Author: .

മെയ് മാസത്തിൽ ബഹാമാസിൽ നടന്ന ആഡംബര വിവാഹത്തിലെ ആഘോഷങ്ങളുടെ വലിയൊരു ഭാഗം, പ്രശസ്ത റഷ്യൻ വ്യവസായിയും വ്‌ളാഡിമിർ പുടിന്റെ അടുത്ത വിശ്വസ്തനുമായ ഉമർ ക്രെംലെവ് സ്പോൺസർ ചെയ്തു. വാഷിംഗ്ടണ്‍: യുഎസ് പ്രസിഡന്റ് ഡൊണാൾഡ് ട്രംപിന്റെ മൂത്ത മകൻ ഡൊണാൾഡ് ട്രംപ് ജൂനിയറിന്റെയും ഭാര്യ ബെറ്റിന ആൻഡേഴ്‌സണിന്റെയും വിവാഹവുമായി ബന്ധപ്പെട്ട് പുതിയ വിവാദം പൊട്ടിപ്പുറപ്പെട്ടു. മെയ് മാസത്തിൽ ബഹാമാസിൽ നടന്ന ആഢംബര വിവാഹ ആഘോഷങ്ങളിൽ ഭൂരിഭാഗവും പ്രമുഖ റഷ്യൻ വ്യവസായിയും വ്‌ളാഡിമിർ പുടിന്റെ അടുത്ത വിശ്വസ്തനുമായ ഉമർ ക്രെംലെവിന്റെ സ്‌പോൺസർഷിപ്പിലാണെന്ന് സമീപകാല റിപ്പോർട്ടുകൾ അവകാശപ്പെടുന്നു. വാഷിംഗ്ടണിലെ രാഷ്ട്രീയ വൃത്തങ്ങളിൽ ഈ വാർത്ത വലിയ കോളിളക്കമാണ് സൃഷ്ടിച്ചിരിക്കുന്നത്. ഡെമോക്രാറ്റുകള്‍ ഇതുസംബന്ധിച്ച് ശക്തമായ ചോദ്യങ്ങൾ ഉന്നയിച്ചിട്ടുണ്ട്. ഇത്രയും സ്വാധീനമുള്ളതും പുടിൻ അനുകൂലിയുമായ ഒരു റഷ്യൻ പ്രഭുവില്‍ നിന്ന് പ്രസിഡന്റിന്റെ കുടുംബം ഇത്രയും വിലപ്പെട്ട ഒരു സമ്മാനം സ്വീകരിക്കണമായിരുന്നോ എന്നാണ് അവരുടെ ചോദ്യം.…

ഹൂസ്റ്റൺ: തിരുവല്ലയിൽ നിന്ന് എത്തിയ അവർ ഒന്നിച്ചു കൂടി. നാടിന്റെ കഥകളും ഓർമകളും ഒരുമിച്ചു പങ്കുവച്ചു. ഗൃഹാതുരത്വം നിറഞ്ഞു നിന്ന ആ മനോഹര ദിനത്തിൽ ആട്ടവും പാട്ടും എല്ലാമായി അവർ ഒത്തൊരുമിച്ച് ഓണം കൊണ്ടാടി. അങ്ങനെ സ്റ്റാഫോർഡ് ഒരു കൊച്ചു തിരുവല്ലയായി മാറി. തിരുവല്ലയുടെ സ്നേഹവും സൗഹൃദവും പൈതൃകവും ഹൃദയത്തിൽ സൂക്ഷിക്കുന്ന ഹൂസ്റ്റൺ മേഖലയിലെ കൂട്ടായ്മയായ ഫ്രണ്ട്സ് ഓഫ് തിരുവല്ലയുടെ ഓണാഘോഷം സ്റ്റാഫോർഡിലെ APNA MAX റെസ്റ്റോറന്റിൽ വിപുലമായ പരിപാടികളോടെ നടന്നു. കുടുംബങ്ങളും സുഹൃത്തുക്കളും ഒത്തുചേർന്ന ആഘോഷം അക്ഷരാർത്ഥത്തിൽ പ്രവാസ ഭൂമിയിൽ ഒരു കൊച്ചു തിരുവല്ലയും അവിടുത്തെ ഓണാഘോഷവും ആയി മാറി. നിശ്ശബ്ദ പ്രാർത്ഥനയോടെയാണ് ആഘോഷത്തിന് തുടക്കമായത്. ഫ്രണ്ട്സ് ഓഫ് തിരുവല്ല സെക്രട്ടറി ഡോ. ജോർജ് കാക്കനാട്ട് സ്വാഗതപ്രസംഗം നടത്തി. “ഫ്രണ്ട്സ് ഓഫ് തിരുവല്ല ഒരു സംഘടന മാത്രമല്ല, ഹൂസ്റ്റൺ പ്രദേശത്ത് ജീവിക്കുന്ന അനേകം തിരുവല്ലക്കാരുടെ ഒരു…

വാഷിങ്ടൺ:വാഷിംഗ്ടൺ: ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യയുടെ അതിവേഗ വളർച്ചയ്ക്കെതിരെ മുന്നറിയിപ്പുമായി മുൻ യു.എസ് വൈസ് പ്രസിഡന്റ് കമലാ ഹാരിസ്. സാങ്കേതികവിദ്യ മനുഷ്യന്റെ നിയന്ത്രണത്തിന് അതീതമായി മാറിയേക്കാമെന്ന് അവർ വ്യക്തമാക്കി. വിപുലമായ AI സിസ്റ്റങ്ങൾ പരിശോധിക്കുന്നതിനും നിരീക്ഷിക്കുന്നതിനുമായി പുതിയൊരു ഫെഡറൽ ഏജൻസി രൂപീകരിക്കാൻ കോൺഗ്രസിനോട് ഹാരിസ് ആവശ്യപ്പെട്ടു. ചൈനയുൾപ്പെടെയുള്ള രാജ്യങ്ങളുമായി ചേർന്ന് AI സുരക്ഷയ്ക്കായി ആഗോള മാനദണ്ഡങ്ങളും അന്താരാഷ്ട്ര കരാറും നടപ്പിലാക്കാൻ പ്രസിഡന്റ് ഡൊണാൾഡ് ട്രംപിനോട് അവർ അഭ്യർത്ഥിച്ചു. ഏറ്റവും പുതിയ AI മോഡലുകളുടെ വികസനം മന്ദഗതിയിലാക്കണമെന്ന് ആന്ത്രാപിക് (Anthropic) സി.ഇ.ഒ ഡാരിയോ അമോഡി ആവശ്യപ്പെട്ടതിന് പിന്നാലെയാണ് ഹാരിസിന്റെ പ്രതികരണം. ഓപ്പൺഎഐ മേധാവി സാം ആൾട്ട്മാൻ, ഇലോൺ മസ്ക് എന്നിവരും ഇതിനെ പിന്തുണച്ചിട്ടുണ്ട്. AI സുരക്ഷാ ആശങ്കകളെ ‘വ്യാജപ്രചാരണം’ എന്ന് വിശേഷിപ്പിച്ച പ്രസിഡന്റ് ഡൊണാൾഡ് ട്രംപ്, വികസനം മന്ദഗതിയിലാക്കുന്നത് ചൈനയ്ക്ക് മേൽക്കോയ്മ നൽകുമെന്ന വാദവുമായി ഇതിനെ എതിർത്തു. വൈദ്യശാസ്ത്ര…

വിർജീനിയ: കേരളത്തിന്റെ ഓണപ്പെരുമയും കലാ-സാംസ്കാരിക പൈതൃകവും അമേരിക്കൻ മണ്ണിൽ പുനരാവിഷ്കരിച്ച് കേരള കൾച്ചറൽ സൊസൈറ്റി ഓഫ് മെട്രോപൊളിറ്റൻ വാഷിങ്ടൺ (KCSMW) സംഘടിപ്പിച്ച ‘ഓണം വൈബ്സ് 2026’ ശ്രദ്ധേയമായി. സെപ്റ്റംബർ 5-ന് നോർത്തേൺ വിർജീനിയയിൽ നടന്ന ആഘോഷത്തിൽ ആയിരത്തിലധികം പേർ പങ്കെടുത്തു. മുഖ്യ സ്പോൺസർ സലിൽ ശങ്കരൻ, KCS പ്രസിഡന്റ് ഷെല്ലി പ്രഭാകരൻ, പ്രഥമ വനിത ബീന ഷെല്ലി, സെക്രട്ടറി ലേഖ നായർ, , എന്റർടെയ്ൻമെന്റ് ചെയർ സുജിത് കുമാർ, എന്നിവർ ചേർന്ന് നിലവിളക്ക് കൊളുത്തി ആഘോഷങ്ങൾ ഔപചാരികമായി ഉദ്ഘാടനം ചെയ്തു. വാഴയിലയിൽ വിളമ്പിയ വിഭവസമൃദ്ധമായ ഓണസദ്യ രുചികൊണ്ട് മാത്രമല്ല, സ്നേഹപൂർവവും സൗഹൃദപരവുമായ വിളമ്പൽ കൊണ്ടും അതിഥികളുടെ പ്രത്യേക പ്രശംസ പിടിച്ചുപറ്റി. സംഗീതം, ഗാനങ്ങൾ, നൃത്തങ്ങൾ, ഫാഷൻ ഷോ, സ്കിറ്റ് തുടങ്ങി വൈവിധ്യമാർന്ന സ്റ്റേജ് പരിപാടികൾ ആഘോഷത്തിന് നിറപ്പകിട്ടേകി. മെഗാ തിരുവാതിരയും കാണികളുടെ മനംകവർന്നു. അടുത്തിടെ ഫൊക്കാന കൺവെൻഷന്റെ…

ഡിട്രോയിറ്റ്: സദ്ദാം ഹുസൈൻ ഭരണകൂടത്തിന് കീഴിൽ ഉന്നത ഇറാഖി രഹസ്യാന്വേഷണ ഉദ്യോഗസ്ഥനായി പ്രവർത്തിച്ചിരുന്നതായി സംശയിക്കുന്ന വ്യക്തി ഫെഡറൽ അന്വേഷണത്തിനൊടുവിൽ അറസ്റ്റിലായി. റആദ് അലൻബാഗി  എന്നയാളാണ് പിടിയിലായത്. ഫെഡറൽ ഹോംലാൻഡ് സെക്യൂരിറ്റി ഇൻവെസ്റ്റിഗേഷൻസ് ആണ് അറസ്റ്റ് സംബന്ധിച്ച വിവരങ്ങൾ പുറത്തുവിട്ടത്. മിഷിഗണിലെ ഫാർമിംഗ്ടൺ ഹിൽസ് പ്രദേശത്തുവെച്ചാണ് അറസ്റ്റ് നടന്നത്.ഫാർമിംഗ്ടൺ ഹിൽസിലെ അറിയപ്പെടുന്ന ഒരു ഉന്നത റെസിഡൻഷ്യൽ മേഖലയായ കൺട്രി റിഡ്ജ് സർക്കിൾ  പ്രദേശത്താണ് റആദ് അലൻബാഗി താമസിച്ചിരുന്നത്. അലൻബാഗിയുടെ മുൻകാല രഹസ്യാന്വേഷണ പ്രവർത്തനങ്ങളെക്കുറിച്ചോ സേവന കാലയളവിനെക്കുറിച്ചോ ഉള്ള കൂടുതൽ വിവരങ്ങൾ എച്ച്.എസ്.ഐ (HSI) ഇതുവരെ ഔദ്യോഗികമായി പുറത്തുവിട്ടിട്ടില്ല.\ഫെഡറൽ ഏജൻസിയുടെ ഡിട്രോയിറ്റ് ഓഫീസാണ് ഇദ്ദേഹത്തിന്റെ പശ്ചാത്തലം സംബന്ധിച്ച നിർണായക വിവരങ്ങൾ കണ്ടെത്തിയത്. സംഭവത്തിൽ കൂടുതൽ അന്വേഷണം പുരോഗമിക്കുകയാണ്

ന്യൂയോർക്ക്: ന്യൂയോര്‍ക്ക് സിറ്റിയിലെ സബ്‌വേ സ്റ്റേഷനടുത്തായിരുന്നു സംഭവം നടന്നത്. ഇരുവരും ട്രാക്കിലിരിക്കുകയായിരുന്നു എന്ന് റിപ്പോര്‍ട്ടില്‍ പറയുന്നു. ന്യൂജേഴ്‌സി സ്വദേശികളായ 24 വയസ്സുള്ള മലൈക ചിത്രെ (Malaika Chitre), നവം കൗൾ (Navam Kaul) എന്നിവരാണ് മരിച്ചത്. ഇരുവരും റട്ഗേഴ്സ് സർവകലാശാലയിൽ നിന്ന് ബിരുദം നേടിയവരും ദീർഘകാല സുഹൃത്തുക്കളുമായിരുന്നുവെന്ന് പറയുന്നു. സെപ്റ്റംബർ 13 ഞായറാഴ്ച പുലർച്ചെ 3.14ഓടെ ലോവർ മന്‍‌ഹാട്ടനിലെ സ്പ്രിംഗ് സ്ട്രീറ്റ് സബ്‌വേ സ്റ്റേഷനിലായിരുന്നു അപകടം. തെക്കോട്ടു പോയിരുന്ന നമ്പർ 4 ട്രെയിനാണ് ഇരുവരെയും ഇടിച്ചത്. ട്രെയിൻ എത്തുന്നതിന് തൊട്ടുമുമ്പ് ഇരുവരും ട്രാക്കിൽ ഇരിക്കുന്നതായി ദൃശ്യങ്ങളിൽ കാണപ്പെട്ടതായി റിപ്പോർട്ടുകളുണ്ട്. ലോക്കോ പൈലറ്റ് ഇരുവരും ട്രാക്കില്‍ ഇരിക്കുന്നത് കണ്ടിരുന്നു. എന്നാല്‍, അടിയന്തരമായി ട്രെയിൻ നിർത്താൻ ശ്രമിച്ചെങ്കിലും അപകടം ഒഴിവാക്കാനായില്ല. ഇരുവരും സംഭവസ്ഥലത്തുതന്നെ മരിച്ചതായി അധികൃതർ അറിയിച്ചു. ഇരുവരും എങ്ങനെ ട്രാക്കിലെത്തിയെന്ന കാര്യത്തിൽ വ്യക്തത വന്നിട്ടില്ല. ഒരാൾ ട്രാക്കിലേക്ക് വീണതിനെ…