Month: March 2026

ഒക്ലഹോമ സിറ്റി: ഒക്ലഹോമയിൽ നിയമപരമായ വിവാഹപ്രായം 18 വയസ്സായി ഉയർത്തുന്നതിനുള്ള സുപ്രധാന ബിൽ (സെനറ്റ് ബിൽ 504) സംസ്ഥാന സെനറ്റ് ഐകകണ്ഠേന പാസാക്കി. നിലവിൽ പ്രായപൂർത്തിയാകാത്തവർക്ക് വിവാഹം കഴിക്കാൻ നൽകിയിരുന്ന എല്ലാ ഇളവുകളും പുതിയ നിയമത്തിലൂടെ നീക്കം ചെയ്യും. വിവാഹിതരാകാൻ കുറഞ്ഞത് 18 വയസ്സ് പൂർത്തിയാകണം.ഇളവുകൾ ഒഴിവാക്കി: മാതാപിതാക്കളുടെ സമ്മതത്തോടെയോ കോടതി ഉത്തരവിലൂടെയോ 18 വയസ്സിന് താഴെയുള്ളവർക്ക് വിവാഹം കഴിക്കാമെന്ന നിലവിലെ നിയമത്തിലെ പഴുതുകൾ ഇതോടെ അടയും. പ്രായപൂർത്തിയാകാത്ത പെൺകുട്ടികൾ ചൂഷണങ്ങൾക്കും മനുഷ്യക്കടത്തിനും ഇരയാകുന്നത് തടയാനാണ് ഈ നീക്കമെന്ന് ബിൽ അവതരിപ്പിച്ച സെനറ്റർ വാരൻ ഹാമിൽട്ടൺ പറഞ്ഞു. ഒക്ലഹോമയിൽ നിലവിലുള്ള നിയമപ്രകാരം, രക്ഷിതാക്കളുടെ സമ്മതമുണ്ടെങ്കിൽ 16-17 വയസ്സുകാർക്കും പ്രത്യേക സാഹചര്യങ്ങളിൽ കോടതി അനുമതിയോടെ 16 വയസ്സിന് താഴെയുള്ളവർക്കും വിവാഹം കഴിക്കാമായിരുന്നു. പുതിയ ബിൽ നിയമമാകുന്നതോടെ ഇത്തരം വിവാഹങ്ങൾ പൂർണ്ണമായും നിരോധിക്കപ്പെടും.ബിൽ ഇനി ഒക്ലഹോമ ജനപ്രതിനിധി സഭയുടെ പരിഗണനയ്ക്ക്…

ചിക്കാഗോ: യേശുക്രിസ്തുവിന്റെ രാജകീയമായ ജറൂസലേം പ്രവേശനം, പീഢാനുഭവം, കുരിശുമരണം, ഉയർത്തെഴുന്നേല്പ് എന്നിവ അനുസ്‌മരിക്കുന്ന വിശുദ്ധ വാരത്തിലേക്കു ലോകമെമ്പാടുമുള്ള ക്രൈസ്തവരോടൊപ്പം മോർട്ടൻ ഗ്രോവ് സെന്റ് മേരീസ് ക്നാനായ കത്തോലിക്ക ദേവാലയവും പ്രവേശിക്കുന്നു. വിശുദ്‌ധ വാരത്തിലെ തിരുക്കർമ്മങ്ങൾ താഴെപ്പറയുന്ന ക്രമത്തിൽ നടക്കുന്നതാണ്. ഓശാന ഞായറാഴ്ചയായ മാർച്ച് 29-നു ഓശാനയുടെ തിരുക്കർമ്മങ്ങൾ രാവിലെ 10 മണിക്ക് മലയാളത്തിലും വൈകുന്നേരം 4 മണിക്ക് ഇംഗ്ലീഷിലും നടത്തപ്പെടുന്നു. കൂടാതെ രാവിലെ 8 മണിക്കും വൈകുന്നേരം 5:30 നും മലയാളത്തിൽ വിശുദ്ധ കുർബാനയും ഉണ്ടായിരിക്കുന്നതാണ്. ഏപ്രിൽ 2, പെസഹാവ്യാഴാഴ്ച, വൈകുന്നേരം 6:30- ന് കാൽ കഴുകൽ ശുശ്രൂഷയും ആഘോഷമായ വി. കുർബാനയും ഉണ്ടായിരിയ്ക്കും. ഏപ്രിൽ 3, ദുഃഖവെള്ളിയാഴ്ച, വൈകുന്നേരം 5 മണിക്ക് ഇംഗ്ലീഷിലും 7 മണിക്ക് മലയാളത്തിലും ദുഖവെള്ളിയുടെ തിരുക്കർമ്മങ്ങളും കുരിശിന്റെ വഴിയും നടക്കും. വൈകിട്ട് കഞ്ഞിനേർച്ചയും ഉണ്ടായിരിക്കും. ഏപ്രിൽ 4, ശനിയാഴ്ച 8:15 ന്…

നേപ്പാളിന്റെ 47-ാമത് പ്രധാനമന്ത്രിയായി ബാലൻ ഷാ ചുമതലയേറ്റു. മന്ത്രിസഭയിലെ അംഗങ്ങൾക്കൊപ്പം ഇന്ന് അദ്ദേഹം സത്യപ്രതിജ്ഞ ചെയ്തു. ഹിന്ദു ആചാരപ്രകാരമായിരുന്നു സത്യപ്രതിജ്ഞാ ചടങ്ങ്. ന്യൂഡൽഹി: നേപ്പാൾ രാഷ്ട്രീയത്തിൽ ഒരു പുതിയ അധ്യായം ആരംഭിച്ചു. വെറും 35 വയസ്സുള്ള ബാലെൻ ഷാ എന്നറിയപ്പെടുന്ന ബാലേന്ദ്ര ഷാ നേപ്പാളിന്റെ 47-ാമത് പ്രധാനമന്ത്രിയായി വെള്ളിയാഴ്ച അദ്ദേഹം സത്യപ്രതിജ്ഞ ചെയ്തു. ഭരണഘടനയുടെ ആർട്ടിക്കിൾ 76(1) പ്രകാരം ഷിതൽ നിവാസിൽ പ്രസിഡന്റ് രാമചന്ദ്ര പൗഡൽ ബാലെൻ ഷായ്ക്ക് സത്യവാചകം ചൊല്ലിക്കൊടുത്തു. ബാലൻ ഷായും മന്ത്രിസഭയിലെ അംഗങ്ങളും സത്യപ്രതിജ്ഞ ചെയ്തു. ഹിന്ദു ആചാരപ്രകാരമായിരുന്നു സത്യപ്രതിജ്ഞാ ചടങ്ങ്. വിജയത്തിന്റെയും ഐശ്വര്യത്തിന്റെയും പ്രതീകമായി കണക്കാക്കപ്പെടുന്ന ഏഴ് പേരുടെ ശംഖുനാദത്തോടെയാണ് ചടങ്ങ് ആരംഭിച്ചത്. രാമനവമിയുടെ പ്രത്യേക ദിവസത്തിലായിരുന്നു ബാലെൻ ഷായുടെ സത്യപ്രതിജ്ഞാ ചടങ്ങ്. രാഷ്ട്രപതി ഭവനിൽ നടന്ന പ്രൗഢഗംഭീരമായ ചടങ്ങിൽ ഉച്ചയ്ക്ക് 12:34 ന് അദ്ദേഹം അധികാരമേറ്റു. ചടങ്ങിൽ ബാലെൻ നേപ്പാളി…