Category: KERALA

മലപ്പുറം: അവധിക്കാലത്ത് വിദ്യാർഥികൾക്ക് സംഘടിപ്പിക്കുന്ന ബാലോൽസവം വിജയിപ്പിക്കുന്നതിന്‌ വേണ്ടി മലർവാടി ബാലസംഘം മലപ്പുറം, ശാന്തപുരം മേഖലകൾ സംയുക്തമായി യൂണിറ്റ് കോർഡിനേറ്റർമാർക്ക് തിരൂർക്കാട് ഇലാഹിയ കോളേജിൽ പരിശീലന ശിൽപശാല സംഘടിപ്പിച്ചു. മലർവാടി ബാലസംഘം മലപ്പുറം ജില്ല സെക്രട്ടറി ശഹീർ വടക്കാങ്ങര ഉദ്ഘാടനം ചെയ്തു. ‘കളിയിലുണ്ട് കാര്യം’ തലക്കെട്ടിൽ കുട്ടികളെ യാന്ത്രികമായ ഒഴിവുകാല ജീവിതത്തിൽ നിന്നും സർഗ്ഗാത്മകതയുടേയും ധാർമ്മിക മൂല്യങ്ങളുടേയും ലോകത്തേക്ക് കൈപിടിച്ചുയർത്തുന്ന വ്യത്യസ്തവും നൂതനവുമായ പതിനഞ്ചോളം കളികളാണ് ബാലോൽസവത്തിനു വേണ്ടി തയ്യാറാക്കിയിട്ടുള്ളതെന്ന് അദ്ദേഹം പറഞ്ഞു. ജമാഅത്തെ ഇസ്ലാമി തിരൂർക്കാട് ഏരിയ പ്രസിഡണ്ട് ഉമ്മർ മാസ്റ്റർ പൂപ്പലം അധ്യക്ഷത വഹിച്ചു. വിവിധ കളികളുടെ പരിശീലനങ്ങൾക്ക് ഇഹ്സാൻ, പി നൗഫൽ വടക്കാങ്ങര, റോഷ്ന, ലബീബ, സഫിയ, ഹുസൈൻ പടപ്പറമ്പ് എന്നിവർ നേതൃത്വം നൽകി. കെ നിസാർ സ്വാഗതം പറഞ്ഞു. കെ.പി സലീം ഖുർആൻ ക്ലാസ് നടത്തി. ഖാലിദ് അന്തമാൻ സമാപനവും മലർവാടി…

കണ്ണൂർ: സർ സയ്യിദ് കോളേജിന് പാട്ടത്തിന് നൽകിയ 25 ഏക്കർ വഖഫ് ഭൂമിയെച്ചൊല്ലിയുള്ള വിവാദം കത്തിനില്‍ക്കേ, തളിപ്പറമ്പിലും പരിസരത്തുമായി 250 ഏക്കറിലധികം വഖഫ് സ്വത്തുക്കൾ അപ്രത്യക്ഷമായതായി കണ്ടെത്തി. ഔദ്യോഗിക വഖഫ് രജിസ്റ്റർ പ്രകാരം, ഈ മേഖലയിൽ ബോർഡിന് 339.17 ഏക്കർ ഭൂമി കൈവശമുണ്ട്. എന്നാല്‍, നിലവിലെ മാനേജിംഗ് കമ്മിറ്റിയുടെ കൈവശം 82.72 ഏക്കർ ഭൂമി മാത്രമേയുള്ളൂവെന്ന് റിപ്പോർട്ടില്‍ പറയുന്നു. പ്രാഥമിക അവലോകനത്തിൽ 250 ഏക്കറിലധികം കണക്കിൽ ഉൾപ്പെടുത്തിയിട്ടില്ല. വഖഫ് സംരക്ഷണ സമിതിയുടെ കണക്കനുസരിച്ച്, തളിപ്പറമ്പ് മുനിസിപ്പൽ ഓഫീസ്, തളിപ്പറമ്പ് സഹകരണ ആശുപത്രി, സയ്യിദ് നഗർ, ഫാറൂഖ് നഗർ, മന്ന എന്നിവിടങ്ങളിലെ വലിയ ഭാഗങ്ങൾ, കരിമ്പത്തുവിലെ അണ്ടകല, സാധു മുട്ടി എന്നിവയുൾപ്പെടെ നിരവധി പ്രമുഖ സ്ഥാപനങ്ങൾ വഖഫ് ഭൂമിയിലാണ് സ്ഥിതി ചെയ്യുന്നത്. ഇതിന് മറുപടിയായി, കണ്ണൂർ ആസ്ഥാനമായുള്ള കമ്മിറ്റി ഈ സ്വത്തുക്കൾ സംരക്ഷിക്കുന്നതിനുള്ള ഒരു സംരംഭം ആരംഭിച്ചു. വർഷങ്ങളായി,…

തിരുവനന്തപുരം: സംസ്ഥാനത്ത് ഇന്ന് ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് പ്രവചിച്ചു. ജാഗ്രതാ നിർദ്ദേശത്തിന്റെ ഭാഗമായി തിരുവനന്തപുരം, കൊല്ലം, കോട്ടയം, ഇടുക്കി ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ശക്തമായ കാറ്റിനും ഇടിമിന്നലിനും സാധ്യതയുണ്ടെന്ന് മുന്നറിയിപ്പിൽ പറയുന്നു. ഇടിമിന്നൽ ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. ഇടിമിന്നൽ മനുഷ്യരുടെയും മൃഗങ്ങളുടെയും ജീവൻ, വൈദ്യുതി, ആശയവിനിമയ ശൃംഖലകൾ, വൈദ്യുത ചാലകങ്ങളുമായി ബന്ധിപ്പിച്ചിരിക്കുന്ന വീട്ടുപകരണങ്ങൾ എന്നിവയ്ക്ക് വലിയ നാശമുണ്ടാക്കുന്നു. അതിനാൽ, ജാഗ്രത പാലിക്കണമെന്ന് മുന്നറിയിപ്പിൽ പറയുന്നു. ഇടിമിന്നലിന്റെ ആദ്യ ലക്ഷണം ഉണ്ടാകുമ്പോൾ തന്നെ സുരക്ഷിതമായ ഒരു കെട്ടിടത്തിലേക്ക് മാറുക. തുറസ്സായ സ്ഥലങ്ങളിൽ നില്‍ക്കുന്നത് ഇടിമിന്നലേല്‍ക്കാനുള്ള സാധ്യത വർദ്ധിപ്പിക്കുന്നു. ശക്തമായ കാറ്റും ഇടിമിന്നലും ഉള്ള സമയങ്ങളിൽ ജനലുകളും വാതിലുകളും അടച്ചിടണമെന്നും നിര്‍ദ്ദേശങ്ങളില്‍ പറഞ്ഞു. കൂടാതെ, വാതിലുകളുടേയും ജനലുകളുടെയും അടുത്തു നിന്നും അകന്നു നിൽക്കുക. കെട്ടിടത്തിനുള്ളിൽ തന്നെ തുടരുക, ചുവരുകളിലോ തറയിലോ സ്പർശിക്കുന്നത് പരമാവധി…

കൊച്ചി: മയക്കുമരുന്ന് കേസില്‍ നടൻ ഷൈൻ ടോം ചാക്കോയെ അറസ്റ്റു ചെയ്തു. മയക്കുമരുന്ന് ഉപയോഗം, ഗൂഢാലോചന എന്നിവയുൾപ്പെടെ ജാമ്യമില്ലാ വകുപ്പുകൾ പ്രകാരം കേസെടുത്തതിനെ തുടർന്നാണ് അറസ്റ്റ്. എൻഡിപിസി ആക്ടിലെ സെക്ഷൻ 27, 29 പ്രകാരമാണ് കേസ് രജിസ്റ്റർ ചെയ്തത്. വൈദ്യപരിശോധന പൂർത്തിയാക്കിയ ശേഷം ഷൈനെ മജിസ്ട്രേറ്റിന് മുന്നിൽ ഹാജരാക്കും. ഡാൻസാഫ് സംഘം പരിശോധനയ്ക്കെത്തിയപ്പോള്‍ ഹോട്ടൽ മുറിയിൽ നിന്ന് ജനല്‍ വഴി ചാടി രക്ഷപ്പെട്ട സംഭവത്തിൽ ഷൈൻ ടോം ചാക്കോയെ ചോദ്യം ചെയ്തതിനെ തുടർന്ന് എറണാകുളം നോർത്ത് പോലീസാണ് കേസെടുത്തത്. നഗരത്തിലെ ഒരു പ്രമുഖ മയക്കുമരുന്ന് വ്യാപാരിയായ സജീറിനെ തനിക്ക് അറിയാമെന്ന് ഷൈൻ സമ്മതിച്ചിരുന്നു. സജീറിനെ അന്വേഷിച്ച് പോലീസ് സംഘം കഴിഞ്ഞ ദിവസം ഷൈൻ താമസിച്ചിരുന്ന ഹോട്ടലിലെത്തിയിരുന്നു. ഷൈന്റെ മൊഴികളിൽ വൈരുദ്ധ്യങ്ങളുണ്ടെന്ന് പോലീസ് പറയുന്നു. ഡാൻസാഫ് ഹോട്ടലിൽ അന്വേഷിച്ചെത്തിയ മയക്കുമരുന്ന് വ്യാപാരിയായ സജീറിനെ തനിക്ക് അറിയാമെന്ന് ഷൈൻ മൊഴി…

മലപ്പുറം: വെൽഫെയർ പാർട്ടി സ്ഥാപക ദിനത്തോടനുബന്ധിച്ച് ജില്ലയിലെ പെരിന്തൽമണ്ണ, തിരൂർ, നിലമ്പൂർ ഗവൺമെന്റ് ജില്ല ആശുപത്രികളിലും മഞ്ചേരി മെഡിക്കൽ കോളേജിലും പാർട്ടി പ്രവർത്തകർ രക്തദാനം ചെയ്തു. പെരിന്തൽമണ്ണയിൽ ജില്ലാ പ്രസിഡണ്ട് കെവി സഫീർഷ രക്തഭാനം നിർവ്വഹിച്ചു. ജില്ല സെക്രട്ടറി അഷറഫ് അലി കട്ടുപ്പാറ, മണ്ഡലം പ്രസിഡണ്ട് അത്തീഖ് ശാന്തപുരം, നൗഷാദ് ഏലംകുളം, അബൂബക്കർ പെരിന്തൽമണ്ണ എന്നിവർ നേതൃത്വം നൽകി. മഞ്ചേരിയിൽ ജില്ലാ ജനറൽ സെക്രട്ടറി മുനീബ് കാരകുന്ന് രക്തദാനം നിർവ്വഹിച്ചു. ജില്ല സെക്രട്ടറി ഷാക്കിർ മോങ്ങം ജില്ലാ കമ്മിറ്റി അംഗം ബന്ന മുതുവല്ലൂർ, മുനിസിപ്പൽ പ്രസിഡണ്ട് ബീരാൻ കുട്ടി, സവാദ് ചെരണി, മലപ്പുറം മണ്ഡലം പ്രസിഡണ്ട് ജലീൽ, സെക്രട്ടറി മഹ്ബൂബുറഹ്‌മാൻ എന്നിവർ നേതൃത്വം നൽകി. തിരൂർ ജില്ലാ ആശുപത്രിയിൽ മണ്ഡലം പ്രസിഡണ്ട് അഡ്വ. ഷഹീർ കോട്ട്, ജില്ലാ കമ്മിറ്റി അംഗം ഷറഫുദ്ദീൻ കൊളാടി എന്നിവർ രക്തദാനം നിർവ്വഹിച്ചു.…

കോട്ടയം: കോട്ടയം അയർക്കുന്നത്ത് അമ്മയും കുട്ടികളും ആത്മഹത്യ ചെയ്ത സംഭവത്തിൽ ഭർത്താവിന്റെ കുടുംബത്തിനെതിരെ യുവതിയുടെ കുടുംബം രംഗത്തെത്തി. കഴിഞ്ഞ ദിവസമാണ് അഞ്ച് വയസ് പ്രായമുള്ള നേഹയെയും ഒരു വയസുകാരി നോറയെയും കൂട്ടി നീറിക്കാട് സ്വദേശി ജിസ്മോൾ ജീവനൊടുക്കിയത്. മുത്തോലി പഞ്ചായത്ത് മുൻ പ്രസിഡന്റാണ് മരിച്ച ജിസ്മോൾ. കുംടുബ പ്രശ്നങ്ങളാണ് ആത്മഹത്യയ്ക്ക് കാരണമെന്നാണ് പൊലീസിന് കിട്ടിയ പ്രാഥമിക വിവരം. മരണത്തിന് പിന്നിൽ ദുരൂഹതയുണ്ടെന്നും നീതി ഉറപ്പാക്കാൻ ഏതറ്റം വരെയും പോകുമെന്നും ജിസ്മോളുടെ പിതാവ് മാധ്യമങ്ങളോട് പറഞ്ഞു. ജിസ്‌മോളുടെ ഭർത്താവിന്റെ വീട്ടിൽ പ്രശ്‌നങ്ങളുണ്ടായിരുന്നു. ഭർത്താവ് ജിസ്മോളെ മർദ്ദിച്ചിരുന്നതായി ജിസ്‌മോളുടെ സഹോദരൻ ജിറ്റു പറഞ്ഞു. ഭർത്താവിന്റെ അമ്മയുടെ സഹോദരിയും ഭർത്താവിന്റെ വീട്ടിൽ വെച്ച് ജിസ്‌മോളെ മാനസികമായി പീഡിപ്പിച്ചിരുന്നു എന്നും, ആവശ്യമായ പണമൊന്നും ജിസ്‌മോള്‍ക്ക് നൽകിയിരുന്നില്ലെന്നും, അവരാണ് ജിസ്‌മോളെയും മക്കളെയും മരണത്തിലേക്ക് തള്ളിവിട്ടതെന്നും കുടുംബം ആരോപിച്ചു. പോസ്റ്റ്‌മോർട്ടത്തിലെ പ്രാഥമിക വിവരങ്ങൾ അനുസരിച്ച്, മൂന്ന്…

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖം മെയ് 2 ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. കേരള ഗവർണർ രാജേന്ദ്ര അർലേക്കർ, മുഖ്യമന്ത്രി പിണറായി വിജയൻ എന്നിവർ ചടങ്ങിൽ പങ്കെടുക്കും. മോദിയുടെ സന്ദർശനം സ്ഥിരീകരിച്ചുകൊണ്ട് പ്രധാനമന്ത്രിയുടെ ഓഫീസ് (പിഎംഒ) കേരള സർക്കാരിന് കത്ത് അയച്ചതായി ഔദ്യോഗിക വൃത്തങ്ങൾ അറിയിച്ചു. മോദിയുടെ സന്ദർശനത്തോടനുബന്ധിച്ച് പ്രധാനമന്ത്രിയുടെ പ്രത്യേക സംരക്ഷണ ഗ്രൂപ്പുമായി ചേർന്ന് സംസ്ഥാന പോലീസ് ഒരു സമഗ്ര സുരക്ഷാ പദ്ധതി തയ്യാറാക്കുകയാണ്. അദാനി തുറമുഖങ്ങളും പ്രത്യേക സാമ്പത്തിക മേഖലയും (APSEZ) ആണ് മെഗാ ട്രാൻസ്ഷിപ്പ്മെന്റ് കണ്ടെയ്നർ പ്രവർത്തിപ്പിക്കുന്നത്. പേർഷ്യൻ ഗൾഫ്, തെക്കുകിഴക്കൻ ഏഷ്യ, വിദൂര കിഴക്ക് എന്നിവയെ യൂറോപ്പുമായി ബന്ധിപ്പിക്കുന്ന ഇന്റർനാഷണൽ ഈസ്റ്റ്-വെസ്റ്റ് ഷിപ്പിംഗ് ചാനലിന് ഏറ്റവും അടുത്താണ് എന്നതിന്റെ സവിശേഷമായ ഭൂമിശാസ്ത്രപരമായ നേട്ടം വിഴിഞ്ഞത്തിനുണ്ട്. എണ്ണയും മറ്റ് സാധനങ്ങളും ഉൾപ്പെടെ ലോക വ്യാപാരത്തിന്റെ ഒരു പ്രധാന ഭാഗം ഈ…

കാസർഗോഡ്: ആഫ്രിക്കൻ തീരത്ത് കടൽക്കൊള്ളക്കാർ തട്ടിക്കൊണ്ടുപോയ 10 ഇന്ത്യൻ പൗരന്മാർ ഉടൻ നാട്ടിലേക്ക് മടങ്ങുമെന്ന് പ്രതീക്ഷിക്കുന്നു. കാസർഗോഡ് സ്വദേശിയായ രാജേന്ദ്രൻ മുംബൈയിൽ എത്തിയെന്നും ഔപചാരിക നടപടിക്രമങ്ങൾ പൂർത്തിയാക്കിയ ശേഷം ബുധനാഴ്ച രാത്രിയോ വ്യാഴാഴ്ചയോ സ്വന്തം നാട്ടിലേക്ക് പോകുമെന്നും കുടുംബം പറയുന്നു. എല്ലാ ക്രൂ അംഗങ്ങളും സുരക്ഷിതരാണെന്നും അവരെ വിട്ടയച്ചതായും കുടുംബങ്ങൾക്ക് സന്ദേശങ്ങൾ ലഭിച്ചു. 28 ദിവസത്തെ ജയിൽവാസത്തിനു ശേഷമാണ് അവര്‍ മോചിതരായത്. ഒരു മാസത്തോളം, തട്ടിക്കൊണ്ടുപോയ സാധാരണക്കാരുടെ കുടുംബങ്ങൾ വളരെയധികം ആശങ്കാകുലരായിരുന്നു, പ്രത്യേകിച്ച് കപ്പലിലെ ജീവനക്കാരെക്കുറിച്ച് ഒരു വിവരവുമില്ലാത്ത ആദ്യ ദിവസങ്ങളിൽ. പിന്നീട് കമ്പനി കുടുംബങ്ങളെ ബന്ധപ്പെടുകയും ക്രൂ അംഗങ്ങൾ സുരക്ഷിതരാണെന്ന് അറിയിക്കുകയും ചെയ്തു. ദേശീയ സമുദ്ര ദിനമായ ഏപ്രിൽ 5 ന് 10 പേരും സുരക്ഷിതരാണെന്ന് സ്ഥിരീകരിച്ചു. ഇതൊരു കടൽക്കൊള്ള കേസാണ്, അതിനാൽ ക്രൂ അംഗങ്ങൾ ഡയറക്ടറേറ്റ് ജനറൽ ഓഫ് ഷിപ്പിംഗിന് മുമ്പാകെ ഹാജരായി ആവശ്യമായ…

കോഴിക്കോട്: ഇന്ത്യയിൽ നിന്ന് സ്വകാര്യ ഹജ്ജ് ഗ്രൂപ്പുകൾ വഴി ഇത്തവണ തീർഥാടനം ഉദ്ദേശിക്കുന്നവരുടെ യാത്രയിൽ അനിശ്ചിതത്വം തുടരുന്നതിനിടെ വിഷയത്തിൽ ഇടപെട്ട് പരിഹാരം കാണണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ കത്തെഴുതി. നുസുക് പ്ലാറ്റ്ഫോം വഴിയുള്ള പ്രവർത്തനങ്ങൾ പൂർത്തീകരിച്ചില്ലെന്ന കാരണം പറഞ്ഞാണ് ക്വാട്ട തടഞ്ഞുവെച്ചിട്ടുള്ളത്. നുസുക് പോർട്ടൽ അടക്കുകയും ചെയ്തിട്ടുണ്ട്. സ്വകാര്യ ഗ്രൂപ്പുകൾക്ക് ഇത്തവണ 52507 സീറ്റുകളാണ് അനുവദിച്ചിരുന്നത്. സഊദിയിലെ സേവന ദാതാവ്, താമസം, ഗതാഗത കരാർ പേയ്‌മെന്റുകൾ ഉൾപ്പെടെയുള്ളവ ചില സ്വകാര്യ ഗ്രൂപ്പുകൾ പൂർത്തിയാക്കിയില്ലെന്ന് ചൂണ്ടിക്കാട്ടിയാണ് മൊത്തം ക്വാട്ട തടഞ്ഞുവെക്കുന്ന സ്ഥിതിവിശേഷമുണ്ടായിരിക്കുന്നത്. എല്ലാ വർഷവും ഹജ്ജ് യാത്രക്ക് കുറ്റമറ്റ രീതിയിൽ സംവിധാനമൊരുക്കുന്ന കേന്ദ്ര സർക്കാർ ഈ അനിശ്ചിതത്വം അവസാനിപ്പിക്കാൻ മുൻകൈ എടുക്കണമെന്നും സ്വകാര്യ ക്വാട്ട മുഴുവൻ പുനഃസ്ഥാപിക്കാൻ നയതന്ത്ര ഇടപെടൽ തേടണമെന്നും കത്തിൽ ആവശ്യപ്പെട്ടു. യാത്ര…