Year: 2024

വാഷിംഗ്ടണ്‍: വാഷിംഗ്‌ടൺ ഡി.സി., ആസ്ഥാനമായി പ്രവർത്തിക്കുന്ന ശ്രീനാരായണ മിഷൻ സെൻറർ (SNMC) 170-മത് ശ്രീനാരായണ ഗുരുജയന്തി ഓണാഘോഷ പരിപാടികൾ വളരെ ഭക്തിപുരസ്സരം ഭംഗിയായി ആഘോഷിച്ചു. മെരിലാന്റിലെ ബ്രിഗ്ഗ്സ് ഷെയനി മിഡിൽ സ്കൂളിൽ വർണ്ണ ശമ്പളമായ ഘോഷയാത്രയോടെ തുടക്കം കുറിച്ച പരിപാടികൾ, ഇന്ത്യൻ എംബസ്സി, വാഷിംഗ്‌ടൺ ഡി. സി., ലെ മുതിർന്ന ഉദ്യോഗസ്ഥൻ രാജീവ് അഹൂജ ഉത്ഘാടനം ചെയ്തു. ശ്രീനാരായണ ഗുരുവിന്റെ മഹത്തരമായ സന്ദേശങ്ങൾ അമേരിക്കൻ ഐക്യ നാടുകളിൽ പ്രചരിപ്പിക്കുന്നതിൽ ശ്രീനാരായണ മിഷൻ സെന്റർ പോലുള്ള സംഘടനകളുടെ പ്രാധാന്യം അദ്ദേഹം എടുത്തു പറഞ്ഞു. ശ്രീ നാരായണ ഗുരു നിഷ്കർഷിച്ച, വിദ്യ കൊണ്ട് പ്രബുദ്ധരാകുക എന്ന മഹാ സന്ദേശത്തിലൂടെ നല്ലൊരു മനുഷ്യ സമൂഹത്തെ വാർത്തെടുക്കാൻ നമുക്കു കഴിയട്ടെ എന്ന് അദ്ദേഹം ആശംസിച്ചു. SNMC യുടെ പ്രസിഡണ്ട് ഷാം ജി. ലാൽ, വൈസ് പ്രസിഡണ്ട് ഡോ. മുരളീരാജൻ എന്നിവർ സംസാരിച്ചു. ട്രഷറർ…

ഇറാനിൽ നിന്ന് റഷ്യക്ക് ബാലിസ്റ്റിക് മിസൈലുകൾ ലഭിച്ചിട്ടുണ്ടെന്നും ആഴ്ചകൾക്കുള്ളിൽ ഉക്രെയ്നിൽ വിന്യസിക്കുമെന്നും പ്രതീക്ഷിക്കുന്നതായി യുഎസ് സ്റ്റേറ്റ് സെക്രട്ടറി ആൻ്റണി ബ്ലിങ്കന്റെ ഞെട്ടിക്കുന്ന വെളിപ്പെടുത്തൽ. ഇറാനിയൻ മിസൈലുകളുടെ വിതരണം ഉക്രെയ്നിലെ മുൻനിരയിൽ നിന്ന് കൂടുതൽ പ്രദേശങ്ങൾ ലക്ഷ്യമിടാൻ റഷ്യയെ സഹായിക്കുമെന്നും ബ്ലിങ്കന്‍ പറഞ്ഞു. മോസ്കോയും ടെഹ്‌റാനും തമ്മിലുള്ള ഈ പങ്കാളിത്തം യൂറോപ്യൻ സ്ഥിരതയെ അപകടപ്പെടുത്തുക മാത്രമല്ല, മിഡിൽ ഈസ്റ്റിനുമപ്പുറത്തേക്ക് വ്യാപിക്കുന്ന ഇറാൻ്റെ അസ്ഥിരപ്പെടുത്തുന്ന സ്വാധീനം കാണിക്കുകയും ചെയ്യുന്നു. ബ്രിട്ടീഷ് വിദേശകാര്യ സെക്രട്ടറി ഡേവിഡ് ലാമിക്കൊപ്പം കൈവ് സന്ദർശിക്കുന്നതിന് മുമ്പ് ലണ്ടനിൽ ഒരു പത്രസമ്മേളനത്തിൽ സംസാരിച്ച ബ്ലിങ്കന്‍, ഈ സഹകരണം യൂറോപ്യൻ സുരക്ഷയ്ക്ക് ഉയർത്തുന്ന ഭീഷണി ഉയർത്തിക്കാട്ടി. കൂടാതെ, ആണവ കാര്യങ്ങളിൽ ഉൾപ്പെടെ റഷ്യ ഇറാനുമായി സാങ്കേതികവിദ്യ പങ്കിടുന്നുണ്ടെന്ന് അദ്ദേഹം അഭിപ്രായപ്പെട്ടു. ഇറാനുമേലുള്ള അധിക യുഎസ് ഉപരോധങ്ങൾ ഇറാൻ എയറിനെ ലക്ഷ്യമിടും, മറ്റ് രാജ്യങ്ങളും പുതിയ നിയന്ത്രണങ്ങൾ ഏർപ്പെടുത്തുമെന്ന് പ്രതീക്ഷിക്കുന്നു.

ന്യൂയോർക്ക്: ന്യൂയോർക്കിലെ നായർ ബനവലന്റ് അസോസിയേഷൻ, 2024 സെപ്തംബർ 8 ഞായറാഴ്ച പകൽ 11 മണി മുതൽ ഫ്ലോറൽ പാർക്കിലുള്ള PS 115 സ്കൂൾ ഓഡിറ്റോറിയത്തിൽ വച്ച് ഓണാഘോഷവും ജന്മാഷ്ടമി ആഘോഷവും സം‌യുക്തമായി ആഘോഷിച്ചു. ജോയിന്റ് സെക്രട്ടറി ജയപ്രകാശ് നായർ ഏവർക്കും ഓണാശംസകള്‍ നേർന്നുകൊണ്ട് ചടങ്ങുകൾക്ക് തുടക്കം കുറിച്ചു. പ്രഥമ വനിത വത്സാ കൃഷ്ണ, പ്രസിഡന്റ് ക്രിസ് തോപ്പിൽ, മഹാബലി, ട്രസ്റ്റി ബോർഡ് ചെയർമാൻ ഉണ്ണിക്കൃഷ്ണൻ നായർ, വിശിഷ്ടാതിഥി ന്യൂയോർക്ക് അസംബ്ലിമാൻ എഡ് ബ്രോൺസ്റ്റൈൻ എന്നിവർ ചേർന്ന് ഭദ്രദീപം തെളിയിച്ചു. ചെണ്ടമേളവും താലപ്പൊലിയുമായി മഹാബലിയായി വേഷമിട്ട അപ്പുക്കുട്ടൻ പിള്ളയെ വരവേറ്റു. വിശിഷ്ടാതിഥിയായിരുന്ന അസംബ്ലിമാൻ എഡ് ബ്രോൺസ്റ്റൈൻ അമ്പതു വർഷത്തിലേറെയായി മഹാബലിയാവുന്ന അപ്പുക്കുട്ടൻ പിള്ളയെയും അദ്ദേഹത്തെ അണിയിച്ചൊരുക്കുന്ന രാജമ്മ പിള്ളയെയും അനുമോദിക്കുകയും പ്രശംസാപത്രം നൽകി ആദരിക്കുകയും ചെയ്തു. അസ്സോസിയേഷന്റെ പ്രവർത്തനങ്ങളിൽ വളരെ ശുഷ്കാന്തിയോടെ ഇടപെടുന്ന ഊർമിള റാണി നായർക്കും…

ന്യൂയോർക്ക്:  കേരളത്തിലെ സഭകളുടെ ഔദ്യോഗിക ഐക്യവേദിയായ കേരളാ കൗൺസിൽ ഓഫ് ചർച്ചസിന്റെ ജനറൽ സെക്രട്ടറി ഡോ. പ്രകാശ് പി.തോമസ് അമേരിക്കയിൽ സന്ദർശനത്തിനെത്തി. മലങ്കര ഓർത്തഡോക്സ് സുറിയാനി സഭ, യാക്കോബായ സുറിയാനി സഭ, മലങ്കര മാർത്തോമ്മാ സുറിയാനി സഭ, ചർച്ച് ഓഫ് സൗത്ത് ഇന്ത്യ, ക്നാനായ സഭ, സാൽവേഷൻ ആർമി, കൽദായ സുറിയാനി സഭ, മലബാർ സ്വതന്ത്ര സുറിയാനി സഭ, ബിലീവേഴ്സ് ഈസ്റ്റേർൺ ചർച്ച്, സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ ഫെലോഷിപ്പ് തുടങ്ങിയ 16 സഭകളുടെയും  വൈ. എം. സി. എ, വൈ.ഡബ്ല്യൂ. സി. എ, ബൈബിൾ സൊസൈറ്റി തുടങ്ങിയ 21 ക്രൈസ്തവ പ്രസ്ഥാനങ്ങളുടെയും ഐക്യ വേദിയാണ് കേരളാ കൗൺസിൽ ഓഫ് ചർച്ചസ്. 1940 മുതൽ കേരളത്തിലെ ക്രൈസ്തവ സഭകളുടെയും സംഘടനകളുടെയും പ്രവർത്തനം ഏകോപിപ്പിക്കുന്ന കെ.സി.സി.യുടെ അമേരിക്കയിലെ പ്രവർത്തനങ്ങൾ ഏകോപിപ്പിക്കുന്നതിനും മലയാളി ക്രൈസ്തവ പ്രസ്ഥാനങ്ങളുടെ ആഗോള…

അനാഹൈമിൽ ചൂടുള്ള കാറിനുള്ളിൽ അടച്ചിട്ട് 3 വയസ്സുകാരി മരിച്ചു, കാറിൽ കുട്ടിയുടെ അമ്മയും കാറിൽ ഉണ്ടായിരുന്നു. പെൺകുട്ടിയുടെ അമ്മ, 41 കാരിയായ സാന്ദ്ര ഹെർണാണ്ടസ്, മനഃപൂർവമല്ലാത്ത നരഹത്യ, ക്രൂരമായ ശിശു അവഗണന എന്നീ കുറ്റങ്ങൾക്ക് അറസ്റ്റിലായതായി അനാഹൈം പോലീസ് ഡിപ്പാർട്ട്മെൻ്റ് തിങ്കളാഴ്ച വാർത്താക്കുറിപ്പിൽ അറിയിച്ചു. പെൺകുട്ടിയുടെ പേര് അധികൃതർ പുറത്തുവിട്ടിട്ടില്ല. അബോധാവസ്ഥയിലായ ഹെർണാണ്ടസിനെയും മകളെയും വാഹനത്തിൽ കണ്ടെത്തിയതിനെത്തുടർന്ന് ഒരു കുടുംബാംഗം 911-ൽ വിളിച്ച് പ്രഥമശുശ്രൂഷ നൽകാൻ ശ്രമിച്ചു, അനാഹൈം പോലീസ് സർജൻറ്. മാറ്റ് സട്ടർ പറഞ്ഞു.പുറത്ത് 104 ഡിഗ്രിയായിരുന്നുവെന്ന് സട്ടർ പറയുന്നു. നാഷണൽ വെതർ സർവീസ് പറയുന്നതനുസരിച്ച്, ചൂടുള്ള ദിവസങ്ങളിൽ കാറിനുള്ളിലെ താപനില, ജനലുകൾ പൊട്ടിയാലും, പുറത്തെ താപനിലയേക്കാൾ 20 മുതൽ 40 ഡിഗ്രി വരെ ഉയർന്നേക്കാം. വൈറ്റ് ഫോർഡ് എക്‌സ്‌പെഡിഷനിൽ അമ്മ അബോധാവസ്ഥയിൽ ആയിരുന്നപ്പോൾ ഉദ്യോഗസ്ഥർ പെൺകുട്ടിക്ക് സിപിആർ നൽകാൻ ശ്രമിച്ചു. ഇരുവരെയും ആശുപത്രിയിലെത്തിച്ചെങ്കിലും പെൺകുട്ടി…

ഫിലഡൽഫിയ: മാതാപിതാക്കളെ അനുസരിച്ച് മുന്നേറുക എന്ന് പ്രശസ്ത സിനിമാ അഭിനേത്രി ശ്വേതാ മേനോൻ യുവതലമുറയെ ആഹ്വാനം ചെയ്തു. ഫിലഡൽഫിയയിൽ ട്രൈസ്റ്റേറ്റ് കേരളാ ഫോറം അണിയിച്ചൊരുക്കിയ അനന്യസുന്ദരമായ തിരുവോണാഘോഷത്തിന് തിരി തെളിച്ച് സന്ദേശം നൽകുകയായിരുന്നു ശ്വേത. മഹാ ബലിയെ പോലെ ദാന ശീലരും നല്ല പ്രവർത്തികളുള്ളവരും ആയിരിക്കുമ്പോൾത്തന്നെ, ആരാലും ചവിട്ടി താഴ്ത്തപ്പെടാതിരിക്കാനും ഓരോരുത്തർക്കും കഴിയണം. കേരള സിനിമാ ലോകത്ത് അരുതായ്മകളുണ്ട്, എന്നാൽ, “നോ” പറയേണ്ടിടത്ത് “നോ” പറയാൻ കഴിഞ്ഞാൽ അബദ്ധങ്ങളിൽ വീഴാതിരിക്കാൻ കരുത്തുള്ളവരാകും. കുഞ്ഞുങ്ങൾ ആയിരിക്കുമ്പോൾ തന്നെ, ആ ശിക്ഷണം ലഭിച്ചാൽ, ഉപകരിയ്ക്കും. “കളിമണ്ണ്” എന്ന് സിനിമയിൽ, ഗർഭാവസ്ഥയിലുള്ള കുഞ്ഞിൻ്റെ പരിചരണം മുതൽ, മനുഷ്യ ജീവൻ്റെ മഹത്വം പ്രകാശിപ്പിക്കുന്ന വിധം, ബ്ളസ്സി എന്ന ഇരുത്തം വന്ന ചലച്ചിത്ര സംവിധായകൻ്റെ ഫിലിം മെയ്ക്കിങ്ങിലൂടെ, അവതരിപ്പിക്കുക എന്ന ലക്ഷ്യം നടപ്പാകാനായി, തൻ്റെ എല്ലാമെല്ലാമായ കുഞ്ഞിനു നൽകാവുന്ന അമൂല്യ സമ്മാനമായി ഞാൻ ആ…

തിരുവനന്തപുരം: നാലു ദിവസമായി തലസ്ഥാന നഗരി നേരിട്ട കുടിവെള്ള പ്രതിസന്ധിക്ക് വിരാമം. ജലവിതരണ സംവിധാനങ്ങൾ പുനഃസ്ഥാപിച്ചതോടെ ആറ്റുകാല്‍, ഐരാണിമുട്ടം പ്രദേശങ്ങളില്‍ വെള്ളം ലഭിച്ചു തുടങ്ങി. ഇന്ന് പകലോടെ നഗരത്തിന്റെ എല്ലാ പ്രദേശങ്ങളിലും വെള്ളമെത്തും എന്ന പ്രതീക്ഷയിലാണ് ജനങ്ങൾ. രാവിലെയോടെ ജലവിതരണം പൂര്‍ണതോതില്‍ ആകുമെന്നാണ് കോര്‍പ്പറേഷന്റെ കണക്കുകൂട്ടല്‍. രാത്രി 10 മണിയോടെയാണ് പൈപ്പുലൈനിന്റെ പണികള്‍ പൂര്‍ത്തിയാക്കിയത്. തുടര്‍ന്ന് പമ്പിങ്ങ് ആരംഭിക്കാന്‍ അരുവിക്കര പ്ലാന്റിലേക്ക് സൂപ്രണ്ടന്റ് എഞ്ചിനീയര്‍ നിര്‍ദേശം നല്‍കി. ഇന്നലെ വൈകീട്ട് നാലുമണിയോടെ നഗരത്തില്‍ ജലവിതരണം പുനഃസ്ഥാപിക്കാന്‍ കഴിയുമെന്നായിരുന്നു ജലവിഭവമന്ത്രി റോഷി അഗസ്റ്റിന്റെ ഉറപ്പ്. എന്നാല്‍, ഞായറാഴ്ച വൈകീട്ടും പണി പൂര്‍ത്തിയാവാത്തതോടെ ജലവിതരണം പുനഃസ്ഥാപിക്കാന്‍ കഴിഞ്ഞിരുന്നില്ല. കഴിഞ്ഞ നാലുദിവസമായി തലസ്ഥാന നഗരത്തില്‍ കുടിവെള്ള വിതരണം മുടങ്ങിയിരിക്കുകയായിരുന്നു. തിരുവനന്തപുരം- കന്യാകുമാരി റെയില്‍വേപാത ഇരട്ടിപ്പിക്കലിന്റെ ഭാഗമായി നഗരത്തിലെ വിവിധ ഭാഗങ്ങളിലേക്ക് പോകുന്ന പൈപ്പ് ലൈനുകളിലുടെയുള്ള ജലവിതരണം കഴിഞ്ഞ അഞ്ചാം തിയതിയായിരുന്നു നിര്‍ത്തിവെച്ചത്.…

കൊച്ചി: മലയാള സിനിമയിലെ പെരുമാറ്റച്ചട്ടം സംബന്ധിച്ച് പുതിയ മാർഗനിർദേശങ്ങളുമായി വിമൻ ഇൻ സിനിമാ കളക്ടീവ് (ഡബ്ല്യുസിസി). സിനിമയിലെ എല്ലാ ജോലികൾക്കും കൃത്യമായ കരാർ കൊണ്ടുവരണമെന്ന് ഡബ്ല്യു സി സി ആവശ്യപ്പെട്ടു. സ്ത്രീകൾക്കെതിരായ ലൈംഗികാതിക്രമം തടയുന്ന നിയമം എല്ലാ കരാറിലും ഉൾപ്പെടുത്തണം. കരാർ ലംഘനങ്ങളെക്കുറിച്ച് പരാതിപ്പെടാനുള്ള അവകാശം വേണമെന്നും ഡബ്ല്യുസിസി നിർദേശിച്ചു. ലൈംഗികാതിക്രമം തടയുന്നതിനുള്ള വ്യവസ്ഥകൾ കരാറിൻ്റെ ഭാഗമാക്കണമെന്നും സംഘടന ഫേസ്ബുക്ക് പോസ്റ്റിലൂടെ അഭ്യർത്ഥിച്ചു. പ്രതിഫലവും നിബന്ധനകളും കാലാവധിയും ക്രെഡിറ്റുകളും കരാറിൽ വ്യക്തമാക്കണമെന്ന് നിർദേശത്തിൽ പറയുന്നു. ചലച്ചിത്ര വ്യവസായം അംഗീകരിക്കുന്ന കരാർ രൂപരേഖകൾ ഉണ്ടാകണം. കരാർ ലംഘനം റിപ്പോർട്ട് ചെയ്യാനുള്ള അവകാശം വേണം. താത്ക്കാലിക ജീവനക്കാർക്കും കരാറുകൾ വേണം. സിനിമയുടെ പേരും തൊഴിലുടമയുടെയും ജീവനക്കാരന്റെയും വിശദാംശങ്ങളും വെളിപ്പെടുത്തണമെന്നും ഡബ്ല്യുസിസി ആവശ്യപ്പെടുന്നുണ്ട്. തൊഴിലിടത്തെ ലിംഗ സമത്വത്തിനായി സര്‍ക്കാരും സംഘടനകളും ഒന്നിച്ച് നില്‍ക്കേണ്ട സമയമാണിതെന്നും സിനിമ വ്യവസായത്തെ ഒരുമിച്ച് പുനര്‍നിര്‍മിക്കാമെന്നും നേരത്തെ…