Month: February 2026

ജീവിതം എത്രമാത്രം അപ്രതീക്ഷിതമാണെന്ന് നാം തിരിച്ചറിയുന്നത് ചില വിയോഗങ്ങൾക്കും വേർപിരിയലുകൾക്കും സാക്ഷ്യം വഹിക്കുമ്പോഴാണ്. കഴിഞ്ഞ ഒരാഴ്ചയ്ക്കുള്ളിൽ എന്റെ മനസ്സിനെ ഒരുപോലെ ഉലച്ച രണ്ട് സംഭവങ്ങൾ ഇതിന് അടിവരയിടുന്നു. ഒന്ന്, ജ്യേഷ്ഠതുല്യനായ ഒരു പ്രിയപ്പെട്ട വ്യക്തിയുടെ മരണം. രണ്ട്, വിവാഹനിശ്ചയം കഴിഞ്ഞ് ശുഭകരമായി നടക്കേണ്ടിയിരുന്ന ഒരു ബന്ധം പെട്ടെന്നൊരു നിമിഷം തകർന്നുപോയത്. ഈ രണ്ട് അനുഭവങ്ങളെയും കൂട്ടിമുട്ടിക്കുമ്പോൾ ഭക്തകവി പൂന്താനത്തിന്റെ വരികൾക്ക് കാലാതീതമായ ഒരർത്ഥമുണ്ടെന്ന്  തിരിച്ചറിയുന്നു. “കണ്ടുകണ്ടങ്ങിരിക്കും ജനങ്ങളെ കണ്ടില്ലെന്നു വരുത്തുന്നതും ഭവാൻ…” ജ്ഞാനപ്പാനയിലെ ഈ വരികൾ മരണത്തിന്റെ അനിവാര്യതയെ മാത്രമല്ല, മനുഷ്യബന്ധങ്ങളുടെ നശ്വരതയെയും കൂടെയാണ് ഓർമ്മിപ്പിക്കുന്നത്. ഹൃദയത്തോട് ചേർന്നുനിൽക്കുന്ന ഒരാൾ പെട്ടെന്നൊരു നിമിഷം വെറും ഓർമ്മയായി മാറുന്നത് താങ്ങാനാവാത്ത ആഘാതമാണ്. മരണം പ്രകൃതിനിയമമാണ്; അവിടെ മനുഷ്യൻ നിസ്സഹായനാണ്. പ്രിയപ്പെട്ടവരുടെ വേർപാട് സൃഷ്ടിക്കുന്ന ശൂന്യത ഭീകരമാണെങ്കിലും, അതിനേക്കാൾ വേദനിപ്പിക്കുന്ന മറ്റൊരു ‘അദൃശ്യമാകൽ’ ഇന്ന് നമ്മുടെ സമൂഹത്തിൽ വർദ്ധിച്ചുവരുന്നു. അത്…

ഡാലസ്: ഡാലസ് സോഷ്യൽ ക്ലബ്ബിന്റെ വാലന്റൈൻസ് ഡേ ആഘോഷങ്ങളും 2026-ലേക്കുള്ള പ്രവർത്തനങ്ങളുടെ ഉദ്ഘാടനവും പ്രൗഢഗംഭീരമായി നടന്നു. 2014-ൽ ഡാലസ് നഗരത്തിൽ പ്രവർത്തനം ആരംഭിച്ച ‘ഡാലസ് കിംഗ്‌സ് ക്ലബ്’  ഇനി മുതൽ ‘ഡാലസ് സോഷ്യൽ ക്ലബ്’ എന്ന പുതിയ പേരിൽ അറിയപ്പെടുമെന്ന് ഭരണസമിതി അറിയിച്ചു. കൂടുതൽ ജനപങ്കാളിത്തവും വിപുലമായ പ്രാതിനിധ്യവും ലക്ഷ്യമിട്ടാണ് ഈ മാറ്റം. കഴിഞ്ഞ ഒരു ദശാബ്ദത്തിലേറെയായി സാമൂഹിക, സാംസ്കാരിക, സേവന രംഗങ്ങളിൽ സജീവമായ സംഘടന, പുതിയ പേരിനൊപ്പം പുതിയ എക്സിക്യൂട്ടീവ് ഡയറക്ടർമാരെയും ഭരണസമിതിയെയും തിരഞ്ഞെടുത്തു. ഡാലസിലെ എല്ലാ വിഭാഗം ജനങ്ങളെയും ഉൾപ്പെടുത്തി ഒരു തുറന്ന സാമൂഹിക വേദിയായി ക്ലബ്ബിനെ വളർത്തുകയാണ് പുതിയ നേതൃത്വത്തിന്റെ ലക്ഷ്യം. പുതിയ ഭരണസമിതി: ഈ വർഷത്തെ ഔദ്യോഗിക പരിപാടിയിൽ ക്ലബ്ബിന്റെ ബോർഡ് ഓഫ് ഡയറക്ടേഴ്‌സിനെ തിരഞ്ഞെടുത്തു. പ്രസിഡന്റ് ജിനു കുടിലിൽ, വൈസ് പ്രസിഡന്റ് ടിജോ ചങ്ങങ്കേരി, സെക്രട്ടറി കുട്ടൻ മുപ്പ്രപ്പള്ളിൽ ജോയിന്റ്…

ഹൂസ്റ്റൺ: ലോകമെമ്പാടുമുള്ള വിശ്വാസികളെ കോർത്തിണക്കി നടത്തുന്ന ഇന്റർനാഷണൽ പ്രയർലൈനിന്റെ 615-ാമത് സമ്മേളനം 2026 ഫെബ്രുവരി 24 ചൊവ്വാഴ്ച രാത്രി 9 മണിക്ക് ഭക്തിനിർഭരമായി നടന്നു. ഹൂസ്റ്റണിലെ സി.എസ്.ഐ സീനിയർ വൈദികൻ റവ. ജേക്കബ് ജോർജ് സമ്മേളനത്തിൽ മുഖ്യപ്രഭാഷണം നടത്തി. ഇന്ന് നാം 615-ാമത് സെഷൻ പിന്നിട്ട് 616-ലേക്ക് പ്രവേശിക്കുമ്പോൾ, കഴിഞ്ഞ കാലമത്രയും നമ്മെ നടത്തിയ ദൈവത്തിന് സ്തോത്രം ചെയണമെന്നും,നമ്മുടെ ജീവിതത്തിലെ ഓരോ നിമിഷവും ദൈവസാന്നിധ്യത്തിൽ സന്തോഷത്തോടെയും നന്ദിയോടെയും ചെലവഴിക്കാനും  നമുക്ക് സാധിക്കണം.നമ്മുടെ ആത്മീയ ജീവിതം മുരടിച്ചുപോകാതെ വളരണമെങ്കിൽ കർത്താവിനോടുള്ള ബന്ധം ഊഷ്മളമായിരിക്കണം. ജീവിതത്തിലെ തിരക്കുകൾക്കിടയിലും ലളിതമായ കാര്യങ്ങളിൽ പോലും ദൈവത്തെ ഓർത്തുകൊണ്ട് ഓരോ കാര്യങ്ങളും അവന്റെ സന്നിധിയിൽ സമർപ്പിക്കണമെന്നു അച്ചൻ ഉധബോദിപ്പിച്ചു കയീന്റെയും ഹാബേലിന്റെയും വഴിപാടുകൾ: ഉല്പത്തി പുസ്തകം 4-ാം അധ്യായത്തിൽ നാം വായിക്കുന്നത് പോലെ, കയീൻ നിലത്തെ ഫലങ്ങളിൽ നിന്നും യഹോവയ്ക്ക് വഴിപാട് അർപ്പിച്ചു. എന്നാൽ…

സർക്കാർ ജീവനക്കാരുടെയും അധ്യാപകരുടെയും വ്യക്തിഗത വിവരങ്ങൾ ഉൾപ്പെടുന്ന സ്പാർക് പോർട്ടലിലെ ഡാറ്റ ഉപയോഗിച്ച് സന്ദേശങ്ങൾ അയച്ച സംഭവത്തിൽ മുഖ്യമന്ത്രിയുടെ ഓഫീസിനെതിരെ കേരള ഹൈക്കോടതി കടുത്ത വിമർശനം ഉയർത്തി. കേസ് പരിഗണിച്ച ജസ്റ്റിസ് ബച്ചു കുര്യൻ തോമസ്, പ്രഥമദൃഷ്ട്യാ ഇത് സ്വകാര്യതയിലേക്കുള്ള ഗുരുതര കടന്നുകയറ്റമാണെന്ന് നിരീക്ഷിച്ചു. കേസ് വീണ്ടും പരിഗണിക്കുന്ന വെള്ളിയാഴ്ച വരെ സമാന സ്വഭാവത്തിലുള്ള സന്ദേശങ്ങൾ അയക്കരുതെന്ന് കോടതി കർശന നിർദേശം നൽകി. സ്പാർക് ഡാറ്റയുടെ ദുരുപയോഗം തടയണമെന്നാവശ്യപ്പെട്ട് സമർപ്പിച്ച ഹർജിയിലാണ് കോടതി ഇടപെട്ടത്. സർക്കാർ ജീവനക്കാർ ഔദ്യോഗിക ആവശ്യങ്ങൾക്കായി നൽകിയ വ്യക്തിഗത വിവരങ്ങളിൽനിന്ന് ഫോൺ നമ്പറുകൾ ശേഖരിച്ച് രാഷ്ട്രീയ പ്രചാരണത്തിനായി ഉപയോഗിച്ചതായാണ് ആരോപണം. വ്യക്തിഗത വിവരങ്ങൾ എങ്ങനെയാണ് ലഭിച്ചതെന്നും ആർക്കും ലഭ്യമാകുന്ന വിവരമാണെങ്കിൽ സ്പാർക്കിലെ ഡാറ്റയ്ക്ക് എന്ത് സംരക്ഷണമാണുള്ളതെന്നും കോടതി ചോദിച്ചു. സർക്കാർ പദ്ധതികളുടെ ഗുണഭോക്താക്കൾക്കാണ് സന്ദേശങ്ങൾ അയച്ചതെന്ന സർക്കാർ വാദം കോടതി തള്ളി. സർക്കാരിൽ…

കോലഞ്ചേരി: നിയമസഭാ തെരഞ്ഞെടുപ്പിൽ കുന്നത്തുനാടിനെ ഒരു വിഐപി മണ്ഡലമാക്കി മാറ്റി പ്രശസ്തിയിലേക്ക് ഉയർന്ന ട്വന്റി20 പാർട്ടി, വലിയ പോരാട്ടം നടത്താൻ ഒരുങ്ങിക്കഴിഞ്ഞു. എൻഡിഎ സഖ്യകക്ഷിയായതിന് ശേഷമുള്ള ടി20 പാർട്ടിയുടെ ആദ്യ തിരഞ്ഞെടുപ്പാണിത്. സിപിഎം എംഎൽഎ പി.വി. ശ്രീനിജിൻ വീണ്ടും ഇവിടെ നിന്ന് മത്സരിക്കാൻ സാധ്യതയുണ്ട്. രണ്ട് തവണ മണ്ഡലത്തെ പ്രതിനിധീകരിച്ച വി.പി. സജീന്ദ്രൻ യുഡിഎഫ് സ്ഥാനാർത്ഥിയാകും. ട്വന്റി20 സ്ഥാനാർത്ഥി നിർണയ സമിതി മൂന്ന് പേരുടെ പട്ടിക തയ്യാറാക്കിയിട്ടുണ്ടെന്നാണ് അനൗദ്യോഗിക വിവരം. ആദ്യം സ്ഥാനാർത്ഥിയെ പ്രഖ്യാപിക്കുകയും പിന്നീട് പ്രചാരണം വർദ്ധിപ്പിക്കുകയും ചെയ്യുക എന്നതാണ് ട്വന്റി20യുടെ രീതി. കുന്നത്തുനാട് സംവരണ മണ്ഡലമായതിനുശേഷം യുഡിഎഫിന്റെ വിപി സജീന്ദ്രൻ രണ്ടുതവണ വിജയിച്ചു. കഴിഞ്ഞ തവണ പിവി ശ്രീനിജിനിനോട് 2715 വോട്ടുകൾക്ക് സജീന്ദ്രൻ പരാജയപ്പെട്ടു. ടി20 പാർട്ടി സ്ഥാനാർത്ഥി 42,701 വോട്ടുകൾ നേടിയതാണ് വലിയ അട്ടിമറിക്ക് കാരണമായത്. ലോക്‌സഭാ, ത്രിതല പഞ്ചായത്ത് തിരഞ്ഞെടുപ്പുകളിൽ കുന്നത്തുനാട്ടിൽ…

പാക്കിസ്താനിലെ ഖൈബർ പഖ്തൂൺഖ്വ പ്രവിശ്യയിൽ പതിയിരുന്ന് പോലീസ് വാഹനത്തിനു നേരെ നടത്തിയ വിവേചനരഹിതമായ വെടിവയ്പ്പിൽ ഒരു ഡിഎസ്പി ഉൾപ്പെടെ ഏഴ് പേർ കൊല്ലപ്പെട്ടു. അതേസമയം, അക്രമികൾ സംഭവസ്ഥലത്ത് നിന്ന് ഓടി രക്ഷപ്പെട്ടു. ഖൈബർ പഖ്തുൻഖ്വയിലെ കൊഹാത് ജില്ലയിൽ ഒരു പോലീസ് വാഹനത്തിന് അക്രമികള്‍ പതിയിരുന്ന് ആക്രമണം നടത്തി. വിജനമായ പ്രദേശത്ത് വെച്ചാണ് അക്രമികൾ വാൻ വളഞ്ഞ ശേഷം വിവേചനരഹിതമായി വെടിയുതിർത്തത്. വാഹനത്തിൽ സഞ്ചരിച്ചിരുന്ന പോലീസുകാരെ ലക്ഷ്യം വച്ചായിരുന്നു ആക്രമണം. വെടിവയ്പ്പ് പ്രദേശത്ത് പരിഭ്രാന്തി സൃഷ്ടിച്ചു. വഴിയാത്രക്കാരിൽ ചിലർക്കും പരിക്കേറ്റു. സംഭവത്തിന് ശേഷം അക്രമികൾ ഓടി രക്ഷപ്പെട്ടു. ആക്രമണത്തിൽ ഡെപ്യൂട്ടി സൂപ്രണ്ട് ആസാദ് മഹമൂദ് കൊല്ലപ്പെട്ടു. അദ്ദേഹത്തിന്റെ രണ്ട് സുരക്ഷാ ഉദ്യോഗസ്ഥരും സംഭവസ്ഥലത്ത് വെച്ചുതന്നെ കൊല്ലപ്പെട്ടു. ഒരു സാധാരണക്കാരൻ ഉൾപ്പെടെ ഏഴ് പേർ കൊല്ലപ്പെട്ടതായി റിപ്പോർട്ടുണ്ട്. പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു. മരിച്ചയാളെ തിരിച്ചറിയാനുള്ള നടപടികൾ പോലീസ് ആരംഭിച്ചു.…

ജീവിതം മാറിമറിഞ്ഞ ആ നിമിഷത്തിന് ഇന്ന് നാല് വർഷം തികയുന്നു. പുലർച്ചെ അഞ്ച് മണിക്ക് ജനാലയ്ക്കൽ കേട്ട ഉഗ്രസ്ഫോടന ശബ്ദങ്ങളാണ് എന്റെ ലോകത്തെ കീഴ്മേൽ മറിച്ചത്. അത്തരമൊരു ദുരന്തം യഥാർത്ഥ ജീവിതത്തിൽ സംഭവിക്കുമെന്ന് ഞാൻ ഒരിക്കലും കരുതിയിരുന്നില്ല. കേട്ടറിവിനേക്കാൾ ഭയാനകമായിരുന്നു ആ അനുഭവം. ആ ഭീതിയുടെ നിമിഷങ്ങൾ സ്ഫോടന ശബ്ദങ്ങൾക്കൊപ്പം അയൽക്കാർ പരിഭ്രാന്തരായി വാതിലുകൾ വലിച്ചടച്ച് ഗോവണിപ്പടികളിലൂടെ ഓടുന്ന ശബ്ദവും അന്തരീക്ഷത്തിൽ മുഴങ്ങി. ബോംബ് ഷെൽട്ടറുകളിലേക്കുള്ള നെട്ടോട്ടമായിരുന്നു പിന്നീട്. കയ്യിൽ കുറച്ച് പണമെങ്കിലും കരുതാനായി എടിഎമ്മുകളിലേക്ക് ഓടിയെങ്കിലും അവിടെയെല്ലാം നീണ്ട ക്യൂവായിരുന്നു. എങ്ങും സൈറണുകളും സ്ഫോടന ശബ്ദങ്ങളും മാത്രം. കടകളിൽ കണ്ട കാഴ്ചകൾ അതിലേറെ ദയനീയമായിരുന്നു: കയ്യിൽ കിട്ടുന്നതെല്ലാം വാരിക്കൂട്ടുന്ന ജനങ്ങൾ. കൊച്ചു കുട്ടികളെപ്പോലെ നിലവിളിക്കുന്ന സ്ത്രീകൾ. അവസാനത്തെ ഭക്ഷണപ്പൊതിക്കായി തമ്മിലടിക്കുന്നവർ. ഉയിർത്തെഴുന്നേൽക്കുന്ന ഉക്രെയ്ന്‍ കീവ് ഉടൻ വീഴുമെന്നും ശത്രുവിന്റെ ടാങ്കുകൾ നഗരം കീഴടക്കുമെന്നുമുള്ള വാർത്തകൾ പ്രവഹിച്ചുകൊണ്ടിരുന്നു.…