Month: July 2024

ന്യൂയോർക്ക്: ഫോമാ മെട്രോ റീജിയൺ വൈസ് പ്രസിഡൻറ് ആയി ജെസ്‌വിൻ സാമുവേൽ മത്സരിക്കുന്നു. ന്യൂയോർക്കിൽ പ്രൊഫഷണൽ എഞ്ചിനീയർ ആയി പ്രവർത്തിക്കുന്ന ജെസ്‌വിൻ ഫോമായുടെ ആരംഭകാലം മുതലുള്ള സജീവ പ്രവർത്തകനാണെങ്കിലും ഇതുവരെ ഒരു മത്സര രംഗത്തേക്ക് വന്നിട്ടില്ല. സ്ഥാനമാനങ്ങൾക്കു പിറകേ പോകുവാൻ തികച്ചും വിമുഖത കാണിക്കുന്ന ജെസ്‌വിൻ വിവിധ ജീവകാരുണ്യ പ്രവർത്തനങ്ങളിൽ വ്യാപൃതനായിരുന്നു. സ്ഥാനമാനങ്ങൾ ഒന്നും ഇല്ലെങ്കിലും തന്നാലാകും വിധം മറ്റുള്ളവരെ സഹായിക്കണം എന്ന മനഃസ്ഥിതിയുള്ള ജെസ്‌വിൻറെ ജീവകാരുണ്യ പ്രവർത്തനങ്ങൾ മനസ്സിലാക്കിയ ഇന്ത്യൻ അമേരിക്കൻ മലയാളീ അസ്സോസ്സിയേഷൻ ഓഫ് ലോങ്ങ് ഐലൻഡ് (IAMALI) എന്ന സംഘടനയാണ് അദ്ദേഹത്തെ ഫോമായുടെ അടുത്ത രണ്ടു വർഷത്തേക്കുള്ള ആർ.വി.പി ആയി മത്സരിക്കുവാൻ എൻഡോഴ്സ് ചെയ്തത്. ദീർഘ വർഷമായി IAMALI-യുടെ അംഗമാണെങ്കിലും ഇതുവരെ പ്രസ്തുത സംഘടനയിലും പ്രത്യേക സ്ഥാനം ഒന്നും ഏറ്റെടുക്കുവാൻ വ്യഗ്രത കാണിച്ചിട്ടില്ല. എന്നാൽ സംഘടനയുടെ എല്ലാ പ്രവർത്തനങ്ങളിലും അകമഴിഞ്ഞു സഹായം നൽകിവരുന്നു.…

ഡാളസ്:സമൂഹത്തിൽ അശരണരേയും,ചെറിയവരെന്നു നമുക്ക് തോന്നുന്നവരെയും അവഗണികുന്നവർ  സ്വർഗ്ഗരാജ്യകവാടത്തിലൂടെ  അകത്തു പ്രവേശിക്കുന്നതിനുള്ള  താക്കോൽ നഷ്ടപ്പെടുത്തുന്നവരാണെന്നു  മലങ്കര യാക്കോബായ സുറിയാനി സഭ ഇടുക്കി ഭദ്രാസനാധിപൻ അഭിവന്ദ്യ സഖറിയാസ് മോർ ഫിലോക്സിനോസ് മെത്രാപ്പോലീത്ത ഉദ്ബോധിപ്പിച്ചു ഡാളസ്  സെൻറ് പോൾസ് മാർത്തോമ്മാ ചർച്ച് വാർഷിക ത്രി ദിന കൺവെൻഷന്റെ പ്രഥമ ദിനം ജൂലൈ 26 (വെള്ളിയാഴ്ച) വൈകീട്ട് ലൂക്കോസിന്റെ സുവിശേഷം പതിനേഴാം അദ്ധ്യായം 20 മുതലുള്ള വാക്യങ്ങളെ ആധാരമാക്കി പ്രഭാഷണം നടത്തുകയായിരുന്നു തിരുമേനി. സ്വർഗ്ഗവും നരകവും മനുഷ്യൻ തന്നെ സൃഷ്ടിക്കുന്നതാണെന്നും രണ്ടും തമ്മിലുള്ള ദൂരം തീരെ കുറവാണെന്നും ,സ്വർഗ്ഗത്തിനും നരകത്തിനും മധ്യേയുള്ള അഗാധ  ഗർത്തം എപ്പോൾ  ദൈവീക വചനങ്ങൾക്കു വിധേയമായി  പൂർണമായും നികത്തുവാൻ കഴിയുമോ അപ്പോൾ മാത്രമേ  സ്വർഗ്ഗത്തിലേക്  എളുപ്പത്തിൽ എത്തിചേരുവൻ സാധിക്കുകയുള്ളൂവെന്നും  അബ്രഹാമിന്റെയും ലാസറിന്റെയും ഉപമയെ ചൂണ്ടിക്കാട്ടി തിരുമേനി ഒർമ്മിപ്പിച്ചു. സൃഷ്ടാവിനെ കണ്ടെത്തുന്നതിന് സൃഷ്ടിയിലൂടെ ശ്രമിച്ച മൂന്ന് രാജാക്കന്മാരുടെ ജീവിതത്തിൽ   ഉണ്ടായ…

കൊച്ചി: പ്രമുഖ ഡിജിറ്റൽ ട്രാൻസ്‌ഫോർമേഷൻ സൊല്യൂഷൻസ് കമ്പനിയായ യു എസ് ടിയുടെ 25-ാം വാർഷിക ആഘോഷങ്ങളോടനുബന്ധിച്ച്, വടക്കൻ പറവൂരിലെ ഗവ. ഹയർ സെക്കൻഡറി സ്‌കൂളിലെ അർഹരായ 25 വിദ്യാർത്ഥികൾക്ക് ജി എ മേനോൻ സ്‌കോളർഷിപ്പുകൾ നൽകി. കമ്പനിയുടെ സ്ഥാപക ചെയർമാനായ ജി എ മേനോൻ വടക്കൻ പറവൂർ ഗവ. ഹയർസെക്കൻഡറി സ്‌കൂളിലെ പൂർവ്വ വിദ്യാർത്ഥിയായിരുന്നു. യോഗ്യത, അക്കാദമിക മികവ് എന്നീ മാനദണ്ഡങ്ങൾ പ്രകാരമാണ് അർഹരായ 25 വിദ്യാർത്ഥികളെ സ്‌കോളർഷിപ്പിനായി തിരഞ്ഞെടുത്തത്. സ്കൂൾ അങ്കണത്തിൽ സംഘടിപ്പിച്ച ചടങ്ങിൽ കുട്ടികൾക്കുള്ള സ്കോളർഷിപ്പുകൾ വിതരണം ചെയ്തു. സ്‌കോളർഷിപ്പ് ദാന ചടങ്ങിൽ യുഎസ് ടി യുടെ ചീഫ് വാല്യൂസ് ഓഫീസറും ഡെവലപ്‌മെൻ്റ് സെൻ്റർ ഓപ്പറേഷൻസ് ആഗോള മേധാവിയുമായ സുനിൽ ബാലകൃഷ്ണൻ; സിഎസ്ആർ അംബാസഡർ സോഫി ജാനറ്റ്; കളേഴ്സ് കാറ്റലിസ്റ്റ് നിപുൺ വർമ്മ; സിഎസ്ആർ എക്സിക്യൂട്ടീവുമാരായ വിനീത് മോഹനൻ, രാമുകൃഷ്ണ; സിഎസ്ആർ കോർ ടീം…

ഇന്ന് പാരീസിൽ നടക്കുന്ന 2024 ഗെയിംസിൻ്റെ ഉദ്ഘാടന ചടങ്ങിന് മുന്നോടിയായി നടന്ന ഒളിമ്പിക് ടോർച്ച് റിലേയിൽ ടോർച്ച് ഏന്തിയ അത്‌ലറ്റുകളിൽ ഒരാളായതിൽ തിലോത്തമ ഇക്കരെത്ത് ആവേശഭരിതയാണ്. ഇരുപതുകാരിയായ തിലോത്തമ അതിനെ “അതിശയകരമായ അനുഭവം” എന്നാണ് വിശേഷിപ്പിച്ചത്. “കുറച്ച് നിമിഷങ്ങൾ ടോർച്ച് കൈയിലെടുക്കുന്നത് മാത്രമല്ല, നിശ്ചയദാർഢ്യം, സമത്വം, ധൈര്യം, പ്രചോദനം – ഒളിമ്പിക് ഗെയിംസിൻ്റെ ആത്മാവിനെ പ്രതിനിധീകരിക്കുന്നത് കൂടിയാണിത്. സംഭവത്തിൻ്റെ മുഴുവൻ അന്തരീക്ഷവും ‘വൗ’ ആയിരുന്നു!” ഫ്രാൻസിൽ നിന്ന് തിലോത്തമ ഫോണിലൂടെ പറയുന്നു. പാരീസിൽ നിന്ന് ഒമ്പത് കിലോമീറ്റർ അകലെയുള്ള ജെനെവില്ലിയേഴ്സിലാണ് തിലോത്തമ റാലിയിൽ പങ്കെടുത്തത്. ബ്രാച്ചിയൽ പ്ലെക്‌സസ് പരിക്ക് (വലത് കൈയുടെ ഭാഗിക തളർച്ചയിലേക്ക് നയിക്കുന്ന സുഷുമ്‌നാ നാഡിയുമായി ബന്ധപ്പെട്ട സങ്കീർണത) ബാധിച്ച തിലോത്തമ തൻ്റെ ജീവിതത്തിൻ്റെ ആദ്യ 16 വർഷം കോട്ടയത്താണ് ജീവിച്ചത്. പിതാവ് ജോ ഇക്കരെത്ത് ഒരു ഫാഷൻ ഡിസൈനറും മാതാവ് ഫ്രാൻസിൽ നിന്നുള്ള…

2025 ൽ SSC നടത്തുന്ന CGL (COMBINED GRADUATE LEVEL) പരീക്ഷക്ക് തയ്യാറെടുക്കുന്നവർക്കായി സെന്റർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സിജി) ഒരുക്കുന്ന സൺറൈസ് ഫെല്ലോഷിപ്പിന്റെ മൂന്നാമത്തെ ബാച്ചാണിത്. ബിരുദധാരികളായ ഉദ്യോഗാർഥികൾക്ക് 64000/- രൂപ വരെ ഫെല്ലോഷിപ്പ് നേടാൻ അവസരം ലഭിക്കും. സിജി നടത്തുന്ന പ്രിലിമിനറി, മെയിൻസ്, ഇന്റർവ്യൂ എന്നിവയിലൂടെ തിരഞ്ഞെടുക്കപ്പെടുന്ന 20 ഉദ്യോഗാർഥികൾക്കാണ് ഫെല്ലോഷിപ്പ് ലഭിക്കുക. • SC, ST, OBC, വിഭാഗത്തിൽപ്പെട്ടവർക്കും ലക്ഷദ്വീപിൽ നിന്നുള്ള അപേക്ഷകർക്കും മുൻഗണന. • പ്രിലിമിനറി പരീക്ഷാ തിയതി – 25 ആഗസ്റ്റ് 2024 10:00AM (ഓൺലൈൻ സംവിധാനം വഴിയായിരിക്കും പരീക്ഷ). • അപേക്ഷ സമർപ്പിക്കുന്നതിനുള്ള അവസാന തിയ്യതി -10 ആഗസ്റ്റ് 2024 പ്രിലിമിനറി പരീക്ഷയിൽ പങ്കെടുക്കുന്നതിനായി താഴെ നല്‍കുന്ന ലിങ്കിലൂടെ അപേക്ഷ സമർപ്പിക്കുക. events.cigi.org കൂടുതൽ വിവരങ്ങൾക്ക് : 8086663004, 8086664008  

നെടുമ്പന: നവജീവൻ അഭയ കേന്ദ്രം അന്തേവാസിയായിരുന്ന ഓച്ചിറ മുല്ലേലിപടീറ്റതിൽ കൊറ്റമ്പള്ളി മഠത്തിൽ കാരാഴ്മയിൽ നാരായണൻ മകൾ ചെല്ലമ്മ കെ (7) നിര്യാതയായി. സംസ്കാരം പോളയത്തോട് പൊതുസ്മശാനത്തിൽ നടന്നു.

നോളജ് സിറ്റി: നിപുണരായ വിദ്യാര്‍ഥികളെ കണ്ടെത്തി ഉന്നത വിദ്യാഭ്യാസം നല്‍കുന്നതിനായി ശൈഖ് അബൂബക്കര്‍ (എസ് എ) ഫൗണ്ടേഷന്‍ സംഘടിപ്പിച്ച ടാലന്റ് സെര്‍ച്ച് പരീക്ഷയുടെ ഫലം പ്രഖ്യാപിച്ചു. രാജ്യത്തെ വിവിധ സംസ്ഥാനങ്ങളില്‍ നിന്നും രാജ്യത്തിന്റെ പുറത്ത് താമസിക്കുന്ന ഇന്ത്യക്കാരില്‍ നിന്നുമായി പതിനായിരത്തില്‍ പരം വിദ്യാര്‍ഥികളാണ് ടാലന്റ് സെര്‍ച്ച് പരീക്ഷ എഴുതിയത്. തിരഞ്ഞെടുക്കപ്പെട്ട 750 വിദ്യാര്‍ഥികള്‍ക്കായി വിവിധ സംസ്ഥാനങ്ങളില്‍ വെച്ച് അഭിമുഖം നടത്തിയിരുന്നു. തുടര്‍ന്നാണ്് മിടുക്കരായ 201 വിദ്യാര്‍ഥികളെ യോഗ്യരായി തിരഞ്ഞെടുത്തത്. ഒമ്പതാം ക്ലാസ്സ് മുതലുള്ള വിദ്യാര്‍ഥികള്‍ക്ക് പരിശീലനവും പ്രോത്സാഹനവും മെന്റര്‍ഷിപ്പും നല്‍കി കാര്യക്ഷമമായ ഹയര്‍സെക്കന്‍ഡറി പഠനത്തിന് പ്രാപ്തരാക്കുകയാണ് ഇതുവഴി ലക്ഷ്യമാക്കുന്നത്. കൂടാതെ, സ്‌കോളര്‍ഷിപ്പ് ഉള്‍പ്പെടെയുള്ള നിരവധി പദ്ധതികള്‍ വിദ്യാര്‍ഥികള്‍ക്കായി എസ് എ ഫൗണ്ടേഷന്‍ ഒരുക്കുന്നുണ്ട്. ഫൗണ്ടേഷന്‍ ചെയര്‍മാന്‍ ഡോ. മുഹമ്മദ് അബ്ദുല്‍ ഹകീം അസ്ഹരി ഫലപ്രഖ്യാപനം നടത്തുകയും ജേതാക്കളെ അനുമോദിക്കുകയും ചെയ്തു. പരീക്ഷാ ഫലം www.safoundation.in എന്ന വെബ്…