Year: 2026

ന്യൂഡൽഹി: കേരളത്തിന് പുതിയ മുഖ്യമന്ത്രിയെ തിരഞ്ഞെടുക്കാനുള്ള ചർച്ചകൾ വീണ്ടും അനിശ്ചിതത്വത്തിൽ. എഐസിസി കേരള ഇൻചാർജ് ജനറൽ സെക്രട്ടറി ദീപ ദാസ് മുൻഷിയുടെ ഇന്നത്തെ കേരള സന്ദർശനം മാറ്റി വെച്ചതായാണ് ഏറ്റവും പുതിയ റിപ്പോര്‍ട്ട്. ഇതോടെ തീരുമാനം വീണ്ടും വൈകുമെന്ന സൂചന ശക്തിപ്പെട്ടു. ദീപാ ദാസ് മുൻഷി ഇന്ന് വൈകുന്നേരത്തോടെ കേരളത്തിലെത്തുമെന്നായിരുന്നു നേരത്തെ പറഞ്ഞിരുന്നത്. മുഖ്യമന്ത്രിയുടെ പ്രഖ്യാപനം വൈകിയ സാഹചര്യത്തിലാണ് അവരുടെ കേരള സന്ദർശനം. കേരളത്തിലെ മുസ്ലീം ലീഗുമായി അവർ ചർച്ച നടത്താൻ സാധ്യതയുണ്ടെന്ന് സൂചനയുണ്ടായിരുന്നു. മുഖ്യമന്ത്രിയെക്കുറിച്ചുള്ള എല്ലാ ചർച്ചകളും പൂർത്തിയായെന്നും, കേരളത്തിന്റെ പുതിയ മുഖ്യമന്ത്രിയെ തിരുവനന്തപുരത്ത് പ്രഖ്യാപിക്കുമെന്നും വാര്‍ത്തകളുണ്ടായിരുന്നു. കെപിസിസി പ്രസിഡന്റ് സണ്ണി ജോസഫും അത് സ്ഥിരീകരിച്ചിരുന്നു. അതേസമയം, കോൺഗ്രസ് അധ്യക്ഷൻ മല്ലികാർജുൻ ഖാർഗെയും രാഹുൽ ഗാന്ധിയും ഇന്ന് വൈകുന്നേരം ഡൽഹിയിൽ ഒരു നിർണായക കൂടിക്കാഴ്ച നടത്തി. ഖാർഗെയുടെ വസതിയിൽ നടന്ന ചർച്ചയുടെ പ്രധാന അജണ്ട കേരളത്തിന്റെ…

ന്യൂഡൽഹി: കേരളത്തിന്റെ പുതിയ മുഖ്യമന്ത്രി ആരായിരിക്കുമെന്നതിനെച്ചൊല്ലി ദിവസങ്ങളായി തുടരുന്ന അനിശ്ചിതത്വം ഇന്ന് അവസാനിക്കും. ഹൈക്കമാൻഡ് ഇന്ന് തന്നെ ഔദ്യോഗിക പ്രഖ്യാപനം നടത്തുമെന്നാണ് സൂചന. ബെംഗളൂരുവിലായിരുന്ന കോൺഗ്രസ് അധ്യക്ഷൻ മല്ലികാർജുൻ ഖാർഗെയെ ഡൽഹിയിലേക്ക് അടിയന്തരമായി വിളിപ്പിച്ചതും സോണിയ ഗാന്ധി, രാഹുൽ ഗാന്ധി, എ.കെ. ആന്റണി എന്നിവർ രാത്രിയിൽ നടത്തിയ ചർച്ചകളും പ്രഖ്യാപനം ഉടനെയുണ്ടാകുമെന്നതിന്റെ വ്യക്തമായ സൂചനകളാണ്. കേരളത്തിലെ മുതിർന്ന നേതാക്കളുമായി രാഹുൽ ഗാന്ധി ഫോണിലൂടെ സംസ്ഥാനത്തെ നിലവിലെ രാഷ്ട്രീയ സാഹചര്യത്തെക്കുറിച്ച് അന്വെഷണം നടത്തി. കൂടാതെ, ​വി.ഡി. സതീശന് അനുകൂലമായ പ്രകടനങ്ങൾക്ക് പിന്നിലെ വികാരം. ​തർക്കങ്ങളില്ലാതെ മുന്നോട്ട് പോകാനുള്ള പ്രായോഗിക മാർഗങ്ങൾ എന്നീ കാര്യങ്ങളിലും വ്യക്തത തേടി. ​മുല്ലപ്പള്ളി രാമചന്ദ്രനുമായി ഫോണിൽ സംസാരിച്ച രാഹുൽ, ഡൽഹിയിലെത്തിയ വി.എം. സുധീരൻ, കെ. മുരളീധരൻ, കെ. സുധാകരൻ എന്നിവരുമായി വ്യക്തിപരമായ കൂടിക്കാഴ്ചകൾ നടത്തി. മുഖ്യമന്ത്രി സ്ഥാനത്തെക്കുറിച്ച് ഗ്രൂപ്പുകൾക്കപ്പുറമുള്ള ചർച്ചകൾ നടന്നു. മിക്ക നേതാക്കളും…

വയനാട്: കേരള മുഖ്യമന്ത്രിയെച്ചൊല്ലിയുള്ള തർക്കം രൂക്ഷമാകുന്നതിനിടെ, രാഹുൽ ഗാന്ധിക്കും പ്രിയങ്ക ഗാന്ധിക്കുമെതിരെ വയനാട്ടിൽ പോസ്റ്റർ പ്രതിഷേധം. വയനാട് ഡിസിസി ഓഫീസിന് സമീപമാണ് ഇംഗ്ലീഷിൽ എഴുതിയ പോസ്റ്ററുകൾ പതിച്ചിരിക്കുന്നത്. കെ.സി. വേണുഗോപാലിനെ പിന്തുണച്ചാൽ കേരളത്തിലെ ജനങ്ങൾ ഒരിക്കലും നിങ്ങള്‍ക്ക് മാപ്പ് തരില്ലെന്നും, വയനാട് മറ്റൊരു അമേഠിയായി മാറിയേക്കാമെന്നുമാണ് പോസ്റ്ററുകളിൽ എഴുതിയിരുന്നത്. കെ.സി. വേണുഗോപാലിനെ മുഖ്യമന്ത്രിയായി തിരഞ്ഞെടുക്കാൻ ഹൈക്കമാൻഡ് തീരുമാനിച്ചാൽ പ്രതിഷേധം ശക്തമാക്കുമെന്ന് പോസ്റ്ററുകളില്‍ മുന്നറിയിപ്പ് നൽകുന്നുണ്ട്. കെ.സി. വേണുഗോപാൽ രാഹുൽ ഗാന്ധിയുടെ ലഗേജ് കാരിയറാണെന്ന് പോസ്റ്ററുകളിൽ പറയുന്നു. രാഹുലിനും പ്രിയങ്കയ്ക്കും വയനാടിനെ മറക്കാൻ കഴിയുമോ എന്നും അവർ വീണ്ടും അവിടെ വിജയിക്കില്ലെന്നും പോസ്റ്ററുകളിൽ പറയുന്നു. കോൺഗ്രസ് പാർട്ടിക്കുള്ളിലെ ഗ്രൂപ്പ് തർക്കങ്ങൾ തെരുവിലേക്ക് വലിച്ചിഴക്കപ്പെടുന്നതിന്റെ സൂചനയായാണ് രാഷ്ട്രീയ കേന്ദ്രങ്ങൾ ഈ പോസ്റ്ററുകളെ കാണുന്നത്. കോൺഗ്രസ് നേതൃത്വത്തെയും ഗാന്ധി കുടുംബത്തെയും നേരിട്ട് ലക്ഷ്യമിട്ടാണ് വയനാട് ഡിസിസി ഓഫിസിനു മുന്നിൽ അജ്ഞാതർ പോസ്റ്റർ…