Year: 2024

വാഷിങ്ടൺ: അനധികൃത കുടിയേറ്റക്കാരെ നാടുകടത്താനുള്ള നിയുക്ത അമേരിക്കൻ പ്രസിഡൻ്റ് ഡൊണാൾഡ് ട്രംപിൻ്റെ പദ്ധതിക്ക് ഇന്ത്യൻ വംശജനായ വിവേക് ​​രാമസ്വാമി പൂർണ പിന്തുണ അറിയിച്ചു. രാജ്യത്തെ നിയമപരമായ കുടിയേറ്റ സംവിധാനം തകർന്നിരിക്കുന്നു. നിയമം ലംഘിച്ച് അമേരിക്കയിലേക്ക് കുടിയേറിയവർക്ക് ഇവിടെ തുടരാൻ അവകാശമില്ലെന്നും തിരികെ പോകണമെന്നും അദ്ദേഹം പറഞ്ഞു. കഴിഞ്ഞ കുറച്ച് വർഷങ്ങളായി അമേരിക്കയിൽ പ്രവേശിച്ചിട്ടും രാജ്യത്ത് സ്ഥിരതാമസമാക്കാൻ കഴിയാത്തവരെയും കുറ്റവാളികളായ അനധികൃത കുടിയേറ്റക്കാരെയും നാടുകടത്തണം. അങ്ങനെ ചെയ്യുന്നത് ലോകത്തിലെ ഏറ്റവും വലിയ കൂട്ട നാടുകടത്തലായിരിക്കും. അനധികൃത കുടിയേറ്റക്കാരെ സഹായിക്കുന്നത് സർക്കാർ അവസാനിപ്പിച്ചാൽ ആളുകൾ സ്വയം പലായനം ചെയ്യുന്നതും നിങ്ങൾ കാണുമെന്നും വിവേക് ​​രാമസ്വാമി പറഞ്ഞു. രാജ്യത്തെ ഒന്നിപ്പിക്കാനാണ് ട്രംപ് ആഗ്രഹിക്കുന്നത്. അതാണ് അദ്ദേഹത്തിന്‍റെ ഏറ്റവും വലിയ ലക്ഷ്യവും. കുടുംബാംഗങ്ങളില്‍ നിന്നോ സുഹൃത്തുക്കളില്‍ നിന്നോ സഹപ്രവര്‍ത്തകരില്‍ നിന്നോ വ്യത്യസ്‌തമായി വോട്ടു ചെയ്‌ത ആളുകള്‍ക്ക് തിരികെ ഒരു സ്ഥലത്ത് ഒരുമിച്ചിരിക്കാനും, എല്ലാത്തിനും…

ഡാളസ്: പിതാവ് പുത്രൻ പരിശുദ്ധാത്മാവ് എന്ന തൃത്വത്തിൽ പ്രകടമാകുന്ന ഐക്യം മനുഷ്യസമൂഹവും അതിലൂടെ സഭകളും  മാതൃകയായി സ്വീകരിക്കുമ്പോൾ  സഭൈക്യത്തെ കുറിച്ച്  ദൈവം നമ്മിൽ നിന്ന് എന്ത് ആഗ്രഹിക്കുവോ  അത് പൂർത്തീകരിക്കപ്പെടുമെന്നു വേദപുസ്തക പണ്ഡിതനും കൺവെന്ഷൻ പ്രാസംഗീകനുമായ സി.എസ്.ഐ കോൺഗ്രഗേഷൻ ഓഫ് ഡാളസ് വികാരി റവ രജിവ് സുകുഅച്ചൻ ഉദ്‌ബോദ്ധിപ്പിച്ചു . നവംബർ 10 ഞായറാഴ്ച രാവിലെ മാർത്തോമ സി.എസ്.ഐ, സി.എൻ.ഐ സഭകൾ സഭൈക്യ പ്രാർത്ഥന ദിനമായി ആചരിക്കുന്നതിന്റെ ഭാഗമായി  ഡാളസ് സെന്റ് പോൾസ് മാർത്തോമാ ചർച്ചിൽ വിശുദ്ധ കുർബാന മദ്ധ്യേ”സഭകളുടെ ഐക്യം ദൈവരാജ്യ സാക്ഷ്യത്തിനായി” എന്ന വിഷയത്തെ കുറിച്ച് ധ്യാന പ്രസംഗം നടത്തുകയായിരുന്നു റവ രജീവ്  സുകു അച്ചൻ. വ്യത്യസ്ത ചരിത്രവും പാരമ്പര്യവും അനുഷ്ഠാനങ്ങളും ഉള്ള സഭകൾ ഐക്യത്തിന്റെ ആത്മാവിൽ സമൂഹത്തിൽ സാക്ഷ്യം നിർവഹിക്കുവാൻ വിളിക്കപ്പെട്ടിരുന്ന എന്ന് മനസ്സിലാക്കി സഭയിലും സമൂഹത്തിലും ഐക്യം പ്രകടവും സജീവവുമാക്കണം. സഭകൾ…

വാഷിംഗ്‌ടൺ ഡി.സി: ഫിലഡൽഫിയയിലെ മാസ്ചർ സ്ട്രീറ്റിലുള്ള സെന്റ് തോമസ് മലങ്കര ഓർത്തഡോക്സ് ചർച്ചിൽ “സുരക്ഷ, സുരക്ഷിതത്വം, ഭാവി” എന്ന വിഷയത്തിൽ വിവരപരിപാടിയായ സെമിനാർ സംഘടിപ്പിച്ചു. ഫിലഡൽഫിയ പൊലീസ് ഡിപ്പാർട്ട്മെന്റിലെ സാർജന്റ് ബ്ലെസൺ മാത്യു ഗസ്റ്റ് സ്പീക്കറായി പങ്കെടുത്ത ഈ സെമിനാർ, ദൈനംദിന മര്യാദകളും അടിസ്ഥാന സുരക്ഷാ നടപടികളുമെക്കുറിച്ച് പ്രായോഗിക മാർഗ്ഗനിർദ്ദേശങ്ങൾ നൽകുന്നതിലൂടെയാണ് ശ്രദ്ധ നേടിയത്. സാർജന്റ് മാത്യു, സെമിനാറിനോടനുബന്ധിച്ച് സംഘടിപ്പിച്ച ഇന്ററാക്ടീവ് ചോദ്യോത്തര സെഷനിലൂടെ പങ്കെടുത്തവരുടെ സംശയങ്ങൾക്ക് മറുപടി നൽകി വിവിധ സുരക്ഷാ പ്രശ്നങ്ങളെക്കുറിച്ചുള്ള വിവരങ്ങളും പങ്കുവച്ചു. സെമിനാർ റവ. ഫാ. ഡോ. ജോൺസൺ സി. ജോണിന്റെ നേതൃത്വത്തിൽ നടന്നു. സാർജന്റ് മാത്യുവിനെ ദീപ്തമായ വരവേൽപ്പിനൊപ്പം ഫാ. ജോൺസൺ സ്വാഗതം ചെയ്തു. സെമിനാർ സമാപന പ്രസംഗത്തിലൂടെ ഡേവിഡ് ഈപ്പൻ സാർജന്റ് മാത്യുവിന്റെ സാന്നിദ്ധ്യത്തിലും ഉൾക്കാഴ്ചകളിലും നന്ദി അറിയിച്ചു. പരിപാടിയുടെ ഭാഗമായ്, മിസ് ജൈസലിൻ ഫിലിപ്പ് ഒരു ഗാന0…

ഡാളസ്: കാലം ചെയ്ത മലങ്കര യാക്കോബായ സുറിയാനി സഭയുടെ ശ്രേഷ്ഠ കാതോലിക്കാ ആബൂന്‍ മോര്‍ ബസേലിയോസ് തോമസ് പ്രഥമന്‍ ബാവായുടെ വേര്‍പാടില്‍ അനുശോചനം രേഖപ്പെടുത്തുവനായി കേരള എക്യൂമെനിക്കൽ ക്രിസ്ത്യൻ ഫെലോഷിപ്പ് ഡാളസിന്റെ നേതൃത്വത്തിൽ നവംബർ 11 തിങ്കളാഴ്ച വൈകിട്ട് 7 മണിക്ക് സൂം പ്ലാറ്റ്ഫോമിൽ ഒരു അനുസ്മരണ സമ്മേളനം സംഘടിപ്പിക്കുന്നു മലങ്കര യാക്കോബായ സഭയുടെ നോർത്ത് അമേരിക്ക ഭദ്രാസനാധ്യക്ഷൻ ആർച്ച് ബിഷപ് അഭിവന്ദ്യ എൽദോ മോർ തിത്തോസ് തിരുമേനി ചടങ്ങിൽ മുഖ്യാതിഥിയായി പങ്കെടുക്കും.KECF ന്റെ ഈ അനുശോചന സമ്മേളനത്തിലേക്ക് പ്രത്യേകം ക്ഷണിക്കുന്നതായി റവ.ഫാ.പോൾ തോട്ടക്കാട് (പ്രസിഡന്റ് ) ഷാജി എസ്. രാമപുരം (ജനറൽ സെക്രട്ടറി ) എന്നിവർ അറിയിച്ചു Meeting ID : 833 7655 7118 password : 1234 KECF

ന്യൂയോർക്ക്: ന്യൂയോർക്ക് സിറ്റി ട്രാൻസിറ്റിൽ വിവിധ ഡിപ്പാർട്ട്മെന്റുകളിൽ സ്തുത്യർഹമായ സേവനമനുഷ്ഠിച്ചതിനു ശേഷം വിരമിച്ച എല്ലാ മലയാളികളുടെയും ഒരു കുടുംബ സംഗമം 2024 നവംബർ 15 വെള്ളിയാഴ്ച ഉച്ചക്ക് 12:00 മണിക്ക് ഓറഞ്ച്ബർഗിലുള്ള സിത്താർ പാലസ് ഇന്ത്യൻ റസ്റ്റോറന്റിൽ വച്ച് സംഘടിപ്പിക്കുന്നു. വിരമിച്ചവര്‍ക്ക് തമ്മിൽ കാണാനും, പരിചയം പുതുക്കാനും, കുറച്ചു സമയം സന്തോഷകരമായി ചെലവഴിക്കാനുമൊക്കെ ഈ സംഗമം ഉപകരിക്കും എന്ന് മുഖ്യ സംഘാടകനായ പോൾ കറുകപ്പിള്ളില്‍ അറിയിച്ചു. ഇതൊരു അറിയിപ്പായി കണക്കാക്കണമെന്നും ഈ സംഗമത്തില്‍ സഹൃദയം പങ്കെടുക്കണമെന്നും സര്‍‌വ്വീസില്‍ നിന്ന് വിരമിച്ച എല്ലാവരോടും അദ്ദേഹം അഭ്യർത്ഥിച്ചു. പങ്കെടുക്കാൻ താത്പര്യമുള്ളവർ നവംബർ 12-ാം തീയതിക്കുള്ളില്‍ വിവരം അറിയിക്കണമെന്നും അദ്ദേഹം അഭ്യർത്ഥിച്ചു. ഈ സംഗമത്തിന്റെ വിശദവിവരങ്ങൾക്ക് താഴെപ്പറയുന്നവരെ ബന്ധപ്പെടാവുന്നതാണ്. പോൾ കറുകപ്പിള്ളില്‍ (845) 553 5671 മാത്തുക്കുട്ടി ജേക്കബ് (914) 907 6318 വർഗീസ് ലൂക്കോസ് (516) 263 8289 റിപ്പോര്‍ട്ട്:…