Year: 2024

ഡാളസ്: പാസ്റ്റർ സാം മാത്യു (66) ഡാളസ്സിൽ അന്തരിച്ചു.ഏഴംകുളം കുഴിഞ്ഞ വിളയിൽ കുടുംബാംഗമാണ് .ഇന്ത്യ പെന്തക്കോസ്ത് ദൈവസഭ അടൂർ വെസ്റ്റ് ശുശ്രൂഷകൻ, അടൂർ വെസ്റ്റ് സെൻ്ററിൽ പുതുമല, തെങ്ങമം, തേപ്പുപ്പാറ, മണക്കാല, കിഴക്കുപുറം, പനന്തോപ്പ്, പള്ളിക്കൽ എന്നിവടങ്ങളിലും, ബാംഗ്ളൂർ മതിക്കര, ഡാളസ് സയോൺ ചർച്ച് എന്നീ സഭകളിലും ദൈവീക ശുശ്രൂഷയിൽ ആയിരുന്നിട്ടുണ്ട്.നിലവിൽ ഡാളസ് ഇർവിംഗിലുള്ള ഇന്ത്യാ പെന്തകോസ്തൽ അസംബ്ലിയുടെ (IPA) യുടെ അംഗമായിരുന്നു. പുനലൂർ നരിക്കൽ മുപ്പിരത്ത് വീട്ടിൽ ലീലാമ്മയാണ് സഹധർമ്മിണി . മക്കൾ: റെജി, റോയി, റീന. സംസ്കാര ശുശ്രൂഷകൾ സെപ്റ്റംബർ 2 തിങ്കളാഴ്ച രാവിലെ 9 ന് മെസ്കിറ്റിലുള്ള ശാരോൻ ഫെലോഷിപ്പ് സഭാ മന്ദിരത്തിൽ (940 Barnes Bridge Rd, Mesquite, TX 75150) ആരംഭിക്കുകയും 1:30 യോടെ ലേക്ക് വ്യൂ സെമിത്തേരിയിൽ (2343 Lake Rd, Lavon, TX 75166) ഭൗതിക ശരീരം…

നെടുമ്പന : മനുഷ്യ മനഃസ്സാക്ഷിയെ നടുക്കിയ വയനാട് പ്രകൃതി ദുരന്ത ഭൂമിയിൽ സ്‌തുതൃർഹമായ സേവനം നൽകിയ നവജീവൻ അഭയ കേന്ദ്രം വെൽഫെയർ ഓഫീസർ എ. ഷാജിമുവിന് പി.സി വിഷ്‌ണുനാഥ്‌ എംഎൽഎ സ്നേഹാദരം നൽകി ഉത്‌ഘാടനം ചെയ്‌തു. “നമ്മളൊക്കെ വെട്ടി പിടിക്കുന്നതിന് ഒരു അർത്ഥവുമില്ല. ആളുകളെല്ലാം കിട്ടിയിട്ടും കിട്ടിയിട്ടും മതിവരാതെ പരക്കം പാച്ചിലാണ്. ഒറ്റ നിമിഷം കൊണ്ട് അവസാനിക്കുന്നതാണ് ഇതെല്ലാം. കേരള ചരിത്രത്തിലെ ഏറ്റവും വലിയ പ്രകൃതി ദുരന്തമായിരുന്നു വയനാട്ടിലേത്. എത്ര ആദരിച്ചാലും മതിവരാത്ത മനുഷ്യത്വത്തിന്റെ വലിയ പ്രവർത്തിയാണ് നിർവഹിച്ചത്” എന്ന് അദ്ദേഹം പറഞ്ഞു. നവജീവൻ മാനേജർ ടി എം ഷെരീഫ് അദ്ധ്യക്ഷത വഹിച്ച പരിപാടിയിൽ സെക്രട്ടറി ബുഹാരി സ്വാഗതവും, നെടുമ്പന ഗ്രാമപഞ്ചായത്ത്‌ പ്രസിഡന്റ് ശ്രീമതി ഗിരിജകുമാരി, അനീഷ് യുസുഫ്, പ്രൊഫ. ഹസീന, കൊല്ലം ഇസ്‌ലാമിയ കോളേജ് പ്രിൻസിപ്പാൾ റാഫി വടുതല എന്നിവർ ആശംസകൾ അറിയിച്ചു സംസാരിച്ചു. സ്നേഹാദരവ്…

മലയാള സിനിമ, അപരിഹാര്യവും അതിഗുരുതരവുമായ പ്രതിസന്ധി നേരിട്ടുകൊണ്ടിരിക്കുന്ന ഈ അവസരത്തിൽ, സിനിമാ വ്യവസായത്തെ സർക്കാർ ഏറ്റെടുക്കണമെന്നും നിർമ്മാണം ഉൾപ്പടെയുള്ള എല്ലാ പ്രവർത്തനങ്ങളും സർക്കാർ തലത്തിൽ നടത്തണമെന്നും ചലച്ചിത്ര സംവിധായകൻ സതീഷ് കളത്തിൽ ഫേസ് ബുക്കിലൂടെ ആവശ്യപ്പെട്ടു. ഭാഗികമായിട്ടാണെങ്കിലും, മദ്യവ്യവസായം ഏറ്റെടുത്തതുപോലെ, സിനിമാ വ്യവസായവും ഏറ്റെടുക്കാൻ തയ്യാറായാൽ, ആ വരുമാനം ഈ മേഖലയിലെ താഴെത്തട്ടിലുള്ള കലാകാരന്മാരുടെ ക്ഷേമപ്രവർത്തനങ്ങൾക്കും ഇതര മേഖലകളിലെ വികസനത്തിനുംമറ്റും ഉപകരപ്രദമാക്കാം. പങ്കാളിത്ത വ്യവസ്ഥയോടെ നിർമ്മാതാക്കളെ കാൾ ഫോർ ചെയ്തും സിനിമ നിർമ്മിക്കാവുന്നതാണ്. സംവിധായകർ, അഭിനേതാക്കൾ തുടങ്ങി, സിനിമയുമായി ബന്ധപ്പെട്ട എല്ലാ വിഭാഗം ക്രൂവിനും അവരവരുടെ തൊഴിലിന്റെ അടിസ്ഥാനത്തിലുള്ള വേതനം സർക്കാർ നിശ്ചയിച്ച് നല്കണം. അതുവഴി, സിനിമയിലൂടെ തങ്ങളുടെ കഴിവ് തെളിയിക്കാനും അതിൽ തൊഴിലെടുത്തു ജീവിക്കാൻ അവസരം ലഭിക്കാതെ പോകുന്ന അർഹരായ സിനിമാ പ്രവർത്തകർക്ക് അവസരം ലഭിക്കാനും സാഹചര്യമുണ്ടാകും. ഒരു നിർമ്മാതാവിനെ തേടിയോ താരങ്ങളുടെ കോൾ ഷീറ്റുകൾക്കോ…

കൊച്ചി: ഉരുൾപൊട്ടലിൻ്റെ പശ്ചാത്തലത്തിൽ ദുരിതാശ്വാസ ക്യാമ്പുകളിൽ കഴിയുന്നവർക്ക് താമസിക്കാൻ മുറികൾ അനുവദിക്കണമെന്ന് വയനാട്ടിലെ ഹോസ്റ്റലുകളുടെയും റിസോർട്ടുകളുടെയും ഉടമകളോട് അഭ്യർത്ഥിക്കണമെന്ന് കേരള ഹൈക്കോടതി ഡിവിഷൻ ബെഞ്ച് വെള്ളിയാഴ്ച സംസ്ഥാന സർക്കാരിനോട് ആവശ്യപ്പെട്ടു. ഒരാഴ്ചക്കകം അവരെ ക്യാമ്പുകളിൽ നിന്ന് മാറ്റണമെന്നും നിര്‍ദ്ദേശിച്ചു. ജസ്‌റ്റിസ് എ കെ ജയശങ്കരൻ നമ്പ്യാർ, ജസ്‌റ്റിസ് ശ്യാം കുമാർ വിഎം എന്നിവരടങ്ങിയ ബെഞ്ചാണ് ഒരാഴ്ചയ്‌ക്കകം പുനരധിവസിപ്പിക്കണമെന്ന് സംസ്ഥാന സർക്കാരിനോട് ആവശ്യപ്പെട്ടത്. വയനാട് ഉരുൾപൊട്ടലിനെത്തുടർന്ന് രജിസ്റ്റർ ചെയ്ത പ്രകൃതി ദുരന്തങ്ങൾ തടയുന്നതിനും കൈകാര്യം ചെയ്യുന്നതിനും സ്വമേധയാ കേസെടുത്തപ്പോഴാണ് കോടതി വാക്കാൽ നിരീക്ഷണം നടത്തിയത്. ഉരുൾപൊട്ടൽ നടന്നിട്ട് ഒരു മാസമായെന്നും ദുരിതബാധിതരെ ദുരിതാശ്വാസ ക്യാമ്പുകളിൽ താമസിക്കാൻ അനുവദിക്കുന്നത് ശരിയല്ലെന്നും ബെഞ്ച് ചൂണ്ടിക്കാട്ടി. ചിലർ മാറിത്താമസിക്കാൻ മടിച്ചെങ്കിൽ അതിനുള്ള കാരണം സർക്കാർ കണ്ടെത്തണം. ക്യാമ്പുകളിൽ കഴിയുന്നവരെ എത്രയും വേഗം സർക്കാർ പുനരധിവസിപ്പിക്കണം. മതിയായ താമസ സൗകര്യം ഇല്ലെങ്കിൽ, വയനാട്ടിൽ ധാരാളമുള്ള…

കൊച്ചി: സമൂഹത്തിന് മുന്നിൽ ഒരാളെ വ്യക്തിഹത്യ നടത്തുന്ന തരത്തിലാകരുത് വെളിപ്പെടുത്തലെന്ന് നടി രേവതി. മലയാള സിനിമാ മേഖലയിൽ നടക്കുന്നത് മീ ടൂ വെളിപ്പെടുത്തലുകളല്ല, അതിനപ്പുറം വളർന്നുവെന്നും വരും തലമുറയ്ക്ക് സുരക്ഷിതമായ തൊഴിലിടം ഉറപ്പാക്കാനുള്ള പോരാട്ടമാണ് ഇപ്പോൾ നടക്കുന്നതെന്നും രേവതി പറഞ്ഞു. അതേസമയം, സംവിധായകൻ രഞ്ജിത്ത് തനിക്ക് യുവാവിൻ്റെ നഗ്നചിത്രങ്ങൾ അയച്ചുകൊടുത്തുവെന്ന ആരോപണം നിഷേധിച്ച രേവതി, തനിക്ക് അത്തരത്തിലുള്ള ചിത്രങ്ങളൊന്നും ലഭിച്ചിട്ടില്ലെന്നും അതിനാൽ ഇക്കാര്യത്തിൽ അഭിപ്രായം പറയേണ്ടതില്ലെന്നും വ്യക്തമാക്കി. ഹേമ കമ്മറ്റി റിപ്പോർട്ടിൽ പകുതിയും ലൈംഗികചൂഷണത്തെ കുറിച്ചുള്ളതാണെങ്കിൽ ബാക്കി പകുതി വ്യവസായത്തിലെ മറ്റ് വിഷയങ്ങളാണെന്നും ലൈംഗികചൂഷണം ചർച്ച ചെയ്യേണ്ട ഗൗരവമുള്ള വിഷയമാണെന്നും രേവതി പറഞ്ഞു. ഹേമ കമ്മിറ്റി നിർദ്ദേശങ്ങൾ നടപ്പിലാക്കണമെന്ന് പറഞ്ഞ താരം സുരക്ഷിതമായ തൊഴിലിടം എന്നതിന് പുറമേ തുല്യ വേതനം കൂടി നൽകുന്ന ഒരു ഇടമായി സിനിമ മേഖലയെ മാറ്റാനാണ് ശ്രമിക്കുന്നത് എന്നും പറഞ്ഞു. രാജിവെച്ച് സ്വന്തം…

ധാക്ക: ബംഗ്ലാദേശിൻ്റെ മുൻ പ്രധാനമന്ത്രി ഷെയ്ഖ് ഹസീന നേരിടുന്ന നിയമപരമായ വെല്ലുവിളികൾ നിർണായക ഘട്ടത്തിലെത്തി, അവർക്കെതിരായ കേസുകളുടെ എണ്ണം 100 കവിഞ്ഞു. ഈ കേസുകളിൽ കൊലപാതകം, മനുഷ്യത്വത്തിനെതിരായ കുറ്റകൃത്യങ്ങൾ എന്നിവയുൾപ്പെടെയുള്ള ഗുരുതരമായ കുറ്റാരോപണങ്ങൾ ഉൾപ്പെടുന്നു. ഇത് അവരെ അധികാരത്തിൽ നിന്ന് പുറത്താക്കിയതിനെത്തുടര്‍ന്നുള്ള നിയമ നടപടികളിൽ ഗണ്യമായ വർദ്ധനവ് രേഖപ്പെടുത്തുന്നു. 2024 ഓഗസ്റ്റ് 5 ന് ബംഗ്ലാദേശ് അവാമി ലീഗിൻ്റെ നേതൃത്വത്തിലുള്ള അവരുടെ സർക്കാർ അട്ടിമറിക്കപ്പെട്ടതിന് തൊട്ടുപിന്നാലെ, വിദ്യാർത്ഥികളുടെ നേതൃത്വത്തിലുള്ള വൻ പ്രതിഷേധങ്ങൾക്കിടയിൽ ഷെയ്ഖ് ഹസീനയുടെ രാഷ്ട്രീയ പ്രശ്‌നങ്ങൾ ആരംഭിച്ചു. ദിവസങ്ങൾക്കുശേഷം ഓഗസ്റ്റ് 13-ന് ധാക്കയിൽ വച്ചാണ് അവർക്കെതിരെ ആദ്യ കേസ് ഫയൽ ചെയ്തത്. ഏറ്റവും പുതിയത് ഓഗസ്റ്റ് 29 ന് ഇൻ്റർനാഷണൽ ക്രൈം ട്രിബ്യൂണലിൽ രജിസ്റ്റർ ചെയ്തു. നൂറാമത്തെ കേസായി ഇത് അടയാളപ്പെടുത്തുന്നു. ഹസീനയ്‌ക്കെതിരായ കേസുകളിൽ അവർക്കെതിരെ മാത്രമല്ല, നിരവധി മുൻ മന്ത്രിമാർ, പാർലമെൻ്റ് അംഗങ്ങൾ, മാധ്യമ…

കൊച്ചി: ജൂനിയർ ആർട്ടിസ്റ്റ് നൽകിയ പരാതിയില്‍ സംവിധായകൻ ശ്രീകുമാർ മേനോനെതിരെ മരട് പൊലീസ് കേസെടുത്തു. ഐപിസി സെക്‌ഷന്‍ 354 (സ്ത്രീകളുടെ എളിമയെ പ്രകോപിപ്പിക്കുക എന്ന ഉദ്ദേശത്തോടെയുള്ള ആക്രമണം അല്ലെങ്കിൽ ക്രിമിനൽ ബലപ്രയോഗം) പ്രകാരമാണ് കേസ് രജിസ്റ്റർ ചെയ്തിരിക്കുന്നത്. മലയാള സിനിമാ മേഖലയിലെ ലൈംഗികാതിക്രമ പരാതികളുടെ അടിസ്ഥാനത്തിൽ രജിസ്റ്റർ ചെയ്ത കേസുകളുടെ അന്വേഷണത്തിനായി രൂപീകരിച്ച പ്രത്യേക അന്വേഷണ സംഘത്തിന് (എസ്ഐടി) കേസ് കൈമാറിയിട്ടുണ്ട്. 2020ൽ കൊച്ചിയിലെ ഒരു ഹോട്ടൽ മുറിയിൽ വെച്ച് പരസ്യ ചിത്രത്തിൽ അവസരം നൽകാമെന്ന് വാഗ്ദാനം ചെയ്ത് ശ്രീകുമാര്‍ മേനോന്‍ തന്നെ ലൈംഗികമായി പീഡിപ്പിച്ചുവെന്നാണ് പരാതി. കേസ് രജിസ്‌റ്റർ ചെയ്‌തതിൻ്റെ അടിസ്ഥാനത്തിലാണ് യുവതി പരാതി തപാലിൽ അയച്ചത്. നേരത്തെ, നടനും എം എല്‍ എയുമായ മുകേഷ് , നടന്മാരായ മണിയൻപിള്ള രാജു, ഇടവേള ബാബു, പ്രൊഡക്‌ഷന്‍ കൺട്രോളർ നോബിൾ, കേരള പ്രദേശ് കോൺഗ്രസ് കമ്മിറ്റി (കെപിസിസി)…