Year: 2026

വാഷിംഗ്‌ടൺ: യുഎസ് പൗരത്വത്തിനായി വ്യാജ രേഖകൾ നിർമ്മിക്കുന്നവരെ പിടികൂടാൻ ഡൊണാൾഡ് ട്രംപ് ഭരണകൂടം ശക്തമായ നിയമങ്ങളാണ് അവതരിപ്പിച്ചിരിക്കുന്നത്. കഴിഞ്ഞ ദിവസം വ്യാജ രേഖകൾ നിർമ്മിച്ച് അധികാരികളെ കബളിപ്പിച്ച ഒരു ഇന്ത്യൻ വംശജന്റെ പൗരത്വം നഷ്ടമായി. ഗുർദേവ് സിംഗ് സോഹൽ എന്ന വ്യക്തിയുടെ യുഎസ് പൗരത്വമാണ് കോടതി റദ്ദാക്കിയത്. യുഎസ് ഡിപ്പാർട്ട്‌മെന്റ് ഓഫ് ജസ്റ്റിസ് നൽകിയ സിവിൽ ഡിനാച്ചുറലൈസേഷൻ കേസിലാണ് ഇപ്പോൾ വിധി വന്നിരിക്കുന്നത്. ഗുർദേവ് സിംഗിനെ പോലെ സ്വന്തം ഐഡന്റിറ്റി മറച്ചുവെച്ച് യുഎസ് പൗരത്വം അനധികൃതമായി നേടിയെടുത്ത നിരവധി ആളുകൾ യുഎസിൽ ഉണ്ടെന്നാണ് അധികാരികൾ പറയുന്നത്. പതിറ്റാണ്ടുകളായി യുഎസിൽ താമസിക്കുന്ന ആളാണ് ഇന്ത്യൻ വംശജനായ ഗുർദേവ് സിംഗ് സോഹൽ. ഇയാളുടെ ശരിക്കുമുള്ള പേര് ദേവ് സിംഗ് എന്നാണ്. 1994-ൽ സോഹലിനെ യുഎസിൽ നിന്നും പുറത്താക്കാൻ ജഡ്ജി ഉത്തരവിട്ടിരുന്നു. എന്നാൽ, അന്ന് സോഹൽ രാജ്യം വിട്ട് പോയില്ല, പകരം…

സൗത്ത് ഫ്ലോറിഡ:യൂണിവേഴ്സിറ്റി ഓഫ് സൗത്ത് ഫ്ലോറിഡയിലെ കാണാതായ രണ്ട് ബംഗ്ലാദേശി ഗവേഷണ വിദ്യാർത്ഥികളിൽ ഒരാളെ മരിച്ച നിലയിൽ കണ്ടെത്തി. സമിർ ലിമൺ (27) എന്ന വിദ്യാർത്ഥിയുടെ മൃതദേഹം ടാമ്പാ ബേയിലെ പാലത്തിന് സമീപമാണ് കണ്ടെത്തിയത്. ലിമണിനൊപ്പം കാണാതായ നഹിദ ബ്രിസ്റ്റി (27) എന്ന വിദ്യാർത്ഥിനിയെ ഇതുവരെ കണ്ടെത്താനായിട്ടില്ല. സംഭവവുമായി ബന്ധപ്പെട്ട് ലിമണിന്റെ റൂംമേറ്റ് ഹിഷാം അബുഗർബിയയെ (26) പോലീസ് അറസ്റ്റ് ചെയ്തു. തെളിവ് നശിപ്പിക്കൽ, മൃതദേഹം അനധികൃതമായി മാറ്റുക തുടങ്ങിയ കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നത്. ഏപ്രിൽ 16-നാണ് ഇവരെ അവസാനമായി ക്യാമ്പസിൽ കണ്ടത്. ഇരുവരും വിവാഹിതരാകാൻ തീരുമാനിച്ചിരുന്നവരാണെന്ന് ലിമണിന്റെ കുടുംബം അറിയിച്ചു. നഹിദയ്ക്കായുള്ള തിരച്ചിൽ ശക്തമായി തുടരുകയാണ്.

ഫിലഡൽഫിയ: ട്രൈസ്റ്റേറ്റ് കേരള ഫോറത്തിന്റെ 2026 ഓണാഘോഷങ്ങളുടെ ഭാഗമായി ടിക്കറ്റ് കിക്ക്-ഓഫ് ചടങ്ങ് ഏപ്രിൽ 26-ാം തീയതി ഞായറാഴ്ച വൈകിട്ട് 4 മണിക്ക് ഫിലഡൽഫിയയിലെ Ascension Mar Thoma Church Hallൽ വച്ച് സംഘടിപ്പിക്കുന്നു (10197 Northeast ave, Philadelphia PA 19116). സമൂഹത്തിന്റെ സാംസ്കാരിക ഐക്യത്തിനും ഓണാഘോഷങ്ങളുടെ വിജയകരമായ തുടക്കത്തിനുമായി ഒരുക്കിയിരിക്കുന്ന ഈ ചടങ്ങിൽ സ്റ്റേറ്റ് റെപ്രെസെന്റിറ്റീവ് ഷോൺ ഡൗഗ്ർട്ടി മുഖ്യാതിഥിയായി പങ്കെടുക്കും. ട്രൈസ്റ്റേറ്റ് പ്രദേശത്തെ മലയാളി സമൂഹത്തിന്റെ സജീവ സംഘടനയായ Tristate Kerala Forum സംഘടിപ്പിക്കുന്ന ഈ പരിപാടിയിൽ സാമൂഹിക സാംസ്കാരിക നേതാക്കൾ പങ്കെടുക്കും. 2026 ഓണാഘോഷങ്ങളുടെ ഒരുക്കങ്ങൾ ഔദ്യോഗികമായി കൊടിയേറുന്നതിന്റെ ഭാഗമായി ഈ കിക്ക്-ഓഫ് ചടങ്ങ് ശ്രദ്ധേയമാകും. ബോബി മാത്യു (ഹോണസ്റ്റ് റിയൽ എസ്റ്റേറ്റ്) ആദ്യ ടിക്കറ്റ് ഏറ്റു വാങ്ങും. ട്രൈസ്റ്റേറ്റ് കേരള ഫോറത്തിന്റെ ഓണാഘോഷങ്ങൾ അമേരിക്കയിലെ മലയാളി സമൂഹത്തിൽ ഏറെ പ്രതീക്ഷയോടെ…

വാഷിംഗ്‌ടൺ ഡി സി: ഇന്ത്യയുൾപ്പെടെയുള്ള രാജ്യങ്ങളിൽ നിന്നുള്ള സോളാർ സെല്ലുകൾക്കും പാനലുകൾക്കും ട്രംപ് ഭരണകൂടം ‘ആന്റി ഡംപിംഗ്’  നികുതി ഏർപ്പെടുത്തി. കുറഞ്ഞ വിലയ്ക്ക് ഉൽപ്പന്നങ്ങൾ അമേരിക്കൻ വിപണിയിൽ എത്തിച്ച് തദ്ദേശീയ നിർമ്മാതാക്കളെ തകർക്കുന്നു എന്നാരോപിച്ചാണ് വാണിജ്യ വകുപ്പിന്റെ ഈ നടപടി. വ്യാപാര മൂല്യം: കഴിഞ്ഞ വർഷം ഇന്ത്യ, ഇന്തോനേഷ്യ, ലാവോസ്  ഈ മൂന്ന് രാജ്യങ്ങളിൽ നിന്നായി ഏകദേശം 4.5 ബില്യൺ ഡോളറിന്റെ സോളാർ ഉപകരണങ്ങളാണ് അമേരിക്ക ഇറക്കുമതി ചെയ്തത്. ഇത് ആകെ ഇറക്കുമതിയുടെ മൂന്നിൽ രണ്ട് ഭാഗമാണ്. പുതിയ നികുതികൾ സോളാർ ഉപകരണങ്ങളുടെ വില വർദ്ധിപ്പിക്കാൻ ഇടയാക്കും. ഇത് അമേരിക്കയിലെ പുനരുപയോഗ ഊർജ്ജ പദ്ധതികളുടെ വേഗതയെ ബാധിച്ചേക്കാം. ഇക്കാര്യത്തിൽ അന്തിമ തീരുമാനം വരും മാസങ്ങളിൽ ഉണ്ടാകും. ഇന്ത്യയെയും ഇന്തോനേഷ്യയെയും സംബന്ധിച്ച അന്തിമ വിധി ജൂലൈ 13-ഓടെയും ലാവോസിന്റേത് സെപ്റ്റംബർ 9-ഓടെയും പ്രതീക്ഷിക്കുന്നു. അമേരിക്കൻ നിർമ്മാണ മേഖലയെ ശക്തിപ്പെടുത്താൻ…

തിരുവനന്തപുരം: കേരള മുഖ്യമന്ത്രി സ്ഥാനവുമായി ബന്ധപ്പെട്ട് കോൺഗ്രസിൽ നടക്കുന്ന ചർച്ചകളിൽ തനിക്ക് താൽപ്പര്യമില്ലെന്ന് എഐസിസി ജനറൽ സെക്രട്ടറി കെ സി വേണുഗോപാൽ പറഞ്ഞു. താൽപ്പര്യമില്ലായ്മയെ എങ്ങനെ വേണമെങ്കിലും വ്യാഖ്യാനിക്കാമെന്ന് അദ്ദേഹം മാധ്യമ പ്രവർത്തകരോട് പറഞ്ഞു. ചർച്ച ചെയ്യുന്നവർ അത് തുടര്‍ന്നോട്ടെ എന്നും അദ്ദേഹം കൂട്ടിച്ചേർത്തു. കോൺഗ്രസ് അദ്ധ്യക്ഷൻ മല്ലികാർജുൻ ഖാർഗെയോട് തിരഞ്ഞെടുപ്പ് കമ്മീഷൻ വിശദീകരണം തേടിയ സംഭവം വിചിത്രമാണെന്ന് വേണുഗോപാൽ പറഞ്ഞു. തമിഴ്‌നാട്ടിൽ തന്നെ അദ്ദേഹം വിശദീകരണം നല്‍കിയിരുന്നു. മറുപടി നൽകാൻ 24 മണിക്കൂർ മാത്രമേ തിരഞ്ഞെടുപ്പ് കമ്മീഷന്‍ നൽകിയിട്ടുള്ളൂവെന്ന് കെ.സി. വേണുഗോപാൽ ചൂണ്ടിക്കാട്ടി. അതേസമയം, പ്രധാനമന്ത്രിയുടെ പ്രസംഗം ചട്ടങ്ങളുടെ നഗ്നമായ ലംഘനമാണെന്ന് അദ്ദേഹം പറഞ്ഞു. പ്രധാനമന്ത്രിക്ക് കമ്മീഷൻ ക്ലീൻ ചിറ്റ് നൽകി. പ്രധാനമന്ത്രിക്കെതിരെ തിരഞ്ഞെടുപ്പ് കമ്മീഷന് നൽകിയ പരാതിയിൽ കമ്മീഷൻ നടപടിയെടുത്തില്ല. കമ്മീഷണറെ ഇംപീച്ച് ചെയ്യാനുള്ള വഴികൾ പ്രതിപക്ഷം പരിഗണിക്കും. കോഴിക്കോട് സ്ട്രോങ് റൂം തുറന്നതുമായി…

തിരുവനന്തപുരം: സംസ്ഥാനത്ത് ബിജെപി-കോൺഗ്രസ് ഇടപാട് നടന്നിട്ടുണ്ടെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ ആരോപിച്ചു. നാദാപുരം, വടകര മണ്ഡലങ്ങളിൽ ബിജെപി വോട്ടുകൾ യുഡിഎഫിലേക്ക് മാറ്റിയതായി എംവി ഗോവിന്ദൻ ആരോപിച്ചു. ഇക്കാര്യത്തിൽ സംഘടനാ നേതാക്കളെ പുറത്താക്കിയതായും അദ്ദേഹം ചൂണ്ടിക്കാട്ടി. ഷാഫി പറമ്പിൽ എംപി ബിജെപി-കോൺഗ്രസ് കരാറിന് നേതൃത്വം നൽകിയതായി സിപിഎം സംസ്ഥാന സെക്രട്ടറി ആരോപിക്കുന്നു. ബിജെപി-കോൺഗ്രസ് കരാർ കോ-ലീ-ബി (കോൺഗ്രസ്, മുസ്ലീം ലീഗ്, ബിജെപി) സഖ്യത്തിന്റെ അതേ പാതയിലാണെന്ന് എംവി ഗോവിന്ദൻ കൂട്ടിച്ചേർത്തു. അതേസമയം, സംസ്ഥാനത്ത് യുഡിഎഫ് അധികാരം പിടിച്ചെടുക്കില്ലെന്നും അദ്ദേഹം പറഞ്ഞു. മെയ് നാലോടെ യുഡിഎഫിലെ തർക്കങ്ങൾ അവസാനിക്കുമെന്ന് അദ്ദേഹം പറഞ്ഞു. പ്രകോപനങ്ങളെക്കുറിച്ച് ജാഗ്രത പാലിക്കണമെന്നും സംഘർഷങ്ങൾ സൃഷ്ടിക്കാനും ഇടതു പ്രവർത്തകരെ ആക്രമിക്കാനും ശ്രമങ്ങൾ നടക്കുന്നുണ്ടെന്നും അദ്ദേഹം പ്രവർത്തകരോട് പറഞ്ഞു. പോലീസിനെതിരായ ആക്രമണങ്ങളിൽ ബിജെപി പ്രവർത്തകർക്ക് പങ്കുണ്ടെന്നും സിപിഎം സംസ്ഥാന സെക്രട്ടറി ആരോപിച്ചു. ടി.പി. സെൻകുമാറും ആർ.…