Category: MIDDLE EAST/GULF

ദോഹ: വെറുപ്പിന്റെയും വിദ്വേഷങ്ങളുടെയും ആശയങ്ങള്‍ പ്രചരിക്കുന്ന ഈ കാലത്ത് ഇന്ത്യയിൽ സാമൂഹികജനാധിപത്യം ശക്തിപ്പെടുത്താൻ ശ്രമങ്ങൾ ഉണ്ടാകണമെന്ന് വെല്‍ഫെയര്‍ പാര്‍ട്ടി സംസ്ഥാന പ്രസിഡണ്ട് ഹമീദ് വാണിയമ്പലം അഭിപ്രായപ്പെട്ടു. കള്‍ച്ചറല്‍ ഫോറം സംഘടിപ്പിച്ച ഫ്രറ്റേണല്‍ മീറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ധാരാളം വൈവിധ്യങ്ങളുണ്ടായിട്ടും ഇന്ത്യയ്ക്ക് പുരോഗതി കൈവരിക്കാനായത് ഒരു മഴവില്‍ സമൂഹമായി ഇന്ത്യൻ സമൂഹം നില കൊണ്ടതിനാലാണ്‌. വെറുപ്പിന്റെയും വിദ്വേഷങ്ങളുടെയും ആശയങ്ങള്‍ പ്രചരിക്കുന്ന ഈ കാലത്ത് ജനാധിപത്യ രീതിയിലുള്ള പ്രതിരോധത്തിന്റെതായ വഴികള്‍ അന്വേഷിക്കുകയും കൈമാറുകയും ചെയ്യണം.മൂലധനശക്തികള്‍ പ്രായോജകരായ രാഷ്ട്രീയ ജനാധിപത്യം ശക്തിപ്പെട്ട് വരുന്നത് ജനാധിപത്യത്തിന്റെ ആത്മാവിനെ കെടുത്തിക്കളയുമെന്നും അദ്ദേഹം പറഞ്ഞു. വംശീയ രാഷ്ട്രീയത്തിന്‌ വേരൂന്നി നില്‍ക്കാന്‍ കഴിയുന്ന സാമൂഹിക ഘടനയാണ്‌ രാജ്യത്തുള്ളെന്നതിനാല്‍ കേവലം തെരഞ്ഞെടൂപ്പ് പ്രക്രിയയിലൂടെ മാത്രം രാജ്യത്തെ ഗ്രസിച്ചിരിക്കുന്ന വെറുപ്പിന്റെയും വിദ്വേശങ്ങളുടെയും ആശയങ്ങളെ പരാജയപ്പെടുത്താനാകില്ല. താന്‍ അനുഭവിച്ചവരില്‍ നിന്നോ ചുറ്റുമുള്ളവരില്‍ നിന്നോ അല്ല ബോധ്യങ്ങള്‍ രൂപപ്പെടുന്നത്. വെറുപ്പിന്റെ…

ദോഹ: 2017 ഒക്ടോബര്‍ 31 ന് പ്രക്ഷേപണമാരംഭിച്ച, ഖത്തറിലെ ആദ്യ സ്വകാര്യ റേഡിയോ, റേഡിയോ മലയാളം 98.6 എഫ് എമ്മിന്റെ അഞ്ചാം വാര്‍ഷികാഘോഷങ്ങള്‍ക്ക് തുടക്കമായി. അല്‍ഷര്‍ഖ് വിലേജ് – റിറ്റ്‌സ് കാള്‍ട്ടണ്‍ ഹോട്ടലില്‍ നടന്ന ചടങ്ങില്‍ കസാകിസ്ഥാന്‍ എംബസിയില്‍ നിന്നുള്ള കൊമേഴ്‌സ്യല്‍ അറ്റാഷെ അസമത് നമതോവ് കാംപയ്ന്‍ ഉദ്ഘാടനം ചെയ്തു. ഐസി ബി എഫ് ആക്ടിംഗ് പസിഡന്റ് വിനോദ് നായര്‍, ഐ സി സി പ്രസിഡന്റ് പി.എന്‍. ബാബുരാജന്‍, വൈസ് പ്രസിഡന്റ് സുബ്രമണ്യ ഹെബ്ബഗിലു , ക്യുഎഫ് എം വൈസ് ചെയര്‍മാന്‍ സഊദ് അല്‍ കുവാരി, കെ ബി എഫ് ജനറല്‍ സെക്രട്ടറി നിഹാദ് അലി, കെ ഇ സി പ്രസിഡന്റ് ഷരീഫ് ചിറക്കല്‍ തുടങ്ങിയവര്‍ സംസാരിച്ചു. ക്യു എഫ് എം റേഡിയോ നെറ്റ് വര്‍ക്ക് വൈസ് ചെയര്‍മാന്‍ കെ സി അബ്ദുല്‍ ലത്വീഫ് അധ്യക്ഷത വഹിച്ചു.…

ദുബൈ: സിഐഒ 200 പുരസ്കാര ദാന ചടങ്ങില്‍ യൂണിയന്‍കോപ് ഐ.ടി ഡിപ്പാര്‍ട്ട്മെന്റ് ഡയറക്ടര്‍ ഐമന്‍ ഉത്‍മാന് ‘ലെജന്റ്’ പുരസ്‍കാരം നല്‍കി ആദരിച്ചു. ഡിജിറ്റല്‍ പരിവര്‍ത്തനത്തിന്റെ നേതൃസ്ഥാനത്തു നിന്ന് കൈവരിച്ച നേട്ടങ്ങളുടെയും യൂണിയന്‍ കോപിന്റെ ഇ- കൊമേഴ്‍സ് പ്ലാറ്റ്ഫോം വികസിപ്പിക്കുന്നതിലുള്ള അദ്ദേഹത്തിന്റെ സംഭവനകളുടെയും അംഗീകാരമായാണ് വേള്‍ഡ് സിഐഒ 200 സമ്മിറ്റില്‍ വെച്ച് ഈ പുരസ്‍കാരം അദ്ദേഹത്തിന് സമ്മാനിച്ചത്. ഇ – കൊമേഴ്സ് വിഭാഗത്തിലാണ് തങ്ങള്‍ക്ക് പുരസ്‍കാരം ലഭിച്ചതെന്ന് ഐമന്‍ ഉത്‍മാന്‍ പ്രതികരിച്ചു. യൂണിയന്‍ കോപിന് വേണ്ടി വികസിപ്പിച്ച സാങ്കേതിക സംവിധാനങ്ങള്‍ക്കാണ് പുരസ്കാരം. യൂണിയന്‍കോപില്‍ ഡയറക്ടര്‍ ബോര്‍ഡില്‍ നിന്നും സ്ഥാപനത്തില്‍ നിന്നും ഇ-കൊമേഴ്‍സിന് പ്രത്യേക പ്രധാന്യവും ശ്രദ്ധയും ലഭിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു. അന്താരാഷ്‍ട്ര പ്രാധാന്യമുള്ള ഈ അവാര്‍ഡ് മികച്ച സ്‍മാര്‍ട്ട് പ്ലാറ്റ്ഫോമുകള്‍ വികസിപ്പിച്ചതിനുള്ള അംഗീകാരമായാണ്, സമ്മിറ്റില്‍ പങ്കെടുത്ത് വിജയിക്കുന്ന സ്ഥാപനങ്ങള്‍ക്ക് നല്‍കുന്നതെന്നും അദ്ദേഹം ചൂണ്ടിക്കാട്ടി. ആധുനിക മാനേജ്മെന്റ്, മാര്‍ക്കറ്റിങ് രംഗങ്ങളിലെ…

ബഹ്റൈന്‍: കഴിഞ്ഞ 16 വര്‍ഷമായി ബഹ്‌റൈനില്‍ ജോലി ചെയ്തു വരുകയായിരുന്ന കൊല്ലം കല്ലട സ്വദേശി ബാഹുലേയന്‍ കൊല്ലം പ്രവാസി അസോസിയേഷന്‍റെ സഹായത്താല്‍ നാടണഞ്ഞു. ജോലിസ്ഥലത്ത് ബുദ്ധിമുട്ട് അനുഭവിക്കുന്നതായുള്ള വിവരം കെ.പി.എ ചാരിറ്റി വിംഗിന് ലഭിച്ചതിനെ തുടർന്ന് കെ.പി.ഏ. സൽമാബാദ് ഏരിയാ ഭാരവാഹികളുടെ നേതൃത്വത്തിൽ താമസസ്ഥലവും ബാഹുലേയനെയും സന്ദര്‍ശിച്ചു. 62 വയസ്സ് കഴിഞ്ഞ ബാഹുലേയൻ 18 വർഷത്തെ സൗദി അറേബ്യയിലെ പ്രവാസത്തിനു ശേഷം ബഹറിനിൽ കഴിഞ്ഞ 16 വർഷമായി ജോലി ചെയ്തു വരികയായിരുന്നു. എന്നാൽ, കഴിഞ്ഞ കുറച്ചു മാസങ്ങളായി കമ്പനി അടച്ചിട്ടിരിക്കുന്നതിനാൽ ശമ്പളം ഇല്ലാതെ, ഷീറ്റിട്ട വർക്ക്ഷോപ്പിൽ എസി പോലും ഇല്ലാതെ താമസിച്ചുവരികയായിരുന്നു. നിരവധി രോഗങ്ങൾ അലട്ടുന്ന ബഹുലേയന് മൂന്നു വർഷമായി നാട്ടിൽ പോകാന്‍ സാധിച്ചിട്ടില്ല. തുടർന്നു കെപിഎ യുടെ ശ്രമഫലമായി ഇദ്ദേഹത്തിന്റെ സ്പോണ്‍സറെ കണ്ടെത്തുകയും ആവശ്യമായ രേഖകള്‍ സംഘടിപ്പിച്ച് അവശ്യം സാധനങ്ങള്‍ അടങ്ങിയ ഗള്‍ഫ് ഗിഫ്റ്റ് നല്‍കി…

ദോഹ (ഖത്തര്‍): ലോകകപ്പ് ആവേശത്തോടൊപ്പം പ്രവാസികളെ കണ്ണിചേര്‍ക്കുക എന്ന ലക്ഷ്യത്തോടെ എക്സ്പാറ്റ് സ്പോര്‍ട്ടീവ് കള്‍ച്ചറല്‍ ഫോറവുമായി സഹകരിച്ച് ഒരു വര്‍ഷമായി നടത്തി വരുന്ന സ്പോര്‍ട്സ് കാര്‍ണ്ണിവല്‍ സപ്തംബര്‍ 30 വെള്ളിയാഴ്ച സമാപിക്കും. റയ്യാന്‍ പ്രൈവറ്റ് സ്കൂള്‍ കാമ്പസില്‍ നടക്കുന്ന സമാപനത്തിന്റെ ഭാഗമായി വിവിധ കായിക മത്സരങ്ങളും എക്സിബിഷന്‍, ലോകകപ്പിന്റെ നാളിത് വരെയുള്ള ചരിത്രങ്ങള്‍ ഉള്‍ക്കൊള്ളിച്ച കൊളാഷ് പ്രദര്‍ശനം, കലാ വിരുന്ന് തുടങ്ങിയവ അരങ്ങേറും. ലോകകപ്പിന്‌ ഐക്യ ദാര്‍ഢ്യം പ്രകടിപ്പിച്ച് 2022 പേര്‍ ഗോള്‍ പോസ്റ്റിലേക്ക് പന്തടിക്കും. കാര്‍ണ്ണിവല്‍ സമാപനത്തിന്റെ ഭാഗമായി ഖത്തറിലെ മുന്‍ നിര പ്രവാസി ടീമുകള്‍ അണിനിരക്കുന്ന പെനാല്‍ട്ടി ഷൂട്ടൗട്ട്, പുരുഷ – വനിതാ വടം വലി, ബോക്സ് ക്രിക്കറ്റ്, 23 കാറ്റഗറികളിലായി ബാഡ്മിന്റണ്‍, പുരുഷ – വനിതാ പഞ്ചഗുസ്തി ടൂര്‍ണ്ണമെന്റുകള്‍ അരങ്ങേറും. വിജയികള്‍ക്ക് മെഡലുകളും ട്രോഫിയും കാഷ് അവാര്‍ഡും സമ്മാനിക്കും. കാണികളായെത്തുന്നവര്‍ക്കും കുടുംബങ്ങള്‍ക്കും കുട്ടികള്‍ക്കും…

മുഖ്യധാരാ പാരമ്പര്യ രാഷ്ട്രീയ കക്ഷികള്‍ ഭരണഘടനയുടെ അടിസ്ഥാന തത്വങ്ങളെ പരിഗണിക്കാതിരുന്നതിനാലാണ്‌ വെറുപ്പിന്റെ പൊതുബോധ നിര്‍മ്മിതിയും സാമൂഹിക സംഘാടനവും സാധ്യമായതെന്ന് വെല്‍ഫെയര്‍ പാര്‍ട്ടി സംസ്ഥാന പ്രസിഡൻ്റ് ഹമീദ് വാണിയമ്പലം പറഞ്ഞു. കള്‍ച്ചറല്‍ ഫോറം പ്രവര്‍ത്തക സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വെറുപ്പും വിദ്വേഷവും സമൂഹത്തെ കാര്‍ന്നു തിന്നുന്നു. ജനാധിപത്യ- മതേതര സംവിധാനങ്ങള്‍ നിലനിര്‍ത്താനുള്ള കഠിന പ്രയത്നത്തിനുള്ള അവസരമാണിത്. നാനാത്വത്തില്‍ ഏകത്വത്തിന്റെയും വൈവിധ്യങ്ങളുടെയും മത നിരപേക്ഷതയുടെയും ഈറ്റില്ലമായിടത്തു നിന്ന് വിഭജനത്തിന്റെയും അപര വിദ്വേഷത്തിന്റെയും വൃത്തികെട്ട സംസ്കാരമുയര്‍ന്നു വരുന്നു. നവോത്ഥാന നായകന്മാരും അവരുടെ പ്രസ്ഥാനങ്ങളും നിരന്തരം കലഹിച്ചതിനാലാണ്‌ കേരളത്തില്‍ വെറുപ്പിന്റെ രാഷ്ട്രീയം വേരുറക്കാതെ പോയത്. ദൗർഭാഗ്യകരമെന്ന് പറയട്ടെ ആ നവോത്ഥാന ഐക്യത്തില്‍ അധികാര രാഷ്ട്രീയമെന്ന താത്കാലിക ലാഭത്തിനായി വിള്ളല്‍ വീഴ്ത്തുകയാണിന്ന് ചെയ്യുന്നത്. അത് കേരളീയ പൊതു മണ്ഡലത്തില്‍ ദൂരവ്യാപകമായ പ്രതിസന്ധികള്‍ സൃഷ്ടിക്കും. ചില സമുദായങ്ങള്‍ അനര്‍ഹമായി നേടൂന്നു എന്നതു പോലുള്ള…

കെയ്‌റോ : തെറ്റായ വാർത്ത പ്രചരിപ്പിച്ചെന്നാരോപിച്ച് കെയ്‌റോ തടവിലാക്കിയ അൽജസീറ മാധ്യമ പ്രവർത്തകൻ അഹമ്മദ് അൽ നജ്ദിയെ ഈജിപ്ഷ്യൻ അന്വേഷണ ഉദ്യോഗസ്ഥർ ബുധനാഴ്ച വിട്ടയച്ചു. 2020 ഓഗസ്റ്റ് മുതൽ തടവിലായിരുന്ന 67 കാരനായ അഹമ്മദ് അൽ നജ്ദി ജയിൽ മോചിതനായി. ഖത്തർ ആസ്ഥാനമായുള്ള നെറ്റ്‌വർക്കിന്റെ ലൈവ് ടിവി യൂണിറ്റായ അൽ ജസീറ മുബാഷറിന്റെ പത്രപ്രവർത്തകനാണ് അൽ-നജ്ദി. ഈജിപ്തിലെ പ്രസിഡൻഷ്യൽ മാപ്പ് കമ്മിറ്റി അംഗമായ താരിഖ് എൽ-അവാദി തന്റെ ട്വിറ്റർ അക്കൗണ്ടിൽ എഴുതി, “വിചാരണ തടങ്കലിൽ കഴിയുന്ന അൽ ജസീറ പത്രപ്രവർത്തകനെ മോചിപ്പിക്കാനുള്ള ഈജിപ്ഷ്യൻ പബ്ലിക് പ്രോസിക്യൂഷന്റെ തീരുമാനത്തെ” സ്വാഗതം ചെയ്തു. അദ്ദേഹത്തിന്റെ ആരോഗ്യനില മോശമായതിനെത്തുടർന്ന് അദ്ദേഹത്തെ വിട്ടയക്കണമെന്ന കുടുംബത്തിന്റെ ആഹ്വാനങ്ങൾക്കിടയിലാണ് മോചനം. അൽ നജ്ദിക്ക് 70 വയസ്സ് കഴിഞ്ഞതായും കുടുംബം വ്യക്തമാക്കി. പ്രമേഹത്തെ തുടർന്ന് കാലിന് പരിക്കേറ്റ അൽ നജ്ദി തന്റെ കാൽ മുറിച്ചു മാറ്റേണ്ടി വരുമെന്ന്…

അബുദാബി: വികസിതവും കരുത്തുറ്റതുമായ അടിസ്ഥാന സൗകര്യങ്ങൾ, പ്രതിബദ്ധത, നേതൃത്വം എന്നിവയ്ക്കായി അബുദാബി ആഗോളതലത്തിൽ ലോകത്തിലെ ഏറ്റവും പകർച്ചവ്യാധിയെ പ്രതിരോധിക്കുന്ന നഗരങ്ങളുടെ പട്ടികയിൽ വീണ്ടും ഒന്നാമതെത്തിയതായി അബുദാബി മീഡിയ ഓഫീസ് (എഡിഎംഒ) റിപ്പോർട്ട് ചെയ്തു. ഡീപ് നോളജ് ഗ്രൂപ്പിന്റെ (ഡികെജി) ലണ്ടൻ ആസ്ഥാനമായുള്ള ഡീപ്‌ടെക് അനലിറ്റിക്കൽ സബ്‌സിഡിയറിയായ ഡീപ് നോളജ് അനലിറ്റിക്‌സ് (ഡികെഎ) പുറത്തിറക്കിയ റിപ്പോർട്ട് പ്രകാരമാണിത്. ലോകമെമ്പാടുമുള്ള 100 നഗരങ്ങൾ പരിശോധിച്ച് ഡികെഎ റിപ്പോർട്ടിൽ ചേർത്തിട്ടുണ്ട്. കോവിഡ്-19ന്റെ വ്യാപനം തടയുന്നതിനും ഭാവിയിൽ സമാനമായ പൊതുജനാരോഗ്യ പ്രശ്‌നങ്ങൾക്കുള്ള പ്രതിരോധവും സന്നദ്ധതയും പ്രകടമാക്കുന്നതിനും നഗര ഗവൺമെന്റുകൾ ശ്രദ്ധ കേന്ദ്രീകരിക്കുന്ന ആറ് പാരാമീറ്ററുകളെ അടിസ്ഥാനമാക്കിയുള്ളതാണ് റിപ്പോർട്ട്. ആറ് പരാമീറ്ററുകൾ: • സർക്കാർ കാര്യക്ഷമത • സാമ്പത്തിക പ്രതിരോധശേഷി • ഹെൽത്ത് കെയർ മാനേജ്മെന്റ് • ക്വാറന്റീൻ മുൻകരുതലുകൾ • വാക്സിനേഷൻ തന്ത്രം • സാംസ്കാരികത പാലിക്കൽ 2021 ന്റെ ആദ്യ പകുതിയിൽ…

ദോഹ: പി.ആര്‍.ഒ സേവന രംഗത്തെ മികച്ച പ്രവര്‍ത്തനങ്ങളുമായി മുന്നേറുന്ന പ്രൊഫഷണല്‍ ബിസിനസ് ഗ്രൂപ്പ് വിജയകരമായ പത്താം വര്‍ഷത്തിലേക്ക്. സംരംഭകര്‍ക്കാവശ്യമായ പി.ആര്‍.ഒ സേവനങ്ങള്‍ വിശ്വസ്തതയോടെയും കൃത്യതയോടെയും നിര്‍വ്വഹിക്കുന്ന പ്രൊഫഷണല്‍ ബിസിനസ് ഗ്രൂപ്പ് കഴിഞ്ഞ പത്ത് വര്‍ഷമായി 3000 ലത്തിധം കമ്പനികൾ തുടങ്ങാനും സംരഭകർക്കാവശ്യമായ സേവനങ്ങള്‍ ഒരു കുടക്കീഴിൽ ലഭ്യമാക്കാനും സാധിച്ചുവെന്നു ഗ്രൂപ്പ് മാനേജിംഗ് ഡയറക്ടര്‍ അലി ഹസന്‍ തച്ചറക്കൽ പറഞ്ഞു. പത്താം വാര്‍ഷികത്തോടനുബന്ധിച്ച് സംരഭകര്‍ക്കായി വൈവിധ്യമാർന്ന ഒരു വര്‍ഷം നീണ്ടു നില്‍ക്കുന്ന പരിപാടികളാണ് ആസൂത്രണം ചെയ്തിട്ടുള്ളതെന്ന് അദ്ദേഹം കൂട്ടിച്ചേര്‍ത്തു. കമ്പനി ഫോര്‍മേഷന്‍, പി.ആര്‍.ഒ, മന്ദൂബി സേവനങ്ങള്‍, സ്ഥാപനം ആരംഭിക്കാനവശ്യമായ ലോക്കല്‍ സ്‌പോണ്‍സര്‍, ഓഫീസ് സ്പേസ്, വെബ് സൈറ്റ് ഡവലപ്മെന്റ്, ഡിജിറ്റൽ മാർകെറ്റിംഗ്, സോഷ്യൽമീഡിയ മാനേജ്മെന്റ്, ലീഗൽ അഡ്വൈസറി,കൺസൽട്ടൻസി, ലീഗല്‍ ട്രാന്‍സ്‌ലേഷന്‍ തുടങ്ങി ഒരു സംരംഭത്തിനവാശ്യമായ വിവിധ സേവനങ്ങളാണ് പ്രൊഫഷണല്‍ ബിസിനസ് ഗ്രൂപ്പ് നല്‍കി വരുന്നത്. പ്രൊഫഷണൽ ബിസിനസ് ഗ്രൂപ്പിനു…

റിയാദ് : സന്ദർശകർക്ക് സേവനം നൽകുന്നതിന് കൃത്രിമബുദ്ധിയെ ആശ്രയിക്കാനുള്ള ഏറ്റവും പുതിയ പദ്ധതിയിൽ സൗദി അറേബ്യ, വെള്ളിയാഴ്ച മക്കയിലെ ഗ്രാൻഡ് മസ്ജിദിൽ ഖുർആൻ പാരായണത്തിനും പ്രഭാഷണങ്ങൾക്കും പ്രാർത്ഥനയ്ക്കുള്ള ആഹ്വാനത്തിനും (അദാൻ) ഒരു റോബോട്ട് പുറത്തിറക്കി. ഗ്രാൻഡ് മോസ്‌കിലെ ഇമാമുമാരുടെയും മ്യൂസിൻമാരുടെയും സന്ദേശം തീർഥാടകരിൽ എത്തിക്കാനും തീർഥാടകരുടെ സേവനത്തിൽ ആധുനിക സാങ്കേതിക വിദ്യകൾ ഉപയോഗിക്കാനും റോബോട്ട് ലക്ഷ്യമിടുന്നു. വിഷൻ 2030, പ്രസിഡൻഷ്യൽ സ്ട്രാറ്റജിക് പ്ലാൻ 2024 എന്നിവ അനുസരിച്ചാണ് പുതിയ റോബോട്ട് സ്മാർട്ട് കാമ്പസ് പദ്ധതിയിൽ വരുന്നതെന്ന് രണ്ട് വിശുദ്ധ പള്ളികളുടെ ജനറൽ പ്രസിഡന്റ് ഷെയ്ഖ് അബ്ദുൾ റഹ്മാൻ അൽ സുദൈസ് പറഞ്ഞു. കഴിഞ്ഞ മാസങ്ങളിൽ, രണ്ട് പള്ളികളിലും അണുനാശിനി, ഫർവാസ് റോബോട്ട്, കഅബ ഉപരിതല ക്ലീനിംഗ് റോബോട്ട് എന്നിവയുൾപ്പെടെ നിരവധി സ്മാർട്ട് റോബോട്ടുകൾ പുറത്തിറക്കിയിരുന്നു.