Year: 2023

ജനീവ: ഉപരോധിക്കപ്പെട്ട ഗാസ മുനമ്പിലേക്ക് സഹായം എത്തിക്കുന്നതിനുള്ള ചർച്ചകൾക്ക് പിന്തുണ നൽകുന്നതിനായി താൻ തിങ്കളാഴ്ച മിഡിൽ ഈസ്റ്റിലേക്ക് പോകുമെന്ന് യുഎൻ എയ്ഡ് ചീഫ് മാർട്ടിൻ ഗ്രിഫിത്ത്‌സ് പറഞ്ഞു. തന്റെ ഓഫീസ് ഇസ്രായേൽ, ഈജിപ്ത് തുടങ്ങിയവരുമായും ആഴത്തിലുള്ള ചർച്ചകളിലാണെന്നും ഗ്രിഫിത്ത്സ് പറഞ്ഞു. “ചർച്ചകളിൽ സഹായിക്കാനും സാക്ഷ്യം വഹിക്കാനും, ഗാസയിലെയും വെസ്റ്റ് ബാങ്കിലെയും ആളുകൾക്ക് ഇപ്പോഴും സഹായ ഹസ്തവുമായി മുന്‍‌പന്തിയില്‍ പ്രവര്‍ത്തിക്കുന്ന ആയിരക്കണക്കിന് സന്നദ്ധ സഹായ പ്രവർത്തകരുടെ അസാധാരണമായ ധൈര്യത്തിന് ഐക്യദാർഢ്യം പ്രകടിപ്പിക്കാൻ ഞാൻ നാളെ ആ പ്രദേശത്തേക്ക് പോകും, ”അദ്ദേഹം പ്രസ്താവനയിൽ പറഞ്ഞു. ചൊവ്വാഴ്‌ച കെയ്‌റോയിൽ എത്താൻ ഗ്രിഫിത്ത്‌സ് പദ്ധതിയിട്ടിരിക്കുകയാണെന്നും ദിവസങ്ങൾ നീണ്ടുനിൽക്കുമെന്ന് പ്രതീക്ഷിക്കുന്ന യാത്ര മേഖലയിലെ മറ്റ് സ്ഥലങ്ങളിലേക്ക് വ്യാപിപ്പിക്കുമെന്നും ഐക്യരാഷ്ട്രസഭയുടെ മാനുഷിക കാര്യാലയത്തിന്റെ വക്താവ് പറഞ്ഞു. ഈജിപ്ഷ്യൻ വൃത്തങ്ങൾ താത്കാലിക വെടിനിർത്തൽ പ്രഖ്യാപിച്ചെങ്കിലും കരാറൊന്നും നിലവിലില്ലെന്ന് ഇസ്രായേലും ഹമാസും അറിയിച്ചതിനെത്തുടർന്ന് ഇസ്രായേൽ നിയന്ത്രിക്കാത്ത ഗാസയിലേക്കുള്ള ഏക…

കൊച്ചി: കരുവന്നൂര്‍ സഹകരണ ബാങ്കില്‍ വായ്പ അനുവദിച്ചതും നിയന്ത്രിച്ചതും സി.പി.എമ്മിന്റെ രാഷ്ട്രീയ ഉപസമിതിയും പാര്‍ലമെന്ററി കമ്മിറ്റിയുമാണെന്ന്‌ ഇ.ഡി. ബാങ്ക് ഡയറകടര്‍ ബോര്‍ഡിന്‌ പുറമെ നയപരമായ കാര്യങ്ങളും സിപിഎമ്മാണ് തീരുമാനിച്ചിരുന്നതെന്നും ഇ ഡി പറഞ്ഞു. വായ്പ അനുവദിക്കുന്നതിന്‌ പ്രത്യേക മിനിറ്റ്‌സ് ബുക്ക്‌ സൂക്ഷിച്ചിട്ടുണ്ടെന്നും ഇഡിയുടെ പിടിച്ചെടുക്കല്‍ റിപ്പോര്‍ട്ടില്‍ പറയുന്നു. കരുവന്നൂര്‍ ബാങ്ക് മുന്‍ മാനേജര്‍ എം.കെ. ബിജുവും സെക്രട്ടറി സുനില്‍കുമാറും ഇക്കാര്യം സമ്മതിച്ചിരുന്നു. ഉന്നത സി.പി.എം നേതാക്കളുടെ നിര്‍ദേശപ്രകാരമാണ്‌ പലര്‍ക്കും അനധികൃത വായ്പ അനുവദിച്ചത്‌. കള്ളപ്പണം വെളുപ്പിക്കല്‍ തടയല്‍ നിയമപ്രകാരമുള്ള (പിഎംഎല്‍എ) അന്വേഷണത്തിലും തട്ടിപ്പുകള്‍ കണ്ടെത്തി. ഭരണസമിതി അംഗങ്ങളും ഉദ്യോഗസ്ഥരും അനുവദിച്ച വായ്പയുടെ ഭൂരിഭാഗവും പണമായി മാറ്റി. നിയമവിരുദ്ധമായ ഇടപാടുകള്‍ ശിക്ഷാര്‍ഹമാണ്‌. പണം കൈമാറ്റം സംബന്ധിച്ച്‌ ബാങ്ക് ജീവനക്കാരും ഡയറക്ടര്‍ ബോര്‍ഡ്‌ അംഗങ്ങളും മൊഴി നല്‍കിയിട്ടുണ്ട്‌. 2022 ഓഗസ്റ്റ് 25-ന് നടത്തിയ റെയ്ഡില്‍ ബാങ്കില്‍ അനധികൃതമായി വായ്പ അനുവദിച്ചതുമായി…

എരുമേലി: അയല്‍വാസിയായ സ്ത്രീയെ ആക്രമിച്ച കേസിലെ പ്രതി വനിതാ സബ്‌ ഇന്‍സ്പെകുറെ ആക്രമിച്ചു. എരുമേലിയിലാണ്‌ സംഭവം. അയല്‍വാസിയെ ആക്രമിച്ച കേസിലെ പ്രതി എലിവാലിക്കര കീച്ചേരില്‍ വി.ജി. ശ്രീധരന്‍ (72) എരുമേലി വനിതാ സബ്‌ ഇന്‍സ്പെക്ടര്‍ ശാന്തി കെ.ബാബുവിന്റെ തലമുടി കുത്തിപ്പിടിക്കുകയും തുടര്‍ന്ന്‌ മുതുകില്‍ ഇടിക്കുകയും ചെയ്യു. കോടതി പുറപ്പെടുവിച്ച വാറണ്ട്‌ നടപ്പാക്കാന്‍ പൊലീസ്‌ എത്തിയപ്പോഴായിരുന്നു സംഭവം. ശ്രീധരന്‍ എസ്‌ഐക്കും സംഘത്തിനും നേരെ ചീത്തവിളിച്ചു. പോലീസ്‌ സ്റേഷനിലേക്ക്‌ കൊണ്ടുപോകാന്‍ ശ്രമിച്ചെങ്കിലും അവര്‍ക്കൊപ്പം പോകാന്‍ വിസമ്മതിക്കുകയും അകത്ത്‌ കയറി വാതിലടക്കുകയും ചെയ്തു. ഇതോടെ പോലീസ്‌ ബലം പ്രയോഗിച്ച്‌ വാതില്‍ തുറന്ന്‌ ശ്രീധരനെ കീഴ്പ്പെടുത്താന്‍ ശ്രമിച്ചു. ഇതിനിടയില്‍ എസ്‌ഐയുടെ തലമുടിയില്‍ കുത്തിപ്പിടിച്ച് മുതുകില്‍ ഇടിച്ചു. പിന്നീട് കൂടുതല്‍ പോലീസ് സ്ഥലത്തെത്തി ബലം പ്രയോഗിച്ച്‌ കീഴ്പ്പെടുത്തി കസ്റ്റഡിയിലെടുത്തു.

കൊല്ലം: സംസ്ഥാന സര്‍ക്കാര്‍ കൊല്ലം ആശ്രമത്തില്‍ സ്ഥാപിച്ച ശ്രീനാരായണ ഗുരു സാംസ്കാരിക സമുച്ചയത്തിന്റെ നടത്തിപ്പിനായി ഇടക്കാല സമിതിയെയും ഗുരുദേവ വിഗ്രഹ പ്രതിഷ്ഠാ മേല്‍നോട്ട സമിതിയെയും നിയോഗിച്ച ഉത്തരവില്‍ ഗുരുദേവന്റെ പേരില്ല. ഉത്തരവില്‍ കൊല്ലം കള്‍ച്ചറല്‍ കമ്മിറ്റി എന്ന്‌ പരാമര്‍ശിച്ചതിന്‌ പിന്നില്‍ ഗൂഢലക്ഷ്യമുണ്ടെന്ന്‌ ആക്ഷേപമുണ്ട്‌. ആദ്യ പിണറായി സര്‍ക്കാരിന്റെ ആദ്യ ബജറ്റിലാണ്‌ കൊല്ലത്തെ സാംസ്കാരിക സമുച്ചയം പ്രഖ്യാപിച്ചത്‌. സമുച്ചയത്തിന്‌ ശ്രീനാരായണ ഗുരുദേവന്റെ പേരിടുമെന്ന്‌ ബജറ്റ്‌ പ്രഖ്യാപനം. മെയ്‌ നാലിന്‌ സംസ്ഥാനത്തിന്‌ സമര്‍പ്പിച്ച സമുച്ചയം ശ്രീനാരായണഗുരു കള്‍ച്ചറല്‍ കോംപ്ലക്സ്‌ എന്നാണ്‌ ആലേഖനം ചെയ്തിരിക്കുന്നത്‌. എന്നാല്‍, കഴിഞ്ഞ വെള്ളിയാഴ്ച പുറത്തിറക്കിയ സര്‍ക്കാര്‍ ഉത്തരവില്‍ കൊല്ലത്തെ സാംസ്ക്കാരിക സമുച്ചയം എന്ന്‌ മാത്രമാണ്‌ പരാമര്‍ശിച്ചിരിക്കുന്നത്‌. ഇത്‌ യാദ്യശ്ചികമല്ലെന്ന്‌ ചൂണ്ടിക്കാട്ടി ഒന്നിലധികം സ്ഥലങ്ങളില്‍ ഇത്‌ ആവര്‍ത്തിച്ചു. ഗുരുദേവനോട് സാമ്യമില്ലാത്ത പ്രതിമ സമുച്ചയത്തില്‍ സ്ഥാപിച്ചത്‌ ഉദ്ഘാടന ദിവസം തന്നെ വന്‍ വിവാദമായിരുന്നു. തുടര്‍ന്ന്‌ പ്രതിമ നീക്കം ചെയ്ത്…

ആലപ്പുഴ: സംസ്ഥാനത്തുടനീളം പെയ്ത കനത്ത മഴയില്‍ കുട്ടനാട്‌, അപ്പര്‍ കുട്ടനാട്‌ മേഖലകളിലെ രണ്ടാംവിള വിളവെടുപ്പിന്‌ പാകമായ പാടങ്ങള്‍ വെള്ളത്തില്‍ മുങ്ങി. കാലാവസ്ഥ പ്രതികൂലമായത്‌ ആലപ്പുഴ ജില്ലയില്‍ കാത്തിരുന്ന വിളവെടുപ്പിന് തിരിച്ചടിയായി. കനത്ത മഴയെത്തുടര്‍ന്ന്‌ തോട്ടപ്പള്ളി സ്പില്‍വേ, അന്ധകാരനഴി അഴിമുഖം, തണ്ണീര്‍മുക്കം ബണ്ട്‌ എന്നിവിടങ്ങളില്‍ ഉയര്‍ന്ന തോതില്‍ നീരൊഴുക്ക്‌ കടലിലേക്ക്‌ ഒഴുകുകയാണ്‌. അമ്പലപ്പുഴ കാക്കഴത്തെ ഒരു മരണവീട്ടില്‍ പോലും കയറി. പിന്നീട് ഫയര്‍ഫോഴ്സ്‌ വെള്ളം പമ്പ്‌ ചെയ്ത് പുറത്തേക്കൊഴുക്കി. വെള്ളപ്പൊക്കം വടക്കന്‍ മേഖലകളിലെ ചെമ്മീന്‍ കര്‍ഷകരെയും ദുരിതത്തിലാക്കി. ശനിയാഴ്ചയാണ്‌ ചേര്‍ത്തലയില്‍ ഏറ്റവും കൂടുതല്‍ മഴ പെയ്തത്‌. ഈ ദിവസം 200 മില്ലിമീറ്റര്‍ മഴയാണ്‌ ജില്ലയില്‍ രേഖപ്പെടുത്തിയത്‌. തോട്ടപ്പള്ളി സ്പില്‍വേയുടെ 14 ഷട്ടറുകളും തുറന്നു. ദേശീയപാത നിര്‍മാണം മൂലം നീരൊഴുക്ക്‌ നിലച്ച്‌ സമീപത്തെ വീടുകളിലേക്കും സ്ഥാപനങ്ങളിലേക്കും ഒഴുകി ഒടുവില്‍ വെള്ളം കയറി. മഴയുടെ അടിസ്ഥാനത്തില്‍ ദുരന്തനിവാരണ അതോറിറ്റി ജില്ലയില്‍ ജാഗ്രതാ…