തിരുവനന്തപുരം: പതിറ്റാണ്ടുകൾക്ക് മുമ്പ് തിരുവനന്തപുരത്തിൻ്റെ കിഴക്കൻ പ്രാന്തപ്രദേശമായ വിതുരയിലും പരിസരത്തുമുള്ള നൂറുകണക്കിന് വിദ്യാർത്ഥികൾക്ക് ഹോം ട്യൂഷനിലൂടെ ഇംഗ്ലീഷ് പഠിപ്പിച്ചിരുന്ന അദ്ധ്യാപകന്‍ കൃഷ്ണ പിള്ളയ്ക്ക് എന്‍ എസ് എസ് വൊളണ്ടിയര്‍മാരായ വിദ്യാര്‍ത്ഥികളുടെ കൈത്താങ്ങ്. 80-നോട് അടുക്കുന്ന ‘പിള്ള സാറിന്’ ഇപ്പോള്‍ തല ചായ്ക്കാന്‍ ഒരു കൂരയോ കുടുംബമോ ഇല്ല. അദ്ദേഹം വെയിറ്റിംഗ് ഷെഡുകളിലും കട വരാന്തകളിലും അഭയം തേടുന്ന കാഴ്ച വിതുരയിലെ ജനങ്ങൾക്ക് പതിവ് കാഴ്ചയാണ്. വിതുര ഗവൺമെൻ്റ് വൊക്കേഷണൽ ഹയർ സെക്കൻഡറി സ്കൂളിലെ വിഎച്ച്എസ്ഇ-എൻഎസ്എസ് പ്രോഗ്രാം ഓഫീസറായ അരുൺ വിപിയും പിള്ളയെ മിക്കവാറും എല്ലാ ദിവസവും സ്കൂളിലേക്കുള്ള യാത്രാമധ്യേ കാണാറുണ്ടായിരുന്നു. മുൻ അദ്ധ്യാപകൻ്റെ ദുരവസ്ഥയിൽ മനംനൊന്ത് പിള്ളയുടെ കഥ സ്കൂളിലെ എൻഎസ്എസ് വളണ്ടിയർമാരോട് അരുണ്‍ വിവരിച്ചു. അങ്ങനെയാണ് അവശ്യവസ്തുക്കളും മരുന്നുകളും വാങ്ങാൻ പിള്ളയെ സഹായിക്കാൻ പെൻഷൻ്റെ രൂപത്തിൽ പ്രതിമാസ സഹായം നൽകാമെന്ന ആശയം അവർ ഒരുമിച്ചെടുത്തത്. ഒരു…
വിരമിച്ച അദ്ധ്യാപകനു വേണ്ടി വിദ്യാർത്ഥികളുടെ ‘പെൻഷൻ’ പദ്ധതി
