Year: 2024

മലപ്പുറം: മലപ്പുറം ജില്ലയിലെ വണ്ടൂർ സ്വദേശിയായ 24കാരൻ്റെ മരണത്തിന് കാരണം നിപ വൈറസ് ആണെന്ന് ആരോഗ്യവകുപ്പ് സ്ഥിരീകരിച്ചു . ഞായറാഴ്ച (സെപ്റ്റംബർ 15) പൂനെയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിൽ നിന്നുള്ള പരിശോധനാ ഫലത്തെത്തുടർന്ന് ആരോഗ്യമന്ത്രി വീണാ ജോർജ്ജാണ് അന്തിമ സ്ഥിരീകരണം നടത്തിയത്. ബെംഗളൂരുവിലെ വിദ്യാർത്ഥിയായ യുവാവ് ഹെപ്പറ്റൈറ്റിസ് രോഗലക്ഷണങ്ങളോടെ കഴിഞ്ഞ തിങ്കളാഴ്ചയാണ് പെരിന്തൽമണ്ണയിലെ സ്വകാര്യ ആശുപത്രിയിൽ മരണപ്പെട്ടത്. മസ്തിഷ്‌ക ജ്വരത്തിൻ്റെ ലക്ഷണങ്ങൾ കണ്ടതിനെ തുടർന്ന് മരണത്തിൽ നിപ വൈറസ് ബാധ സംശയിച്ചിരുന്നു. ജില്ലാ മെഡിക്കൽ ഓഫീസർ ആർ. രേണുക സീറം സാമ്പിളുകൾ കോഴിക്കോട് സർക്കാർ മെഡിക്കൽ കോളേജ് ആശുപത്രിയിലെ വൈറോളജി ലബോറട്ടറിയിലേക്ക് അയച്ചു. ശനിയാഴ്ച (സെപ്റ്റംബർ 14) വൈകുന്നേരം ഫലം പോസിറ്റീവ് ആണെന്ന് കണ്ടെത്തിയതിനെത്തുടര്‍ന്ന് നിപ പ്രോട്ടോക്കോൾ പ്രകാരമുള്ള നടപടിക്രമങ്ങൾ പാലിച്ച് ആരോഗ്യവകുപ്പ് നടപടികളിലേക്ക് നീങ്ങി. ശനിയാഴ്ച രാത്രി പ്രോട്ടോക്കോൾ അനുസരിച്ച് 16 കമ്മിറ്റികൾ രൂപീകരിച്ചു,…

മലപ്പുറം: നിപ സംശയത്തെ തുടര്‍ന്ന് മലപ്പുറം ജില്ലയിലെ തിരുവാലി പഞ്ചായത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി. കൂടാതെ, മാസ്ക് ധരിക്കുന്നത് നിര്‍ബന്ധമാക്കി ജില്ലാ ആരോഗ്യ വകുപ്പ് നിര്‍ദേശമിറക്കി. അതേസമയം, നടുവത്ത് നിപ രോഗം സംശയിക്കുന്ന യുവാവിന്റെ സമ്പര്‍ക്ക പട്ടികയിലുള്ളവരുടെ എണ്ണം 151 ആയി ഉയര്‍ന്നു. നേരത്തെ 26 പേരായിരുന്നു സമ്പര്‍ക്ക പട്ടികയിലുണ്ടായിരുന്നത്. എന്നാല്‍, ഇപ്പോഴത് 151 ആയി ഉയർന്നു എന്ന് അധികൃതര്‍ പറഞ്ഞു. ആരോഗ്യ വകുപ്പാണ് സമ്പര്‍ക്ക പട്ടിക തയ്യാറാക്കിയത്. ഇതിനിടെ തിരുവാലി പഞ്ചായത്തില്‍ പനി ബാധിച്ച രണ്ടു പേരെ ആശുപത്രിയിലേക്ക് മാറ്റി. ഇവരെ പ്രത്യേകം നിരീക്ഷിക്കും. ഇന്ന് രാവിലെ തിരുവാലി പഞ്ചായത്തിലെ ജനപ്രതിനിധികളും ആരോഗ്യ വകുപ്പ് ഉദ്യോഗസ്ഥരും യോഗം ചേര്‍ന്നിരുന്നു. പ്രതിരോധ പ്രവർത്തനങ്ങളും നിയന്ത്രണങ്ങളുമാണ് ഈ യോഗത്തില്‍ ചർച്ച ചെയ്തത്. അതേസമയം, നിപ ഔദ്യോഗികമായി സ്ഥിരീകരിച്ചാല്‍ അതിൻറെ തുടർനടപടികളിലേക്ക് ജില്ലാ ഭരണകൂടം കടക്കും. കഴിഞ്ഞ തിങ്കളാഴ്‌ച്ചയാണ് ബെംഗളൂരുവില്‍…

വയനാട്: വയനാട് ഉരുള്‍ പൊട്ടലില്‍ ഉറ്റവരെയും ഉടയവരെയും നഷ്ടപ്പെട്ട ശ്രുതിക്ക് ഏക ആശ്രയമായിരുന്ന ജെന്‍സണ്‍ അപകടത്തെ തുടര്‍ന്ന് കഴിഞ്ഞ ദിവസം മരണപ്പെട്ടതോടെ ജെന്‍സണെ ആശ്രയിച്ചു കഴിഞ്ഞിരുന്ന ശ്രുതി ഒറ്റപ്പെട്ടു. ജെന്‍സണ് അന്ത്യാജ്ഞലി അര്‍പ്പിച്ച എല്ലാവരും ചിന്തിച്ചത് ശ്രുതിയുടെ മുന്നോട്ടുള്ള ജീവിതത്തെ കുറിച്ചാണ്. കേരളം ശ്രുതിക്കൊപ്പം ഉണ്ടാകുമെന്ന് എല്ലാവരും പറഞ്ഞു. ആ വാക്ക് പാലിക്കാന്‍ ആദ്യം ഓടി എത്തിയിരിക്കുകയാണ് ഡോ. ബോബി ചെമ്മണ്ണൂര്‍. കല്‍പ്പറ്റയിലെ സ്വകാര്യ ആശുപത്രിയില്‍ ചികിത്സയിലുള്ള ശ്രുതിയെ നേരിട്ടെത്തി ആശ്വസിപ്പിക്കാന്‍ ഡോ. ബോബി ചെമ്മണ്ണൂരെത്തി. അപകടത്തില്‍ കാലിന് പരിക്കേറ്റ ശ്രുതിയുടെ ഓപ്പറേഷന്‍ കഴിഞ്ഞ് വിശ്രമത്തിലാണ്. ബോബി ചെമ്മണ്ണൂരെത്തി ജെന്‍സന്റെ ആഗ്രഹം പോലെ ശ്രുതിക്ക് വീട് വെച്ച് നല്‍കുമെന്ന് ഉറപ്പ് നല്‍കിയിട്ടുണ്ട്. അകന്ന ബന്ധുക്കള്‍ മാത്രമാണ് ഇന്ന് ശ്രുതിക്ക് ബാക്കിയുള്ളത്. അവര്‍ക്കും ശ്രുതിക്കും കരുത്തായിരുന്നു ജെന്‍സണ്‍. ശ്രുതിയോടും ബന്ധുക്കളോടുമൊപ്പം കൊടുവള്ളിക്ക് പോകും വഴിയാണ് കല്‍പ്പറ്റ വെള്ളാരം കുന്നില്‍…

ഹ്യൂസ്റ്റണ്‍: അമേരിക്കക്കാര്‍ മാത്രമല്ല ലോകജനത പോലും ആകാംക്ഷയോടെ ഉറ്റുനോക്കുന്ന അമേരിക്കന്‍ പ്രസിഡന്റ് തെരഞ്ഞെടുപ്പ് പ്രചാരണങ്ങള്‍ തിരുതകൃതിയായി നടക്കുന്ന ഈ അവസരത്തില്‍, കേരള ഡിബേറ്റ് ഫോറം യു എസ് എ അത്യന്തം വാശിയേറിയതും വിജ്ഞാനപ്രദവും രാഷ്ട്രീയ ബോധവല്‍ക്കരണത്തിന് ഉതകുന്നതുമായ അമേരിക്കന്‍ പ്രസിഡന്‍ഷ്യല്‍ ഇലക്ഷന്‍ ഡിബേറ്റ് – സംവാദം സെപ്റ്റംബര്‍ 22 നു ഞായര്‍ വൈകുന്നേരം 6 മണിക്കു സംഘടിപ്പിക്കുന്നു. ഹ്യൂസ്റ്റനിലെ സ്റ്റാഫോര്‍ഡില്‍ വച്ചാണ് ഡിബേറ്റ്. Date: September 22, Sunday 2024 Time: 6 PM Location: 4419 Ludwig Lane, Stafford, TX 77477 ഇലക്ഷന്‍ ഗോദയില്‍ കൊമ്പുകോര്‍ക്കുന്ന മുഖ്യരണ്ടു കക്ഷികളിലെ റിപ്പബ്ലിക്കന്‍ പാര്‍ട്ടി നോമിനി ഡോണാള്‍ഡ് ട്രംപ്, ഡെമോക്രറ്റിക് പാര്‍ട്ടിയിലെ കമല ഹാരിസ് എന്നിവരുടെ ഇരു ചേരികളില്‍ നിലയുറപ്പിച്ചുകൊണ്ട് രാഷ്ട്രീയ പ്രബുദ്ധരായ അമേരിക്കന്‍ മലയാളി പ്രമുഖര്‍ ആശയ അജണ്ടകള്‍ നിരത്തിക്കൊണ്ട് കാര്യകാരണസഹിതം പക്ഷ പ്രതിപക്ഷ ബഹുമാനത്തോടെ…