Year: 2024

തിരുവനന്തപുരം: വേഗനിയന്ത്രണ സംവിധാനം വിച്ഛേദിച്ച് ഓടുന്ന വാഹനങ്ങൾക്കെതിരെ കർശന നടപടിയെടുക്കാൻ മോട്ടോർ വാഹന വകുപ്പ് തീരുമാനിച്ചു. ദീർഘദൂര ബസുകളുൾപ്പെടെയുള്ള വാഹനങ്ങൾ വേഗനിയന്ത്രണ സംവിധാനം വിച്ഛേദിച്ച് വേഗത കൂട്ടുന്നതായി കണ്ടെത്തിയിട്ടുണ്ട്. അതിനാൽ പിഴയടച്ച ശേഷമേ വാഹനം വിട്ടുനൽകൂ. ടൂറിസ്റ്റ് ബസുകൾ ഒരിടവേളയ്ക്ക് ശേഷം രൂപം മാറുന്നത് സംബന്ധിച്ച് വകുപ്പിന് വിവരം ലഭിച്ചിട്ടുണ്ട്. പിന്നീട് ഇത്തരം മാറ്റങ്ങൾക്കെതിരെ കർശന നടപടി സ്വീകരിച്ചു. തുടർന്ന് പരിശോധന കുറഞ്ഞപ്പോൾ ലേസർ ലൈറ്റുകളും അനധികൃത അലങ്കാരങ്ങളും വീണ്ടും വർധിക്കുന്നതായി റിപ്പോർട്ട് ചെയ്യപ്പെട്ടിട്ടുണ്ട്. ഇക്കാര്യം ഹൈക്കോടതി മോട്ടോര്‍ വാഹന വകുപ്പിന്റെ ശ്രദ്ധയിൽപ്പെടുത്തിയിരുന്നു. അതിനാൽ ഇതിനെതിരെയും കർശന നടപടി സ്വീകരിക്കും. സുരക്ഷയെ ബാധിക്കുന്ന അനധികൃത ലൈറ്റ് ഫിറ്റിംഗുകള്‍ മാറ്റിയ ശേഷം മാത്രമേ വാഹനം ഓടിക്കാൻ അനുവദിക്കൂ. അതേസമയം മറ്റ് സ്വകാര്യ വാഹനങ്ങളുടെ രൂപമാറ്റത്തിനെതിരെ നടപടിയെടുക്കും. കാറില്‍ സ്വിമ്മിംഗ് പൂള്‍ ഒരുക്കിയ സംഭവമാണ് ഇത്തരത്തില്‍ നടപടിയെടുക്കാൻ വകുപ്പിനെ പ്രേരിപ്പിച്ചത്.…

തിരുവനന്തപുരം: നിയമസഭാ മന്ദിരത്തിൻ്റെ മേൽക്കൂരയുടെ ഒരു ഭാഗം തകർന്നു വീണു. ഒരു വാച്ച് ആന്റ് വാർഡിന് പരിക്കേറ്റു. വൈകിട്ട് 3.30 ഓടെ സഭ സമ്മേളിക്കുന്നതിനിടെയാണ് സംഭവം നടന്നത്. അസംബ്ലി ഹാളിനോട് ചേർന്നുള്ള ഇടനാഴിയുടെ മുകൾഭാഗത്തെ ഭിത്തിയുടെ ഒരു ഭാഗമാണ് തകർന്നത്. ഇതിൻ്റെ ഒരു ഭാഗം വാച്ച് ആൻഡ് വാർഡിൻ്റെ ദേഹത്തു വീണു. നിയമസഭാ മന്ദിരത്തിലെ ഡോക്ടർ പ്രാഥമിക ചികിത്സ നൽകി. സുരക്ഷാ ഉദ്യോഗസ്ഥൻ്റെ കൈക്കാണ് പരിക്കേറ്റത്. നിയമസഭാ സമ്മേളനം നടക്കുന്നതിനിടെയാണ് അപകടം. അതേസമയം, സംസ്ഥാനത്ത് രണ്ട് ദിവസം കൂടി ശക്തമായ മഴ തുടരുമെന്ന് കാലാവസ്ഥാ വകുപ്പ് മുന്നറിയിപ്പ് നൽകി. തിരുവനന്തപുരം, കൊല്ലം ജില്ലകളൊഴികെ 12 ജില്ലകളിൽ മഴ മുന്നറിയിപ്പ് പുറപ്പെടുവിച്ചു. മൂന്ന് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. വയനാട്, കണ്ണൂർ, കാസർഗോഡ് ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. ഇന്നും നാളെയും ഒമ്പത് ജില്ലകളിൽ യെല്ലോ അലർട്ട് മുന്നറിയിപ്പ്…

മലപ്പുറം : ഫൈസൽ കൊടിഞ്ഞി വധകേസിൽ കുടുംബം നിരന്തരം ആവശ്യപ്പെട്ടിട്ടും പബ്ലിക് പ്രോസിക്യൂട്ടറെ നിയമിക്കാൻ സർക്കാർ തയ്യാറാവാത്തത് പ്രതികൾക്ക് വേണ്ടിയുള്ള സഹായം ചെയ്യൽ ആണെന്ന് വെൽഫെയർ പാർട്ടി ജില്ലാ എക്സിക്യൂട്ടീവ് കുറ്റപ്പെടുത്തി. ആർഎസ്എസുകാർ പ്രതികളായ കേസുകളിൽ പബ്ലിക് പ്രോസിക്യൂട്ടറെ നിയമിക്കാൻ സർക്കാർ വിമുഖത കാണിക്കുകയാണ്. നേരത്തെ ഷാൻ വധക്കേസിലും പബ്ലിക് പ്രോസിക്യൂട്ടറെ നിയമിക്കാൻ സർക്കാർ വൈകിയത് മൂലം ഇനിയും കേസ് തീർന്നിട്ടില്ല. ആർഎസ്എസുകാർ ആയ പ്രതികളെ സഹായിക്കുന്ന ഇത്തരം നടപടി ആഭ്യന്തരവകുപ്പിന്റെ നയമാണോ എന്ന് സർക്കാർ വ്യക്തമാക്കണം. കുടുംബം ആവശ്യപ്പെട്ട അഡ്വക്കറ്റിനെ പബ്ലിക് പ്രോസിക്യൂട്ടറായി വെക്കാൻ സർക്കാറിന് എന്താണ് തടസ്സം. ആർഎസ്എസുകാർക്ക് വേണ്ടി വിടുപണി ചെയ്യുന്ന നിലപാടുകളുമായി മുന്നോട്ടു പോകാനാണ് ആഭ്യന്തരവകുപ്പിന്റെ തീരുമാനമെങ്കിൽ കേരളത്തിലെ ജനങ്ങൾ ഇനിയും തിരിച്ചടികൾ നൽകും എന്ന് ജില്ലാ എക്സിക്യൂട്ടീവ് മുന്നറിയിപ്പു നൽകി. ജില്ലാ പ്രസിഡണ്ട് നാസർ കീഴുപറമ്പ് അദ്ധ്യക്ഷത വഹിച്ചു. ജില്ലാ…

കോഴിക്കോട്: രാഷ്ട്രീയ അധികാര സ്ഥാനങ്ങളിലും സർക്കാർ ജോലികളിലും വിവിധ സമുദായങ്ങളുടെ പ്രാതിനിധ്യം സംബന്ധിച്ച് കേരള സർക്കാർ ധവളപത്രം പുറത്തിറക്കണമെന്ന് സുന്നി നേതാവ് കാന്തപുരം എ.പി അബൂബക്കർ മുസ്‌ലിയാർ ആവശ്യപ്പെട്ടു. അടുത്തിടെ നടന്ന ലോക്‌സഭാ തെരഞ്ഞെടുപ്പിൽ ഇടതുപക്ഷ ജനാധിപത്യ മുന്നണിക്ക് (എൽഡിഎഫ്) തിരിച്ചടി നേരിട്ടത് “മുസ്ലിം പ്രീണനമാണെന്ന” ഭൂരിപക്ഷ സമുദായങ്ങൾക്കിടയിലെ അതൃപ്തി മൂലമാണെന്ന ശ്രീനാരായണ ധർമ പരിപാലന യോഗം ജനറൽ സെക്രട്ടറി വെള്ളാപ്പള്ളി നടേശൻ്റെ ഈയിടെ പ്രസ്താവനയുടെ പശ്ചാത്തലത്തിലാണിത്. “കേരളത്തിൽ മുസ്ലീങ്ങൾക്ക് അനാവശ്യമായ ആനുകൂല്യങ്ങൾ ലഭിക്കുന്നു എന്ന പ്രസ്താവന ദൗർഭാഗ്യകരമാണ്. നിരീക്ഷണം വസ്തുതാപരമല്ലെന്ന് വ്യക്തമാണ്. എങ്കിലും ജനങ്ങള്‍ക്കിടയിലുള്ള സംശയങ്ങൾ ദൂരീകരിക്കേണ്ടത് സർക്കാരാണ്,” ജൂൺ 26-ന് പുറത്തിറക്കിയ പത്രക്കുറിപ്പിൽ അദ്ദേഹം പറഞ്ഞു. ഇത്തരം തെറ്റിദ്ധാരണാജനകമായ പ്രസ്താവനകൾ ആരും നടത്തരുതെന്ന് പിന്നീട് മാധ്യമങ്ങളെ അഭിസംബോധന ചെയ്ത് അദ്ദേഹം പറഞ്ഞു. “സംസ്ഥാന സർക്കാരിന് ന്യൂനപക്ഷങ്ങൾക്കായി ഒരു വകുപ്പും അവരുടെ ക്ഷേമത്തിനായി ഒരു കമ്മീഷൻ…

കുന്ദമംഗലം: ലോക ലഹരി വിരുദ്ധ ദിനത്തിന്റെ ഭാഗമായി ലഹരി ഉപയോഗത്തിന്റെ പ്രത്യാഘാതങ്ങളും ദൂഷ്യവശങ്ങളും വിളംബരം ചെയ്ത് മർകസ് ഗേൾസ് ഹയർ സെക്കന്ററി സ്കൂൾ വിദ്യാർത്ഥികൾ ലഹരിവിരുദ്ധ റാലി നടത്തി. എൻ എസ് എസ്, സ്‌കൗട്ട് ആൻഡ് ഗൈഡ്സ് എന്നിവയുടെ ആഭിമുഖ്യത്തിൽ നടന്ന റാലിക്ക് അദ്ധ്യാപകരായ ഷംന, റഷീജ തുടങ്ങിയവർ നേതൃത്വം നൽകി. റാലി സ്കൂളിൽ നിന്നാരംഭിച്ച് കുന്ദമംഗലം വഴി മർകസിൽ സമാപിച്ചു.

തിരുവനന്തപുരം: ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ഇടതുമുന്നണിക്കെതിരെ മുസ്ലീങ്ങളെ അനുകൂലിക്കുന്നുവെന്ന എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ്റെ ആരോപണത്തിന് മറുപടിയുമായി സിപിഎം. ‘പലമതസാരവുമേകം’ എന്ന ഗുരുദേവദർശനമാണോ എസ് എന്‍ ഡി പി ജനറല്‍ സെക്രട്ടറി ഉയർത്തിപ്പിടിക്കുന്നതെന്നും, സിപിഎമ്മിൻ്റെ ന്യൂനപക്ഷ സംവരണത്തെ തെറ്റിദ്ധരിപ്പിക്കുന്നവർ തിരുത്തണമെന്നും, വെള്ളാപ്പള്ളിയെപ്പോലുള്ളവരുടെ പ്രസ്താവന ബിജെപിക്ക് വോട്ട് നേടിക്കൊടുത്തെന്നും എം വി ഗോവിന്ദന്‍ പറഞ്ഞു. ദേശാഭിമാനിയിൽ എഴുതിയ ലേഖനത്തിലാണ് സിപിഎം സംസ്ഥാന സെക്രട്ടറി എംവി ഗോവിന്ദൻ്റെ വിമർശനം. ഭരണഘടനയും രാജ്യത്തെയും സംരക്ഷിക്കുന്നതിൻ്റെ ഭാഗമായാണ് ന്യൂനപക്ഷ സംരക്ഷണത്തെ സിപിഎം കാണുന്നതെന്നും, ആരെങ്കിലും തെറ്റായി ഈ നിലപാട് സ്വീകരിച്ചിട്ടുണ്ടെങ്കിൽ അത് തിരുത്താൻ നേതാക്കളും പാർട്ടിയും ശ്രമിക്കുമെന്നും അദ്ദേഹം പറഞ്ഞു. തെറ്റുകൾ ജനങ്ങളോട് ഏറ്റുപറഞ്ഞ് വിശ്വാസം തിരിച്ചുപിടിക്കാനാണ് സിപിഐഎം ശ്രമിക്കുന്നതെന്നും ലേഖനത്തിൽ പറയുന്നു. ബിജെപിക്ക് വോട്ട് ലഭിക്കാന്‍ വെള്ളാപ്പള്ളിയെ പോലുള്ളവരും പ്രവര്‍ത്തിച്ചു. രാജ്യസഭാംഗങ്ങളെ നിശ്ചയിച്ചതില്‍ ഇടതുപക്ഷം ന്യൂനപക്ഷത്തിന് കീഴ്‌പ്പെട്ടു തുടങ്ങിയ തുടങ്ങിയ…

പുതിയ മൾട്ടിവാർഹെഡ് മിസൈലിന്റെ പരീക്ഷണം വിജയകരമായിരുന്നു എന്ന് ഉത്തരകൊറിയ വ്യാഴാഴ്ച പ്രഖ്യാപിച്ചു. യുഎസിൻ്റെയും ദക്ഷിണ കൊറിയയുടെയും മിസൈൽ പ്രതിരോധങ്ങളെ മറികടക്കാൻ ഉത്തര കൊറിയന്‍ നേതാവ് കിം ജോങ് ഉൻ പണ്ടേ ആഗ്രഹിച്ചിരുന്ന ഒരു വികസന ആയുധത്തിൻ്റെ അറിയപ്പെടുന്ന ആദ്യത്തെ വിക്ഷേപണമാണിത്. എന്നാല്‍, ദക്ഷിണ കൊറിയ ഈ അവകാശവാദം തള്ളിക്കളയുകയും, അതൊരു പരാജയപ്പെട്ട വിക്ഷേപണത്തിനുള്ള മറവാണെന്ന് പറയുകയും ചെയ്തു. മൾട്ടിപ്പിൾ ഇൻഡിപെൻഡൻ്റ് റീഎൻട്രി വെഹിക്കിളുകളുടെ (എംഐആർവി) ശേഷി ഉറപ്പാക്കുന്നതിന് വ്യക്തിഗത മൊബൈൽ വാർഹെഡുകളുടെ വേർതിരിവും മാർഗനിർദേശ നിയന്ത്രണവും ബുധനാഴ്ച നടത്തിയ പരീക്ഷണം വിലയിരുത്തിയതായി ഉത്തര കൊറിയയുടെ സ്റ്റേറ്റ് മീഡിയ റിപ്പോർട്ട് ചെയ്തു. വാർഹെഡുകൾ “മൂന്ന് കോർഡിനേറ്റ് ടാർഗെറ്റുകളിലേക്ക് ശരിയായി നയിക്കപ്പെട്ടു” എന്നും, മിസൈലിൽ നിന്ന് വേർപെടുത്തിയ ഒരു ഡിക്കോയ് റഡാർ പരിശോധിച്ചുവെന്നും മാധ്യമങ്ങൾ റിപ്പോർട്ട് ചെയ്തു. ഈ അവകാശവാദങ്ങൾ കൃത്യമാണെങ്കിൽ, ഇപ്പോഴും പ്രാരംഭ ഘട്ടത്തിലാണെങ്കിലും, ഒരു മൾട്ടിവാർഹെഡ് മിസൈൽ…

തിരുവനന്തപുരം: തിരുവനന്തപുരം വിമാനത്താവളത്തിലെ ഉപയോക്തൃ ഫീസ് വർദ്ധിപ്പിച്ചു. ജൂലൈ മുതൽ തിരുവനന്തപുരത്ത് നിന്നുള്ള ആഭ്യന്തര യാത്രക്കാർ 770 രൂപയും വിദേശ യാത്രക്കാർ 1540 രൂപയും യൂസർ ഫീസായി നൽകണം. വരും വർഷങ്ങളിലും യൂസർ ഫീ കുത്തനെ ഉയരും. തിരുവനന്തപുരം വിമാനത്താവളത്തിൽ നിന്നുള്ള യാത്രകൾക്ക് ഇനി ചെലവ് കൂടും. ആഭ്യന്തര യാത്രകൾക്കുള്ള 506 രൂപ യൂസർ ഫീ ആണ് 770 ആയി വർധിപ്പിച്ചത്. വിദേശ യാത്രികർക്കുള്ള യൂസർ ഫീ 1069ൽ നിന്ന് 1540 ആയി ഉയർത്തി. തിരുവനന്തപുരം വിമാനത്താവളത്തിൽ ലാൻഡ് ചെയ്യുന്ന വിദേശ യാത്രികർ 660 രൂപയും ആഭ്യന്തര യാത്രികർ 330 രൂപയും ഇനി യൂസർ ഫീയായി അടയ്‌ക്കണം. പുതുക്കിയ നിരക്ക് ജൂലൈ മുതൽ പ്രാബല്യത്തിൽ വരും. എയർപോർട്ട് ഇക്നോമിക് റെഗുലേറ്ററി അതോറിറ്റി തിരുവനന്തപുരം വിമാനത്താവളത്തിന് പുതുക്കി നിശ്ചയിച്ച താരിഫ് പ്രകാരമാണ് യൂസർ ഫീ നിരക്ക് വർധിപ്പിച്ചത്. അദാനി…