Year: 2023

പത്തനംതിട്ട: ശബരിമലയിൽ ലഭിച്ച സ്വർണം കൈകാര്യം ചെയ്തതില്‍ ദുരൂഹതയെന്ന് സൂചന. സ്‌ട്രോങ് റൂമിൽ സ്വർണം എത്തിക്കാൻ കാലതാമസം ഉണ്ടായതായി പരിശോധനയിൽ കണ്ടെത്തി. സ്ഥലം മാറിയ ദേവസ്വം ബോർഡ് ജീവനക്കാരൻ സ്‌ട്രോങ് റൂമിന്റെ താക്കോൽ കൈമാറാതെ സൂക്ഷിച്ചതായും കണ്ടെത്തിയിട്ടുണ്ട്. 400 പവൻ സ്വർണമാണ് ഇത്തവണ ശബരിമലയിൽ നടവരവായി ലഭിച്ചത്. ഇതിൽ 180 പവൻ സ്വർണം കൈകാര്യം ചെയ്തതില്‍ വീഴ്ച വരുത്തിയതായി കണ്ടെത്തി. മകരവിളക്ക് കഴിഞ്ഞ് ഒരാഴ്ച പിന്നിട്ട ശേഷമാണ് സ്വർണം സ്‌ട്രോങ് റൂമിലേക്ക് മാറ്റിയത്. ഇതുവഴി ലഭിച്ച സ്വർണവും വെള്ളിയും സ്‌ട്രോങ് റൂമിൽ സൂക്ഷിച്ചിട്ടില്ലെന്ന് സോഷ്യൽ മീഡിയയിൽ ആക്ഷേപം ഉയർന്നിരുന്നു. ഇതിന് പിന്നാലെയാണ് ദേവസ്വം ബോർഡ് ചെയർമാൻ തിരുവാഭരണം കമ്മീഷണർ ജി.ബൈജുവിനെ അന്വേഷണത്തിന് ചുമതലപ്പെടുത്തിയത്. അദ്ദേഹത്തിന്റെ നേതൃത്വത്തിലുള്ള സംഘം കഴിഞ്ഞ ദിവസം സ്‌ട്രോങ് റൂം തുറന്ന് പരിശോധന നടത്തിയിരുന്നു. ആരോപണം ഉയർന്ന 180 പവൻ സ്വർണം ദേവസ്വം എക്‌സിക്യൂട്ടീവ്…

കണ്ണൂർ: കാപ്പ ചുമത്തി അറസ്റ്റിലായ സ്വർണക്കടത്ത്-ക്വട്ടേഷന്‍ തലവൻ ആകാശ് തില്ലങ്കേരി ജയിലിലേക്ക്. ഇന്ന് പുലർച്ചെ നാല് മണിയോടെയാണ് ആകാശിനെ കണ്ണൂർ സെൻട്രൽ ജയിലിലെത്തിച്ചത്. ഇയ്യാളോടൊപ്പം കൂട്ടാളി ജിജോ തില്ലങ്കേരിയെയും അറസ്റ്റ് ചെയ്ത് കണ്ണൂർ സെൻട്രൽ ജയിലിലെത്തിച്ചു. ഇവരെ ആറ് മാസത്തേക്ക് ജയിലിൽ കരുതല്‍ തടങ്കലില്‍ പാര്‍പ്പിക്കും. അതിനു ശേഷം നാടു കടത്തും. ആകാശും ജിജോയും സ്ഥിരം ക്രിമിനലുകളാണെന്ന പോലീസ് റിപ്പോർട്ട് ജില്ലാ കളക്ടർ അംഗീകരിച്ചിരുന്നു. ഇന്നലെ രാത്രിയാണ് ആകാശിനെ കാപ്പ പ്രകാരം അറസ്റ്റ് ചെയ്തത്. രണ്ട് കൊലപാതകക്കേസുകളടക്കം 14 ക്രിമിനൽ കേസുകളാണ് ആകാശ് തില്ലങ്കേരിക്കെതിരെ പൊലീസ് രജിസ്റ്റർ ചെയ്തിരിക്കുന്നത്. ജിജോ തില്ലങ്കേരിക്കെതിരെ 23 കേസുകൾ രജിസ്റ്റർ ചെയ്തിട്ടുണ്ട്. ഷുഹൈബ് കൊലക്കേസിൽ ജാമ്യം ലഭിച്ച ആകാശ് തില്ലങ്കേരി അടുത്തിടെ സിപിഎമ്മിനെ പ്രതിരോധത്തിലാക്കി ചില നിർണായക വെളിപ്പെടുത്തൽ നടത്തിയിരുന്നു. ഇതോടെയാണ് ആകാശിനെ പൂട്ടാനുള്ള നീക്കങ്ങൾ സർക്കാർ ആരംഭിച്ചത്. പാർട്ടിയുടെ നിർദ്ദേശ…

ഫിലഡൽഫിയ (പെൻസിൽവേനിയ): നോർത്ത് ഈസ്റ്റ് അമേരിക്കൻ ഭദ്രാസനത്തിലെ സീനിയർ വൈദികനും ഫിലഡൽഫിയ സെന്റ് തോമസ് മലങ്കര ഓർത്തഡോക്സ് ഇടവക വികാരിയും ആയിരുന്ന ഫാ. ബാബു വർഗീസിന്റെ (ഷേബാലി അച്ചൻ ) നാല്പതാം ചരമദിനം ഫെബ്രുവരി 25 ശനിയാഴ്ച മാതൃ ഇടവകയിൽ ആചരിച്ചു. ഫാ. ഡോ. രാജു വർഗീസിൻറെ മുഖ്യ കാർമികത്വത്തിൽ നടന്ന വിശുദ്ധ കുർബാനയ്ക്ക് ഭദ്രാസനത്തിലെ നിരവധി വൈദികർ സഹ കാർമ്മികരായിരുന്നു. വിശുദ്ധ കുർബാനയ്ക്ക് ശേഷം നടന്ന അനുസ്മരണ യോഗത്തിൽ ഇടവക വികാരി ഫാ. ഡോ. വർഗീസ്‌ എം. ഡാനിയേൽ അദ്ധ്യക്ഷനായിരുന്നു. വന്ദ്യ ഷേബാലി അച്ചന് സ്മരണാഞ്ജലി അർപ്പിക്കാൻ നിരവധി വൈദികരും അല്മായരും ഒത്തുചേർന്നതിൽ അദ്ദേഹം സന്തോഷം പ്രകടിപ്പിച്ചു. വർഷങ്ങളായി ഷേബാലി അച്ചനുമായി അടുത്ത ബന്ധം പുലർത്തിയിരുന്ന നിരവധി ആളുകൾ അവരുടെ ഓർമ്മകൾ പങ്കു വച്ചു. വൈദിക സെമിനാരിയിൽ സഹപാഠി ആയിരുന്ന ഫാ. ഡോ. രാജു വർഗീസ്…

ഹൂസ്റ്റൺ: ഹൂസ്റ്റണിലെ സാമൂഹ്യ സാംസ്‌കാരിക സാമുദായിക രംഗത്തെ നിറസാന്നിധ്യമായ ഡോ.അഡ്വ. മാത്യു വൈരമൺ സ്റ്റാഫോർഡ് സിറ്റി കൗൺസിലിലേക്ക് മത്സരിക്കുന്നു. പൊസിഷൻ നമ്പർ 6 ലാണ് അദ്ദേഹത്തിന്റെ മത്സരം. സിറ്റിയിലെ എല്ലാ സ്ഥാനങ്ങളിലേക്കുമുള്ള തിരഞ്ഞെടുപ്പ് സിറ്റി അറ്റ് ലാർജിലാണ് നടക്കുന്നത്. നാമ നിർദ്ദേശ പത്രിക സമർപ്പിച്ചവരിൽ ഒരാൾ പിന്മാറിയാതോടെ മാത്യു വൈരമണ്ണും ടിം വുഡും തമ്മിൽ നേരിട്ടാണ് മത്സരം നടക്കുന്നത്. മേയർ സ്ഥാനത്തേക്ക് മത്സരിക്കുന്ന കെൻ മാത്യുവിന്റെ ഒഴിവിൽ വന്ന കൗൺസിൽ സീറ്റിലാണ് മാത്യു വൈരമൺ തിരഞ്ഞെടുപ്പിനെ നേരിടുന്നത്. ധാരാളം മലയാളികൾ ഉൾപ്പെടെയുള്ള ഇന്ത്യൻ ഏഷ്യൻ വംശജർ തിങ്ങിപ്പാർക്കുന്ന സിറ്റിയിൽ തന്റെ വിജയത്തിൽ വൻ പ്രതീക്ഷയാണുള്ളതെന്നു വൈരമൺ പറഞ്ഞു. മെയ് ആറാം തീയതിയാണ് തിരഞ്ഞെടുപ്പ്. സ്റ്റാഫ്‌ഫോർഡ് സിറ്റിയിലെ സീറോ പ്രോപ്പർട്ടി ടാക്സ് നിലനിർത്തുക, സിറ്റിയിലെ ഡ്രൈനേജ് സിസ്റ്റം നവീകരിക്കുക, സിറ്റിയിലെ എല്ലാ വകുപ്പുകളും സമൂഹത്തിന്റെ ഉന്നമനത്തിനുവേണ്ടി പ്രവർത്തിക്കുന്നുവെന്നു ഉറപ്പു…

വാഷിംഗ്ടൺ: അമേരിക്കൻ പ്രസിഡന്റ് ജോ ബൈഡന്റെ മാനസികനില വഷളായിക്കൊണ്ടിരിക്കുന്നത് രാജ്യത്തിനാകെ ഭീഷണിയാണെന്ന് ആരോപിച്ച് റിപ്പബ്ലിക്കൻ പ്രതിനിധിയും മുൻ വൈറ്റ് ഹൗസ് ഫിസിഷ്യനുമായ റോണി ജാക്‌സൺ. “ബൈഡന്‍ നമ്മുടെ കമാൻഡർ ഇൻ ചീഫായി പ്രവർത്തിക്കുന്നത് നമ്മുടെ രാജ്യത്തിന് ഭീഷണിയാണ്,” ജാക്‌സൺ ശനിയാഴ്ച ട്വീറ്റ് ചെയ്തു. “അദ്ദേഹത്തിന് പകുതി സമയം നഷ്ടപ്പെട്ടു, എല്ലാ ദിവസവും അദ്ദേഹം ചൈനയെയും റഷ്യയെയും പൂർണ്ണ തോതിലുള്ള സംഘർഷത്തിലേക്ക് അടുപ്പിക്കുന്നു. അദ്ദെഹത്തിന്റെ മാനസിക ശേഷി കുറയുന്നത് കൊലപാതകങ്ങളിൽ കലാശിക്കും!,” ജാക്സണ്‍ കൂട്ടിച്ചേര്‍ത്തു. ജോ ബൈഡന്റെ മാനസികാരോഗ്യത്തെക്കുറിച്ച് സുതാര്യത പുലർത്തുന്നതിൽ പരാജയപ്പെട്ടതിന് നിലവിലെ യുഎസ് ഭരണകൂടത്തെ മുൻകാലങ്ങളിൽ ജാക്സൺ വിമർശിച്ചിരുന്നു. 2018 വരെ ബരാക് ഒബാമയുടെയും ഡൊണാൾഡ് ട്രംപിന്റെയും കീഴിലുള്ള പ്രസിഡന്റുമാരുടെ വൈറ്റ് ഹൗസ് ഫിസിഷ്യനായി ജാക്സൺ സേവനമനുഷ്ഠിച്ചിട്ടുണ്ട്. അദ്ദേഹത്തിന്റെ മെഡിക്കൽ ചരിത്രത്തിന്റെ അവലോകനത്തിന്റെയും “വിശദമായ ശാരീരിക പരിശോധനയുടെയും” അടിസ്ഥാനത്തിൽ, വൈറ്റ് ഹൗസ് ഈ മാസം ആദ്യം…

കാലിഫോര്‍ണിയ: മെയ് ആദ്യവാരം നടക്കുന്ന സംസ്ഥാന അസംബ്ലി തിരഞ്ഞെടുപ്പില്‍ ഡിസ്ട്രിക്റ്റ് 76 ല്‍ നിന്നും ഇന്ത്യന്‍ അമേരിക്കന്‍ ദര്‍ശന പട്ടേല്‍ മത്സരിക്കുന്നു. ഇത് സംബന്ധിച്ചു ഔദ്യോഗീക പ്രഖ്യാപനം പുറത്തുവന്നു. 48 വയസ്സുള്ള പട്ടേല്‍ ഡമോക്രാറ്റിക് സ്ഥാനാര്‍ത്ഥിയായിട്ടാണ് മത്സരിക്കുക. സംസ്ഥാന അസംബ്ലിയിലേക്ക് മത്സരിക്കാന്‍ തീരുമാനിച്ചതിനാല്‍ കാലിഫോര്‍ണിയ പൊവെ യൂണിഫൈഡ് സ്‌ക്കൂള്‍ ഡിസ്ട്രിക്റ്റ്  ബോര്‍ഡ് പ്രസിഡന്റ് സ്ഥാനത്തേക്ക് മൂന്നാം തവണ മത്സരിക്കുന്നില്ലെന്നും അവര്‍ വ്യക്തമാക്കി. ജനങ്ങളില്‍ ഒരു മാറ്റം സൃഷ്ടിക്കുക എന്നതാണ് തന്റെ തിരഞ്ഞെടുപ്പു ലക്ഷ്യമെന്നും അവര്‍ കൂട്ടിചേര്‍ത്തു. പൊതുവിദ്യാഭ്യാസം, പൗരന്മാരുടെ സുരക്ഷ, പ്രകൃതി സംരക്ഷണം, ആരോഗ്യരംഗ വികസനം എന്നിവയും തിരഞ്ഞെടുപ്പു വാഗ്ദാനമായി ഇവര്‍ ഉയര്‍ത്തികാണിക്കുന്നു. കൗമാര പ്രായത്തിലാണ് ഇവര്‍ മാതാപിതാക്കളോടൊപ്പം അമേരിക്കയിലേക്ക് കുടിയേറിയത്. 14 വയസ്സില്‍ മാതാവിനെ നഷ്ടപ്പെട്ട ഇവര്‍ മെഡിക്കല്‍, ഹെല്‍ത്ത് ഗവേഷണ മേഖലയിലേക്ക് ആകര്‍ഷിക്കപ്പെട്ടു. ഇര്‍വിനിലെ കാലിഫോര്‍ണിയാ യൂണിവേഴ്‌സിറ്റിയില്‍ നിന്നും ബയോ കെമിസ്ട്രിയില്‍ പി.എച്ച്.ഡി. നേടി.…

വാഷിംഗ്ടണ്‍: ഫോക്‌സ് ന്യൂസ് സർവേയിൽ ട്രംപും ഡിസാന്റിസും മുന്നിൽ നിൽക്കുന്നു റിപ്പബ്ലിക്കന്‍ അഭിപ്രായ സര്‍വേയില്‍ മുന്‍ പ്രസിഡന്റ് ഡൊണാള്‍ഡ് ട്രംപിനാണു മുന്‍തൂക്കം. മുഖ്യ എതിരാളിയാവാന്‍ സാധ്യത കല്‍പ്പിക്കുന്ന ഫ്‌ളോറിഡ ഗവര്‍ണര്‍ റോണ്‍ ഡിസാന്റിസിനേക്കാള്‍ 15 ശതമാനം അധികം പിന്തുണയാണ് ട്രംപിന് ലഭിച്ചത്. നവംബറില്‍ തെരഞ്ഞെടുപ്പ് പ്രചാരണം ആരംഭിച്ച ട്രംപിന് 43 ശതമാനം റിപ്പബ്ലിക്കന്‍ വോട്ടര്‍മാരുടെ പിന്തുണയാണ് ലഭിച്ചതെന്ന് ഫോക്‌സ് പറയുന്നു. തെരഞ്ഞെടുപ്പ് സ്ഥാനാര്‍ത്ഥിത്വം പ്രഖ്യാപിച്ചിട്ടില്ലെങ്കിലും ഡിസാന്റിസാണ് രണ്ടാം സ്ഥാനത്ത്, 28 ശതമാനം പിന്തുണ. അടുത്തിടെ പുറത്തു വന്ന സര്‍വേകളെല്ലാം ഡിസാന്റിസിന് ട്രംപിനു മേല്‍ ലീഡ് പ്രവചിച്ചിരുന്നു. മുന്‍ പ്രസിഡന്റിന് ആശ്വാസം പകരുന്ന സര്‍വേയാണ് ഈ വാരം പുറത്തിറങ്ങിയിരിക്കുന്നത്. മല്‍സരിക്കാന്‍ സാധ്യതയുള്ള 15 റിപ്പബ്ലിക്കന്‍ നേതാക്കളുടെ പേരുകളാണ് ഫോക്‌സ് മുന്നോട്ടു വെച്ചത്. ഈ മാസം ആദ്യ പ്രചാരണം ആരംഭിച്ച യുഎന്നിലെ മുന്‍ യുഎസ് അംബാസഡര്‍ നിക്കി ഹേലിക്ക് 7…