Category: MIDDLE EAST/GULF

ലോകകപ്പിന്‌ ഇന്ത്യന്‍ സമൂഹത്തിന്റെ ആദരവര്‍പ്പിച്ച് ആസാദീ കാ അമൃത് മഹോത്സവത്തിൻ്റെ ഭാഗമായി സെപ്തംബര്‍ 30 വെള്ളിയാഴ്ച സംഘടിപ്പിക്കുന്ന സ്പോര്‍ട്സ് കാര്‍ണ്ണിവലിനോടനുബന്ധിച്ചുള്ള ടൂര്‍ണ്ണമെന്റുകള്‍ക്ക് തുടക്കമായി. റയ്യാന്‍ പ്രൈവറ്റ് സ്കൂളില്‍ ആരംഭിച്ച ബാഡ്മിന്റണ്‍ ടൂര്‍ണ്ണമെന്റില്‍ 400 കായിക താരങ്ങളാണ്‌ പങ്കെടുക്കുന്നത്. മൂന്ന് ദിവസങ്ങളിലായി നടക്കുന്ന ടൂര്‍ണ്‍മെന്റിന്റെ ഫൈനല്‍ വെള്ളിയാഴ്ച അരങ്ങേറും. സ്പോര്‍ട്സ് കാര്‍ണ്ണിവലിന്റെ ലോഗോ ബ്രസീലിയന്‍ ഫുട്ബോളറും അല്‍ അറബിയുടെ സ്റ്റാര്‍ സ്ട്രൈക്കറുമായ റഫിഞ്ഞോ അനാഛാദനം ചെയ്തു. വെള്ളിയാഴ്ച ലോകക്കപ്പിന്‌ ഐക്യദാര്‍ഢ്യം പ്രകടിപ്പിച്ച് 2022 പേര്‍ ഗോള്‍ വലയം നിറക്കുന്ന പരിപാടി റഫിഞ്ഞോ ഉദ്ഘാടനം ചെയ്യും.ഖത്തറിന്റെ ഒളിമ്പ്യനും മുന്‍ ജിംനാസ്റ്റിക് താരവുമായ മാലിക് മുഹമ്മദ് അല്‍ യഹ്‌രി,ഹമദ് മെഡിക്കല്‍ കോർപറേഷൻ ക്യു ആർ ഐ ഡയറക്ടര്‍ ഡോ.മുന അൽ മസ് ലമാനി,ഖത്തർ റെഡ്ക്രസൻ്റ് എക്സിക്യൂട്ടീവ് ഡയറക്ടര്‍ മുന അൽ സുലൈതി,ഖത്തർ സ്പോർട്സ് ഫോർ ഓൾ ഫെഡറേഷൻ പ്രതിനിധികളായ അബ്ദുല്ല മുഹമ്മദ്…

ഹിജാബ് ശരിയായ രീതിയിൽ ധരിക്കാത്തതിന് സദാചാര പോലീസ് അറസ്റ്റ് ചെയ്ത 22 കാരിയായ യുവതി കസ്റ്റഡിയിൽ മരിച്ചതിനെ തുടർന്ന് പൊട്ടിപ്പുറപ്പെട്ട പ്രതിഷേധങ്ങൾ തകർത്ത് ഇറാൻ അധികൃതർ. ഹിജാബ് തെറ്റായ രീതിയില്‍ ധരിച്ചതിന് അറസ്റ്റിലായതിന് ശേഷം മർദനമേറ്റ മഹ്‌സ അമിനിയുടെ മരണം തെരുവ് പ്രതിഷേധത്തിന് കാരണമായി. സ്ത്രീകളെ ഹിജാബ് ധരിക്കാൻ നിർബന്ധിക്കുന്ന നിയമങ്ങളിൽ പ്രതിഷേധിച്ച് സ്ത്രീകൾ ശിരോവസ്ത്രം കത്തിച്ചതോടെ രാജ്യത്തുടനീളം അശാന്തി പടർന്നു. ഏഴ് പേർ കൊല്ലപ്പെട്ടതായി റിപ്പോർട്ടുണ്ട്, സർക്കാർ ഇന്റർനെറ്റ് ഏതാണ്ട് പൂർണ്ണമായും അടച്ചുപൂട്ടി. എന്നാൽ, ഇറാഖ് ഉൾപ്പെടെയുള്ള അറബ് ലോകത്ത് പ്രതിഷേധം ശ്രദ്ധയാകർഷിച്ചു. രാജ്യത്തെ കഠിനമായ ദിവ്യാധിപത്യ ഭരണകൂടത്തിന് കീഴിൽ പോരാടുന്ന ഇറാനിയൻ സ്ത്രീകൾക്ക് ഐക്യദാർഢ്യം അർപ്പിക്കാൻ സ്ത്രീകൾ ഓൺലൈനിൽ ഒത്തുകൂടുകയാണിപ്പോള്‍. ഹിജാബ് നിർബന്ധമായും സ്ത്രീകളുടെ ശരീരത്തിനും മനസ്സിനും മേലുള്ള രക്ഷാകർതൃത്വവും ഇറാനിൽ മാത്രമുള്ളതല്ല. പല രാജ്യങ്ങളിലും വ്യത്യസ്ത രൂപങ്ങളിലും ഡിഗ്രികളിലും അവ പ്രകടമാകുന്നു. ഇറാഖിൽ,…

റിയാദ്: സൗദി കിരീടാവകാശി മുഹമ്മദ് ബിൻ സൽമാനെ പ്രധാനമന്ത്രിയായി നിയമിക്കാൻ സൗദി രാജാവും രണ്ട് വിശുദ്ധ മസ്ജിദുകളുടെ സൂക്ഷിപ്പുകാരനുമായ സൽമാൻ ബിൻ അബ്ദുൽ അസീസ് അൽ സൗദ് ചൊവ്വാഴ്ച രാജകൽപ്പന പുറപ്പെടുവിച്ചു. ഔദ്യോഗിക സൗദി പ്രസ് ഏജൻസി (എസ്പിഎ) പ്രകാരം, മുഹമ്മദ് ബിൻ സൽമാൻ കിരീടാവകാശിയും പ്രധാനമന്ത്രിയുമാകാൻ സൽമാൻ രാജാവ് രാജകീയ ഉത്തരവ് പുറപ്പെടുവിച്ചു; ഭരണത്തിന്റെ അടിസ്ഥാന നിയമത്തിലെ ആർട്ടിക്കിൾ (56) വ്യവസ്ഥയ്ക്ക് വ്യത്യസ്ഥമായാണ് നിയമനം. അതേസമയം, ഖാലിദ് ബിൻ സൽമാൻ രാജകുമാരനെ പ്രതിരോധ മന്ത്രിയായി നിയമിക്കുന്നത് രാജകീയ ഉത്തരവിൽ ഉൾപ്പെടുന്നു. മറ്റൊരു രാജകീയ ഉത്തരവിൽ, രാജാവ് കിരീടാവകാശിയുടെ നേതൃത്വത്തിലുള്ള മന്ത്രിമാരുടെ സമിതിയെ പുനഃസംഘടിപ്പിച്ചു. സൽമാൻ ബിൻ അബ്ദുൽ അസീസ് രാജാവ്, പ്രസക്തമായ രാജകീയ ഉത്തരവുകൾക്കും പൊതുതാൽപ്പര്യത്തിന്റെ ആവശ്യകതകൾക്കനുസൃതമായും മന്ത്രിമാരുടെ കൗൺസിൽ നവീകരിക്കാൻ ഉത്തരവിട്ടു. അത് ഇപ്രകാരമാണ്: • കിരീടാവകാശി മുഹമ്മദ് ബിൻ സൽമാൻ ബിൻ അബ്ദുൽ…

ദോഹ: വൈവിധ്യങ്ങളുടെ സഹവർത്തിത്തം ഉറപ്പ്‌ വരുത്തി നവോത്ഥാനത്തിന്‌ നൈരന്തര്യമുണ്ടാവണമെന്നും പ്രത്യേക സമയത്ത് തുടങ്ങി അവസാനിക്കുന്ന ഒന്നല്ല നവോത്ഥാനമെന്നും സമൂഹത്തില്‍ മാറ്റങ്ങള്‍ക്ക് നേതൃത്വം നല്‍കുമ്പോള്‍ വിമര്‍ശനങ്ങളേറ്റു വാങ്ങേണ്ടി വരികയും പിന്നീടവര്‍ നവോത്ഥാന നായകരായി ചരിത്രത്തില്‍ രേഖപ്പെടുത്തപ്പെടുകയുമാണ്‌ ചെയ്യുന്നതെന്നും ഫ്രറ്റേണിറ്റി മൂവ്മെന്റ് ദേശീയ പ്രസിഡണ്ട് ഷംസീര്‍ ഇബ്രാഹീം പറഞ്ഞു. കള്‍ച്ചറല്‍ ഫോറത്തിനു കീഴില്‍ ആരംഭിക്കുന്ന ടോക് സീരിസിന്റെ ഉദ്ഘാടനം നിര്‍വ്വഹിച്ച് കേരളീയ നവോത്ഥാനം ചരിത്രവും തുടര്‍ച്ചയും എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. സമൂഹത്തിലെ അപ്പർ ക്ലാസിൽ നടന്നതാണ്‌ നവോത്ഥാനമായി നമ്മൾ പഠിക്കുന്നത്‌. എന്നാല്‍ ന്യൂനപക്ഷത്താല്‍ നയിക്കപ്പെടുന്ന അവകാശ പോരാട്ടങ്ങളാണ്‌ കേരളത്തില്‍ നവോത്ഥാനം സൃഷ്ടിച്ചതെന്ന് കാണാന്‍ സാധിക്കും. തിരുവിതാംകൂര്‍ കൊച്ചി ഭാഗങ്ങളില്‍ അവര്‍ണ്ണ കീഴാള സമൂഹത്താല്‍ നയിക്കപ്പെട്ടതായിരുന്നു കേരളത്തില്‍ നടന്ന ഭൂരിഭാഗം നവോത്ഥാനങ്ങളും എന്ന പ്രത്യേകതയുണ്ട്. മലബാറില്‍ ടിപ്പുവിന്റെ പടയോട്ടത്തോടെ തന്നെ കുടിയാന്മാര്‍ക്ക് ഭൂമി ജന്മികളില്‍ നിന്ന് പിടിച്ച് നല്‍കിയതായും…

ദോഹ: ഓണാഘോഷത്തോടനുബന്ധിച്ച് നടുമുറ്റം ഖത്തർ ഓണോത്സവം 2022 എന്ന പേരില്‍ വിപുലമായ ഓണാഘോഷം സംഘടിപ്പിച്ചു.റയ്യാനിലെ അൽ റയ്യാൻ പ്രൈവറ്റ് സ്കൂളിൽ രാവിലെ എട്ടുമണിയോടുകൂടി ആരംഭിച്ച ഓണാഘോഷങ്ങൾ അവസാനിച്ചത് വൈകീട്ട് അഞ്ചു മണിയോടുകൂടിയാണ്. ഐ സി സി പ്രസിഡന്‍റ് പി എൻ ബാബുരാജ് , ഐ സി ബി എഫ് മെഡിക്കല്‍ ക്യാമ്പ് കോഡിനേറ്റർ രജനി മൂർത്തി, ഐ സി സി മുൻ പ്രസിഡന്‍റ്  മിലൻ അരുൺ, ലോക കേരള സഭാംഗം ഷൈനി കബീർ, കൾച്ചറൽ ഫോറം പ്രസിഡന്‍റ്  മുനീഷ് എ സി തുടങ്ങിയവർ ആശംസകളർപ്പിച്ചു സംസാരിച്ചു. ഫോക്കസ് മെഡിക്കൽ സെൻ്റർ അഡ്മിൻ മാനേജർ അബ്ദുൽ ബാസിത്, റേഡിയോ മലയാളം സി ഇ ഒ അൻവർ ഹുസൈൻ , ബ്രാഡ്മ ഖത്തർ ഫുഡ് സെയിൽസ് മാനേജര്‍ അനസ് കൊല്ലംകണ്ടി, അബ്ദുർറഹീം വേങ്ങേരി, കൾച്ചറൽ ഫോറം വൈസ് പ്രസിഡന്‍റ്  മുഹമ്മദ്…

ദുബൈ: നാദ് അല്‍ ഹമര്‍ മാള്‍ പദ്ധതി പൂര്‍ത്തിയാക്കിയതായി പ്രഖ്യാപിച്ച് ദുബൈ ആസ്ഥാനമാക്കിയുള്ള റീട്ടെയ്ല്‍ സ്ഥാപനമായ യൂണിന്‍ കോപ്. മികച്ച ഷോപ്പിങ് അനുഭവം നല്‍കുക ലക്ഷ്യമിട്ട് കൊണ്ട് തുടങ്ങുന്ന മാളില്‍ ഇപ്പോള്‍ തന്നെ 100 ശതമാനവും വാടകയ്ക്ക് നല്‍കി കഴിഞ്ഞു. 2022 സെപ്തംബര്‍ 29ന് മാള്‍ തുറന്നു നല്‍കും. ഇതോടെ പുതിയ മാളും ദുബൈയിലെ മുന്‍നിര ഷോപ്പിങ് കേന്ദ്രങ്ങളുടെ പട്ടികയില്‍ ചേര്‍ക്കപ്പെടും. പ്രവര്‍ത്തനങ്ങള്‍ വികസിപ്പിക്കാനും വ്യാപിപ്പിക്കാനും, സമൂഹത്തെ സേവിക്കാനും മികച്ച ഷോപ്പിങ് അനുഭവം പ്രദാനം ചെയ്യാനുമുള്ള കോഓപ്പറേറ്റീവിന്റെ പദ്ധതികളുടെ ഭാഗമാണിത്. കമ്മ്യൂണിറ്റി മാളുകളുടെ വിഭാഗത്തില്‍പ്പെടുന്ന പുതിയ മാളിന്റെ നിര്‍മ്മാണ പ്രവര്‍ത്തനങ്ങള്‍ 100 ശതമാനവും പൂര്‍ത്തിയാക്കിയതായി ഇന്‍വെസ്റ്റ്‌മെന്റ് ഡിവിഷന്‍ ഡയറക്ടര്‍ എഞ്ചിനീയര്‍ മദിയ അഹ്മദ് അല്‍ മര്‍റി പറഞ്ഞു. 169,007 ചതുരശ്ര അടിയില്‍ വ്യാപിച്ചു കിടക്കുന്ന കെട്ടിടം 117,349 ചതുരശ്ര അടി സ്ഥലത്താണ് നിര്‍മ്മിച്ചിട്ടുള്ളത്. രണ്ട് നിലകളാണ് മാളിനുള്ളത്.…

കൊല്ലപ്പെട്ട അൽ ജസീറ മാധ്യമ പ്രവർത്തക ഷിറിൻ അബു അക്ലേയുടെ കുടുംബത്തെ പ്രതിനിധീകരിക്കുന്ന അഭിഭാഷകർ ഹേഗിലെ അന്താരാഷ്ട്ര ക്രിമിനൽ കോടതിയിലെ (ഐസിസി) പബ്ലിക് പ്രോസിക്യൂട്ടറുടെ ഓഫീസിൽ പരാതി നൽകി, അന്വേഷണം ആരംഭിക്കണമെന്നും ഷിറിന്റെ കൊലപാതകത്തിന് ഉത്തരവാദികളായവർക്കെതിരെ നടപടിയെടുക്കണമെന്നും ആവശ്യപ്പെട്ടതായി പലസ്തീൻ ജേണലിസ്റ്റ് സിൻഡിക്കേറ്റ് (പിജെഎസ്) റിപ്പോർട്ട് ചെയ്തു. ബൈൻഡ്മാൻസ് എൽഎൽപി, ഡൗട്ടി സ്ട്രീറ്റ് ചേംബർ എന്നീ സ്ഥാപനങ്ങളിലെ അഭിഭാഷകരാണ് പരാതി നൽകിയത്. ഇന്റർനാഷണൽ ഫെഡറേഷൻ ഓഫ് ജേണലിസ്റ്റ്സ് (IFJ), പലസ്തീൻ ജേണലിസ്റ്റ് സിൻഡിക്കേറ്റ് (PJS), ഫലസ്തീനികൾക്കായുള്ള ഇന്റർനാഷണൽ സെന്റർ ഓഫ് ജസ്റ്റിസ് (ICJP) എന്നിവയുടെ പ്രതിനിധികൾ ചൊവ്വാഴ്ച രാവിലെ ഹേഗിന് പുറത്ത് അഭിഭാഷകരുമായി സംയുക്ത പത്രസമ്മേളനം നടത്തി. വടക്കൻ അധിനിവേശ വെസ്റ്റ് ബാങ്കിൽ ഇസ്രായേൽ അധിനിവേശ സേനയുടെ ആക്രമണം റിപ്പോർട്ട് ചെയ്യുന്നതിനിടെ മെയ് 11 ന് രക്തസാക്ഷിയായ ഷിറീന്റെ കൊലപാതകം സംബന്ധിച്ച ഔദ്യോഗിക, മാധ്യമ അന്വേഷണങ്ങളും രേഖപ്പെടുത്തിയ…

അബുദാബി: ഷാർജ രാജ്യാന്തര പുസ്തകമേളയുടെ (എസ്‌ഐബിഎഫ്) 41-ാമത് സെഷൻ ഈ വർഷം നവംബർ 2 ന് ‘വചനം പ്രചരിപ്പിക്കുക’ എന്ന പ്രമേയത്തിൽ ആരംഭിക്കും. SIBF ന്റെ 41-ാമത് സെഷൻ നവംബർ 13 വരെ ഷാർജ എക്സ്പോ സെന്ററിൽ നടക്കും. പുതിയ സെഷനിലെ എക്സിബിഷൻ, ഇറ്റലിയെ ബഹുമാനപ്പെട്ട അതിഥിയായി ആഘോഷിക്കും. മാന്യമായ മൂല്യങ്ങളെ അടിസ്ഥാനമാക്കിയുള്ള മാനുഷിക ആശയവിനിമയത്തിന്റെയും സംഭാഷണത്തിന്റെയും മാർഗമായി വചനത്തിൽ വിശ്വസിക്കാൻ ലോകത്തിലെ എല്ലാ ജനങ്ങള്‍ക്കും ഒരു സന്ദേശം അയക്കുകയും അവരെ ക്ഷണിക്കുകയും ചെയ്യും. ലോകമെമ്പാടുമുള്ള നൂറുകണക്കിന് പ്രമുഖ എഴുത്തുകാരും ചിന്തകരും ഊർജ്ജസ്വലമായ സാംസ്കാരിക പരിപാടിക്ക് നേതൃത്വം നൽകും. പരിപാടികളിൽ ചർച്ചകൾ, ശിൽപശാലകൾ, കൂടാതെ 80 തിയേറ്ററുകൾ, നൃത്തം, സംഗീത പരിപാടികൾ എന്നിവ ഉൾപ്പെടുന്നു. മേളയിൽ പാചക കോർണറും വിവിധ പ്രായത്തിലുള്ള ഡിസൈനർമാർക്കും കലാകാരന്മാർക്കുമായി പ്രത്യേക വിഭാഗങ്ങളും ഉണ്ടായിരിക്കും. ധാരാളം ബുക്ക് സ്റ്റാളുകളും ഉണ്ടാകും. ഈ വർഷത്തെ…

ദോഹ: കൂടുതല്‍ പുതുമകളോടെ മീഡിയ പ്‌ളസ് അണിയിച്ചൊരുക്കിയ ഖത്തര്‍ ബിസിനസ് കാര്‍ഡ് ഡയറക്ടറിയുടെ പതിനാറാമത് പതിപ്പ് അലി അബ്ദുല്ല അല്‍ കഅബി പ്രകാശനം ചെയ്തു. ശര്‍ഖ് വില്ലേജ് ആന്റ് സ്പായില്‍ നടന്ന ചടങ്ങില്‍ ബീകോണ്‍ ഗ്രൂപ്പ് സി.ഒ.ഒ.നിഷാസ് മുഹമ്മദലി ഡയറക്ടറിയുടെ ആദ്യ പ്രതി ഏറ്റുവാങ്ങി. ബിസിനസ് രംഗത്ത് നെറ്റ് വര്‍കിംഗ് വളരെ പ്രധാനമാണെന്നും ആവശ്യമുള്ള സമയത്ത് ആവശ്യമുള്ളവരുമായി ബന്ധപ്പെടുവാന്‍ സഹായകമാകുന്ന ഖത്തര്‍ ബിസിനസ് കാര്‍ഡ് ഡയറക്ടറി എല്ലാതരം ബിസിനസുകള്‍ക്കും ഏറെ പ്രയോജനകരമാണെന്നും ചടങ്ങില്‍ സംസാരിച്ചവര്‍ അഭിപ്രായപ്പെട്ടു. അക്കോണ്‍ ഹോള്‍ഡിംഗ് ചെയര്‍മാന്‍ ഡോ. ശുക്കൂര്‍ കിനാലൂര്‍ ചടങ്ങില്‍ അധ്യക്ഷത വഹിച്ചു. ദോഹ ബ്യൂട്ടി സെന്റര്‍ മാനേജിംഗ് ഡയറക്ടര്‍ ഡോ. ഷീല ഫിലിപ്പോസ്, ഏവന്‍സ് ട്രാവല്‍ ആന്റ് ടൂര്‍സ് മാനേജിംഗ് ഡയറക്ടര്‍ നാസര്‍ കറുകപ്പാടത്ത്, സിക്‌സ്‌കോ ഗ്രൂപ്പ് മാനേജിംഗ് ഡയറക്ടര്‍ അഷ്‌റഫ് അബ്ദുല്‍ അസീസ് , സ്‌കൈ ബ്യൂട്ടി സെന്റര്‍…