Year: 2026

ഒഹായോ:വരാനിരിക്കുന്ന ഒഹായോ ഗവർണർ തിരഞ്ഞെടുപ്പിൽ മത്സരിക്കുന്ന വിവേക് രാമസ്വാമിയുടെ പ്രചാരണത്തിനായി ശതകോടീശ്വരൻ ഇലോൺ മസ്ക് 5 മില്യൺ ഡോളർ സംഭാവന നൽകി. രാമസ്വാമിയെ പിന്തുണയ്ക്കുന്ന വി-പാക് (V-PAC) എന്ന സൂപ്പർ പാക്ക് വഴിയാണ് മെയ് മാസത്തിൽ ഈ തുക കൈമാറിയത്. മുമ്പ് ഡോണൾഡ് ട്രംപിന്റെ ‘ഡിപ്പാർട്ട്‌മെന്റ് ഓഫ് ഗവൺമെന്റ് എഫിഷ്യൻസി’യുടെ (DOGE) നേതൃത്വവുമായി ബന്ധപ്പെട്ട് ഇരുവരും തമ്മിൽ അഭിപ്രായവ്യത്യാസങ്ങൾ ഉണ്ടായിരുന്നു. എന്നാൽ ഈ പ്രശ്നങ്ങളെല്ലാം പരിഹരിച്ചാണ് മസ്ക് ഇപ്പോൾ രാമസ്വാമിക്ക് വൻ തുക നൽകി പിന്തുണ പ്രഖ്യാപിച്ചിരിക്കുന്നത്. ഡെമോക്രാറ്റിക് സ്ഥാനാർത്ഥിയായ ആമി ആക്ടനെതിരെയാണ് റിപ്പബ്ലിക്കൻ സ്ഥാനാർത്ഥിയായ രാമസ്വാമി മത്സരിക്കുന്നത്. സ്വന്തം പ്രചാരണത്തിനായി രാമസ്വാമി ഇതിനോടകം 25 മില്യൺ ഡോളർ സ്വന്തം നിലയിൽ ചിലവഴിച്ചിട്ടുണ്ട്. വാൾസ്ട്രീറ്റ് നിക്ഷേപകരായ ജെഫ് യാസ് (20 മില്യൺ ഡോളർ), ബിൽ ആക്‌മാൻ (1 മില്യൺ ഡോളർ) എന്നിവരും രാമസ്വാമിയുടെ പ്രചാരണത്തിനായി വൻ തുകകൾ…

ഫ്ലോറിഡ :അസഹനീയമായ ചൂടിൽ 13 വയസ്സുകാരിയായ സ്വന്തം മകളെ ചങ്ങലയിൽ കെട്ടിയിട്ട് പട്ടിണിക്കിട്ട ഫ്ലോറിഡ സ്വദേശിയായ അമ്മ അറസ്റ്റിൽ. യഷിര മേരി മാൽഡൊനാഡോ (34) എന്ന സ്ത്രീയാണ് ചൈൽഡ് അബ്യൂസ് (കുട്ടികൾക്കെതിരെയുള്ള ക്രൂരത), കുട്ടിയെ അവഗണിക്കൽ എന്നീ കുറ്റങ്ങൾ ചുമത്തപ്പെട്ട് പിടിയിലായത്. ഫ്ലോറിഡയിലെ ഹിയാലിയയിലുള്ള പെൺകുട്ടിയുടെ മുത്തശ്ശിയുടെ വീടിന് പുറത്താണ് സംഭവം നടന്നത്. കുട്ടിയുടെ അരയിൽ ഇരുമ്പ് ചങ്ങല ചുറ്റി വേലിയിൽ ബന്ധിച്ച ശേഷം യഷിര കാറോടിച്ച് പോവുകയായിരുന്നു. 93 ഡിഗ്രി ഫാരൻഹീറ്റിലധികം (ഏകദേശം 34 ഡിഗ്രി സെൽഷ്യസ്) ചൂടുണ്ടായിരുന്ന സമയത്ത്, തണലോ ഭക്ഷണമോ വെള്ളമോ നൽകാതെയാണ് കുട്ടിയെ വെയിലത്ത് നിർത്തിയിരുന്നത്. അയൽപക്കത്തെ റിംഗ് ക്യാമറ ദൃശ്യങ്ങളിൽ നിന്നാണ് അമ്മ കുട്ടിയെ കെട്ടിയിടുന്ന ദൃശ്യങ്ങൾ പോലീസിന് ലഭിച്ചത്. കുട്ടിയെ രക്ഷിക്കാൻ മുത്തശ്ശി ശ്രമിച്ചെങ്കിലും സാധിച്ചില്ല. തുടർന്ന് കുട്ടിയുടെ പിതാവ് വിവരമറിഞ്ഞ് പോലീസിനെ അറിയിക്കുകയായിരുന്നു. കുട്ടിയെ നോക്കുന്നതിൽ നിന്ന്…

യുകെയിലെ പീറ്റർബറോയിൽ ഉഗാണ്ടൻ ഹിന്ദു അഭയാർത്ഥികൾ സ്ഥാപിച്ച 40 വർഷം പഴക്കമുള്ള ക്ഷേത്ര സമുച്ചയം പ്രാദേശിക കൗൺസിൽ ഒരു ഇസ്ലാമിക സംഘടനയ്ക്ക് വിറ്റതിനെതിരെ ഹിന്ദു സമൂഹം കോടതിയെ സമീപിച്ചു. യുകെയിലെ പീറ്റർബറോയിലുള്ള 40 വർഷം പഴക്കമുള്ള ഭാരത് ഹിന്ദു സമാജ് (ബിഎച്ച്എസ്) ക്ഷേത്രം പ്രതിസന്ധി നേരിടുന്നു. 1972 ൽ ഉഗാണ്ടൻ ഏകാധിപതി ഇദി അമീൻ പുറത്താക്കിയ ഇന്ത്യൻ അഭയാർത്ഥികൾ സ്ഥാപിച്ച ഈ ക്ഷേത്രം 1986 മുതൽ ന്യൂ ഇംഗ്ലണ്ട് കോംപ്ലക്സിലാണ് പ്രവർത്തിക്കുന്നത്. ലേബർ പാർട്ടിയുടെ നേതൃത്വത്തിലുള്ള പീറ്റർബറോ സിറ്റി കൗൺസിൽ, തങ്ങളുടെ വൻ കടങ്ങൾ വീട്ടുന്നതിനായി യുണൈറ്റഡ് കിംഗ്ഡം ഇസ്ലാമിക് മിഷനുമായി (യുകെഐഎം) അഫിലിയേറ്റ് ചെയ്തിട്ടുള്ള ഖദീജ പള്ളിക്ക് മുഴുവൻ സമുച്ചയവും വിറ്റു. ഈ തീരുമാനം പ്രാദേശിക ഹിന്ദു സമൂഹത്തിൽ വ്യാപകമായ പ്രതിഷേധത്തിന് കാരണമായി. ക്ഷേത്ര സമുച്ചയം വാങ്ങുന്നതിനായി കൗൺസിലിന് 1.3 മില്യൺ പൗണ്ട് ഓഫർ സമർപ്പിച്ചതായി…

യു എസ് ടിയുടെ മികച്ച നേതൃത്വ പാടവം, നൂതന ആശയങ്ങൾ നടപ്പാക്കുന്നതിലെ മികവ്, പഠന-പരിശീലന രംഗത്തെ മുന്നേറ്റങ്ങൾ എന്നിവയ്ക്കുള്ള അംഗീകാരമാണ് സ്ഥാപന, വ്യക്തിഗത തലങ്ങളിലായി ലഭിച്ച ഏഴ് പുരസ്കാരങ്ങൾ. തിരുവനന്തപുരം: രാജ്യത്തെ മുൻ നിര പുരസ്കാരങ്ങളായ ഇ.ടി. എച്ഛ് ആർ വേൾഡ് ഫ്യൂച്ചർ സ്‌കിൽസ് അവാർഡ്‌സ് 2026-ൽ മുൻനിര എഐ, ഡിജിറ്റൽ ട്രാൻസ്ഫർമേഷൻ സൊല്യൂഷൻസ് കമ്പനിയായ യു എസ് ടി ഏഴു പുരസ്‌കാരങ്ങൾ സ്വന്തമാക്കി. കമ്പനി-തലത്തിലും വ്യക്തിഗത തലത്തിലും ഉൾപ്പെടെ ഏഴ് പുരസ്‌കാരങ്ങളാണ് യു എസ് ടിക്ക് സമ്മാനിച്ചത്. വിവിധ നേതൃവിഭാഗങ്ങളെ ഉൾക്കൊളളിച്ചുകൊണ്ടുള്ള ഈ അംഗീകാരം, ഭാവിയിലേക്ക് സജ്ജമായ പ്രതിഭകളെ വളർത്താനും ഉപഭോക്തൃ മൂല്യം വർധിപ്പിക്കുന്ന കഴിവുകൾ തുടർച്ചയായി ശക്തിപ്പെടുത്താനുമുള്ള കമ്പനിയുടെ പ്രതിബദ്ധതയ്ക്കുള്ള അംഗീകാരമാണ്. മാനവശേഷി വികസനവും പഠനപ്രവർത്തനങ്ങളും വഴി വ്യക്തികളെ ശാക്തീകരിക്കുകയും, ഭാവി മുന്നിൽക്കണ്ട് കൊണ്ടുള്ള കഴിവുകൾ രൂപപ്പെടുത്തുകയും, നാളെയുടെ തൊഴിലിടങ്ങളെ ശക്തമാക്കുകയും ചെയ്യുന്ന സ്ഥാപനങ്ങളെ…