കീവ്: റഷ്യൻ പ്രസിഡന്റ് വ്‌ളാഡിമിർ പുടിനെ പുറത്താക്കാനുള്ള അട്ടിമറി “ഇതിനകം നടന്നുകൊണ്ടിരിക്കുകയാണെന്നും” ഈ വർഷം അവസാനത്തോടെ മോസ്കോ യുദ്ധത്തിൽ പരാജയപ്പെടുമെന്നും ഉക്രൈൻ ചാര മേധാവി അവകാശപ്പെട്ടു. ഈ വേനൽക്കാലത്ത് സംഘർഷത്തിൽ ഒരു വഴിത്തിരിവ് വരുമെന്നും ഒടുവിൽ പുടിനെ അധികാരത്തിൽ നിന്ന് പുറത്താക്കുന്നത് കാണുമെന്നും മേജർ ജനറൽ കെറിലോ ബുഡനോവ് പറഞ്ഞതായി ഡെയ്‌ലി മെയിൽ റിപ്പോർട്ട് ചെയ്തു. ക്യാൻസറും മറ്റ് അസുഖങ്ങളും കൊണ്ട് ബുദ്ധിമുട്ടുന്ന പുടിൻ മാനസികവും ശാരീരികവുമായ അവസ്ഥയിൽ വളരെ മോശമാണെന്ന് ജനറൽ ബുഡനോവ് അവകാശപ്പെട്ടതായി റിപ്പോര്‍ട്ടിലുണ്ട്. “ബ്രേക്കിംഗ് പോയിന്റ് ഓഗസ്റ്റ് രണ്ടാം ഭാഗത്തിലായിരിക്കും,” ജനറൽ ബുഡനോവ് പറഞ്ഞു. സജീവമായ പോരാട്ടങ്ങളിൽ ഭൂരിഭാഗവും ഈ വർഷാവസാനത്തോടെ പൂർത്തിയാകും. ഇത് ഒടുവിൽ റഷ്യൻ ഫെഡറേഷന്റെ നേതൃമാറ്റത്തിലേക്ക് നയിക്കും. ഈ പ്രക്രിയ ഇതിനകം ആരംഭിച്ചു കഴിഞ്ഞെന്നും അദ്ദേഹം കൂട്ടിച്ചേര്‍ത്തു. തൽഫലമായി, ഞങ്ങളുടെ എല്ലാ പ്രദേശങ്ങളിലും ഞങ്ങൾ ഉക്രേനിയൻ ശക്തി പുതുക്കുമെന്നും…
റഷ്യൻ പ്രസിഡന്റ് വ്‌ളാഡിമിർ പുടിൻ ‘രക്താർബുദം ബാധിച്ച് ഗുരുതരാവസ്ഥയിലാണെന്ന്’ റിപ്പോർട്ട്
