Year: 2023

അധിനിവേശ വെസ്റ്റ് ബാങ്കിൽ ഇസ്രായേൽ സൈന്യത്തെ നേരിടാൻ ഫലസ്തീനിലെ ഇസ്ലാമിക് ജിഹാദ് പ്രസ്ഥാനം പുതിയ ബ്രിഗേഡ് രൂപീകരിച്ചു. തുൽകർം എന്ന പേരിൽ രൂപീകരിച്ച പുതിയ ബ്രിഗേഡ്, അതിന്റെ പേരിലുള്ള നഗരത്തിലെ പലസ്തീൻ അഭയാർത്ഥി ക്യാമ്പിലാണ് പ്രവർത്തിക്കുന്നതെന്ന് അൽ-അലം ന്യൂസ് നെറ്റ്‌വർക്ക് ബുധനാഴ്ച റിപ്പോർട്ട് ചെയ്തു. അധിനിവേശ വെസ്റ്റ് ബാങ്കിലുടനീളം പ്രവർത്തിക്കുന്ന ഇസ്ലാമിക് ജിഹാദിന്റെ അൽ-ഖുദ്സ് ബ്രിഗേഡിന്റെ വിപുലീകരണമാണ് തുൽക്കർം ബ്രിഗേഡ്. ഇസ്രായേൽ ആക്രമണത്തിനെതിരെ തുൽക്കർ ക്യാമ്പിനെ പ്രതിരോധിക്കുക എന്നതാണ് ബ്രിഗേഡിന്റെ പ്രധാന ദൗത്യമെന്ന് ബ്രിഗേഡിന്റെ വക്താവ് പറഞ്ഞു. തുൽക്കർം ക്യാമ്പിലെ സയണിസ്റ്റുകളുടെ കുറ്റകൃത്യങ്ങൾക്കെതിരെ പ്രതികരിക്കുന്നതിനാണ് തുൽക്കർ ബ്രിഗേഡ് രൂപീകരിച്ചിരിക്കുന്നത് … അവരുടെ ആക്രമണത്തിനെതിരെ പ്രതികരിക്കാൻ ഞങ്ങൾ തയ്യാറാണെന്ന് ഞങ്ങൾ അധിനിവേശക്കാര്‍ക്ക് മുന്നറിയിപ്പ് നല്‍കുകയാണെന്ന് പേര് വെളിപ്പെടുത്തരുതെന്ന വ്യവസ്ഥയിൽ വക്താവ് പറഞ്ഞു. അധിനിവേശ വെസ്റ്റ് ബാങ്കിന്റെ വടക്കുപടിഞ്ഞാറായാണ് തുൽക്കർ സ്ഥിതി ചെയ്യുന്നത്. അതിന്റെ അഭയാർത്ഥി ക്യാമ്പിൽ കഴിഞ്ഞ വർഷം…

എറണാകുളം: എറണാകുളത്ത് രണ്ടിടങ്ങളിൽ എടിഎമ്മുകൾ കുത്തിത്തുറന്ന് മോഷണശ്രമം നടത്തിയതായി കണ്ടെത്തി. നെട്ടൂർ ഐഎൻടിയുസി ജംഗ്ഷനിലെ ഇന്ത്യൻ ബാങ്കിന്റെ എടിഎമ്മും പള്ളുരുത്തിയിലെ കേരള ഗ്രാമീണ്‍ ബാങ്കിന്റെ എടിഎമ്മുമാണ് കുത്തിത്തുറക്കാന്‍ ശ്രമിച്ചത്. ഇന്ന് പുലർച്ചെ നാലു മണിയോടെയാണ് ബാങ്കിന്റെ എടിഎമ്മിൽ ആദ്യ മോഷണശ്രമം നടന്നത്. പുലർച്ചെ 4.50ന് പള്ളുരുത്തിയിലെ കേരള ഗ്രാമീണ്‍ ബാങ്കിലാണ് രണ്ടാമത്തെ മോഷണശ്രമം നടന്നത്. രണ്ട് പേർ എടിഎം തകർക്കാൻ ശ്രമിക്കുന്നത് സിസിടിവി ദൃശ്യങ്ങളിൽ നിന്ന് വ്യക്തമാണെന്ന് പോലീസ് പറഞ്ഞു. ഹെൽമറ്റ് ധരിച്ചാണ് സംഘം എടിഎമ്മിൽ കയറിയത്. എടിഎം തകർക്കാൻ ശ്രമിച്ചെങ്കിലും പണം നഷ്ടപ്പെട്ടിട്ടില്ലെന്ന് ഉദ്യോഗസ്ഥർ വ്യക്തമാക്കി. സംഭവത്തിൽ പനങ്ങാട് പോലീസ് കേസെടുത്തു.

എടത്വ: ചേന്നംകരി ദേവമാതാ ഹൈസ്കൂളിൽ അരങ്ങ് 2023 സംഘടിപ്പിച്ചു. ആർട്സ് ഫെസ്റ്റിവൽ ക്രിസ്റ്റൺ മീഡിയ ഡയറക്ടർ ഫാദർ സാബു മണ്ണട എം സിബിഎസ് ഉദ്ഘാടനം ചെയ്തു. പി ടി എ പ്രസിഡൻറ് റോചാ സി മാത്യു അദ്ധ്യക്ഷത വഹിച്ചു. സ്കൂളിന്റെ ഓഡിറ്റോറിയ നവീകരണത്തിനായി 92 എസ്എസ്എൽസി ബാച്ച് പൂർവ്വ വിദ്യാർത്ഥികൾ സമാഹരിച്ച് നൽകിയ തുക ചടങ്ങിൽ പൂർവ്വ വിദ്യാർത്ഥി ആൻറണി വർഗീസ് കൈമാറി. ചടങ്ങിൽ ഹെഡ്മാസ്റ്റർ എം സി മാത്യു , പി ടി എ വൈസ് പ്രസിഡൻറ് രാധാകൃഷ്ണൻ എം ആർ, ജോസ് ബാബു തുടങ്ങിയവർ പ്രസംഗിച്ചു

ഓരോ അപ്ഡേറ്റിലും പ്രേക്ഷകരുടെ പ്രതീക്ഷകൾ പതിന്മടങ്ങാക്കി ദളപതി വിജയുടെ ലിയോ അപ്ഡേറ്റുകൾ മുന്നേറുകയാണ്. ലോകേഷ് കനകരാജ് സംവിധാനം ചെയ്യുന്ന ലിയോയുടെ തമിഴ് പോസ്റ്റർ ഇന്ന് റിലീസായി. ശാന്തമായി യുദ്ധത്തിന് തയ്യാറെടുക്കുക എന്ന ടൈറ്റിലിൽ ഇറങ്ങിയ പോസ്റ്ററിൽ വിജയുടെ തീപ്പൊരിപ്പാറിക്കുന്ന ലുക്ക് അതിഗംഭീരമാണ്.സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിർമിക്കുന്നത്.ശ്രീ ഗോകുലം ഗോപാലന്റെ ഗോകുലം ഫിലിംസ് ആണ് കേരളത്തിലെ വിതരണാവകാശം സ്വന്തമാക്കിയത്. ദളപതി വിജയോടൊപ്പം വമ്പൻ താര നിരയാണ് ലിയോയിൽ ഉള്ളത് . തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തിൽ അണിനിരക്കുന്നത്.ചിത്രത്തിനായി അനിരുദ്ധ് സംഗീതം ഒരുക്കുന്നു.ഡി.ഒ.പി : മനോജ്…

അഭിമുഖം ജില്ലാ ആശുപത്രിയില്‍ കാത്ത് ലാബ് ടെക്നീഷ്യന്‍/എക്കോ ടെക്നീഷ്യന്‍ തസ്തികയിലേക്ക് താല്‍ക്കാലിക നിയമനം നടത്തും. യോഗ്യത: ബി സി വി റ്റി (ഒരു വര്‍ഷത്തെ ഇന്റേണ്‍ഷിപ്പ് ഉള്‍പ്പെടെ നാല് വര്‍ഷം ഡിഗ്രി കോഴ്സ് ) അല്ലെങ്കില്‍ ഡി സി വി റ്റിയും രണ്ടുവര്‍ഷ പ്രവര്‍ത്തിപരിചയവും, സ്റ്റേറ്റ് പാരാമെഡിക്കല്‍ കൗണ്‍സിലില്‍ നിന്നുള്ള സ്ഥിര രജിസ്ട്രേഷന്‍. പ്രായപരിധി 25-40. യോഗ്യത, പ്രായം, പ്രവര്‍ത്തിപരിചയം തെളിയിക്കുന്നതിനുള്ള അസ്സല്‍ സര്‍ട്ടിഫിക്കറ്റ് സാക്ഷ്യപ്പെടുത്തിയ പകര്‍പ്പുകള്‍ സഹിതം സെപ്റ്റംബര്‍ 23 ഉച്ചയ്ക്ക് രണ്ടിന് കൊല്ലം ജില്ലാ ആശുപത്രി സൂപ്രണ്ടിന്റെ ചേമ്പറില്‍ എഴുത്തുപരീക്ഷ/അഭിമുഖത്തിന് എത്തണം. ഫോണ്‍: 0474 2742004. ഖാദി – സ്‌പെഷ്യല്‍ റിബേറ്റ് ഗാന്ധി ജയന്തിയോടനുബന്ധിച്ചു ഖാദി തുണിത്തരങ്ങള്‍ക്ക് സെപ്റ്റംബര്‍ 23 മുതല്‍ ഒക്‌ടോബര്‍ മൂന്ന് വരെ സ്‌പെഷ്യല്‍ റിബേറ്റ് ലഭിക്കും. കോട്ട, സില്‍ക്ക് തുണിത്തരങ്ങള്‍ക്ക് 30 ശതമാനം പൊളിവസ്ത്ര, വൂളന്‍ തുണിത്തരങ്ങള്‍ക്ക് 20 ശതമാനം…

മലപ്പുറം: കേരളത്തിലൂടെ സർവീസ് നടത്തുന്ന പ്രധാനപ്പെട്ട ട്രെയിനുകളിൽ സ്ലീപ്പർ കോച്ചുകൾ വെട്ടക്കുറിക്കുന്നത് കേരളത്തിലെ ജനങ്ങൾക്ക് ദുരിതമുണ്ടാക്കുന്നതാണെന്ന് വെൽഫെയർ പാർട്ടി ജില്ലാ എക്സിക്യൂട്ടീവ് പറഞ്ഞു. നിലവിൽ ആവശ്യത്തിന് സീറ്റുകൾ ലഭിക്കാതെ പ്രയാസപ്പെടുന്ന സാധാരണക്കാർക്ക് കൂടുതൽ ദുരിതം ഉണ്ടാക്കുന്നതാണ് ഈ നടപടി. സംസ്ഥാന സർക്കാറും എംപിമാർ അടക്കമുള്ള ജനപ്രതിനിധികളും ഈ വിഷയത്തിൽ ഗൗരവത്തിൽ ഇടപെടണമെന്നും പാർട്ടി ആവശ്യപ്പെട്ടു. റെയിൽവേ സ്റ്റേഷനുകളിലേക്കടക്കം വിവിധ പ്രതിഷേധ പരിപാടികൾ സംഘടിപ്പിക്കുവാനും ജില്ലാ എക്സിക്യൂട്ടീവ് തീരുമാനിച്ചു. ജില്ലാ പ്രസിഡന്റ് നാസർ കീഴുപറമ്പ് അദ്ധ്യക്ഷത വഹിച്ചു. ജനൽ സെക്രട്ടറി കെ വി സഫീർഷാ, മുനീബ് കാരക്കുന്ന്, കൃഷ്ണൻ കുനിയിൽ, വഹാബ് വെട്ടം, നസീറ ബാനു, സുഭദ്ര വണ്ടൂർ, ആരിഫ് ചുണ്ടയിൽ, ജാഫർ സി സി, രജിത മഞ്ചേരി, ഇബ്രാഹിം കുട്ടി മംഗലം, ഖാദർ അങ്ങാടിപ്പുറം, നൗഷാദ് ചുള്ളിയൻ, ബിന്ദു പരമേശ്വരൻ, അഷ്റഫ്അലി കട്ടുപ്പാറ എന്നിവർ സംസാരിച്ചു.  

തിരുവനന്തപുരം: ഇന്ത്യൻ നാഷണൽ ഡെവലപ്‌മെന്റ് ഇൻക്ലൂസീവ് അലയൻസ് (ഇന്ത്യ) ചർച്ചകളിൽ ഏകോപന സമിതിയിൽ അംഗമാകാതെ തന്നെ കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്‌സിസ്റ്റ്) (സിപിഐഎം) പങ്കെടുക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. ബിജെപി വിരുദ്ധ സഖ്യത്തിൽ അകമഴിഞ്ഞ പങ്കാളിയാകാതെ സിപിഐ എം ഫോറവുമായി സഹകരിക്കുമെന്ന് ചൊവ്വാഴ്ച വാർത്താസമ്മേളനത്തിൽ അദ്ദേഹം പറഞ്ഞു. ഇന്ത്യൻ നേതാക്കളുമായി സിപിഐഎം നേതാക്കൾ ചർച്ച നടത്തും. എന്നാല്‍, സിപിഐ(എം) ബ്ലോക്കിന്റെ സംഘടനാ സംവിധാനത്തിന്റെ ഭാഗമാകില്ല. മുന്നണിയുമായി സഹകരിക്കുമ്പോൾ തന്നെ അത് അതിന്റെ വേറിട്ട ഐഡന്റിറ്റി നിലനിർത്തുകയും പാർട്ടി ലൈനിൽ നിൽക്കുകയും ചെയ്യും. കോൺഗ്രസിനെ അവഗണിച്ച് സിപിഐഎമ്മിന്റെ കേരള നേതൃത്വം ഇന്ത്യാ ബ്ലോക്കിൽ ചേരാനുള്ള ദേശീയ നേതൃത്വത്തിന്റെ നീക്കത്തിന് നേതൃത്വം നൽകിയെന്ന് പ്രതിപക്ഷ നേതാവ് വി ഡി സതീശൻ ആരോപിച്ചിരുന്നു. കള്ളപ്പണം വെളുപ്പിക്കലും അഴിമതിയും ആരോപിച്ച് കേന്ദ്ര ഏജൻസികളുടെ പ്രോസിക്യൂഷൻ നേരിടുന്ന ചില സിപിഐ(എം) നേതാക്കൾ…

തിരുവനന്തപുരം: കേരളത്തിലെ തിരുവോണം ബമ്പർ ലോട്ടറിയുടെ 25 കോടി രൂപയുടെ ഒന്നാം സമ്മാനം ടിഇ 230662 എന്ന ടിക്കറ്റിന് ലഭിച്ചു. കോഴിക്കോട് പാളയത്തെ ബാവ ലോട്ടറി ഏജൻസിയുടെ സബ് ഏജന്റാണ് പാലക്കാട് വാളയാറിൽ വിറ്റ ടിക്കറ്റിനാണ് ഒന്നാം സമ്മാനം ലഭിച്ചത്. കോയമ്പത്തൂർ സ്വദേശി നടരാജൻ വാങ്ങിയ ടിഇ 230662 എന്ന ടിക്കറ്റിനാണ് ഒന്നാം സമ്മാനം. തിരുവനന്തപുരം ബേക്കറി ജംഗ്ഷനിലെ ഗോർഖി ഭവനിൽ ഉച്ചയ്ക്ക് 2 മണിക്കാണ് നറുക്കെടുപ്പ് ആരംഭിച്ചത്. കേരള ലോട്ടറിയുടെ ചരിത്രത്തിലെ ഏറ്റവും വലിയ സമ്മാനമായ 25 കോടിയാണ് ഒന്നാം സമ്മാനം. ഒന്നാം സമ്മാനം ലഭിച്ച ടിക്കറ്റ് കോഴിക്കോട് ബാവ ഏജൻസിയിലെ ഷീബ എസ് എന്ന ഏജന്റാണ് വാളയാറിൽ വിറ്റത്. സെപ്റ്റംബർ 11ന് ലോട്ടറി വകുപ്പിന്റെ കോഴിക്കോട് ഓഫീസിൽ നിന്നാണ് ലോട്ടറി ഏജൻസി ടിക്കറ്റെടുത്തത്. വാളയാറിലെ സബ് ഏജന്റാണ് ടിക്കറ്റ് അന്നുതന്നെ വിറ്റതെന്ന് ഏജൻസി അറിയിച്ചു.…