Month: April 2026

ഡാളസ്: ഇന്ത്യൻ അമേരിക്കൻ നഴ്‌സസ് അസോസിയേഷൻ ഓഫ് നോർത്ത് ടെക്സസ് (IANANT) ആതിഥേയത്വം വഹിക്കുന്ന ദ്വിവാർഷിക സമ്മേളനം 2026 ഒക്ടോബർ 1 മുതൽ 3 വരെ ഫോർ പോയിന്റു ബൈ ഷെറാട്ടൺ, DFW എയർപോർട്ട് നോർത്ത്, കോപ്പേൽ ടെസ്സസിൽ വെച്ചു നടത്തുന്നു. “നഴ്‌സിംഗിന്റെ ശക്തി: മികവ്, പ്രതിരോധശേഷി, നവീകരണം എന്നിവയിലൂടെ ഭാവിയെ നയിക്കുക” എന്നത് ഒരു പ്രമേയമായി സമ്മേളനത്തിൽ അവതരിപ്പിക്കുന്നു. കൂടാതെ ഇന്ററാക്ടീവ് വർക്ക്‌ഷോപ്പുകളും നൈപുണ്യ വികസന സെഷനുകളും ക്രമീകരിച്ചുണ്ട്. ആതുര സേവന രംഗത്തെ സംഘടനയെന്ന നിലയിൽ ഈ ദേശീയ പരിപാടി 200 ലധികം നഴ്‌സുമാരെയും ആരോഗ്യ സംരക്ഷണ നേതാക്കളെയും ഒരുമിക്കുന്നതായിരിക്കും. ക്ലിനീഷ്യൻമാർ, അഡ്വാൻസ്ഡ് പ്രാക്ടീസ് പ്രൊവൈഡർമാർ, അധ്യാപകർ, ഗവേഷകർ, നൂതനാശയക്കാർ എന്നിവരുൾപ്പെടെ അമേരിക്കയിലും പുറത്തുമുള്ള നിരവധി പ്രഗ്ൽഭർ ഈ നാഴികക്കല്ലായ ദേശീയ പരിപാടിയിൽ പങ്കെടുക്കുമെന്ന് ” നൈന “ന്റെ യും “ഐനന്റ് “ന്റെ യും ഭാരവാഹികൾ…

മനുഷ്യർക്ക് അതീവ അപകടകാരിയായേക്കാം എന്ന മുന്നറിയിപ്പോടെ തങ്ങളുടെ പുതിയ AI മോഡലായ ‘മിത്തോസ്’ (Mythos) പുറത്തുവിടുന്നത് ആന്ത്രോപിക് (Anthropic) തടഞ്ഞു. പവർ പ്ലാന്റുകൾ, ആശുപത്രികൾ, ഇലക്ട്രിക്കൽ ഗ്രിഡുകൾ തുടങ്ങിയ നിർണ്ണായക സംവിധാനങ്ങൾ ഹാക്ക് ചെയ്യാൻ ഈ മോഡലിന് ശേഷിയുണ്ടെന്ന് കണ്ടെത്തിയതിനെത്തുടർന്നാണിത്. സോഫ്റ്റ്‌വെയറുകളിലെ തകരാറുകൾ കണ്ടെത്താനും അവ ദുരുപയോഗം ചെയ്യാനും ഏറ്റവും മികച്ച മനുഷ്യ ഹാക്കർമാരെക്കാൾ വേഗത്തിൽ ഈ AI-ക്ക് സാധിക്കും. പൊതുജനങ്ങൾക്ക് ലഭ്യമാക്കുന്നതിന് പകരം, സുരക്ഷാ പരിശോധനകൾക്കായി ഗൂഗിൾ, ആമസോൺ, ആപ്പിൾ തുടങ്ങി 40-ഓളം പ്രമുഖ കമ്പനികൾക്ക് മാത്രമായി ഈ മോഡൽ കൈമാറും. സാങ്കേതിക മുന്നേറ്റം രാജ്യങ്ങളുടെ സുരക്ഷയെയും ആഗോള സാമ്പത്തിക വ്യവസ്ഥയെയും തകിടം മറിക്കുമോ എന്ന ഭീതിയിലാണ് വിദഗ്ധർ. അറിവ് വർദ്ധിക്കുന്ന ഈ കാലഘട്ടത്തിൽ, സാങ്കേതികവിദ്യയും അപകടസാധ്യതയും തമ്മിലുള്ള ദൂരം കുറയുന്നതിന്റെ സൂചനയാണിതെന്ന് റിപ്പോർട്ടുകൾ ചൂണ്ടിക്കാട്ടുന്നു.

പൊള്ളാച്ചി: പൊള്ളാച്ചിയിൽ വാഹനാപകടത്തിൽ ഒരേ സ്കൂളിലെ അദ്ധ്യാപകരടക്കം ഒന്‍പത് പേര്‍ മരിച്ചു. വാൽപ്പാറയിലെ പതിമൂന്നാം വളവില്‍ ഇവര്‍ സഞ്ചരിച്ചിരുന്ന ട്രാവലര്‍ ഗാർഡ് റെയിലിൽ ഇടിച്ച് 800 അടി താഴ്ചയുള്ള കൊക്കയിലേക്ക് മറിഞ്ഞാണ് അപകടം. മലപ്പുറം ജില്ലയിലെ പാങ്ങ് പള്ളിപ്പറമ്പ് സ്കൂളിൽ നിന്ന് വിനോദയാത്രയ്ക്ക് പോയ സംഘമാണ് അപകടത്തിൽപ്പെട്ടത്. എട്ട് പേർക്ക് ഗുരുതരമായി പരിക്കേറ്റിട്ടുണ്ടെന്നും, മരണസംഖ്യ ഉയരാൻ സാധ്യതയുണ്ടെന്നുമാണ് റിപ്പോർട്ട്. മരിച്ചവരിൽ ഏഴ് പേർ സ്ത്രീകളാണ്. വാഹനം പൂർണ്ണമായും തകർന്നു. അദ്ധ്യാപകരോടൊപ്പം അവരിൽ ചിലരുടെ കുടുംബാംഗങ്ങളും ഉണ്ടായിരുന്നു. മലപ്പുറം ജില്ലയിൽ നിന്നുള്ള 16 പേരടങ്ങുന്ന സംഘം കഴിഞ്ഞ ദിവസമാണ് വാൽപ്പാറയിലെത്തിയത്. അവിടത്തെ കാഴ്ചകള്‍ കണ്ട് ഇന്ന് വൈകുന്നേരം പൊള്ളാച്ചി വഴി കേരളത്തിലേക്ക് മടങ്ങുകയായിരുന്നു. വാൽപ്പാറ മലയോര റോഡിലെ 13-ാം നമ്പർ കൊണ്ടൈ ആയു വളവിലെത്തിയപ്പോള്‍ ഡ്രൈവർക്ക് വാനിന്റെ നിയന്ത്രണം നഷ്ടപ്പെട്ടു. തുടര്‍ന്ന് ഗാര്‍ഡ് റെയിലില്‍ ഇടിച്ച് വനമേഖലയിലെ 800…

കണ്ണൂർ: അഞ്ചരക്കണ്ടി ഡെന്റൽ കോളേജ് വിദ്യാർത്ഥിയായ നിതിൻ രാജിന്റെ മരണത്തിൽ, വിദ്യാർത്ഥികളുടെ മാതാപിതാക്കൾ ഡോ. റാമിനെതിരെ രംഗത്തെത്തി. ഡോ. റാം വിദ്യാർത്ഥികളോട് വളരെ മോശമായാണ് പെരുമാറിയിരുന്നതെന്ന് ഒരു രക്ഷിതാവ് പ്രതികരിച്ചു. മകളെ സ്റ്റാഫ് റൂമിൽ വെച്ച് അദ്ദേഹം ഒരു വേസ്റ്റ് എന്ന് വിളിച്ചത് മറ്റ് അദ്ധ്യാപകർ പ്രതികരിക്കാതെ കേട്ടു നില്‍ക്കുകയായിരുന്നു എന്ന് അദ്ദേഹം പറഞ്ഞു. സഹ അദ്ധ്യാപകരെക്കൊണ്ട് വിദ്യാർത്ഥികളെ അശ്ലീല ഭാഷയില്‍ ചീത്ത വിളിപ്പിച്ചു. ക്ലാസ്സിൽ റാം വളരെ മോശം ഭാഷയിലാണ് സംസാരിക്കാറ്. നിതിൻ രാജിന്റെ മരണം യഥാർത്ഥത്തിൽ ഒരു കൊലപാതകമാണ്. നിലവിലെ അന്വേഷണത്തിൽ വിശ്വാസമില്ല. കേസ് ഒരു സ്വതന്ത്ര ഏജൻസി അന്വേഷിക്കണം. നിതിന്റെ കുടുംബം ഉന്നയിക്കുന്ന ആരോപണങ്ങൾ 100 ശതമാനം സത്യമാണ്. ഡോ. റാമിനെ പുറത്താക്കണം. നിയമനടപടി സ്വീകരിച്ചാൽ നിതിന്റെ കുടുംബത്തോടൊപ്പം നിൽക്കുമെന്നും മാതാപിതാക്കൾ വ്യക്തമാക്കി. അതേസമയം, നിതിൻ രാജിന്റെ മരണത്തിൽ ഡിവൈഎഫ്‌ഐ ശക്തമായി പ്രതിഷേധിച്ചു.…

പാക്കിസ്താനിലെ ഖൈബർ പഖ്തൂൺഖ്വ പ്രവിശ്യയിലെ ഹരിപൂർ ജില്ലയിൽ ഗ്യാസ് പൈപ്പ്‌ലൈന്‍ പൊട്ടിത്തെറിച്ച് എട്ട് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. സ്ഫോടനത്തിൽ വന്‍ തീപിടുത്തമുണ്ടായത് രക്ഷാപ്രവർത്തനങ്ങളെ സങ്കീർണ്ണമാക്കി. കറാച്ചി: പാക്കിസ്താനിലെ ഖൈബർ പഖ്തൂൺഖ്വ പ്രവിശ്യയിൽ ഹരിപൂർ ജില്ലയിലെ ഹത്തർ ഇൻഡസ്ട്രിയൽ എസ്റ്റേറ്റിലെ ഒരു ഗ്യാസ് പൈപ്പ്‌ലൈൻ പൊട്ടിത്തെറിച്ചു. സ്ഫോടനം വളരെ ശക്തമായിരുന്നതിനാൽ ചുറ്റുമുള്ള പ്രദേശത്തേക്ക് തീ അതിവേഗം പടർന്നു. അപകടത്തിൽ കുറഞ്ഞത് എട്ട് പേർ മരിച്ചതായും, മറ്റ് നിരവധി പേർക്ക് ഗുരുതരമായി പരിക്കേറ്റതായും അധികൃതര്‍ പറാഞ്ഞു. ഗ്രാൻഡ് ട്രങ്ക് റോഡിന് സമീപമുള്ള ഹത്തർ ഇൻഡസ്ട്രിയൽ എസ്റ്റേറ്റിലെ ഒരു ഫാക്ടറിക്ക് സമീപമാണ് സ്ഫോടനം ഉണ്ടായത്. തീജ്വാലകൾ വളരെ ശക്തമായിരുന്നതിനാൽ സമീപത്തുള്ള ഒരു വീടിനും തീപിടിച്ചു. തീ അണയ്ക്കുന്നതും ആളുകളെ രക്ഷിക്കുന്നതും വളരെ ബുദ്ധിമുട്ടാണെന്ന് റെസ്‌ക്യൂ 1122 ടീം റിപ്പോർട്ട് ചെയ്തു. നിരവധി സ്ത്രീകളും കുട്ടികളും അപകടത്തിൽ കുടുങ്ങി.…