Month: July 2023

കൊല്ലം: മന്ത്രി വി ശിവന്‍കുട്ടിയുടെ പൈലറ്റ്‌ വാഹനം ആംബുലന്‍സില്‍ ഇടിച്ച സംഭവത്തില്‍ കൊട്ടാരക്കര പോലീസ്‌ കേസെടുത്തു. പൈലറ്റ് വാഹനത്തിന്റെയും ആംബുലന്‍സിന്റെയും ഡ്രൈവര്‍മാര്‍ക്കെതിരെയാണ് കേസെടുത്തത്. അശ്രദ്ധമായി വാഹനമോടിച്ചതിനാണ്‌ കേസ്‌. ആംബുലന്‍സില്‍ ഉണ്ടായിരുന്ന രോഗിയുടെ ഭര്‍ത്താവിന്റെ മൊഴിയുടെ അടിസ്ഥാനത്തിലാണ്‌ കേസെടുത്തിരിക്കുന്നത്‌. ഇന്നലെ വൈകിട്ടായിരുന്നു മന്ത്രി വി ശിവൻകുട്ടിയുടെ പൈലറ്റ് വാഹനവും ആംബുലൻസും കൂട്ടിയിടിച്ച് അഞ്ചുപേർക്ക് പരിക്കേറ്റത്. ഭക്ഷണത്തിൽ നിന്നുണ്ടായ അലർജിയെത്തുടര്‍ന്ന് രോഗിയായ സ്ത്രീയെ നെടുമൻകാവ് പ്രാഥമികാരോഗ്യ കേന്ദ്രത്തിൽ നിന്ന് കൊട്ടാരക്കരയിലെ സ്വകാര്യ ആശുപത്രിയിലേക്ക് ആംബുലൻസ് പോകുംവഴി പുലമണ്‍ ജംഗ്ഷനില്‍ വെച്ചായിരുന്നു അപകടം. കോട്ടയം ഭാഗത്ത് നിന്നും തിരുവനന്തപുരത്തേക്ക് വന്ന മന്ത്രിയുടെ പൈലറ്റ് വാഹനം ആംബുലൻസിലേക്ക് ഇടിച്ചു കയറുകയായിരുന്നു. ആംബുലൻസ് ഡ്രൈവർ നെടുമന സ്വദേശി നിതിൻ, ഓടനാവട്ടം സ്വദേശി അശ്വകുമാർ, ഭാര്യ ദേവിക, ബന്ധു ഉഷാകുമാരി, ശൂരനാട് സ്‌റ്റേഷനിലെ പോലീസ് ജീപ്പ് ഓടിച്ച സിപിഒ ബിജുലാൽ എന്നിവർക്കാണ് പരിക്കേറ്റത്. ഇതിനിടെ തന്നെ…

ഇടുക്കി: തൊടുപുഴ ന്യൂമാൻ കോളജിലെ മലയാളം മുന്‍ പ്രൊഫസര്‍ ടി.ജെ.ജോസഫിന്റെ കൈ വെട്ടി മാറ്റിയ കേസിലെ പ്രതികള്‍ക്ക് കോടതി ശിക്ഷ വിധിച്ചതിനെതിരെ മതമൗലികവാദികളുടെ പ്രതിഷേധം. കേസിലെ മൂന്ന് പ്രതികൾക്ക് ജീവപര്യന്തം ശിക്ഷ ലഭിച്ചതിന് പിന്നാലെ സോഷ്യൽ മീഡിയയിൽ രൂക്ഷമായ സൈബർ ആക്രമണമാണ് നടക്കുന്നത്. പോപ്പുലർ ഫ്രണ്ട് ഭീകരരെ പിന്തുണച്ചും ജോസഫിനെ കുറ്റപ്പെടുത്തിക്കൊണ്ടുമുള്ള പോസ്റ്റുകളും കമന്റുകളും വ്യാപകമായി പ്രചരിക്കുകയാണ്. താന്‍ പഠിപ്പിക്കുന്ന മുസ്ലിം മതസ്ഥരായ വിദ്യാര്‍ത്ഥികള്‍ക്ക്, മുഹമ്മദും ദൈവവും തമ്മിലുള്ള സംഭാഷണം വീക്ഷിക്കുമ്പോഴുണ്ടാകുന്ന ഭ്രമാത്മകത കണ്ട് ആനന്ദിക്കാന്‍ കാത്തുനിന്നൊരു വെറുമൊരു സൈക്കോ ആയിരുന്നില്ലേ ജോസഫ്? ജോസഫിനെക്കാൾ ഭ്രാന്തന്മാർ രാജ്യത്തിന് നീതി നൽകുന്നതിന് മുമ്പ് നിയമം കൈയിലെടുക്കുമ്പോൾ ജോസഫ് മാലാഖയായി മാറിയെന്ന് ഒരാൾ ആരോപിച്ചു. കൈവെട്ടിയത് ഭീകര പ്രവർത്തനമെന്ന് കോടതി…….ചെറ്റത്തരം എഴുതിയവനെതിരെ ഒരു നടപടിയുമില്ല……അവൻ അന്നും, ഇന്നലെയും, ഇന്നും വീണ്ടും വീണ്ടും അതാവർത്തിച്ചു കൊണ്ടിരിക്കുന്നുവെന്നാണ് മറ്റൊരാളുടെ കമന്റ്. എല്ലാം തന്നെ…

കൊച്ചി: തൊടുപുഴ ന്യൂമാന്‍ കോളേജിലെ ബികോം മലയാളം പ്രൊഫസര്‍ ടി.ജെ. ജോസഫിന്റെ കൈപ്പത്തി വെട്ടിയ കേസിലെ ആദ്യ മൂന്ന്‌ പ്രതികള്‍ക്ക്‌ കൊച്ചി എന്‍ഐഎ കോടതി ജീവപര്യന്തം തടവ്‌ ശിക്ഷ വിധിച്ചു. ആക്രമണത്തിൽ നേരിട്ട് പങ്കെടുത്ത രണ്ടാം പ്രതിയായ പോപ്പുലർ ഫ്രണ്ട് പ്രവര്‍ത്തകന്‍ മുവാറ്റുപുഴ സ്വദേശി സജില്‍ (36), മുഖ്യ സൂത്രധാരനായിരുന്ന മൂന്നാം പ്രതി ആലുവ സ്വദേശി എംകെ നാസര്‍ (48), അഞ്ചാം പ്രതി കടുങ്ങല്ലൂര്‍ സ്വദേശി നജീബ്‌ (42) എന്നിവരെയാണ് ജീവപര്യന്തം തടവിന്‌ ശിക്ഷിക്കപ്പെട്ടത്. ഇവർക്കെതിരെ ചുമത്തിയ വധശ്രമം, ഭീകര പ്രവർത്തനം എന്നിവയുൾപ്പെടെ ശരിവച്ചാണ് കോടതി ശിക്ഷ വിധിച്ചത്. ജഡ്ജി അനിൽ ഭാസ്‌കറാണ് വിധി പ്രസ്താവിച്ചത്. ശിക്ഷാ വിധിക്കിടെ, പ്രതികൾക്ക് മാനസാന്തരം ഉണ്ടാകുമെന്ന് പറയാൻ സാധിക്കില്ലെന്ന് കോടതി നിരീക്ഷിച്ചു. കഴിഞ്ഞ ദിവസം കുറ്റക്കാരെന്ന്‌ കണ്ടെത്തിയ ബാക്കി മൂന്ന്‌ പ്രതികള്‍ക്ക്‌ മൂന്ന്‌ വര്‍ഷം വീതം തടവ്‌ ശിക്ഷ വിധിച്ചിരുന്നു.…

കഴിഞ്ഞ ജൂണിൽ റഷ്യൻ കൂലിപ്പടയാളികൾ നടത്തിയ സായുധ കലാപത്തിന് ശേഷം വാഗ്നർ ഗ്രൂപ്പ് 2,000-ത്തിലധികം സൈനിക ഉപകരണങ്ങളും റോഡ് ബ്ലോക്കുകളും ഒന്നിലധികം മിസൈൽ വിക്ഷേപണ സംവിധാനങ്ങളും ഉൾപ്പെടെ റഷ്യൻ പ്രതിരോധ മന്ത്രാലയത്തിന് കൈമാറിയതായി സൈനിക വക്താവ് ഇഗോർ കൊനാഷ്ങ്കോവ് ഇന്ന് റിപ്പോർട്ട് ചെയ്തു. റഷ്യൻ ഫെഡറേഷന്റെ സായുധ സേന, പദ്ധതിക്ക് അനുസൃതമായി, വാഗ്നർ ഗ്രൂപ്പിന്റെ യൂണിറ്റുകളിൽ നിന്ന് ആയുധങ്ങളും സൈനിക ഉപകരണങ്ങളും സ്വീകരിക്കുന്നത് പൂർത്തിയാക്കുകയാണെന്ന് ലെഫ്റ്റനന്റ് ജനറൽ പ്രസ്താവനയിൽ പറഞ്ഞു. ടി -90, ടി -80, ടി -72 ബി 3 ടാങ്കുകൾ, ഗ്രാഡ്, യുറാഗ്ൻ മൾട്ടിപ്പിൾ ലോഞ്ച് റോക്കറ്റ് സംവിധാനങ്ങൾ, പാന്റ്സിർ ആന്റി-എയർക്രാഫ്റ്റ് ഗൺ, മിസൈൽ സംവിധാനങ്ങൾ, സ്വയം ഓടിക്കുന്ന പീരങ്കികൾ 2S1 Gvozdika, Acacia, Hiacinth, Tulip, hovitzers, anti-tank missiles തുടങ്ങി നൂറുകണക്കിന് ഭാരമേറിയ ആയുധങ്ങൾ ഉൾപ്പെടെ 2,000-ത്തിലധികം ഉപകരണങ്ങളും ആയുധങ്ങളും പ്രതിരോധത്തിന്…

ഡാൾട്ടൺ (പെൻസിൽവേനിയ): ആത്മീയ ധന്യതയിലേക്ക് കുടുംബങ്ങളെ കൈപിടിച്ചുയർത്തുന്ന ധ്യാനാനുഭവത്തിന് ഇവിടെ തുടക്കമായി. മലങ്കര ഓർത്തഡോക്സ് സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി/യൂത്ത് കോൺഫറൻസിന് തിരി തെളിഞ്ഞതോടെ, ആത്മീയ ദിനരാത്രങ്ങളുടെ സൗമ്യ ദീപ്തിക്കാണ് തുടക്കമായത്. ഭദ്രാസന മെത്രാപ്പോലീത്ത സഖറിയ മാർ നിക്കളാവോസിന്റെ നേതൃത്വത്തിലും ഭദ്രാസന കൗൺസിലിന്റെയും കോൺഫറൻസ് കമ്മിറ്റിയുടെ ആഭിമുഖ്യത്തിലും വിവിധ കമ്മിറ്റികൾ പ്രവർത്തങ്ങൾ ഏകോപിപ്പിച്ച് കോൺഫറൻസ് ഏറ്റവും സജീവമാക്കിയിട്ടുണ്ട്. അത്താഴത്തിനു ശേഷം ഹോളി ട്രാൻസ്ഫിഗറേഷൻ റിട്രീറ്റ് സെന്ററിന്റെ കവാടത്തിൽ നിന്ന് തുടങ്ങിയ ഘോഷയാത്രയിൽ കാനഡ മുതൽ നോർത്ത് കരോളിന വരെയുള്ള ഇടവക ജനങ്ങൾ അണിനിരന്നു. ഏറ്റം മുന്നിൽ കോൺഫറൻസ് ബാനറിനു പിന്നിൽ അമേരിക്കയുടെയും ഇൻഡ്യയുടെയും കാതോലിക്കേറ്റിന്റെയും പതാകകൾ അണിനിരന്നു. സഭാ മാനേജിംഗ് കമ്മിറ്റി അംഗങ്ങൾ, ഭദ്രാസന കൗൺസിൽ അംഗങ്ങൾ, കോൺഫറൻസ് കമ്മിറ്റി അംഗങ്ങൾ, ന്യൂയോർക്ക് ലോംഗ് ഐലന്റ് ബീറ്റ്സിന്റെ ചെണ്ടമേളം ടീം, ഇടവക ജനങ്ങൾ, ഭദ്രാസന…

ഡാളസ്: ഏഴാമത് സീറോ മലബാർ ഇന്റർ പാരിഷ് ടാലന്റ് ഫെസ്റ്റ് (IPTF 2023)  നു വെള്ളിയാഴ്ച ഡാലസിൽ തുടക്കം. ജൂലൈ 14  വെള്ളിയാഴ്ച രാവിലെ മുതൽ 16 ഞായർ വരെ നടക്കുന്ന ന്റർ പാരിഷ് ടാലന്റ് ഫെസ്റ്റിനു ഡാളസ് സെന്റ് തോമസ് സീറോ മലബാർ ഫൊറോനാ വേദിയാകും. ജൂലൈ 14 വെള്ളിയാഴ്ച വൈകുന്നേരം 4:30 നു നടക്കുന്ന പൊതു പരിപാടിയിൽ,  ഫെസ്റ്റിന്റെ ഒദ്യോഗിക    ഉത്ഘാടനം ഷിക്കാഗോ സീറോ മലബാര്‍ രൂപതാ മെത്രാൻ  മാർ ജോയ് ആലപ്പാട്ട്‌  നിർവഹിക്കും. എല്ലാ ഇടവകകളും അണിനിരന്നുള്ള  ഓപ്പണിങ് സെറിമണിയും ഇതോടൊപ്പം നടക്കും. ടെക്‌സാസ് , ഒക്ലഹോമ റീജിയണിലെ ഒൻപത് സീറോ മലബാർ ഇടവകകളിൽ നിന്നുള്ള അറുനൂറോളം കലാപ്രതിഭകൾ പങ്കെടുക്കുന്നു. സംഗീതം, നൃത്തം, പ്രസംഗം, മോണോ ആക്ട്, ബൈബിൾ ക്വിസ്, സ്കിറ്റ് തുടങ്ങി  ഇരുപത് മത്സര ഇനങ്ങളിലായി ഫെസ്റ്റ് പുരോഗമിക്കും. ഡാളസ്…