Year: 2024

ഡാലസ്: കേരള സംസ്ഥാന മികച്ച സിനിമാ സംവിധായകനുള്ള ചലച്ചിത്ര അവാർഡ് ലഭിച്ച ബ്ലസിക്കും, സഹധർമ്മിണി മിനി ബ്ലസിക്കും ഡാലസ് ഫോർട്ട്‌ വർത്ത് അന്താരാഷ്ട്ര വിമാനത്താവളത്തിൽ ഊഷ്മള വരവേൽപ്പ് നൽകി. ഇന്ത്യാ കൾച്ചറൽ ആൻഡ് എഡ്യൂക്കേഷൻ സെന്റർ ഡാലസ് പ്രസിഡന്റ് ഷിജു എബ്രഹാം, ഇന്ത്യ പ്രസ്സ് ക്ലബ്‌ ഓഫ് നോർത്ത് അമേരിക്ക ഡാലസ് ചാപ്റ്റർ പ്രസിഡന്റ് ഷാജി രാമപുരം, ഡാലസിലെ വിവിധ സാമൂഹിക സാംസ്‌കാരിക രംഗത്തുള്ള തമ്പി ജോർജ് കുമ്പനാട്, അനിൽ മാത്യു, കൊച്ചുമോൻ പുലിയൂർ, ജെമിനി, ജെസ്‌ലിൻ എന്നിവർ എയർപോർട്ടിൽ ബ്ലസിയെ സ്വീകരിക്കുവാൻ എത്തിയിരുന്നു. തിരുവല്ലാ സ്വദേശിയായ ബ്ലസി ഐപ്പ് തോമസ് ഇന്ത്യയിലെ മികച്ച സംവിധായകനും, തിരക്കഥാകൃത്തുമാണ്. ദേശീയ ചലച്ചിത്ര അവാർഡും, ആറ് കേരള സംസ്ഥാന ചലച്ചിത്ര അവാർഡുകളും അദ്ദേഹം നേടിയിട്ടുണ്ട്. അദ്ദേഹത്തിൻ്റെ ഡോക്യുമെൻ്ററി ഫിലിം 100 ഇയേഴ്‌സ് ഓഫ് ക്രിസോസ്റ്റം 48 മണിക്കൂറും 10 മിനിറ്റും…

വാഷിംഗ്ടൺ ഡിസി:  ഇന്ത്യയിലും ആഗോള തലത്തിലും  ലിംഗസമത്വം വികസിപ്പിക്കേണ്ടതിൻ്റെ പ്രാധാന്യത്തെക്കുറിച്ച്  മുൻ കേന്ദ്രമന്ത്രി സ്മൃതി ഇറാനി ഊന്നി പറഞ്ഞു.വാഷിംഗ്ടൺ ഡിസിയിൽ സെപ്റ്റംബർ 16 ന് ലോകബാങ്ക് നേതാക്കളെ അഭിസംബോധന ചെയ്യവെ സ്മൃതി ഇറാനി ഇന്ത്യ കൈവരിച്ച മുന്നേറ്റങ്ങളേയും ചൂണ്ടിക്കാട്ടി. “ഞങ്ങളുടെ ആഗോള മത്സരശേഷി  വിപുലീകരിക്കുന്നതിന്  ഗവൺമെൻ്റിൻ്റെയും വാണിജ്യത്തിൻ്റെയും നേതാക്കൾ ലിംഗസമത്വ നയങ്ങൾ പൂർണ്ണമായും നടപ്പിലാക്കുന്നുവെന്ന് ഉറപ്പാക്കണം,” ഭാരതീയ ജനതാ പാർട്ടി നേതാവ്  പറഞ്ഞു. “വിദ്യാഭ്യാസം, ആരോഗ്യ സംരക്ഷണം, ശിശുപരിപാലനം, ഭവന നയങ്ങൾ എന്നിവ ആനുപാതികമായി സ്ത്രീകളെ ബാധിക്കുന്നില്ല – പ്രത്യേകിച്ചും നമ്മുടേത് പോലുള്ള വികസ്വരവും വളരുന്നതുമായ സമ്പദ്‌വ്യവസ്ഥകളിൽ. സ്ത്രീകൾക്കും പെൺകുട്ടികൾക്കും സർക്കാരിനെയും വ്യവസായത്തെയും നയിക്കാൻ സഹായിക്കാനും അവരുടെ വ്യക്തിപരമായ കഴിവുകൾ നിറവേറ്റാനും കഴിയുന്ന തരത്തിൽ നയം ശരിയാക്കേണ്ടത് വളരെ പ്രധാനമാണ്, ”അവർ കൂട്ടിച്ചേർത്തു. ആഗോള ദക്ഷിണേന്ത്യയിലെ ലിംഗസമത്വത്തിൻ്റെ പ്രശ്‌നങ്ങളെക്കുറിച്ചും രാഷ്ട്രീയ, കോർപ്പറേറ്റ് നേതൃത്വത്തെ ഉൾപ്പെടുത്തുന്നതിൻ്റെ പ്രാധാന്യത്തെക്കുറിച്ചും ബിജെപി…

മലപ്പുറം: കഴിഞ്ഞയാഴ്ച ദുബായിൽ നിന്ന് മടങ്ങിയെത്തിയ യുവാവിനെ മഞ്ചേരിയിലെ സർക്കാർ മെഡിക്കൽ കോളേജ് ആശുപത്രിയിൽ എംപാക്‌സ് ലക്ഷണങ്ങളോടെ പ്രവേശിപ്പിച്ചു. സ്ഥിരീകരണത്തിനായി ഇയാളുടെ സെറം സാമ്പിളുകൾ കോഴിക്കോട് സർക്കാർ മെഡിക്കൽ കോളേജിലെ വൈറോളജി ലബോറട്ടറിയിലേക്ക് അയച്ചെങ്കിലും ഇതുവരെ പ്രതികരിക്കാൻ ആരോഗ്യവകുപ്പ് അധികൃതർ തയ്യാറായിട്ടില്ല. തിങ്കളാഴ്ച (സെപ്റ്റംബർ 16ന്) പനിയും കൈകളിൽ ചൊറിച്ചിലുമായാണ് യുവാവ് മഞ്ചേരി ആശുപത്രിയിൽ എത്തിയത്. തുടര്‍ന്ന് ഇയാളെ പരിശോധിച്ച ത്വക്ക് രോഗ വിദഗ്ധർ സംശയം പ്രകടിപ്പിക്കുകയും കൂടുതൽ പരിശോധനകൾക്കായി യുവാവിനെ മാറ്റി പാര്‍പ്പിക്കുകയും ചെയ്തു. മലപ്പുറം ജില്ലയിൽ ആരോഗ്യവകുപ്പ് നിപ ഭീതിയിൽ പൊരുതുന്നതിനിടെയാണ് സംശയാസ്പദമായ എംപോക്സ് കേസ് ആശങ്ക ഉയർത്തുന്നത് . സെപ്തംബർ 9 ന് പെരിന്തൽമണ്ണ എംഇഎസ് മെഡിക്കൽ കോളേജ് ആശുപത്രിയിൽ നിപ ബാധിച്ച് ബെംഗളൂരുവിൽ പഠിക്കുന്ന 24കാരൻ മരിച്ചിരുന്നു. കോംഗോയിൽ എംപോക്സ് പൊട്ടിപ്പുറപ്പെട്ടതിനെത്തുടർന്ന് ആഫ്രിക്കൻ രാജ്യങ്ങളിൽ നിന്ന് വരുന്ന യാത്രക്കാരെ രാജ്യത്തെ അന്താരാഷ്ട്ര…

തിരുവനന്തപുരം: മലയാള സിനിമാ വ്യവസായത്തിൻ്റെ നടത്തിപ്പിലെ അടിസ്ഥാനപരമായ വിയോജിപ്പുകൾ വെളിപ്പെടുത്തി ഒരു കൂട്ടം ചലച്ചിത്ര പ്രവർത്തകർ ‘പ്രോഗ്രസീവ് ഫിലിം മേക്കേഴ്‌സ് അസോസിയേഷൻ’ എന്ന പേരിൽ പുതിയ സംഘടന രൂപീകരിക്കാൻ ഒരുങ്ങുന്നു. ചലച്ചിത്ര പ്രവർത്തകരായ അഞ്ജലി മേനോൻ, ലിജോ ജോസ് പെല്ലിശ്ശേരി, ആഷിഖ് അബു, രാജീവ് രവി, നടി റിമ കല്ലിങ്കൽ, നിർമ്മാതാവ് ബിനീഷ് ചന്ദ്ര എന്നിവർ ഒപ്പിട്ട നിർദ്ദിഷ്ട സംഘടനയുടെ ഉദ്ദേശ്യലക്ഷ്യങ്ങളടങ്ങുന്ന കുറിപ്പ് സിനിമാ മേഖലയില്‍ പ്രചരിക്കാൻ തുടങ്ങിയിട്ടുണ്ട്. സമത്വം, സഹകരണം, സാമൂഹിക നീതി എന്നിവയ്ക്ക് മുൻഗണന നൽകുന്ന തത്വങ്ങളില്‍ വേരൂന്നിയതാണ് പുതിയ സംഘടനയെന്നും, സിനിമാ നിർമ്മാണ സമൂഹത്തിലെ എല്ലാവരുടെയും അവകാശങ്ങൾ സംരക്ഷിക്കുന്നതിനായി പ്രവർത്തിക്കുമെന്നും കുറിപ്പ് ഉദ്ഘോഷിക്കുന്നു. ഇത്തരമൊരു അസോസിയേഷൻ രൂപീകരിക്കുന്നതിനെക്കുറിച്ച് കുറച്ചുകാലമായി ചർച്ചയിലായിരുന്നു എന്ന് സംവിധായകൻ രാജീവ് രവി പറഞ്ഞു. “സിനിമാ വ്യവസായം ഇപ്പോഴും ഫ്യൂഡൽ രീതിയിലാണ് നിയന്ത്രിക്കുന്നത്. കുറച്ചു പേര്‍ അത് അവരുടെ കുത്തകയാക്കി…

എറണാകുളം: നടിയെ ആക്രമിച്ച കേസില്‍ ജാമ്യത്തിലിറങ്ങിയിരിക്കുന്ന നറ്റന്‍ ദിലീപ് കേസ് അട്ടിമറിക്കാന്‍ ശ്രമിക്കുന്നു എന്ന ഗുരുതര ആരോപണവുമായി സംസ്ഥാന സര്‍ക്കാര്‍ സുപ്രീം കോടതിയെ സമീപിച്ചു. ദിലീപ് വ്യാജ വാര്‍ത്തകള്‍ കെട്ടിച്ചമക്കുന്നു എന്നാരോപിച്ചാണ് സർക്കാർ കോടതിയെ സമീപിച്ചിരിക്കുന്നത്. കേസിലെ ഒന്നാം പ്രതിയായ പൾസർ സുനിക്ക് ജാമ്യം അനുവദിക്കരുത് എന്ന് ആവശ്യപ്പെട്ട് ഫയൽ ചെയ്‌ത ഹർജിയിലാണ് സർക്കാർ ഗുരുതര ആരോപണങ്ങൾ ഉയർത്തുന്നത്. അടിസ്ഥാനരഹിതമായ വാദങ്ങളുയർത്തി കേസിലെ വിചാരണ നീട്ടിക്കൊണ്ടുപോകാൻ ദിലീപ് ശ്രമിക്കുന്നുവെന്ന് സർക്കാർ വാദിച്ചു. വിചാരണ കോടതിയിൽ പ്രോസിക്യുഷൻ സമർപ്പിച്ച തെളിവുകൾ അട്ടിമറിക്കാനുള്ള ശ്രമമാണ് നടക്കുന്നതെന്നും സർക്കാർ സുപ്രീം കോടതിയിൽ സമർപ്പിച്ച സത്യവാങ് മൂലത്തിൽ ചൂണ്ടിക്കാണിച്ചു

ന്യൂഡല്‍ഹി: 2017ൽ ഓടുന്ന വാഹനത്തിനുള്ളില്‍ നടിയെ ലൈംഗികമായി പീഡിപ്പിച്ച കേസിലെ മുഖ്യപ്രതി പള്‍സര്‍ സുനിക്ക് സുപ്രീം കോടതി ചൊവ്വാഴ്ച (സെപ്റ്റംബർ 17, 2024) ജാമ്യം അനുവദിച്ചു. ഏഴ് വർഷത്തോളമായി സുനിൽ വിചാരണ തടവുകാരനായി ജയിലിൽ കഴിയുകയാണെന്ന് ജസ്റ്റിസ് എ എസ് ഓക്ക അദ്ധ്യക്ഷനായ ബെഞ്ച് ചൂണ്ടിക്കാട്ടി. സുനിയുടെ ജാമ്യാപേക്ഷയിൽ സംസ്ഥാന സർക്കാർ കടുത്ത അസംതൃപ്‌തി പ്രകടിപ്പിച്ചിരുന്നു. നടിയെ ആക്രമിച്ച കേസ് വിധി പറയുന്ന ഘട്ടത്തിലാണ്. പൾസർ സുനിക്ക് ജാമ്യം അനുവദിക്കുകയാണെങ്കിൽ തുടർ വിചാരണ അടക്കമുള്ള പല കാര്യങ്ങളിലും കാലതാമസം ഉണ്ടാകാം. കേസിലെ സാക്ഷിവിസ്‌താരം ഇതിനോടകം പൂർത്തിയായിട്ടുണ്ട്. പ്രതിഭാഗത്തുനിന്നുള്ള സാക്ഷിവിസ്‌താരം ഇനി നടക്കേണ്ടതായി ഉള്ളതിനാലാണ് സംസ്ഥാന സർക്കാരിന്‍റെ ഭാഗത്തുനിന്നുള്ള അസംതൃപ്‌തി. ജാമ്യ വ്യവസ്ഥയുടെ നടപടിക്രമങ്ങൾ ഇനിയും പൂർത്തിയായിട്ടില്ല. കേസിലെ പ്രതികളാക്കപ്പെട്ടവർക്ക് നിയമത്തിന്‍റെ വഴിയിൽ നിന്ന് ലഭിച്ച നീതി തനിക്ക് ലഭിക്കുന്നില്ല. ആറര വർഷത്തിലധികമായി വിചാരണ തടവുകാരനായി തുടരുന്നു തുടങ്ങിയ…