Author: .

തൊഴിൽ വിസ, കുടുംബം, വിദ്യാഭ്യാസം തുടങ്ങി കുടിയേറ്റവുമായി ബന്ധപ്പെട്ട എല്ലാ മേഖലകളിലും കൂടുതൽ നിയന്ത്രണം ഏർപ്പെടുത്തുമെന്ന് പ്രധാനമന്ത്രി കെയർ സ്റ്റാർമർ വ്യക്തമാക്കി. സർക്കാരിന് കൂടുതൽ നിയന്ത്രണം ലഭിക്കാന്‍, പുതിയ നയം കുടിയേറ്റം കുറയ്ക്കുമെന്ന് സ്റ്റാർമർ പറഞ്ഞു. ലണ്ടന്‍: ബ്രിട്ടീഷ് പ്രധാനമന്ത്രി കെയർ സ്റ്റാർമർ തിങ്കളാഴ്ച കർശനമായ കുടിയേറ്റ നയം പ്രഖ്യാപിച്ചു, കുടിയേറ്റക്കാർക്ക് ബ്രിട്ടീഷ് പൗരന്മാരാകാനുള്ള കാത്തിരിപ്പ് കാലയളവ് നിലവിലെ അഞ്ച് വർഷത്തിൽ നിന്ന് 10 വർഷമായി ഉയർത്തി. വരുന്ന അഞ്ച് വർഷത്തിനുള്ളിൽ കുടിയേറ്റത്തിന്റെ എണ്ണത്തിൽ ഗണ്യമായ കുറവ് വരുത്തുന്നതിന് ഈ നടപടി വളരെ ആവശ്യമാണെന്ന് അദ്ദേഹം പറഞ്ഞു. ഡൗണിംഗ് സ്ട്രീറ്റിൽ ഒരു പത്രസമ്മേളനത്തിൽ സംസാരിക്കവെ, മുൻ കൺസർവേറ്റീവ് പാർട്ടിയെ ലക്ഷ്യം വച്ചുകൊണ്ട് സ്റ്റാർമർ ബ്രിട്ടനിലെ നിലവിലെ സാഹചര്യത്തിന് ആ പാർട്ടിയെ ഉത്തരവാദിയാക്കി. “നിങ്ങൾക്ക് യുകെയിൽ താമസിക്കണമെങ്കിൽ, ഇംഗ്ലീഷ് സംസാരിക്കാൻ അറിയണം. ഇത് സാമാന്യബുദ്ധിയുടെ കാര്യമാണ്. അതുകൊണ്ടാണ് എല്ലാ…

പാക്കിസ്താനിലെ 11 സൈനിക വ്യോമതാവളങ്ങളിൽ ഇന്ത്യൻ വ്യോമസേന ആക്രമണം നടത്തിയ സമയത്ത് പാക്കിസ്താന്‍ ആർമി ചീഫ് ജനറൽ അസിം മുനീറിനെ രണ്ട് മണിക്കൂർ ഒരു ബങ്കറിൽ ഒളിപ്പിച്ചുവെച്ചതായി റിപ്പോര്‍ട്ട്. റാവൽപിണ്ടിയിലെ പാക് സൈനിക ആസ്ഥാനത്ത് നിന്ന് വെറും 10 കിലോമീറ്റർ അകലെ സ്ഥിതി ചെയ്യുന്ന നൂർ ഖാൻ വ്യോമതാവളത്തിലായിരുന്നു ഇന്ത്യ വ്യോമാക്രമണം നടത്തിയത്. മിസൈലുകൾ ഏതാനും കിലോമീറ്ററുകൾ കൂടി കടന്നിരുന്നെങ്കിൽ, പാക്കിസ്താന്റെ സൈനിക ആസ്ഥാനം തന്നെ നശിപ്പിക്കപ്പെടുമായിരുന്നു. പാക്കിസ്താന്‍ സൈന്യം തങ്ങളുടെ പ്രവർത്തന ആസ്ഥാനം മറ്റൊരിടത്തേക്ക് മാറ്റാനുള്ള പദ്ധതി ഗൗരവമായി പരിഗണിക്കുന്നുണ്ടെന്നാണ് ഇപ്പോൾ പുറത്തു വരുന്ന വാര്‍ത്തകള്‍. ഇന്ത്യയുടെ ആക്രമണം ആരംഭിച്ചയുടന്‍ തന്നെ ജനറൽ അസിം മുനീറിനെ നൂർ ഖാൻ വ്യോമതാവളത്തിന് സമീപമുള്ള ഒരു ബങ്കറിലേക്ക് കൊണ്ടുപോയതായി പാക് മാധ്യമ റിപ്പോർട്ടുകളും രഹസ്യാന്വേഷണ വൃത്തങ്ങളും വെളിപ്പെടുത്തി. ഏകദേശം രണ്ട് മണിക്കൂറോളം അദ്ദേഹം ഒളിച്ചു കിടന്നു. ഈ സംഭവത്തെക്കുറിച്ചുള്ള…

തൃശ്ശൂർ: ഡിജിറ്റൽ യുഗത്തിൽ, ഓൺലൈൻ മാധ്യമങ്ങളുടെ പങ്ക് അനിവാര്യവും നിഷേധിക്കാൻ കഴിയാത്തതുമാണെന്ന്, പ്രതിഭാവം ഓൺലൈൻ പിര്യോഡിക്കലിന്റെ ഓഫിസ് ഉദ്ഘാടനം നിർവ്വഹിച്ചുകൊണ്ട് നരേറ്റർ ഡോ. ബി. ജയകൃഷ്ണൻ പറഞ്ഞു. ഏതൊരു രാജ്യത്തെയും പൗര സ്വാതന്ത്ര്യമെന്നത് അവിടങ്ങളിലെ മാധ്യമങ്ങളുടെ സ്വാതന്ത്ര്യവുമായി കൂട്ടി വായിക്കേണ്ടതാണെന്നും വിക്കിപീഡിയയിൽ നിന്നും കോടതി നടപടികളുമായി ബന്ധപ്പെട്ട പേജ് നീക്കം ചെയ്യാൻ ഉത്തരവിട്ട ഡൽഹി ഹൈകോടതിയുടെ ഉത്തരവ് സുപ്രീം കോടതി റദ്ദാക്കിയത് ഈ പശ്ചാത്തലത്തിലാണെന്നും ജയകൃഷ്ണൻ അഭിപ്രായപ്പെട്ടു. കാനാട്ടുക്കര കല്ലുപ്പാലത്ത് നടന്ന ചടങ്ങിൽ അഖിൽ കൃഷ്ണ കെ.എസ്. ഭദ്രദീപം കൊളുത്തി. പ്രതിഭാവം എഡിറ്റർ സതീഷ് കളത്തിൽ, മാനേജിംഗ് എഡിറ്റർ ബി. അശോക് കുമാർ, അസോ. എഡിറ്റർ വിസ്മയ കെ. ജി., ചീഫ് അഡ്മിനിസ്ട്രേറ്റർ നവിൻകൃഷ്ണ, ബ്രഹ്മാനന്ദൻ കെ. എ. എന്നിവർ സംസാരിച്ചു. അഭിരാമി ആദിത്യൻ സ്വാഗതവും കൃഷ്ണേന്ദു എം.എം. നന്ദിയും പറഞ്ഞു. ഇരുപത്തഞ്ച് വർഷങ്ങൾക്കു മുൻപ് പ്രസിദ്ധീകരണം…

വാഷിംഗ്ടണ്‍: ഇന്ത്യയും പാക്കിസ്താനും തമ്മിൽ വെടിനിർത്തൽ കൊണ്ടുവരുന്നതിൽ തന്റെ ഭരണകൂടം നിർണായക പങ്ക് വഹിച്ചതായി യുഎസ് പ്രസിഡന്റ് ഡൊണാൾഡ് ട്രംപ് അവകാശപ്പെട്ടു. വ്യാപാരത്തിലൂടെയുള്ള നയതന്ത്രം ഒരു ആണവയുദ്ധ സാധ്യത ഒഴിവാക്കാൻ സഹായിച്ചുവെന്നും അതുവഴി ദശലക്ഷക്കണക്കിന് ജീവൻ രക്ഷിക്കാൻ സാധിച്ചുവെന്നും അദ്ദേഹം പറഞ്ഞു. ഇരു രാജ്യങ്ങളിലെയും നേതാക്കളുടെ പക്വതയെ പ്രശംസിച്ച ട്രംപ്, വ്യാപാരമാണ് സമാധാനത്തിലേക്കുള്ള പാതയെന്നും വിശേഷിപ്പിച്ചു. ഇന്ത്യയും പാക്കിസ്താനും തമ്മിലുള്ള വെടിനിർത്തലിൽ അമേരിക്കയുടെ പ്രധാന പങ്ക് ട്രംപ് പത്രസമ്മേളനത്തിലാണ് ട്രം‌പ് വെളിപ്പെടുത്തിയത്. സംഘർഷത്തിൽ നിന്ന് വിട്ടുനിൽക്കാനും “വ്യാപാരം കൂട്ടാനും” തന്റെ ഭരണകൂടം ഇരു രാജ്യങ്ങളെയും ഉപദേശിച്ചതായി അദ്ദേഹം പറഞ്ഞു. ഒരു മോശം ആണവയുദ്ധം തടയുന്നതിനുള്ള ഒരു സുപ്രധാന ചുവടുവയ്പ്പായാണ് ട്രംപ് ഇതിനെ വിശേഷിപ്പിച്ചത്. ശനിയാഴ്ച നടന്ന യുഎസ് ശ്രമങ്ങൾ ഇന്ത്യയും പാക്കിസ്താനും തമ്മിൽ ഉടനടി വെടിനിർത്തൽ സാധ്യമാക്കിയെന്നും അത് ശാശ്വതമാണെന്ന് താൻ കരുതുന്നുണ്ടെന്നും അദ്ദേഹം പറഞ്ഞു. അദ്ദേഹം…

ന്യൂയോര്‍ക്ക്: ഏതാനും മാസങ്ങള്‍ക്കു മുമ്പ് അമേരിക്കയില്‍ സ്ഥിരതാമസത്തിനായി എത്തിച്ചേര്‍ന്ന കോട്ടയം സ്വദേശി നിധിന്‍ കുരുവിള (36) പെട്ടെന്നുണ്ടായ അസുഖത്തെ തുടര്‍ന്ന് ഞായറാഴ്ച പുലര്‍ച്ചെ ന്യൂയോര്‍ക്കിലെ സ്റ്റാറ്റന്‍ഐലന്റില്‍ അന്തരിച്ചു. ആശുപത്രിയില്‍ എത്തിച്ചെങ്കിലും നിര്‍ഭാഗ്യവശാല്‍ ജീവന്‍ രക്ഷിക്കാനായില്ല. മൃതദേഹം നാട്ടില്‍ എത്തിച്ച് സംസ്‌കരിക്കാനാണ് തീരുമാനം. ക്രമീകരണങ്ങള്‍ നടന്നുവരുന്നു. മെറിന്‍ മാത്യു പരേതന്റെ ഭാര്യയും ഇസഹാക്ക് എന്‍. കുരുവിള ഏക പുത്രനുമാണ്. കോട്ടയം ജില്ലയിലെ കങ്ങഴ മുണ്ടത്താനം ഇരുപത്തഞ്ചില്‍ കുടുംബാംഗമാണ്. ഏബ്രഹാം കുരുവിള, ലത കുരുവിള എന്നിവര്‍ മാതാപിതാക്കളും നീതു കുരുവിള (പുനെ) ഏക സഹോദരിയുമാണ്. മെയ് മാസം മൂന്നാം വാരത്തില്‍ നാട്ടില്‍ പോയി മാതാപിതാക്കളെ സന്ദര്‍ശിക്കുവാനും. ഏക പുത്രന്റെ മാമ്മോദീസ നടത്തുവാനുമുള്ള ക്രമീകരണങ്ങള്‍ പൂര്‍ത്തീകരിച്ചിരിക്കുമ്പോഴാണ് നിധിന്റെ അപ്രതീക്ഷിത വേര്‍പാട്. മുണ്ടത്താനം സെന്റ് ആന്റണീസ് കത്തോലിക്കാ ദേവാലയമാണ് മാതൃഇടവക. ന്യൂയോര്‍ക്കിലെ സ്റ്റാറ്റന്‍ഐലന്റിലുള്ള വാഴ്ത്തപ്പെട്ട കുഞ്ഞച്ചന്‍ സീറോ മലബാര്‍ കത്തോലിക്കാ ദേവാലയത്തില്‍ ആരാധനയില്‍…

ന്യൂയോർക്ക്: ജാക്സൺ ഹൈറ്റ്സ് സെന്റ് മേരീസ് ഓർത്തോഡോക്സ് ദേവാലയത്തിൽ മെയ് 11-ന് മദേഴ്സ് ഡേ ആചരിച്ചു. അതിനോടനുബന്ധിച്ച് ഇടവകയിലെ അമ്മമാരെ സമ്മാനങ്ങൾ നൽകി ആദരിച്ചു. ആഞ്ചലീന ജേക്കബിന്റെ പ്രാർത്ഥനാ ഗാനത്തോടെ ആരംഭിച്ച യോഗത്തിൽ ഇടവക വികാരി ഫാ. ജോൺ തോമസ് ആലുംമൂട്ടിൽ അദ്ധ്യക്ഷത വഹിച്ചു. സെന്റ് ജോൺസ് യൂണിവേഴ്സിറ്റി സൈക്കോളജി വിഭാഗം പ്രൊഫസർ ഡോ. മിനി പോത്തൻ മുഖ്യാതിഥിയായിരുന്നു. ഒരു പെൺകുഞ്ഞിൽ ബാല്യം മുതൽ ഉണ്ടാകുന്ന മാറ്റങ്ങളും അമ്മയാകുന്നതോടെ അവളിൽ ഉണ്ടാകുന്ന ഉത്തരവാദിത്ത ബോധവും വളരെ ലളിതമായി വിവരിച്ച മിനി പോത്തൻ, അമ്മമാരെ ആദരിക്കുവാൻ ഇടവക കാട്ടിയ ശുഷ്കാന്തിയെ ഏറെ അഭിനന്ദിച്ചു. സണ്‍‌ഡേ സ്കൂളിനെ പ്രതിനിധീകരിച്ച് എലിസബത്ത് മാത്യു, യുവജന സംഘടനകളെ പ്രതിനിധീകരിച്ച് റയാൻ തോമസ്, എമ്മാ മാത്യു എന്നിവർ ആശംസകൾ അറിയിച്ചു. ഇടവകയിലെ സജീവ മുത്തശ്ശിമാരായ ഏലിയാമ്മ ജേക്കബും മറിയാമ്മ ബേബിയും മുഖ്യാതിഥിയോടൊപ്പം കേക്ക് മുറിച്ച്…

പറവൂർ: വെൽഫെയർ പാർട്ടി സംസ്ഥാന പ്രസിഡൻറ് റസാഖ് പാലേരി നയിക്കുന്ന സാഹോദര്യ കേരള പദയാത്ര യുടെ ജില്ലയിലെ പര്യടനം സമാപിച്ചു. രാജ്യത്ത് അരക്ഷിതാവസ്ഥ സൃഷ്ടിച്ച് ജനങ്ങളെ വംശീയമായി ഉന്മൂലം ചെയ്യാൻ ശ്രമിക്കുന്ന ഹിന്ദുത്വ ഭരണകൂടത്തിനെതിരെ വിശാല സൗഹൃദ കൂട്ടായ്മ രൂപപ്പെടണമെന്ന് സമാപന സമ്മേളനത്തിൽ റസാഖ് പാലേരി അഭിപ്രായപ്പെട്ടു. സാമുദായിക ധ്രുവീകരണത്തിന് അവസരമൊരുക്കാതെ മുനമ്പം പ്രശ്നം പരിഹരിക്കാൻ അവസരം ഉണ്ടായിരുന്നിട്ടും അതുപയോഗിക്കാതെ സംഘ്പരിവാറിൻ്റെ വിദ്വേഷ പ്രവർത്തനങ്ങൾക്ക് വിട്ട് കൊടുത്തത് സംസ്ഥാന സർക്കാരാണെന്നും അദ്ദേഹം പറഞ്ഞു. ഇന്ത്യയുടെ വൈവിധ്യത്തെ ഭയക്കുന്നവരാണ് ചരിത്രം തിരുത്തുന്നത് എന്നും വെറുപ്പിൻ്റെ വംശീയ രാഷ്ട്രീയം പേറുന്നവരുടെ അസഹിഷ്ണുതയാണ് ഇതിലൂടെ പ്രകടമാകുന്നതെന്ന് എന്നും അദ്ദേഹം കൂട്ടിച്ചേർത്തു. പറവൂർ വെടിമറയിൽ നടന്ന സമാപന സമ്മേളനത്തിൽ പറവൂർ മണ്ഡലം പ്രസിഡൻ്റ് കെ.വൈ. ഇബ്രാഹിം അധ്യക്ഷത വഹിച്ചു. സംസ്ഥാന ജനറൽ സെക്രട്ടറി സുരേന്ദ്രൻ കരിപ്പുഴ, സംസ്ഥാന സെക്രട്ടറി ജ്യോതിവാസ് പറവൂർ, സംസ്ഥാന…