Category: MIDDLE EAST/GULF

ജിദ്ദ : മിഡിൽ ഈസ്റ്റിലെ പ്രമുഖ ഹൈപ്പർ മാർക്കറ്റ് ശൃംഖലയായ ലുലു റീട്ടെയിൽ, സൗദി അറേബ്യയിൽ തങ്ങളുടെ സാന്നിധ്യം വിപുലീകരിച്ചു. ജിദ്ദയിലെ ഊർജ്ജസ്വലമായ അൽ-ബാഗ്ദാദിയ അൽ-ഗർബിയ ജില്ലയിൽ അൽ ആൻഡലസ് റോഡിലാണ് പുതിയ ഔട്ട്‌ലറ്റ് തുറന്നത്. റീട്ടെയിൽ സേവനങ്ങൾ മെച്ചപ്പെടുത്തുക, സാമ്പത്തിക വൈവിധ്യവൽക്കരണം പ്രോത്സാഹിപ്പിക്കുക, ആധുനിക അടിസ്ഥാന സൗകര്യങ്ങളിലൂടെ തൊഴിലവസരങ്ങൾ സൃഷ്ടിക്കുക എന്നിവ ലക്ഷ്യമിട്ടുള്ള സൗദി അറേബ്യയുടെ വിഷൻ 2030 നോടുള്ള ഗ്രൂപ്പിന്റെ പ്രതിബദ്ധത ഈ ലോഞ്ച് അടിവരയിടുന്നു. ജിദ്ദ മുനിസിപ്പാലിറ്റി ഡെപ്യൂട്ടി മേയർ എഞ്ചിനീയർ നാസർ സലേം അൽമോതേബ് ആണ് ഹൈപ്പര്‍ മാര്‍ക്കറ്റ് ഔദ്യോഗികമായി ഉദ്ഘാടനം ചെയ്തത്. അൽ നഹ്‌ല ഗ്രൂപ്പ് എക്‌സിക്യൂട്ടീവ് വൈസ് ചെയർമാൻ ഇഹ്‌സാൻ ബാഫാക്കിഹ്; ജിദ്ദയിലെ യുഎഇ കോൺസൽ ജനറൽ നാസർ ഹുവൈദൻ തൈബാൻ അലി അൽകെത്ബി; ജിദ്ദയിലെ ഇന്ത്യൻ കോൺസൽ ജനറൽ ഫഹദ് അഹമ്മദ് ഖാൻ സൂരി; ലുലു ഗ്രൂപ്പ്…

കുവൈറ്റ് സിറ്റി: കുവൈറ്റ് അമീറിനെ അപമാനിക്കൽ, ഐസിസ് ഭീകര സംഘടനയിൽ ചേരൽ, സഹ സൈനികനെ കലാപത്തിന് പ്രേരിപ്പിക്കൽ, കുവൈറ്റിലെ യുഎസ് സൈനിക താവളമായ ക്യാമ്പ് അരിഫ്ജാൻ ബോംബാക്രമണത്തിന് ആഹ്വാനം ചെയ്യൽ തുടങ്ങി നിരവധി ഗുരുതരമായ കുറ്റകൃത്യങ്ങളിൽ കുറ്റക്കാരനാണെന്ന് കണ്ടെത്തിയതിനെത്തുടര്‍ന്ന് കുവൈറ്റ് ആഭ്യന്തര മന്ത്രാലയത്തിലെ സൈനികന് 10 വർഷം തടവ് ശിക്ഷ വിധിച്ചു. തീവ്രവാദ പ്രവർത്തനങ്ങളിൽ സൈനികന്റെ പങ്കാളിത്തവും ദേശീയ സുരക്ഷയ്ക്കും സ്ഥിരതയ്ക്കും ഗുരുതരമായ ഭീഷണി ഉയർത്തുന്ന പ്രത്യയശാസ്ത്രങ്ങളോടുള്ള അദ്ദേഹത്തിന്റെ ഉറച്ച നിലപാടും സ്ഥിരീകരിക്കുന്ന ശക്തമായ തെളിവുകൾ കോടതി കണ്ടെത്തി. ഇതിന്റെ അടിസ്ഥാനത്തിൽ, അപ്പീൽ തള്ളുകയും കീഴ്‌ക്കോടതിയുടെ വിധി ശരിവയ്ക്കുകയും ചെയ്തു. അതേസമയം, കേസിലെ മറ്റ് സഹപ്രതികളെ തെളിവുകളുടെ അഭാവത്തിൽ കോടതി കുറ്റവിമുക്തരാക്കി. വിദേശത്തുള്ള സംശയാസ്പദമായ കക്ഷികളുമായുള്ള പ്രതിയുടെ നീക്കങ്ങളും ആശയവിനിമയങ്ങളും നിരീക്ഷിച്ച ശേഷമാണ് സ്റ്റേറ്റ് സെക്യൂരിറ്റി സർവീസ് അറസ്റ്റ് ചെയ്തത്.

ദോഹ: ഇന്ത്യന്‍ യൂണിയന്‍ മുസ്ലിം ലീഗിന്റെ ദേശീയ വൈസ് പ്രസിഡന്റായി തെരഞ്ഞെടുക്കപെട്ട സഫാരി ഗ്രൂപ് ഓഫ് കമ്പനീസ് ഡെപ്യൂട്ടി ചെയര്‍മാനും മാനേജിങ് ഡയറക്ടറുമായ സഫാരി സൈനുല്‍ ആബിദീന് തിരുവനന്തപുരം ആസ്ഥാനമായി പ്രവര്‍ത്തിക്കുന്ന കൃപ ചാരിറ്റീസിന്റെ ആദരം. സഫാരി മാളിലെത്തിയ കൃപ ചാരിറ്റീസ് ജനറല്‍ സെക്രട്ടറി കലാപ്രേമി മാഹീന്‍ സഫാരി സൈനുല്‍ ആബിദീനെ മെമെന്റോ നല്‍കിയും പൊന്നാടയണിയിച്ചുമാണ് ആദരിച്ചത്. പ്ലസ് സി ഇ ഒ ഡോ. അമാനുല്ല വടക്കാങ്ങര, ആസിഫ് മുഹമ്മദ് എന്നിവര്‍ സംബന്ധിച്ചു.  

റിയാദ്: മലയാളി മാധ്യമ പ്രവര്‍ത്തകരുടെ കൂട്ടായ്മ റിയാദ് ഇന്ത്യന്‍ മീഡിയ ഫോറം (റിംഫ്) പുതിയ ഭാരവാഹികളെ തെരഞ്ഞെടുത്തു. യോഗം നജിം കൊച്ചുകലുങ്ക് ഉദ്ഘാടനം ചെയ്തു. വി ജെ നസ്‌റുദ്ദീന്‍ അധ്യക്ഷത വഹിച്ചു. ഷംനാദ് കരുനാഗപ്പള്ളി വാര്‍ഷിക റിപ്പോര്‍ട്ട് അവതരിപ്പിച്ചു. കെ എം കനകലാല്‍ വരവു ചെലവ് കണക്കും ജയന്‍ കൊടുങ്ങല്ലൂര്‍ ക്ഷേമ പദ്ധതിയും വിശദീകരിച്ചു. അഷറഫ് വേങ്ങാട്ട് (പ്രസിഡണ്ട്), ജയന്‍ കൊടുങ്ങല്ലൂര്‍ (ജനറല്‍ സെക്രട്ടറി), മുജീബ് ചങ്ങരംകുളം (ട്രഷറര്‍), ഷിബു ഉസ്മാന്‍ (ചീഫ് കോഓഡിനേറ്റര്‍) എന്നിവരാണ് ഭാരവാഹികള്‍. വി ജെ നസ്‌റുദ്ദീന്‍ (മുഖ്യ രക്ഷാധികാരി), ജലീല്‍ ആലപ്പുഴ (വൈസ് പ്രസിഡന്റ്), കെ എം കനകലാല്‍ (സെക്രട്ടറി), വിവിധ വകുപ്പുകളുടെ കണ്‍വീനര്‍മാരായി സുലൈമാന്‍ ഊരകം (അക്കാദമിക്), നാദിര്‍ഷ റഹ്മാന്‍ (വെല്‍ഫെയര്‍), ഷംനാദ് കരുനാഗപ്പള്ളി (സാംസ്‌കാരികം), ഷമീര്‍ ബാബു (ഇവന്റ്) എന്നിവരെയും തെരഞ്ഞെടുത്തു. നജീം കൊച്ചുകലുങ്ക്, അഫ്താബ് റഹ്മാന്‍, നൗഫല്‍…

യെമനിലെ ഹൂത്തി വിമതർ ഇപ്പോൾ വെറുമൊരു പ്രാദേശിക പോരാട്ട ഗ്രൂപ്പല്ല, മറിച്ച് ലോകത്തിലെ പ്രധാന സൈന്യങ്ങൾക്ക് ഒരു വെല്ലുവിളിയായി സ്വയം ഉയർത്തിയിരിക്കുകയാണ്. അമേരിക്ക പോലുള്ള വൻശക്തികളുടെ റീപ്പർ ഡ്രോൺ സാങ്കേതിക വിദ്യയെ പരാജയപ്പെടുത്തി, ഹൂത്തി പോരാളികൾ ഇതുവരെ 67-ലധികം ഹൈടെക് ഡ്രോണുകൾ വെടിവച്ചു വീഴ്ത്തിയിട്ടുണ്ട്. യുഎസ്, ഇസ്രായേൽ തുടങ്ങിയ വന്‍ സൈനിക ശക്തികളുടെ തുടർച്ചയായ മിസൈൽ, ഡ്രോൺ ആക്രമണങ്ങൾക്കിടയിലും ഹൂത്തി വിമതർ ഉറച്ചുനിന്ന തന്ത്രപരമായ ശക്തി വിദഗ്ധരെ പോലും അത്ഭുതപ്പെടുത്തിയിട്ടുണ്ട്. ഹൂത്തികൾ ഇത്ര കഠിനമായ പോരാട്ടം നടത്തുന്ന സാങ്കേതികവിദ്യ എന്താണെന്ന ചോദ്യമാണ് ഇപ്പോള്‍ ഉയര്‍ന്നു വരുന്നത്. ആ വ്യോമ പ്രതിരോധ സംവിധാനം എന്താണ്? 30 മില്യൺ ഡോളർ വിലമതിക്കുന്ന യുഎസ് ഡ്രോണുകൾ വെടിവച്ചിടുകയും ഇസ്രായേലി ജെറ്റുകളെ ആകാശത്ത് ലക്ഷ്യം വെച്ച് തകര്‍ക്കുകയും ചെയ്ത ഹൂത്തി വ്യോമ പ്രതിരോധ സംവിധാനത്തിന്റെ പാളികൾ ഇപ്പോള്‍ പുറംലോകം അറിഞ്ഞുകൊണ്ടിരിക്കുകയാണ്. 2023 ഒക്ടോബർ…

വക്‌റ: ശാന്തിനികേതൻ അൽ മദ്രസ അൽ ഇസ്ലാമിയയിൽ നിന്നും നിന്നും കഴിഞ്ഞ വർഷത്തെ വാർഷിക പരീക്ഷയിൽ ഉന്നത വിജയം നേടിയ വിദ്യാർത്ഥികളെ അനുമോദിച്ചു. അർഹരായ വിദ്യാർത്ഥികൾക്കുള്ള ട്രോഫികൾ പ്രിൻസിപ്പാൾ എം.ടി. ആദം, വൈസ് പ്രിൻസിപ്പൽ സാലിഹ്‌ ശിവപുരം, നബീൽ ഓമശ്ശേരി, നിസാർ ഉളിയിൽ, കരീം മൗലവി, ജമീൽ ഫലാഹി, പി.പി. കായണ്ണ, ശഹർബാൻ, അബദുന്നാസർ മാസ്റ്റർ, സൈനബ മുഹമദലി, മോയിൻ മാസ്റ്റർ, റാഹില, ഉമൈബാൻ തുടങ്ങിയവർ വിതരണം ചെയ്തു. മുഴുവൻ പ്രവൃത്തി ദിവസവും ഹാജരായ വിദ്യാർത്ഥികൾക്കുള്ള സമ്മാനങ്ങൾ അതത് ക്ലാസധ്യാപകർ ചടങ്ങിൽ വിതരണം ചെയ്തു. നിസാർ പി വി, നബീൽ , ജാസിഫ്, ഹംസ, ഫജ്റുദ്ദീൻ തുടങ്ങിയവർ നേതൃത്വം നൽകി.

കൊല്ലം പ്രവാസി അസോസിയേഷൻ റിഫാ ഏരിയ കമ്മിറ്റിയുടെ ആഭിമുഖ്യത്തിൽ കിങ് ഹമദ് യൂണിവേഴ്സിറ്റി ഹോസ്പിറ്റലിൽ വെച്ച് സംഘടിപ്പിച്ച കെ . പി . എ സ്നേഹസ്പർശം 18-ാമത് രക്തദാന ക്യാമ്പ് ശ്രദ്ധേയമായി. 50-തിൽ പരം പ്രവാസികൾ രക്തദാനം നടത്തിയ ക്യാമ്പ് ശ്രീനാരായണ കൾച്ചറൽ സൊസൈറ്റി ചെയർമാൻ കൃഷ്ണകുമാർ ഉദ്ഘാടനം നിർവഹിച്ചു.റിഫാ ഏരിയ പ്രസിഡന്റ് സുരേഷ് ഉണ്ണിത്താൻ അധ്യക്ഷത വഹിച്ച ചടങ്ങിൽ കെ. പി. എ. പ്രസിഡന്റ്‌ അനോജ് മാസ്റ്റർ മുഖ്യ പ്രഭാഷണം നടത്തി ഏരിയ ജോയിന്റ് സെക്രട്ടറി സുബിൻ സുനിൽ കുമാർ സ്വാഗതവും ഏരിയ ട്രഷറർ അനന്തു ശങ്കർ നന്ദിയും പറഞ്ഞു. കെ. പി. എ. ജനറൽ സെക്രട്ടറി പ്രശാന്ത്‌ പ്രബുദ്ധൻ, സെക്രട്ടറി രജീഷ് പട്ടാഴി , കെ പി എ സ്ഥാപക പ്രസിഡന്റ് നിസാർ കൊല്ലം ബ്ലഡ് ഡോനെഷൻ കൺവീനർമാരായ വി. എം. പ്രമോദ് ,…

ദോഹ: ഖത്തറില്‍ സൂഖ് വാഖിഫില്‍ പ്രവര്‍ത്തിക്കുന്ന ബൈത്ത് മറിയം ബ്രദേര്‍സ് റസ്റ്റോറന്റിന് ഖത്തറിലെ മികച്ച കുവൈത്തി ഭക്ഷണശാലക്കുള്ള അവാര്‍ഡ്.ഖത്തറില്‍ മികച്ച കുവൈത്തി ഭക്ഷണ വിഭവങ്ങള്‍ ലഭ്യമാകുന്ന സ്ഥാപനമെന്ന നിലക്കാണ് ഗള്‍ഫ് ഇന്ത്യാ ഫ്രണ്ട്ഷിപ്പ് അസോസിയേഷന്‍ ഈ വര്‍ഷത്തെ ബിസിനസ് എക്‌സലന്‍സ് പുരസ്‌കാരത്തിന് ബൈത്ത് മറിയം ബ്രദേര്‍സ് റസ്റ്റോറന്റിനെ തെരഞ്ഞെടുത്തത്. കുറഞ്ഞ കാലം കൊണ്ട് തന്നെ ഖത്തറില്‍ സ്വദേശികളുടേയും വിദേശികളുടേയും ഇഷ്ടകേന്ദ്രമായി മാറിയ ബൈത്ത് മറിയം ബ്രദേര്‍സ് റസ്റ്റോറന്റ് സൂഖ് വാഖിഫിലെത്തുന്ന ടൂറിസ്റ്റുകളുടേയും പ്രിയപ്പെട്ട ഭക്ഷണശാലയാണ്. ബൈത്ത് മറിയം ബ്രദേര്‍സ് റസ്റ്റോറന്റില്‍ നടന്ന ചടങ്ങില്‍ ഗള്‍ഫ് ഇന്ത്യാ ഫ്രണ്ട്ഷിപ്പ് അസോസിയേഷന്‍ സിഇഒ ഡോ.അമാനുല്ല വടക്കാങ്ങര പുരസ്‌കാരം സമ്മാനിച്ചു. റസ്റ്റേറന്റ് മാനേജര്‍ റിജാസ് പൗരത്തൊടിയില്‍ പുരസ്‌കാരം ഏറ്റുവാങ്ങി. പാര്‍ട്ണര്‍മാരായ ഷറഫുദ്ദീന്‍ വരമംഗലം , പി.ടി.മൊയ്തീന്‍ കുട്ടി, ഗ്രീന്‍ ജോബ്‌സ് ഫൗണ്ടറും ചെയര്‍മാനുമായ ഷാനു ഗ്രീന്‍ ജോബ്‌സ്, പെര്‍ഫ്യൂം ഗാലറി ഡയറക്ടര്‍…