Year: 2026

ഓസ്റ്റിന്‍: ടെക്സസിന്റെ തലസ്ഥാനമായ ഓസ്റ്റിനിൽ പ്രവർത്തിക്കുന്ന ഗ്രേറ്റർ ഓസ്റ്റിൻ മലയാളി അസോസിയേഷൻ (GAMA) , മലയാളി സമൂഹത്തിന്റെ സാമൂഹിക-സാംസ്കാരിക പ്രവർത്തനങ്ങൾ ഏകോപിപ്പിക്കുന്ന ഒരു ലാഭരഹിത സംഘടനയാണ്. 2026 ന്റെ തുടക്കം GAMA -യുടെ പുതിയ ഭാരവാഹികളും ഡയറക്ടർ ബോർഡ് അംഗങ്ങളും ചുമതലയേറ്റു. പ്രസിഡന്റായി അനൂപ് ഗോപിനാഥൻ നായർ, വൈസ് പ്രസിഡന്റായി ഷിബിൻ ശ്രീധർ,, സെക്രട്ടറിയായി വിഷ്ണു ശശികുമാർ, ട്രഷറർ ആയി അജയ് സഞ്ജീവൻ എന്നിവരാണ് നേതൃത്വം വഹിക്കുന്നവർ. ഡെൽസി മാർട്ടിൻ, സിജു വർഗീസ്, വിമൽ മോഹൻ, ശ്രീകാന്ത് കൊഞ്ചേരി, സൗമ്യ മീര സതീഷ്, ദർശന മനയത്ത് ശശി, ബിന്ദു ജോർജ്, നിതിൻ ശ്രീധരൻ നായർ, ലൈജു എലിസബേത്ത് ജേക്കബ്, സൈമൺ ജോസ് വഴക്കടവിൽ എന്നിവരാണ് പുതിയ ഡയറക്ടർ ബോർഡ് അംഗങ്ങൾ.

ഷ്രീവ്‌പോർട്ട് (ലൂസിയാന): അമേരിക്കയിലെ ലൂസിയാനയിൽ സ്വന്തം മക്കളടക്കം എട്ട് കുട്ടികളെ പിതാവ് വെടിവെച്ചു കൊന്നു. ഞായറാഴ്ച പുലർച്ചെ ശ്രീവ്‌പോർട്ടിലെ രണ്ട് വീടുകളിലായി നടന്ന അക്രമത്തിൽ രണ്ട് സ്ത്രീകൾക്ക് ഗുരുതരമായി പരിക്കേറ്റു. പ്രതിയായ ഷമർ എൽക്കിൻസ്  പിന്നീട് പോലീസ് പിന്തുടരുന്നതിനിടെ കൊല്ലപ്പെട്ടു. കൊല്ലപ്പെട്ട കുട്ടികൾക്ക് ഒരു വയസ്സു മുതൽ 12 വയസ്സു വരെയാണ് പ്രായം. ഇതിൽ ഏഴ് പേർ പ്രതിയുടെ സ്വന്തം മക്കളാണ്. ഒരു കുട്ടി രക്ഷപ്പെടാൻ ശ്രമിക്കുന്നതിനിടെ വീടിന്റെ മുകളിൽ വെടിയേറ്റു മരിച്ച നിലയിൽ കണ്ടെത്തി. ഭാര്യയുമായുള്ള തർക്കത്തെത്തുടർന്നുണ്ടായ കുടുംബകലഹമാണ് കൂട്ടക്കൊലയിൽ കലാശിച്ചത്. പ്രതി ആദ്യം ഒരു സ്ത്രീയെ വെടിവെച്ച ശേഷം രണ്ടാമത്തെ വീട്ടിലെത്തി കുട്ടികൾക്ക് നേരെ വെടിയുതിർക്കുകയായിരുന്നു. കൃത്യത്തിന് ശേഷം കാർ തട്ടിയെടുത്ത് രക്ഷപ്പെടാൻ ശ്രമിച്ച ഷമറിനെ പോലീസ് പിന്തുടർന്ന് പിടികൂടാൻ ശ്രമിക്കുന്നതിനിടെയാണ് അയാൾ കൊല്ലപ്പെട്ടത്. കഴിഞ്ഞ രണ്ട് വർഷത്തിനിടെ അമേരിക്കയിൽ നടക്കുന്ന ഏറ്റവും വലിയ…

ഡാലസ്: അക്ഷര സ്നേഹികളുടെയും എഴുത്തുകാരുടെയും കൂട്ടായ്മയായ കേരള ലിറ്റററി സൊസൈറ്റിയുടെ ഏപ്രിൽ മാസത്തെ സാഹിത്യ ചർച്ച പ്രൗഢഗംഭീരമായി നടന്നു. ഏപ്രിൽ 19 ഞായറാഴ്ച വൈകുന്നേരം 4:30-ന് ഡാലസിലെ കേരള അസോസിയേഷൻ ഹാളിലായിരുന്നു സമ്മേളനം. എല്ലാ മാസവും മൂന്നാം ഞായറാഴ്ചകളിൽ സാഹിത്യ തൽപരരായ ഡാലസ് നിവാസികൾക്കായി കെ.എൽ.എസ് സംഘടിപ്പിച്ചു വരുന്ന ചർച്ചകളുടെ ഭാഗമായിരുന്നു ഈ ഒത്തുചേരൽ. സൊസൈറ്റി പ്രസിഡന്റ് അനശ്വരം മാമ്പള്ളി അധ്യക്ഷത വഹിച്ച യോഗത്തിൽ വൈസ് പ്രസിഡന്റ് പി.പി. ചെറിയാൻ സ്വാഗതം ആശംസിച്ചു. തുടർന്ന് നടന്ന സാഹിത്യ സെഷനിൽ ഹരിദാസ് തങ്കപ്പൻ, ജേക്കബ് ജോൺ, ജോസ് വർഗീസ്, നിഷ ജേക്കബ് എന്നിവർ തങ്ങളുടെ പുത്തൻ കഥകളും കവിതകളും അവതരിപ്പിച്ചു. അവതരിപ്പിക്കപ്പെട്ട കൃതികളെക്കുറിച്ച് സദസ്സിലുണ്ടായിരുന്നവർ സജീവമായ സംവാദങ്ങൾ നടത്തി. സമ്മേളനത്തിലെ പ്രധാന ചർച്ചാവിഷയമായ ‘സാഹിത്യവും – സത്യവും’ എന്ന വിഷയം പ്രശസ്ത കവി ഫ്രാൻസിസ് തോട്ടത്തിൽ അവതരിപ്പിച്ചു. സാഹിത്യ…

ഗാർലൻഡ് (ടെക്സാസ്): വസന്തകാലത്തിന്റെ വരവേൽപ്പിനായി വൈവിധ്യമാർന്ന കലാ-സാംസ്കാരിക പരിപാടികളോടെ ‘സ്പ്രിംഗ് എക്സ്പോ 2026’ സംഘടിപ്പിക്കുന്നു. പുതിയ പള്ളി മന്ദിരത്തിനായുള്ള ഫണ്ട് ശേഖരണാർത്ഥം നടത്തുന്ന ഈ മേള മെയ് 2-ാം തീയതി ശനിയാഴ്ച രാവിലെ 10 മണി മുതൽ വൈകുന്നേരം 5 മണി വരെ ഗാർലൻഡിലെ എം.ജി.എം ഓഡിറ്റോറിയത്തിൽ (MGM Auditorium, 5210 Locust Grove Rd, Garland, TX 75043) വെച്ച് നടക്കും. സാംസ്കാരിക പൈതൃകവും കമ്മ്യൂണിറ്റിയുടെ ഐക്യവും വിളിച്ചോതുന്ന എക്സ്പോയിൽ കുടുംബങ്ങൾക്കായി വിപുലമായ ക്രമീകരണങ്ങളാണ് ഒരുക്കിയിരിക്കുന്നത്. അത്യാധുനികമായ ആഭരണങ്ങൾ, വംശീയ വസ്ത്രങ്ങൾ എന്നിവയുടെ വലിയ ശേഖരം മേളയിലുണ്ടാകും. പ്രാദേശിക ബിസിനസ്സുകളുടെ വിവിധ സ്റ്റാളുകളും എക്സ്പോയുടെ ഭാഗമാകും. ലൈവ് ബിബിക്യു , വൈവിധ്യമാർന്ന ഇന്ത്യൻ വിഭവങ്ങൾ എന്നിവ ഫുഡ് കോർട്ടിൽ ലഭ്യമായിരിക്കും. ആയുർവേദ മസാജ്, തെറാപ്പി, ഹെൽത്ത് കൺസൾട്ടേഷനുകൾ തുടങ്ങിയ വെൽനസ് സേവനങ്ങളും മേളയിൽ ഒരുക്കിയിട്ടുണ്ട്. കിഡ്‌സ്…