Category: MIDDLE EAST/GULF

ദോഹ: കൊവിഡ് ഭീതിയെ തുടർന്ന് മന്ദഗതിയിലായ ഖത്തറിലെ റിയൽ എസ്റ്റേറ്റ് മേഖല ഊര്‍ജ്ജിതപ്പെടുന്നതായി റിപ്പോര്‍ട്ടുകള്‍ സൂചിപ്പിക്കുന്നു. നീതിന്യായ മന്ത്രാലയത്തിന്റെ കണക്കുകൾ പ്രകാരം, കഴിഞ്ഞ മൂന്ന് മാസത്തിനിടെ റിയൽ എസ്റ്റേറ്റ് ഇടപാടുകൾ 100 കോടി കവിഞ്ഞു. കൊവിഡ് കാരണം ഖത്തറിലെ റിയൽ എസ്റ്റേറ്റ് മേഖല കഴിഞ്ഞ രണ്ട് വർഷമായി വൻ ഇടിവ് രേഖപ്പെടുത്തിയിരുന്നു. മാന്ദ്യത്തെ അതിജീവിച്ച് തിരികെ വരുന്നതിനിടെ കഴിഞ്ഞ വർഷാവസാനം ഒമിക്‌റോണിന്റെ വരവോടെ വീണ്ടും മന്ദഗതിയിലായി. പുതുവർഷത്തിലേക്ക് കാലൂന്നിയതോടെ റിയൽ എസ്റ്റേറ്റ് ബിസിനസ് വീണ്ടും ഉണര്‍‌വ്വിലായി. കഴിഞ്ഞ മൂന്ന് മാസത്തിനിടെ ഏറ്റവും കൂടുതൽ ഇടപാടുകൾ നടന്നത് ഫെബ്രുവരിയിലാണ്. നീതിന്യായ മന്ത്രാലയത്തിന്റെ കണക്കനുസരിച്ച് 170 കോടി ഖത്തർ റിയാലിന്റെ അഥവാ 3,500 കോടി ഇന്ത്യൻ രൂപയുടെ കരാറുകളാണ് ഇതുവരെ ഒപ്പുവെച്ചത്. ജനുവരിയിൽ 160 കോടി റിയാലിന്റേയും മാർച്ചിൽ 130 കോടി റിയാലിന്റേയും ഇടപാടുകള്‍ നടന്നു. കൊവിഡ് പ്രതിസന്ധിക്കിടയിലും 2021ൽ…

ദോഹ: ഖത്തർ വികസന ഫണ്ടുമായി സഹകരിച്ച് ഉക്രേനിയൻ അഭയാർഥികൾക്ക് 5 മില്യൺ ഡോളറിന്റെ സഹായ പാക്കേജ് ഖത്തർ പ്രഖ്യാപിച്ചു. ലോകമെമ്പാടുമുള്ള ദശലക്ഷക്കണക്കിന് അഭയാർത്ഥികൾ മാനുഷിക പ്രതിസന്ധി നേരിടുന്നുണ്ടെന്നും അവർക്ക് അന്താരാഷ്ട്ര സമൂഹത്തിന്റെ ഐക്യദാർഢ്യവും പിന്തുണയും ആവശ്യമാണെന്നും ഖത്തർ പറഞ്ഞു. ഉക്രെയ്‌നിനായി സംഘടിപ്പിച്ച വെർച്വൽ ഡോണേഴ്‌സ് കോൺഫറൻസിൽ ഖത്തർ വിദേശകാര്യ സഹ മന്ത്രി ലുൽവ ബിൻത് റാഷിദ് അൽ ഖാതിറാണ് ഇക്കാര്യം വ്യക്തമാക്കിയത്. ഉക്രൈനിലെ സൈനിക പ്രവർത്തനങ്ങൾ ഉടൻ അവസാനിപ്പിക്കണമെന്നും ദുരിതത്തിലായവരെ സഹായിക്കാൻ സുരക്ഷിതമായ മാനുഷിക ഇടനാഴി വേണമെന്നും ലുൽവ റാഷിദ് അൽ ഖാതിർ ആവശ്യപ്പെട്ടു. ഉക്രെയ്‌നിലെ സൈനിക നടപടി ഉടനടി അവസാനിപ്പിക്കാനും, സഹായ ലഭ്യത ഉറപ്പാക്കാൻ മാനുഷിക ഇടനാഴികൾ സുരക്ഷിതമാക്കാനും, ക്രിയാത്മകമായ ചർച്ചകളിലൂടെയും നയതന്ത്ര രീതികളിലൂടെയും തർക്കം പരിഹരിക്കുന്നതിനും, സംഘർഷം സമാധാനപരമായ മാർഗങ്ങളിലൂടെ പരിഹരിക്കുന്നതിനും, ഒഴിവാക്കുന്നതിനുമുള്ള ഖത്തർ ഭരണകൂടത്തിന്റെ ആഹ്വാനം HE ലോൽവ അൽ ഖാതർ ആവർത്തിച്ചു.…

കൊല്ലം പ്രവാസി അസ്സോസിയേഷൻ ഹിദ്ദ് ഏരിയ സമ്മേളനം ഉമ്മൽഹാസം ബാങ്കൊക് റെസ്റ്റോറന്റ് ഹാളിൽ വച്ച് നടന്നു. ഏരിയാ പ്രസിഡന്റ്‌ സ്മിതേഷ് ഗോപിനാഥ് അദ്ധ്യക്ഷത വഹിച്ച പ്രതിനിധി സമ്മേളനം കൊല്ലം പ്രവാസി അസോസിയേഷൻ ഹിദ്ദ് ഏരിയ കോർഡിനേറ്റർ അനൂബ് തങ്കച്ചൻ ഉദ്ഘാടനം ചെയ്തു. ഏരിയാ വൈസ് പ്രസിഡന്റ്‌ മുഹമ്മദ്‌ ഷാ ഏരിയാ റിപ്പോർട്ടും ഏരിയ ട്രെഷർർ ജ്യോതിഷ് പി. പിള്ളൈ സാമ്പത്തിക റിപ്പോർട്ടും അവതരിപ്പിച്ചു. റിപ്പോർട്ടിന്മേലുള്ള ചർച്ചകൾക്ക് ഏരിയാ കോർഡിനേറ്റർ റോജി ജോൺ നേതൃത്വം നൽകി. കൊല്ലം പ്രവാസി അസോസിയേഷൻ വൈസ് പ്രസിഡണ്ട് വിനു ക്രിസ്റ്റി തിരഞ്ഞെടുപ്പ് വിശദീകരണം നടത്തി ഏരിയ കോർഡിനേറ്റർ റോജി ജോൺ വരണാധികാരിയായി 2022 – 2024 ലേക്കുള്ള ഏരിയാ കമ്മിറ്റിയുടെ തിരഞ്ഞെടുപ്പ് നടന്നു. ഏരിയ പ്രസിഡന്റ് ജോബിൻ ജോസഫ്, വൈസ് പ്രസിഡന്റ് ജ്യോതിഷ് പി. പിള്ളൈ, സെക്രട്ടറി ബറൈറ്റ് ജെ, ജോയിൻ സെക്രട്ടറി…

കുവൈറ്റ്: ഡ്രൈവിംഗ് ലൈസൻസും ആയുധ ലൈസൻസും ലഭിക്കാൻ യോഗ്യതയില്ലാത്ത ആളുകളുടെ വിവരങ്ങൾ പരിശോധിക്കാൻ ആഭ്യന്തര മന്ത്രാലയം ആരോഗ്യ മന്ത്രാലയവുമായി ഏകോപിപ്പിക്കുന്നു. റിപ്പോർട്ട് അനുസരിച്ച്, കുവൈറ്റ് സെന്റർ ഫോർ മെന്റൽ ഹെൽത്ത്, അഡിക്ഷൻ സെന്റർ എന്നിവയുടെ ഡാറ്റ ബന്ധിപ്പിക്കുന്നതിന് ആഭ്യന്തര മന്ത്രാലയവും ആരോഗ്യ മന്ത്രാലയവും തമ്മിൽ ഒരു ഓട്ടോമാറ്റിക് ലിങ്ക് അധികാരികൾ സൃഷ്ടിക്കും. മാനസിക രോഗത്തിന്റേയോ ആസക്തിയുടെയോ ചരിത്രമുള്ള ഏതൊരു വ്യക്തിയും ഡ്രൈവിംഗ് ലൈസൻസുകളും ആയുധ ലൈസൻസുകളും നേടുന്നതിന് യോഗ്യനല്ലെന്ന് അടയാളപ്പെടുത്തും. ഗുരുതരമായ മാനസിക രോഗങ്ങളുള്ളവർക്കും ലഹരിക്ക് അടിമപ്പെട്ടവർക്കും ആയുധ ലൈസൻസ് നൽകാതെ രാജ്യത്തെ സുരക്ഷ നിലനിർത്താനും, റോഡുകളിലെ ജീവിത സുരക്ഷയ്ക്കും ഡ്രൈവിംഗ് ലൈസൻസ് നൽകാതെ അപകടങ്ങളുടെ എണ്ണം കുറയ്ക്കാനുമാണ് ഈ നടപടി ലക്ഷ്യമിടുന്നത്. ഈ പ്രശ്നം ഇപ്പോഴും പഠനത്തിലാണ്, അംഗീകാരത്തിന് ശേഷം ഇത് നടപ്പിലാക്കും.

ദുബായ് : അടുത്തിടെ ഒരു യാചകനിൽ നിന്ന് 40,000 ദിർഹം (ഏകദേശം 8 ലക്ഷം രൂപ) ദുബായ് പോലീസ് കണ്ടെടുത്തു. 500 ദിർഹത്തിന്റെ നോട്ടുകെട്ടുകളാണ് പോലീസ് കണ്ടെടുത്തത്. കൂടാതെ, നിരവധി മൊബൈൽ ഫോണുകളും കണ്ടെത്തിയിട്ടുണ്ട്. ഇവ മോഷ്ടിച്ചതാണോയെന്ന് പോലീസ് അന്വേഷിക്കുന്നുണ്ട്. ഇയാള്‍ ഏതു രാജ്യക്കാരനാണെന്നും, ഇയാളുടെ പേരില്‍ എന്തെങ്കിലും കുറ്റകൃത്യങ്ങള്‍ രജിസ്റ്റര്‍ ചെയ്തിട്ടുണ്ടോ എന്നും പോലീസ് വെളിപ്പെടുത്തിയിട്ടില്ല. സന്ദര്‍ശക വിസയിൽ വിവിധ രാജ്യങ്ങളിൽ നിന്നെത്തുന്നവരാണ് റംസാൻ മാസത്തിൽ ഉദാരമായ സംഭാവനകൾ മുതലെടുത്ത് ഭിക്ഷാടനം നടത്തുന്നത്. ഭിക്ഷാടന നിരോധനം ഏർപ്പെടുത്തിയ രാജ്യമാണ് യുഎഇ. ഭവനരഹിതർക്കും ദരിദ്രർക്കും പുനരധിവാസവും മറ്റ് സൗകര്യങ്ങളും നൽകുന്നതിനാൽ ഭിക്ഷാടനം നിരോധിച്ചിരിക്കുകയാണിവിടെ. യാചകർക്ക് പിന്നിൽ വൻ സാമ്പത്തിക തട്ടിപ്പ് സംഘങ്ങളുണ്ടെന്നതും ഭിക്ഷാടന നിരോധനത്തിന് കാരണമാണ്. വിശുദ്ധ റംസാൻ മാസത്തിൽ യുഎഇയിൽ സന്ദര്‍ശക വിസയ്ക്ക് അപേക്ഷിക്കുന്നവരുടെ എണ്ണം വർദ്ധിച്ചുവരികയാണ്. സകാത്തിന്റെ ഭാഗമായി പണം നൽകുന്നത് മുതലെടുത്താണ് യാചകര്‍…

കുവൈറ്റ് സിറ്റി: ഇന്ത്യന്‍ കൗണ്‍സില്‍ ഫോര്‍ കള്‍ച്ചറല്‍ റിലേഷന്‍സിന്റെ സ്ഥാപക ദിനം ആഘോഷിച്ച് ഇന്ത്യന്‍ എംബസി. ഇന്ത്യന്‍ അംബാസിഡര്‍ സിബി ജോര്‍ജ്ജ് ചടങ്ങ് ഉത്ഘാടനം ചെയ്തു. അന്താരാഷ്ട്ര യോഗ ദിനത്തിന്റെ ലോഞ്ചിംഗും പരിപാടിയുടെ ഭാഗമായി ഉണ്ടായിരുന്നു. പ്രഥമ വിദ്യാഭ്യാസ മന്ത്രി മൗലാന അബുല്‍ കലാം ആസാദിനെയും 1950ല്‍ ഐസിസിആര്‍ സ്ഥാപിച്ചത് ഉള്‍പ്പെടെയുള്ള കാര്യങ്ങള്‍ ചടങ്ങില്‍ അംബാസിഡര്‍ അനുസ്മരിച്ചു. ഇന്ത്യയും കുവൈറ്റും തമ്മിലുള്ള നയതന്ത്ര ബന്ധം ആരംഭിച്ചതിന്റെ അറുപതാം വാര്‍ഷികം ആഘോഷിക്കുന്ന ഈ വര്‍ഷത്തില്‍ നിരവധി പരിപാടികളാണ് ഇന്ത്യന്‍ എംബസ്സിയുടെ നേതൃത്വത്തില്‍ സംഘടിപ്പിക്കുന്നത്. ഇരു രാജ്യങ്ങളും തമിലുള്ള വ്യാപാരങ്ങള്‍ ഏറെ മെച്ചപ്പെട്ടതായും ഇന്ത്യന്‍ ടൂറിസം പ്രചരിപ്പിക്കുന്നതിന്റെ ഭാഗമായുള്ള കാമ്പയിനില്‍ പങ്കെടുക്കുവാന്‍ കുവൈറ്റിലെ ഇന്ത്യന്‍ പ്രവാസികളോട് അംബാസിഡര്‍ അഭ്യര്‍ത്ഥിച്ചു. ഇന്ത്യയും കുവൈറ്റും തമ്മിലുള്ള ബന്ധം ദൃഢമാക്കുന്നതില്‍ ഐസിസിആര്‍ നല്‍കുന്ന തുടര്‍ച്ചയായ പിന്തുണയ്ക്കും അദ്ദേഹം നന്ദി പറഞ്ഞു. സലിം കോട്ടയില്‍  

ദോഹ: ഇന്ത്യയിലെ മെഡിക്കല്‍ പ്രവേശനത്തിനായി നാഷണല്‍ ടെസ്റ്റിംഗ് ഏജന്‍സി നടത്തുന്ന നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ് (നീറ്റ്) പരീക്ഷക്ക് ഇന്ത്യയ്ക്കു പുറത്തുള്ള 14 നഗരങ്ങളില്‍ ഒന്നായി ദോഹയേയും ഉള്‍പ്പെടുത്തി. ജൂലൈ 17 നു നടക്കുന്ന നീറ്റ് (എംബിബിഎസ്) പരീക്ഷയുടെ കേന്ദ്രങ്ങളിലൊന്നായി ദോഹയേയും ഉള്‍പ്പെടുത്തിയതായി ദോഹയിലെ ഇന്ത്യന്‍ എംബസിയും ട്വീറ്റ് ചെയ്തു. ഖത്തറില്‍ നിന്നുള്ള എന്‍ആര്‍ഐ വിദ്യാര്‍ഥികളുടെ അഭ്യര്‍ഥന അംഗീകരിച്ചതിന് ദേശീയ ടെസ്റ്റിംഗ് ഏജന്‍സിക്ക് നന്ദി അറിയിച്ചു.  

ബഹ്റൈന്‍: കൊല്ലം പ്രവാസി അസ്സോസിയേഷൻ മുഹറക്ക് ഏരിയ സമ്മേളനം മുഹറക്ക് അൽഒസ്ര റസ്റ്റോറന്റ് ഹാളിൽ വച്ച് നടന്നു. ഏരിയാ സെക്രട്ടറി എം. കെ. അഭിലാഷ് അദ്ധ്യക്ഷത വഹിച്ച പ്രതിനിധി സമ്മേളനം, മുഹറക്ക് ഏരിയ കോഓർഡിനേറ്റർ ഹരി എസ്. പിള്ള ഉദ്ഘാടനം ചെയ്തു. ഏരിയാ സെക്രട്ടറി എം.കെ. അഭിലാഷ് ഏരിയാ റിപ്പോർട്ടും സാമ്പത്തിക റിപ്പോർട്ടും അവതരിപ്പിച്ചു. റിപ്പോർട്ടിന്മേലുള്ള ചർച്ചകൾക്ക് ഹരി എസ് പിള്ള നേതൃത്വം നൽകി. കെ പി എ ട്രഷറർ രാജ് കൃഷ്ണൻ വരണാധികാരിയായി 2022 – 2024 ലേക്കുള്ള ഏരിയാ കമ്മിറ്റിയുടെ തിരഞ്ഞെടുപ്പ് നടന്നു. ഏരിയ പ്രസിഡന്റ് ഷഹീൻ മഞ്ഞപ്പാറ, വൈസ് പ്രസിഡന്റ് സജീവ് ഫിലിപ്പ്, സെക്രട്ടറി രാഗിൽ ആർ. എൽ, ജോയിന്റ് സെക്രട്ടറി ഓമനക്കുട്ടന്‍ പിള്ള, ട്രഷറർ അജി അനിരുദ്ധൻ എന്നിവരെ തെരഞ്ഞെടുത്തു. എം.കെ. അഭിലാഷ്നേ കൊല്ലം പ്രവാസി അസോസിയേഷൻ ട്രഷറർ രാജ് കൃഷ്ണൻ…

ദുബായ്: ദുബായിയിലെ പൊതു-സ്വകാര്യ സേവനങ്ങള്‍ ഡിജിറ്റല്‍വത്കരിക്കാന്‍ പുതിയ നിയമം പുറപ്പെടുവിച്ച് ദുബായ് ഭരണാധികാരി ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂം. പുതിയ നിയമ പ്രകാരം ദുബായിലെ ജുഡീഷല്‍ സ്ഥാപനങ്ങള്‍ മുതല്‍ സ്വകാര്യ സ്ഥാപനങ്ങള്‍ വരെ ഗുണഭോക്താക്കള്‍ക്ക് ഡിജിറ്റല്‍ സേവനം ലഭ്യമാക്കും. ദുബായ് ഡിജിറ്റല്‍ അഥോറിറ്റി മുന്നോട്ടുവെക്കുന്ന മാനദണ്ഡങ്ങള്‍ അനുസരിച്ചാണ് സ്ഥാപനങ്ങള്‍ ഡിജിറ്റല്‍ സേവനം നല്‍കേണ്ടത്. നിയമങ്ങള്‍ക്കും നിയന്ത്രണങ്ങള്‍ക്കും വിധേയമായി സ്ഥാപനങ്ങള്‍ തങ്ങളുടെ ഡിജിറ്റല്‍ സേവനം സര്‍ക്കാര്‍ സ്ഥാപനത്തിനോ, സ്വകാര്യ സ്ഥാപനത്തിനോ പുറം ജോലി കരാര്‍ നല്‍കാമെന്നും നിയമം വ്യക്തമാക്കുന്നു. ഡിജിറ്റല്‍ സേവനങ്ങള്‍ അറബി, ഇംഗ്ലീഷ് ഭാഷകളില്‍ ലഭ്യമാക്കണം.ഡിജിറ്റല്‍ സേവനങ്ങള്‍ ഉപഭോക്തൃ സൗഹൃദമായിരിക്കണം. കാഴ്ച പരിമിതിയുള്ളവര്‍ക്കും ഭിന്നശേഷിക്കാര്‍ക്കും അധിക ഫീസ് നല്‍കാതെ തന്നെ ഈ സേവനങ്ങള്‍ ലഭിക്കണമെന്ന് നിയമം നിഷ്‌കര്‍ഷിക്കുന്നുണ്ട്.