെജിന്‍ രാജുവിന്റെ പ്രാരംഭ പ്രാത്ഥനയോടുകൂടി തുടങ്ങിയ പിക്നിക് ഉച്ചകഴിഞ്ഞ് മൂന്നു മണിയോടെ അവസാനിച്ചു.

ലോസ് ഏഞ്ചൽസ്: ആർട്ടിഫിഷ്യൽ ഇന്റലിജൻസ് (എഐ) സാങ്കേതികവിദ്യയുടെ വളർച്ചയ്ക്കിടയിൽ ഹോളിവുഡ് ജീവനക്കാരെ സഹായിക്കാനായി കാലിഫോർണിയ ഗവർണർ ഗവിൻ ഗ്യുസം പുതിയ നിയമത്തിൽ ഒപ്പുവെച്ചു. ഹോളിവുഡ് സിനിമകളെയും എഐയെയും ബന്ധപ്പെടുത്തി കാലിഫോർണിയയിൽ വരുന്ന ആദ്യ നിയമങ്ങളിൽ ഒന്നാണിത്. കമ്മ്യൂണിറ്റി കോളേജുകളിൽ പരിശീലനത്തിനായി 15 ദശലക്ഷം ഡോളറിന്റെ പൈലറ്റ് പ്രോഗ്രാമിന് ഈ നിയമം രൂപം നൽകുന്നു.സാങ്കേതികവിദ്യയോടൊപ്പം മനുഷ്യന്റെ തൊഴിലിനെയും സർഗ്ഗാത്മകതയെയും സംരക്ഷിക്കുകയാണ് ഇതിന്റെ ലക്ഷ്യം. യൂണിയനുകളുടെയും തൊഴിലുടമകളുടെയും സഹകരണത്തോടെ കാലിഫോർണിയ കമ്മ്യൂണിറ്റി കോളേജസ് ചാൻസലർ ഓഫീസ് ഈ പരിശീലന പദ്ധതിക്ക് നേതൃത്വം നൽകും. സാഗ്-ആഫ്ത്ര (SAG-AFTRA) ഉൾപ്പെടെയുള്ള സംഘടനകൾ ഈ ബില്ലിനെ പിന്തുണച്ചിട്ടുണ്ട്.