Year: 2023

മങ്കട :മലപ്പുറം ജില്ലയിലെ 24,000 ഭൂരഹിതർക്ക് ചെരിയം മലയിലെ ഭൂമി അടിയന്തരമായി വിതരണം ചെയ്യണമെന്ന് ആവശ്യപ്പെട്ട് വെൽഫെയർ പാർട്ടി (Welfare Party) രണ്ടാം ഘട്ട ഭൂസമരം നടത്തുമെന്ന് സംസ്ഥാന പ്രസിഡന്റ് റസാഖ്‌ പാലേരി. വെൽഫെയർ പാർട്ടി സംസ്ഥാന പ്രസിഡന്റ് റസാഖ്‌ പാലേരിയുടെ കേരള പര്യടനം ‘ഒന്നിപ്പ്’ യാത്രയുടെ ഭാഗമായി ചെരിയം മലയിലെ ഭൂസമരഭൂമി സന്ദർശിച്ച് സംസാരിക്കുകയായിരുന്നു അദ്ദേഹം.കഴിഞ്ഞ രണ്ട് നിയമസഭാ തെരഞ്ഞെടുപ്പുകളിലെയും പ്രകടന പത്രികയിൽ മുഴുവൻ ഭൂരഹിതർക്കും ഭൂമിനൽകുമെന്ന് വാഗ്ദാനം ചെയ്ത ഇടതുപക്ഷ സർക്കാർ, ഭൂമി വിതരണം ചെയ്യാതെ; ഭൂരഹിതരോട് തികഞ്ഞ വഞ്ചനയാണ് പുലർത്തുന്നത്.സമഗ്ര ഭൂപരിഷ്കരണം നടപ്പിലാക്കാൻ നിയമപരമായ തടസങ്ങൾ നിലനിൽക്കുന്നുണ്ടെങ്കിൽ, ആവിശ്യമായ നിയമ നിർമ്മാണം നടത്തുകയാണ് സർക്കാർ ചെയ്യേണ്ടത്.ചെരിയം മലയിൽ 2000 ഏക്കർ ഭൂമി, വന ഭൂമി, സർക്കാർ ഭൂമി, സ്വകാര്യ വ്യക്തിയുടെ ഭൂമി എന്നിവ കൃത്യപ്പെടുത്താൻ തയ്യാറാവണം.പാട്ട കരാർ തീർന്നിട്ടും കുത്തകകൾക്ക് അനുകൂലമായ സമീപനം…

കൊച്ചി: സംസ്ഥാനത്തിന്റെ ടൂറിസം ഭൂപടത്തിലെ ഏറ്റവും പ്രധാനപ്പെട്ട സ്ഥലങ്ങളിലൊന്നായ ഫോർട്ട് കൊച്ചിയെ സംബന്ധിച്ചിടത്തോളം കാര്യങ്ങൾ അത്ര ശുഭകരമല്ലെന്ന് ടൂറിസം മേഖലയിലുള്ളവര്‍ ചൂണ്ടിക്കാണിക്കുന്നു. ബീച്ചിലെ വർധിച്ചുവരുന്ന മാലിന്യപ്രശ്നം പരിഹരിക്കാൻ കൃത്യമായ ഒരു പദ്ധതിയുടെ അഭാവവും വ്യാപകമായ നിർമ്മാണ പ്രവർത്തനങ്ങളും ഈ ചരിത്ര പ്രാധാന്യമുള്ള സ്ഥലത്തിന്റെ ചാരുത നഷ്‌ടപ്പെടുത്തുന്നു. “കടൽത്തീരത്തുകൂടി നടന്നാൽ മതിയാകും ഈ സ്ഥലത്തിന്റെ ദയനീയാവസ്ഥ. ഫോർട്ട് കൊച്ചിയിലെ ഓരോ മണൽത്തരിക്കും ചരിത്രമുണ്ട്. എന്നാൽ, ഇന്ന് എല്ലായിടത്തും മാലിന്യം മാത്രം. കടൽത്തീരത്തേക്കുള്ള പാത അനധികൃത കുടിലുകൾ കൈയടക്കുകയും മാലിന്യം കുന്നുകൂടാൻ കാരണമാവുകയും ചെയ്യുന്നു,” ഫോർട്ട്‌കൊച്ചിയുടെ ചരിത്രത്തിൽ വിദഗ്‌ധനായ മൻസൂർ നൈന പറഞ്ഞു. പ്ലാസ്റ്റിക് മാലിന്യം ശേഖരിക്കുന്നവർ വലിയൊരു പ്രദേശം കയ്യേറി മാലിന്യം നിക്ഷേപിക്കുകയും അവിടെ നിന്ന് സ്ക്രാപ്പ് ബിസിനസ്സ് നടത്തുകയും ചെയ്യുന്നു, മൻസൂർ പറഞ്ഞു. “വിദേശ രാജ്യങ്ങളിൽ നിന്ന് വരുന്ന സന്ദർശകർക്ക് നമ്മള്‍ എന്താണ് കാണിക്കാൻ ശ്രമിക്കുന്നത്?” മൻസൂർ…

ന്യൂയോര്‍ക്ക്: ന്യൂയോര്‍ക്ക് നിവാസികളായ മലയാളി മുസ്ലിം കുടുംബാഗങ്ങളുടെ ഓണ സദ്യ ഒത്തു ചേരൽ ബെൽ റോസിലുള്ള മുംതാസ് യൂസുഫ് ദമ്പതികളുടെ വസതിയിൽ സുഭിക്ഷമായി കൊണ്ടാടി. ഓണാഘോഷങ്ങളോടനുബന്ധിച്ച് എല്ലാ വർഷവും നടത്താറുള്ള കേരളീയ ഓണ സദ്യ കോവിഡ് മഹാമാരി സമയത്ത് താത്ക്കാലികമായി നിർത്തി വെച്ചിരുന്നു. മലയാളി മുസ്ലിം കുടുംബിനികൾ മുൻകൈയ്യെടുത്തു ഒരുക്കിയ സ്വാദിഷടമായ സദ്യ വീണ്ടും അവിസ്മരണീയമാക്കി. ബിരിയാണിയും, കബാബും, നെയ്ച്ചോറും, മന്തിയും, പത്തിരിയും, മുട്ട മാലയും മാത്രമല്ല അവിയലും, കിച്ചടിയും, സാമ്പാറും, എരിശ്ശേരിയും, പുളിശ്ശേരിയും, രസവും, വിവിധ തരം പായസങ്ങളും തങ്ങളുടെ കൈപുണ്യത്തിൽ ഒതുങ്ങുമെന്നു ഒരിക്കൽ കൂടി അവര്‍ തെളിയിച്ചു. ഓണ സദ്യ ഒരുക്കി വിളമ്പുന്നതിനു റസീന, അബ്ദു, ബീന, ഷാജിദ്, ഹസീബ, മെഹബൂബ്, മുംതാസ്, യാസിൻ എന്നിവർ നേതൃത്വം നൽകി. കെങ്കേമമായ ഭക്ഷണ ശേഷം രഹ്ന, ബീന എന്നിവരുടെ ശിക്ഷണത്തിൽ ഒരു അനൗപചാരിക ‘തിരുവാതിര കളി’…