Category: KERALA

മഹാത്മാ അയ്യങ്കാളിയും ശ്രീനാരായണഗുരുവും പൊയ്കയിൽ അപ്പചനും ഉൾപ്പെടെയുള്ള നവോത്ഥാന നായകർ ഉയർത്തിപ്പിടിച്ച സാമൂഹീക നീതിക്കുവേണ്ടിയുള്ള പേരാട്ടത്തിന്റെ തുടർച്ചയാണ് ജാതി സെൻസസിനു വേണ്ടിയുളള പോരാട്ടമെന്നും രാജ്യത്ത് സർക്കാർ മേഖലയിൽ മൂന്ന് ശതമാനം ആളുകൾ മാത്രമാണ് ജോലി ചെയ്യുന്നത് കോർപറേറ്റ് മേഖലയിൽ ജോലി ചെയ്യുന്ന 5 ശതമാനം ആളുകളുടെ എണ്ണം 7 കോടി വരും ഈ മേഖലയിൽ മാത്രം സംവരണം നടപ്പിലാക്കിയാൽ മാത്രമേ പിന്നോക്ക ജനവിഭാഗങ്ങളെ ഉയർത്തി കൊണ്ടുവരുവാൻ സാധിക്കുകയുള്ളു എന്നും, വിദ്വേഷ പ്രചരണങ്ങളും, വ്യാജ പ്രസ്താവനകളും തടയുവാനും സാമൂഹിക സാമ്പത്തിക, വിദ്യാഭ്യാസ, തൊഴിൽ പിന്നോക്ക അവസ്ഥ പരിഹരിക്കുവാൻ സംസ്ഥാനത്ത് ജാതി സെൻസ് നടപ്പിലാക്കണമെന്നും എഫ് ഐ ടി യു സംസ്ഥാന കമ്മറ്റി സംഘടിപ്പിച്ച കേരളത്തിലെ തൊഴിലിടങ്ങൾ ജാതിമുക്തമോ എന്ന തലകെട്ടിൽ സംഘടിപ്പിച്ച സംവരണ സെമിനാർ ഉദ്ഘാടനം ചെയ്തു സംസാരിച്ച വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി പറഞ്ഞു.…

കോഴിക്കോട്: ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാരുടെ പ്രസിദ്ധമായ സ്വഹീഹുൽ ബുഖാരി ദർസിന്റെ വാർഷിക സമാപനമായ ഖത്മുൽ ബുഖാരി സംഗമവും സഖാഫി പണ്ഡിതരുടെ സനദ് ദാനവും 2024 ഫെബ്രുവരി 3 ന് നടത്താൻ ഇന്നലെ(ബുധൻ) ചേർന്ന മർകസ് എക്‌സിക്യൂട്ടീവ് കമ്മിറ്റി യോഗം തീരുമാനിച്ചു. കാന്തപുരം എ പി അബൂബക്കർ മുസ്‌ലിയാരുടെ അഞ്ച് പതിറ്റാണ്ട് നീണ്ട മതാധ്യാപന ചരിത്രത്തിൽ ഏറെ പ്രധാനമാണ് പ്രമുഖ ഹദീസ് ഗ്രന്ഥമായ സ്വഹീഹുൽ ബുഖാരിയുടെ ദർസ്. ആഗോള കീർത്തിനേടിയ ഈ ദർസിൽ പങ്കെടുക്കാൻ വിദേശികളടക്കം മർകസിൽ എത്താറുണ്ട്. കഴിഞ്ഞവർഷം പഠനം പൂർത്തിയാക്കിയ 479 സഖാഫി പണ്ഡിതർക്കുള്ള സനദ്‌ദാനവും സഖാഫി സംഗമവും അഹ്ദലിയ്യ ആത്മീയ വേദിയും ഖത്മുൽ ബുഖാരിയോടനുബന്ധിച്ച് സംഘടിപ്പിക്കും. മർകസ് ദേശീയ വിദ്യാഭ്യാസ പദ്ധതിയുടെ ഭാഗമായി പശ്ചിമ ബംഗാളിൽ സ്ഥാപിച്ച ത്വയ്ബ ഗാർഡൻ വിദ്യാഭ്യാസ സ്ഥാപനങ്ങളുടെ പത്താം വാർഷികം മാർച്ച്…

കൊച്ചി: ലോക്‌സഭാ തെരഞ്ഞെടുപ്പിന് മാസങ്ങൾ മാത്രം ബാക്കി നിൽക്കെ, കേരളത്തിലെ ക്രിസ്ത്യൻ സമൂഹവുമായി ബന്ധപ്പെടാൻ ലക്ഷ്യമിട്ടുള്ള ‘സ്‌നേഹ യാത്ര’ വ്യാഴാഴ്ച കേരളത്തിൽ ഭാരതീയ ജനതാ പാർട്ടി (ബിജെപി) പുനരുജ്ജീവിപ്പിച്ചു. ഈ വർഷത്തെ ഈസ്റ്റർ ആഘോഷവേളയിലാണ് കാവി പാർട്ടി ആദ്യം ഈ സംരംഭം ആരംഭിച്ചത്. അടുത്തിടെ ചേർന്ന സംസ്ഥാന കമ്മിറ്റി യോഗത്തിൽ ക്രിസ്മസ് കാലത്ത് യാത്ര പുനരാരംഭിക്കാൻ പാർട്ടി തീരുമാനിച്ചിരുന്നു. ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ രാവിലെ കാക്കനാട് സെന്റ് തോമസ് മൗണ്ടിൽ പ്രമുഖ സീറോ മലബാർ സഭയുടെ മുൻ മേധാവി കർദിനാൾ ജോർജ് ആലഞ്ചേരിയെ സന്ദർശിച്ച് പ്രധാനമന്ത്രി നരേന്ദ്ര മോദിയിൽ നിന്ന് ക്രിസ്മസ് ആശംസകൾ അറിയിച്ചു. വരാപ്പുഴ ലത്തീൻ അതിരൂപത ആർച്ച് ബിഷപ്പ് ജോസഫ് കളത്തിപ്പറമ്പിലിനെ സന്ദർശിച്ച് പ്രധാനമന്ത്രിയുടെ ആശംസകൾ അറിയിച്ചു. സംസ്ഥാനത്ത് സ്‌നേഹ യാത്രയ്ക്ക് തുടക്കമിട്ടെന്ന് സുരേന്ദ്രൻ പിന്നീട് ഫെയ്‌സ്ബുക്ക് പോസ്റ്റിൽ വ്യക്തമാക്കി. സഭാ…

ശബരിമല: ദേവസ്വം ബോർഡിന്റെ കീഴിലുള്ള നിലയ്ക്കല്‍ പെട്രോള്‍ പമ്പില്‍ വന്‍ ക്രമക്കേട് കണ്ടെത്തിയതായി റിപ്പോര്‍ട്ട്. ഏകദേശം 20.69 ലക്ഷം രൂപയുടെ ക്രമക്കേട് നടന്നിട്ടുണ്ടെന്നാണ് ഓഡിറ്റ് റിപ്പോര്‍ട്ടില്‍ പറയുന്നത്. ക്രമക്കേട് കണ്ടുപിടിക്കപ്പെട്ടതോടെ പമ്പിന്റെ ചുമതലക്കാരനായ അനൂപ് ഒളിവില്‍ പോയി. അതേസമയം, ഈ ക്രമക്കേടില്‍ ദേവസ്വം ബോര്‍ഡിലെ ഉന്നതര്‍ക്കും പങ്കുണ്ടെന്നാണ് സൂചന. നിലയ്ക്കലിലെ സ്വാമി അയ്യപ്പ ഫ്യുവൽസിലാണ് ക്രമക്കേട് കണ്ടെത്തിയത്. ഏപ്രിൽ ഒന്ന് മുതൽ ഒക്ടോബർ 19 വരെയുളള കണക്കുകൾ ഓഡിറ്റ് ചെയ്തപ്പോഴാണ് വൻതുകയുടെ വെട്ടിപ്പ് പുറത്തുവന്നത്. ഇതേ തുടർന്ന് അസിസ്റ്റന്റ് എൻജിനീയർ കാരണം കാണിക്കൽ നോട്ടീസ് നൽകിയെങ്കിലും പമ്പിന്റെ ചുമതലക്കാരനായ അനൂപ് ഒളിവിൽ പോയി. സംഭവത്തിൽ നിലയ്ക്കൽ അസിസ്റ്റന്റ് എൻജിനീയർ പോലീസിൽ പരാതി നൽകിയിട്ടുണ്ട്. എങ്ങനെയാണ് വെട്ടിപ്പ് നടത്തിയതെന്ന വിവരം പുറത്തുവന്നിട്ടില്ല. ശബരിമലയുടെ ബേസ് ക്യാമ്പായ നിലയ്ക്കലിലെ പെട്രോൾ പമ്പിൽ ലക്ഷങ്ങളുടെ കച്ചവടമാണ് നടക്കുന്നത്. പമ്പയിൽ പെട്രോൾ പമ്പുണ്ടെങ്കിലും…

കൊച്ചി: വിശപ്പനുഭവിക്കുന്ന പാവങ്ങള്‍ക്ക് സൗജന്യമായി പ്രഭാത ഭക്ഷണവും ഉച്ചഭക്ഷണവും നല്‍കുവാന്‍ സമൂഹ നന്മക്കായി വിവിധ ക്ഷേമ പ്രവര്‍ത്തനങ്ങള്‍ നടത്തിവരുന്ന ചമ്മണികോടത്ത് ഫ്രാന്‍സിസ് ആന്‍ഡ് ഫാമിലി ചാരിറ്റബിള്‍ ട്രസ്റ്റ് (സിഎഫ്എഫ്സിടി) ‘അന്നദാനം മഹാ പുണ്യം’ എന്ന സന്ദേശവുമായി ‘പ്രാഞ്ചിയേട്ടന്‍സ്അടുക്കള’ ആരംഭിച്ചു. ചക്കരപ്പറമ്പ് ഹോളിഡേ ഇന്‍ ഹോട്ടലിന് സമീപത്തായി ആരംഭിച്ച സംരംഭം എറണാകുളം എംഎല്‍എ ടി. ജെ വിനോദ്, തൃക്കാക്കര എംഎല്‍എ ഉമാ തോമസ്, സിഎഫ്എഫ്സിടി ചെയര്‍മാന്‍ ഷിബു ഫ്രാന്‍സിസ് ചമ്മിണി എന്നിവര്‍ ഭദ്രദീപം കൊളുത്തി ഉദ്ഘാടനം ചെയ്തു. എല്ലാ ദിവസവും രാവിലെയും (8 മുതല്‍ 9 വരെ) ഉച്ചയ്ക്കും (12-30 മുതല്‍ 2.00 വരെ) സൗജന്യ ഭക്ഷണം ഇവിടെ നിന്നു ലഭിക്കുന്നതായിരിക്കും. വിശക്കുന്നവര്‍ക്ക് ഒരു നേരത്തെ അന്നം കൊടുക്കുന്നിടത്തോളം പുണ്യപ്രവത്തി വേറെയില്ല. അത് ദിവസേന കൊടുക്കുവാന്‍ ചമ്മണികോടത്ത് ഫ്രാന്‍സിസ് ആന്‍ഡ് ഫാമിലി ചാരിറ്റബിള്‍ ട്രസ്റ്റ് കാണിക്കുന്ന ഈ മനസ്സ്…

തിരുവനന്തപുരം: കേരള സർവകലാശാല സെനറ്റിലേക്ക് സിപിഐഎം പ്രവർത്തകരെയും അനുഭാവികളെയും തിരുകിക്കയറ്റാൻ ഉന്നത വിദ്യാഭ്യാസ മന്ത്രി ആർ ബിന്ദു ശ്രമിക്കുന്നതായി ആരോപണം. കേരള സർവകലാശാലയുടെ സെനറ്റിലേക്ക് ചാൻസലർ നാമനിർദ്ദേശം ചെയ്യേണ്ട പേരുകളുടെ പട്ടിക ഉന്നത വിദ്യാഭ്യാസ മന്ത്രിയാണ് നൽകിയതെന്നു പറയുന്നു. സാധാരണഗതിയിൽ സർവകലാശാല തയാറാക്കുന്ന പട്ടിക മാത്രമേ ഗവർണർക്ക് നൽകാറുള്ളൂ. മന്ത്രിയുടെ ഈ നടപടി മാർഗനിർദേശങ്ങളുടെ ലംഘനമായാണ് കാണുന്നത്. സർവകലാശാല തയ്യാറാക്കിയ പട്ടിക കേരള സർവകലാശാല വൈസ് ചാൻസലർ ഡോ. മോഹനൻ കുന്നുമ്മൽ ഗവർണർക്ക് കൈമാറി. ഇതോടൊപ്പം മന്ത്രി നൽകിയ സിപിഐഎം അനുഭാവികളുടെ പേരുകളടങ്ങിയ പട്ടികയും വിസി സമർപ്പിച്ചു. കൈരളി ന്യൂസ് ഡയറക്ടർ എൻ.പി. ചന്ദ്രശേഖരൻ, ദേശാഭിമാനി റസിഡന്റ് എഡിറ്റർ വി.ബി.പരമേശ്വരൻ, പുരോഗമന കലാസാഹിത്യ സംഘം ജനറൽ സെക്രട്ടറി അശോകൻ ചരുവിൽ, എഴുത്തുകാരൻ ബെന്യാമിൻ തുടങ്ങി സിപിഐ എം അനുകൂലികളാണ് മന്ത്രി ആർ. ബിന്ദുവിന്റെ പട്ടികയിലുള്ളത്.

കാലടി: കാലടി സംസ്‌കൃത സർവകലാശാലയുടെ ചാൻസലർ കൂടിയായ ഗവർണർ ആരിഫ് മുഹമ്മദ് ഖാനോട് ഐക്യദാർഢ്യം പ്രകടിപ്പിച്ച് എബിവിപി ഉയർത്തിയ ബാനർ അഴിച്ചുമാറ്റിയ എസ്എഫ്‌ഐ പ്രവർത്തകർക്ക് ചുട്ട മറുപടിയുമായി എബിവിപി വനിതാ വിദ്യാർഥിനികൾ. എബിവിപി വിദ്യാർഥിനികൾ ബാനർ അഴിച്ച എസ്എഫ്ഐക്കാർക്കു മുന്നിൽ തിരികെ കെട്ടിയത് കുട്ടി സഖാക്കള്‍ക്ക് നാണക്കേടുണ്ടാക്കുകയും ചെയ്തു. അതിനിടെ, എസ്എഫ്‌ഐ പ്രവർത്തകരെ വിദ്യാർത്ഥിനികൾ ചോദ്യം ചെയ്യുന്ന വീഡിയോയും സോഷ്യൽ മീഡിയയിൽ വൈറലായിരിക്കുകയാണ്. യൂണിവേഴ്സിറ്റി ഗേറ്റിൽ എബിവിപി ഉയർത്തിയ ബാനറാണ് എസ്എഫ്ഐ ഗുണ്ടകൾ അഴിച്ചുമാറ്റിയത്. രണ്ട് ഗേറ്റുകളിലൊന്നിൽ എസ്എഫ്‌ഐ ചാൻസലർക്കെതിരായ ബാനർ കെട്ടി. ഇതിന് മറുപടിയായാണ് രണ്ടാം ഗേറ്റിൽ എബിവിപിയുടെ ബാനർ ഉയർത്തിയത്. ‘ശാഖയിലെ സംഘിസം സർവ്വകലാശാലയിൽ വേണ്ട ഗവർണറേ’ എന്നായിരുന്നു എസ്എഫ്‌ഐ ബാനറില്‍ എഴുതിയിരുന്നത്. എന്നാൽ, ചാൻസിലറെ വിലക്കാൻ കേരളത്തിലെ കലാലയങ്ങൾ എസ്എഫ്‌ഐയുടെ കുടുംബസ്വത്തല്ലെന്നായിരുന്നു എബിവിപിയുടെ മറുപടി. നട്ടെല്ലുള്ളൊരു ഗവർണർക്ക് എബിവിപിയുടെ ഐക്യദാർഢ്യവും ബാനറിൽ രേഖപ്പെടുത്തി.…

കോഴിക്കോട്: ഇടതുപക്ഷ ജനാധിപത്യ മുന്നണിയുടെ നേതൃത്വത്തിലുള്ള സർക്കാര്‍ ‘ഗുണ്ടാരാജ്’ ആരോപിച്ച് കോൺഗ്രസ് പ്രവർത്തകർ നടത്തിയ പോലീസ് സ്റ്റേഷൻ മാർച്ച്‌ ബുധനാഴ്ച കോഴിക്കോട് ജില്ലയിലെ മുക്കത്തും ബേപ്പൂരിലും പോലീസുമായി തുറന്ന വാക്കേറ്റത്തിൽ കലാശിച്ചു. ബേപ്പൂരിൽ പോലീസ് ബാരിക്കേഡ് മറികടക്കാൻ ശ്രമിക്കുന്നതിനിടെ പ്രാദേശിക കോൺഗ്രസ് നേതാവിന് നിസാര പരിക്കേറ്റു. എന്നാൽ, തന്നെ ഒരു പോലീസ് ഉദ്യോഗസ്ഥൻ ലാത്തി ഉപയോഗിച്ച് ബോധപൂർവം ആക്രമിച്ചുവെന്ന് പരിക്കേറ്റയാൾ അവകാശപ്പെട്ടു പ്രതിഷേധക്കാർ പോലീസുമായി സഹകരിക്കാത്തതിനെ തുടർന്ന് സംസ്ഥാന, ദേശീയ പാതകൾ രാവിലെ പലയിടത്തും ഉപരോധിച്ചു. മുക്കത്ത് രോഷാകുലരായ കോൺഗ്രസ് പ്രവർത്തകർ കൊയിലാണ്ടി-എടവണ്ണ സംസ്ഥാന പാതയിൽ ഒരു മണിക്കൂറോളം ഉപരോധിച്ചു. നവകേരള സദസിന്റെ പേരിൽ സംസ്ഥാനം ഗുണ്ടാ ഭീഷണിക്ക് സാക്ഷ്യം വഹിക്കുകയാണെന്ന് നടക്കാവ് പോലീസ് സ്‌റ്റേഷനു സമീപം ജില്ലാതല സമരം ഉദ്ഘാടനം ചെയ്ത ജില്ലാ കോൺഗ്രസ് കമ്മിറ്റി പ്രസിഡന്റ് കെ. പ്രവീൺകുമാർ ആരോപിച്ചു. പോലീസ് ആക്രമണവും ഗുണ്ടകൾക്കുള്ള…

പാലക്കാട്: ‘മാലിന്യമുക്തം നവകേരളം’ പദ്ധതിയുടെ ഭാഗമായി പ്ലാസ്റ്റിക് ഒഴിവാക്കുക എന്ന തീവ്രയജ്ഞത്തിന്റെ ഭാഗമായി വീടുകളില്‍ പ്ലാസ്റ്റിക് മാലിന്യം സൂക്ഷിച്ച് വയ്ക്കുന്നതിന് മുളക്കൂടുകള്‍ വിതരണം ചെയ്ത് പാലക്കാട് ജില്ലയിലെ തേങ്കുറിശ്ശി ഗ്രാമപഞ്ചായത്ത്. ആദ്യഘട്ടത്തില്‍ പഞ്ചായത്തിലെ 1700 വീടുകളിലേക്കാണ് മുളക്കൂടുകള്‍ വിതരണം ചെയ്തത്. ഗ്രാമപഞ്ചായത്തിന്റെയും ബാംബൂ കോര്‍പ്പറേഷന്റെയും സഹകരണത്തോടെയാണ് പദ്ധതി നടപ്പാക്കുന്നത്. 2024 ഏപ്രില്‍ മുതല്‍ പഞ്ചായത്തിലെ ശേഷിക്കുന്ന വീടുകളിലേക്ക് അടുത്തഘട്ടത്തില്‍ കൂടകള്‍ വിതരണം ചെയ്യാനാണ് പഞ്ചായത്ത് ലക്ഷ്യമാക്കുന്നത്. ഇതുമൂലം പൂര്‍ണമായും പ്ലാസ്റ്റിക് ഒഴിവാക്കുക എന്ന ലക്ഷ്യമാണ് തേങ്കുറിശ്ശി ഗ്രാമപഞ്ചായത്ത് നടപ്പാക്കുന്നത്. മാലിന്യ സംസ്‌കരണം ലക്ഷ്യമാക്കി ഹരിതകര്‍മ്മ സേനയുടെ നേതൃത്വത്തില്‍ മാലിന്യ ശേഖരണം ഊര്‍ജ്ജിതമാക്കിയിട്ടുണ്ട്. ഗ്രാമപഞ്ചായത്തില്‍ 40 അംഗ ഹരിതകര്‍മ്മ സേനാംഗങ്ങളാണ് പ്രവര്‍ത്തിച്ച് വരുന്നത്. എല്ലാ മാസവും 15-ാം തീയതിക്കകം എല്ലാ വീടുകളില്‍നിന്നും പ്ലാസ്റ്റിക് ശേഖരിച്ച് മിനി എം.സി.എഫില്‍ ശേഖരിച്ച് പിന്നീട് എം.സി.എഫില്‍ എത്തിച്ച് മാലിന്യം തരംതിരിച്ച് ഗ്രീന്‍ കേരള…