Category: AMERICA

വാഷിംഗ്ടൺ ഡി.സി: 2026 സാമ്പത്തിക വർഷത്തിൽ ഇന്ത്യക്കാർക്കായി അനുവദിച്ചിട്ടുള്ള എല്ലാ ‘ഇബി-5’ (EB-5) അൺറിസർവ്ഡ് ഇമിഗ്രന്റ് വിസകളും പൂർണ്ണമായി വിതരണം ചെയ്തതായി യു.എസ് സ്റ്റേറ്റ് ഡിപ്പാർട്ട്മെന്റ് അറിയിച്ചു. ജൂൺ 5-ഓടെ തന്നെ ഇന്ത്യക്കാർക്കുള്ള ഈ വർഷത്തെ വിസ ക്വാട്ട അവസാനിച്ച പശ്ചാത്തലത്തിൽ, ഈ സാമ്പത്തിക വർഷത്തെ ബാക്കി മാസങ്ങളിൽ യു.എസ് എംബസികൾക്കോ കോൺസുലേറ്റുകൾക്കോ ഇന്ത്യൻ അപേക്ഷകർക്ക് ഈ വിഭാഗത്തിൽ പുതിയ വിസകൾ നൽകാനാകില്ല. അടുത്ത സാമ്പത്തിക വർഷം ആരംഭിക്കുന്ന 2026 ഒക്ടോബർ 1 മുതൽ മാത്രമേ വിസ വിതരണം പുനരാരംഭിക്കുകയുള്ളൂ. നേരത്തെ ഇന്ത്യക്കാർക്കുള്ള ‘ഇബി-2’ (EB-2) വിസകളും ഈ വർഷത്തേക്ക് പൂർണ്ണമായി തീർന്നിരുന്നു. നിയമപരമായ രാജ്യാന്തര പരിധികളും കർശനമായ നിയന്ത്രണങ്ങളുമാണ് വിസകൾ വേഗത്തിൽ അവസാനിക്കാൻ കാരണമായത്. കൂടുതൽ വിസകൾ ലഭ്യമാക്കിയിരുന്നിട്ടും ഉയർന്ന അപേക്ഷകരുടെ എണ്ണം കാരണം അനുവദിച്ച ക്വാട്ട മുഴുവൻ നേരത്തെ തന്നെ തീരുകയായിരുന്നു.

ഡാലസ്: ഡാലസിൽ 1982-ൽ ആരംഭിച്ച പ്രശസ്ത ടെക്‌സ്-മെക്‌സ് റെസ്റ്റോറന്റ് ചെയിൻ On the Border ടെക്സസിലെ എല്ലാ കമ്പനി-ഓൺഡ് ശാഖകളും (ജൂൺ 12) ദിവസാവസാനത്തോടെ സ്ഥിരമായി അടച്ചു.  ഈ തീരുമാനം “വ്യാപാരത്തിന്റെ സമഗ്രമായ വിലയിരുത്തലിന് ശേഷം എടുത്തതാണെന്നും ഇത് ലഘുവായി എടുത്തതല്ല” എന്നും അവർ ബ്രാൻഡിന്റെ ഭാവി സംബന്ധിച്ച് തന്ത്രപരമായ ഓപ്ഷനുകൾ പരിശോധിക്കുന്നുവെന്നും അറിയിച്ചു. ഡെന്റൺ, മക്കിനി, ഗാർലൻഡ്, റോക്ക്വാൾ, ആർലിംഗ്ടൺ ഉൾപ്പെടെ ടെക്സസിലെ എല്ലാ കമ്പനി-ഓൺഡ് ശാഖകളും  പ്രവർത്തനം അവസാനിപ്പിച്ചു സൗത്ത് ഡക്കോട്ട, ഫ്ലോറിഡ, നെവാഡ, കാലിഫോർണിയ, ദക്ഷിണ കൊറിയ എന്നിവിടങ്ങളിലെ സ്വതന്ത്രമായി പ്രവർത്തിക്കുന്ന ശാഖകൾ തുടരും.

ഡാളസ്: ഡാളസ് സെന്റ് പോൾസ് മാർത്തോമാ സൺ‌ഡേ സ്കൂൾ നടത്തിയ 2026 ലെ വെക്കേഷൻ ബൈബിൾ സ്കൂൾ സമാപന സമ്മേളനം ജൂൺ 14 ഞയറഴ്ചത്തെ ആരാധനക്ക് ശേഷം നടത്തപ്പെട്ടു. ശ്രീമതി ലീ മാത്യുവിന്റെ (Mrs. Lee Mathew) സ്വാഗത പ്രസംഗത്തോടെയാണ് സമാപന ചടങ്ങുകൾക്ക് ഔദ്യോഗികമായി തുടക്കമായത്. തുടർന്ന് പ്രെയ്സ് ആൻഡ് വർഷിപ്പ് ടീമിന്റെ നേതൃത്വത്തിൽ ഈ വർഷത്തെ തീം സോങ് (Theme Song) ആലപിച്ചുകൊണ്ട് സദസ്സിനെ ഭക്തിസാന്ദ്രമാക്കി. കുട്ടികളുടെയും അധ്യാപകരുടെയും സജീവ പങ്കാളിത്തം കൊണ്ട് ശ്രദ്ധേയമായ പരിപാടിയിൽ വൈവിധ്യമാർന്ന കലാ-ആത്മീയ പരിപാടികളാണ് അരങ്ങേറിയത്. കുട്ടികളുടെ കലാപരമായ കഴിവുകൾ പ്രകടിപ്പിക്കുന്ന വിവിധ ക്ലാസ് പെർഫോമൻസുകൾ ചടങ്ങിന് മാറ്റുകൂട്ടി. അഞ്ചും ആറും ക്ലാസുകളിലെ കുട്ടികൾ അവതരിപ്പിച്ച സ്കിറ്റ് (Skit) ഏറെ ചിന്തോദ്ദീപകമായിരുന്നു. പ്രീ-കെ (PreK) വിഭാഗത്തിലെ കുട്ടികൾ മനോഹരമായ ഒരു വീഡിയോയും അതോടൊപ്പം ഗാനവും അവതരിപ്പിച്ചു. കിന്റർഗാർട്ടൻ (Kindergarten) കുട്ടികളുടെ…

ഡിട്രോയിറ്റ് : ഡെട്രോയിറ്റിൽ തെറ്റായ ഭക്ഷണ സാധനം നൽകിയതിനെച്ചൊല്ലിയുണ്ടായ തർക്കത്തിൽ 23-കാരിയായ റസ്റ്റോറന്റ് ജീവനക്കാരിയെ ക്രൂരമായി മർദ്ദിക്കുകയും കത്തികൊണ്ട് കുത്തുകയും ചെയ്ത രണ്ട് സഹോദരിമാർ അറസ്റ്റിലായി. ബ്രിയാന ലോംഗ് (29), കിരിയാന്ന ലോംഗ് (26) എന്നിവരാണ് പിടിയിലായത്. അക്രമം നടക്കുമ്പോൾ പ്രതികളിൽ ഒരാളായ ബ്രിയാന ഒമ്പത് മാസം ഗർഭിണിയായിരുന്നു. ഭക്ഷണത്തെച്ചൊല്ലിയുള്ള തർക്കത്തിനിടെ കൗണ്ടറിന് പിന്നിൽ കടന്നുകയറിയ സഹോദരിമാർ ജീവനക്കാരിക്ക് നേരെ പാത്രങ്ങൾ വലിചെറിയുകയും തലയിലേക്ക് തിളച്ച എണ്ണയൊഴിക്കാൻ ശ്രമിക്കുകയുമായിരുന്നു. തുടർന്ന് ജീവനക്കാരിയെ വയറ്റിൽ കത്തികൊണ്ട് കുത്തി പരിക്കേൽപ്പിച്ചു. ഗുരുതരമായി പരിക്കേറ്റ യുവതിയെ ശസ്ത്രക്രിയയ്ക്ക് വിധേയയാക്കി. സംഭവത്തിന് ശേഷം കാറിൽ രക്ഷപ്പെടാൻ ശ്രമിച്ച സഹോദരിമാരെ പോലീസ് പിടികൂടി. കൊലപാതകശ്രമം ഉൾപ്പെടെയുള്ള വകുപ്പുകളാണ് ഇവർക്കെതിരെ ചുമത്തിയിരിക്കുന്നത്. ഇതിനിടെ ജാമ്യാപേക്ഷ പരിഗണിക്കുന്നതിന് നാല് ദിവസം മുൻപ് ബ്രിയാന ഒരു കുഞ്ഞിന് ജന്മം നൽകി. എന്നാൽ, കോടതി ഇരുവർക്കും വൻ തുകയുടെ ബോണ്ടിൽ…

ഫ്രിസ്കോ: ടെക്സസിലുള്ള ഫ്രിസ്കോ നഗരത്തിൽ നടന്ന മേയർ റൺഓSet featured imageഫ് (രണ്ടാം ഘട്ട) തിരഞ്ഞെടുപ്പിൽ മാർക്ക് ഹില്ലിന് ഉജ്ജ്വല വിജയം. പ്രമുഖ വ്യവസായിയായ റോഡ് വിൽഹോവറെയാണ് അദ്ദേഹം പരാജയപ്പെടുത്തിയത്. ആകെ രേഖപ്പെടുത്തിയ വോട്ടുകളിൽ 58 ശതമാനവും (19,632 വോട്ടുകൾ) മാർക്ക് ഹിൽ സ്വന്തമാക്കിയപ്പോൾ, വിൽഹോവറിന് 14,146 വോട്ടുകൾ മാത്രമാണ് നേടാനായത്. കഴിഞ്ഞ മെയ് 2-ന് നടന്ന ആദ്യഘട്ട തിരഞ്ഞെടുപ്പിൽ ആർക്കും വ്യക്തമായ ഭൂരിപക്ഷം (50%-ൽ കൂടുതൽ) ലഭിക്കാത്തതിനെത്തുടർന്നാണ് ആദ്യ രണ്ട് സ്ഥാനങ്ങളിലെത്തിയ ഹില്ലും വിൽഹോവറും തമ്മിൽ റൺഓഫ് പോരാട്ടത്തിന് വഴിയൊരുങ്ങിയത്. അന്ന് 35 ശതമാനം വോട്ടുകളോടെ ഹില്ലും 31 ശതമാനം വോട്ടുകളോടെ വിൽഹോവറുമാണ് മുന്നിലെത്തിയിരുന്നത്. അഭിഭാഷകനായ മാർക്ക് ഹിൽ നിലവിൽ ഫ്രിസ്കോ ഐ.എസ്.ഡി  സ്കൂൾ ബോർഡ് അംഗമാണ്. വൻ വ്യവസായ വികസനവും ജനസംഖ്യാ വർധനവും നേരിടുന്ന ഫ്രിസ്കോ നഗരത്തിന്റെ ഗതാഗതക്കുരുക്ക്, പൊതുസുരക്ഷ, അടിസ്ഥാന സൗകര്യ വികസനം…

സീറോ-മലങ്കര കത്തോലിക്കാ മേജർ ആർക്കിഎപ്പിസ്കോപ്പൽ സഭയുടെ യൂറോപ്പ്-യുകെ കൺവെൻഷൻ 2026-ന് വത്തിക്കാൻ സിറ്റിയിലെ വിശുദ്ധ പത്രോസിന്റെ ബസിലിക്കയിൽ അർപ്പിച്ച വിശുദ്ധ കുർബാനയോടെ തുടക്കമായി. സീറോ-മലങ്കര കത്തോലിക്കാ സഭയുടെ തലവനും പിതാവുമായ മോറാൻ മോർ ബസേലിയോസ് കർദ്ദിനാൾ ക്ലിമീസ് കാതോലിക്കാ ബാവ വിശുദ്ധ കുർബാനയ്ക്ക് മുഖ്യകാർമ്മികത്വം വഹിച്ചു. മലങ്കര കത്തോലിക്കാ സഭയിലെ മെത്രാന്മാരും വൈദികരും സന്യസ്തരും അൽമായരും വിശുദ്ധ കുർബാനയിൽ സഹകാർമ്മികരാവുകയും പങ്കുചേരുകയും ചെയ്തു. ആഗോള കത്തോലിക്കാ സഭയുടെ ഹൃദയഭാഗത്ത് വെച്ച് നടന്ന ഈ ദിവ്യബലി അർപ്പണം, സീറോ-മലങ്കര സഭയുടെ ആഴമേറിയ വിശ്വാസത്തിന്റെയും കൂട്ടായ്മയുടെയും മിഷനറി ചൈതന്യത്തിന്റെയും ഉദാത്തമായ സാക്ഷ്യമായി മാറി. സഭയുടെ സമ്പന്നമായ ആത്മീയ പൈതൃകവും യൂറോപ്പിലും യുകെയിലുമുള്ള അതിന്റെ ഊർജ്ജസ്വലവും വളർന്നുകൊണ്ടിരിക്കുന്നതുമായ സാന്നിധ്യവും ഈ സന്ദർഭം വ്യക്തമാക്കി. കൃപാനിറഞ്ഞ ചരിത്ര നിമിഷം ദൈവദാസൻ ആർച്ചുബിഷപ്പ് മാർ ഈവാനിയോസ് തുടക്കം കുറിച്ച പുനരൈക്യ പ്രസ്ഥാനത്തിന്റെ ശതാബ്ദി വർഷത്തിലേക്ക്…

യു എസ് പ്രസിഡന്റ് ഡൊണാൾഡ് ട്രംപിന്റെ മരുമകൻ ജാരെഡ് കുഷ്‌നറുടെ നിർദ്ദിഷ്ട നിക്ഷേപ പദ്ധതിക്കെതിരെ അൽബേനിയയിൽ പൊതുജന രോഷം പൊട്ടിപ്പുറപ്പെട്ടു. “ഫ്ലെമിംഗോ വിപ്ലവം” എന്ന് വിളിക്കപ്പെടുന്ന ഈ പ്രതിഷേധത്തിൽ തലസ്ഥാനമായ ടിറാന ഉൾപ്പെടെ രാജ്യത്തിന്റെ പല ഭാഗങ്ങളിലും ആയിരക്കണക്കിന് പേര്‍ തെരുവിലിറങ്ങി. പ്രതിഷേധക്കാർ പ്രധാനമന്ത്രിയുടെ ഓഫീസ് വളയുകയും സർക്കാരിനെതിരെ മുദ്രാവാക്യങ്ങൾ വിളിക്കുകയും ചെയ്തു. ജാരെഡ് കുഷ്‌നറുടെ നിക്ഷേപ സ്ഥാപനമായ അഫിനിറ്റി പാർട്‌ണേഴ്‌സ്, അൽബേനിയയിലെ മനോഹരവും പരിസ്ഥിതി ലോലവുമായ തീരപ്രദേശത്ത് (നാർട്ട ലഗൂണും സസാൻ ദ്വീപും) ഏകദേശം 4 ബില്യൺ ഡോളർ ചെലവിൽ ഒരു വലിയ ആഡംബര റിസോർട്ട്, വില്ല, ഹോട്ടൽ പദ്ധതി വികസിപ്പിക്കാൻ ശ്രമിക്കുന്നതാണ് പ്രതിഷേധത്തിന് കാരണം. ഈ വമ്പൻ നിർമ്മാണം പ്രദേശത്തിന്റെ പ്രകൃതിവിഭവങ്ങളെ സാരമായി ബാധിക്കുമെന്ന് പ്രാദേശിക പൗരന്മാരും പരിസ്ഥിതി സംഘടനകളും ആരോപിക്കുന്നു. വംശനാശഭീഷണി നേരിടുന്ന ജീവജാലങ്ങളുടെയും ദേശാടന പക്ഷികളുടെയും, പ്രത്യേകിച്ച് പിങ്ക് ഫ്ലമിംഗോകളുടെയും സ്വാഭാവിക…