Category: KERALA

കൊച്ചി: ക്ഷീര കര്‍ഷകരുടെ ക്ഷേമം ലക്ഷ്യമാക്കി പീപ്പിള്‍സ് ഡയറി ഡെവലപ്‌മെന്റ് പ്രൊജക്ട്( പിഡിഡിപി) സെന്‍ട്രല്‍ സൊസൈറ്റി നടത്തുന്ന പ്രവര്‍ത്തനങ്ങള്‍ മാതൃകാപരമാണെന്ന് ക്ഷീരവികസന വകുപ്പ് മന്ത്രി ജെ. ചിഞ്ചുറാണി. അങ്കമാലി സി.എസ്.എ ഓഡിറ്റോറിയത്തില്‍ നടന്ന പിഡിഡിപിയുടെ ക്ഷീരകര്‍ഷക ക്ഷേമപ്രവര്‍ത്തന പദ്ധതികളുടെ ഭാഗമായുള്ള കന്നുകുട്ടി പരിപാലന പദ്ധതിയും പൊതുസമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ഒരു കോടി രൂപ ചെലവ് പ്രതീക്ഷിക്കുന്ന കന്നുകുട്ടി പരിപാലന പദ്ധതി സൊസൈറ്റിക്ക് കീഴിലുള്ള കര്‍ഷകര്‍ക്ക് ഏറെ പ്രയോജനകരമാണെന്ന് അഭിപ്രായപ്പെട്ട മന്ത്രി കേരളം പാല്‍ ഉദ്പാദനത്തില്‍ സ്വയം പര്യാപ്തത നേടേണ്ടതുണ്ടെന്നും സര്‍ക്കാര്‍ അതിനായുള്ള പദ്ധതികളാണ് ആവിഷ്‌കരിക്കുന്നതെന്നും പറഞ്ഞു. മുപ്പതിനായിരത്തിലധികം ക്ഷീരകര്‍ഷകര്‍ക്ക് പിന്തുണയായി പ്രവര്‍ത്തിക്കുന്ന സൊസൈറ്റി തങ്ങളുടെ ലാഭവിഹിതം വിവിധ ക്ഷേമപദ്ധതികളിലൂടെ കര്‍ഷകരിലേക്ക് എത്തിക്കുകയാണ്. 200 ല്‍ അധികം പാല്‍ സൊസൈറ്റികളും രണ്ടായിരത്തിലധികം മില്‍ക് ബൂത്തുകളും ഒരുലക്ഷം ലിറ്റര്‍ സ്ഥാപിത ശേഷിയുള്ള അത്യാധുനിക ഡയറി പ്ലാന്റുമുള്ള പിഡിഡിപിക്ക്…

കൊച്ചി നഗരത്തിലെ തെരുവുകളിൽ സിസിടിവി ക്യാമറകൾ സ്ഥാപിക്കാൻ സ്വകാര്യ സ്ഥാപനത്തിന് മൂന്ന് മാസം കൂടി സമയം നൽകാൻ കൊച്ചി കോർപ്പറേഷൻ തീരുമാനിച്ചു. അനധികൃത മാലിന്യം തള്ളുന്നത് നിരീക്ഷിക്കുന്നതിനും പോലീസിൻ്റെ ആവശ്യങ്ങൾക്കുമാണ് ക്യാമറകൾ സ്ഥാപിക്കാൻ നിർദേശം നല്‍കിയത്. സിറ്റി പോലീസുമായി കൂടിയാലോചിച്ച് പൗര പ്രതിനിധികൾ കണ്ടെത്തിയ തന്ത്രപ്രധാനമായ സ്ഥലങ്ങളിൽ ക്യാമറകൾ സ്ഥാപിക്കും. ഈ വർഷം ജൂലൈ 15-നകം ക്യാമറകൾ സ്ഥാപിക്കുന്നത് കമ്പനി പൂർത്തീകരിക്കുമെന്ന് പ്രതീക്ഷിച്ചിരുന്നു. എന്നാല്‍, സാങ്കേതിക തടസ്സങ്ങൾ ചൂണ്ടിക്കാട്ടി അവ സ്ഥാപിക്കാന്‍ കൂടുതല്‍ സമയം വേണമെന്ന് ആവശ്യപ്പെട്ടതനുസരിച്ചാണ് ഇപ്പോഴത്തെ തീരുമാനം. പ്രതികൂല കാലാവസ്ഥയാണ് ക്യാമറ സ്ഥാപിക്കാന്‍ വൈകിയതെന്നും സൂചിപ്പിച്ചിരുന്നു. പദ്ധതിയുടെ നിലവിലെ സ്ഥിതി പരിശോധിച്ച ശേഷം ഇക്കാര്യത്തിൽ തീരുമാനമെടുക്കാമെന്ന് കോർപറേഷൻ അധികൃതർ നിർദേശിച്ചിരുന്നു. വ്യാഴാഴ്ച കോർപറേഷൻ കൗൺസിലിൻ്റെ അജണ്ട പരിഗണിച്ചപ്പോൾ സമയം നീട്ടാനുള്ള നിർദേശം കടുത്ത എതിർപ്പാണ് നേരിട്ടത്. ഒരു വർഷത്തിലേറെയായി പദ്ധതി മുടങ്ങിക്കിടക്കുകയാണെന്ന് പ്രതിപക്ഷ കൗൺസിലർമാർ…

തിരുവനന്തപുരം: ജൈവ അധിനിവേശം മൂലം വേളി-ആക്കുളം തടാകത്തിൽ കാര്യമായ പാരിസ്ഥിതിക തകർച്ചയുണ്ടെന്ന് പുതിയ പഠനം വെളിപ്പെടുത്തി. കേരള സർവ്വകലാശാലയിലെ ഗവേഷകരുടെ നേതൃത്വത്തിൽ ചൈനയിലെ ഹാങ്‌ഷൗവിൽ നടന്ന തീരദേശ പ്രതിരോധം സംബന്ധിച്ച അന്താരാഷ്ട്ര സമ്മേളനത്തിൽ (ഇസിഎസ്എ 60) അവതരിപ്പിച്ച പഠനം, കഴിഞ്ഞ മൂന്ന് പതിറ്റാണ്ടുകളായി തടാകത്തിൻ്റെ ട്രോഫിക് നിലയിലും ഭക്ഷ്യവലയത്തിലും സംഭവിച്ച നാടകീയമായ മാറ്റങ്ങൾ എടുത്തുകാണിക്കുന്നു. പാരിസ്ഥിതിക കാര്യക്ഷമതയും ഭക്ഷ്യ വെബ് ഘടനയും വിലയിരുത്താൻ ഇക്കോപാത്ത് മോഡൽ ഉപയോഗിച്ചുള്ള ഗവേഷണം വേളി-ആക്കുളം തടാകത്തിലെ തദ്ദേശീയ ജലജീവികളുടെ കുറവും അധിനിവേശ ജീവിവർഗങ്ങളുടെ വർദ്ധനവും വെളിപ്പെടുത്തി. 1990-കളിൽ കേരള സർവ്വകലാശാലയിലെ സി.എം. അരവിന്ദൻ ആദ്യമായി ആവാസവ്യവസ്ഥയുടെ ഭൂപടം തയ്യാറാക്കി, ചെമ്മീൻ, നാടൻ സിക്ലിഡുകൾ, ബാർബുകൾ, ക്യാറ്റ്ഫിഷുകൾ തുടങ്ങിയ നാടൻ ഇനങ്ങളുടെ സമൃദ്ധമായ സാന്നിധ്യം വെളിപ്പെടുത്തി. എന്നാല്‍, ഈ ജീവിവർഗങ്ങളുടെ ജൈവവസ്തുക്കളിൽ ഗണ്യമായ കുറവുണ്ടായതായി നിലവിലെ പഠനം വെളിപ്പെടുത്തുന്നു. ഉദാഹരണത്തിന്, കൊഞ്ചിൻ്റെ ജൈവാംശം…

തിരുവനന്തപുരം: വയനാട് ദുരിതാശ്വാസ നിധിയിലേക്കായി കെഎസ്ആർടിസി ജീവനക്കാരുടെ ശമ്പളത്തില്‍ നിന്ന് ‘സാലറി ചലഞ്ചിന്റെ പേരില്‍ പണം പിരിക്കരുതെന്ന് ഗതാഗത മന്ത്രി നിര്‍ദ്ദേശിച്ചു. ശമ്പളം കൈപ്പറ്റിയ ശേഷം വയനാട്ടിലേക്കുള്ള സാലറി ചലഞ്ചിൽ പങ്കെടുക്കാൻ മാനേജ്‌മെൻ്റ് ഉത്തരവിറക്കിയിരുന്നു. ഇത് റദ്ദാക്കണമെന്ന് മന്ത്രി നിര്‍ദ്ദേശിച്ചു. സാലറി ചലഞ്ചുമായി ബന്ധപ്പെട്ട ഉത്തരവിറക്കിയ ഉദ്യോഗസ്ഥർക്കെതിരെ നടപടി എടുക്കുമെന്ന് ഗതാഗത മന്ത്രി കെ. ബി ​ഗണേഷ് കുമാർ പറഞ്ഞു. ഉത്തരവിറക്കിയതിന് പിന്നിലെ ദുരൂഹത അന്വേഷിക്കാൻ കെഎസ്ആർടിസി സിഎംഡിയോട് മന്ത്രി ആവശ്യപ്പെട്ടു. ജീവനക്കാർ സാലറി ചലഞ്ചിൽ പങ്കെടുക്കണമെന്ന് കെഎസ്ആർടിസി സിഎംഡി തന്നെയാണ് ഉത്തരവിറക്കിയത്. ഇതേ സിഎംഡിക്കാണ് ഉത്തരവ് ഇറക്കിയതിൽ അന്വേഷണം നടത്താനുള്ള ചുമതലയും. ശമ്പളം കൃത്യമായി ലഭിക്കാത്ത ജീവനക്കാരിൽ നിന്ന് ദുരിതാശ്വാസ നിധിയിലേക്ക് പണം വാങ്ങിയത് വിമർശനത്തിന് ഇടയാക്കിയിരുന്നു. സർക്കുലർ വിവാദമായതോടെ ഗതാഗതമന്ത്രി വിഷയത്തിൽ ഇടപെട്ടു. ഉത്തരവിന് പിന്നിൽ ദുരൂഹതയുണ്ടെന്ന് ആരോപിച്ച് ഗതാഗത മന്ത്രി സർക്കുലർ ഉടൻ…

തൃശ്ശൂര്‍: ഓണത്തെ വരവേല്‍ക്കാന്‍ തയ്യാറെടുത്ത് ഗുരുവായൂര്‍ ക്ഷേത്രം. ഈ ഓണക്കാലത്തും ഗുരുവായൂര്‍ ക്ഷേത്രത്തില്‍ പതിവ് തിരക്ക് തന്നെയാണ് കാണപ്പെടുന്നത്. അതിനാല്‍ തന്നെ തിരുവോണ നാളിലും കഴിഞ്ഞ വര്‍ഷത്തിലേത് പോലെ തന്നെ തിരക്കുണ്ടാകും എന്ന കാര്യത്തില്‍ ഉറപ്പിച്ചിരിക്കുകയാണ് ദേവസ്വം ഭരണസമിതി. ഉത്രാടം കാഴ്ചക്കുല സമര്‍പ്പണം, ശ്രീ ഗുരുവായൂരപ്പന് ഓണപ്പുടവ സമര്‍പ്പണം, വിശേഷാല്‍ കാഴ്ചശീവേലി ഉള്‍പ്പെടെയുള്ള ക്ഷേത്ര ചടങ്ങുകള്‍ക്കായി ഗുരുവായൂരില്‍ ഒരുക്കങ്ങള്‍ അവസാനഘട്ടത്തിലാണ്. ഇതിന്റെ ഭാഗമായി തിരുവോണം പ്രമാണിച്ച് ഗുരുവായൂര്‍ ക്ഷേത്രത്തില്‍ ദര്‍ശന സമയത്തില്‍ മാറ്റം വരുത്തിയിട്ടുണ്ട്. ദേവസ്വം ഭരണസമിതിയാണ് ഈ കാര്യം അറിയിച്ചത്. ഓണനാളുകളില്‍ ശ്രീ ഗുരുവായൂരപ്പ ദര്‍ശനത്തിന് എത്തുന്ന ഭക്തരുടെ സൗകര്യാര്‍ത്ഥം ഉത്രാട ദിവസമായ നാളെ മുതല്‍ 22 വരെ ദര്‍ശനസമയം ഒരു മണിക്കൂര്‍ കൂട്ടിയിട്ടുണ്ട്. ക്ഷേത്രം നട ഉച്ചയ്ക്ക് 3.30 ന് തുറക്കും. പൊതു അവധി ദിനങ്ങളായ സെപ്റ്റംബര്‍ 14 (ഉത്രാടം, സെപ്റ്റംബര്‍ 15 (തിരുവോണം),…

മലപ്പുറം: സീതാറാം യെച്ചൂരിയുടെ മരണം ഇന്ത്യയുടെ മതേതര ജനാധിപത്യ രാഷ്ട്രീയത്തിന് ഒരു വലിയ നഷ്ടമാണ്. ഫാസിസ്റ്റു കാലത്ത്, ജനാധിപത്യത്തിന്റെ സംരക്ഷണത്തിനായി ധൈര്യവും പ്രതിബദ്ധതയും കാണിച്ച നേതാവായിരുന്നു അദ്ദേഹം. പ്രതിപക്ഷ സഖ്യത്തിന്റെ ഐക്യപ്പെടുത്തലിൽ മുഖ്യപങ്ക് വഹിക്കുകയും, ജനാധിപത്യ നിലപാടുകളെ ശക്തിപ്പെടുത്തുകയും ചെയ്തു. വെൽഫെയർ പാർട്ടി മലപ്പുറം ജില്ലാ കമ്മറ്റി സീതാറാം യെച്ചൂരിക്ക് ആദരാഞ്ജലികൾ അർപ്പിക്കുന്നു. അദ്ദേഹത്തിന്റെ കുടുംബത്തിനും അനുയായികൾക്കുമുള്ള ദുഃഖത്തിൽ പങ്കുചേരുകയും ചെയ്യുന്നു.

മലപ്പുറം: എസ് ഐ ഒ കേരള സംഘടിപ്പിക്കുന്ന ‘ഹൻദലയുടെ വഴിയെ നടക്കുക ബാബരിയുടെ ഓർമ്മകളുണ്ടായിരിക്കുക’ എന്ന ക്യാമ്പയിൻ്റെ ഭാഗമായി എസ് ഐ ഒ മലപ്പുറം ജില്ലാ കമ്മറ്റിയുടെ നേതൃത്വത്തിൽ ഈ വരുന്ന ശനിയാഴ്ച്ച 2024 സെപ്റ്റംബർ 14 പൊന്നാനിയിൽ മേഖല സമ്മേളനം സംഘടിപ്പിക്കുന്നു. ശനിയാഴ്ച വൈകിട്ട് 5.00 നു വിദ്യാർത്ഥി റാലിയോടെ സമ്മേളനത്തിന് തുടക്കം കുറിക്കും. ശേഷം പൊന്നാനി ബസ് സ്റ്റാൻഡ് പരിസരത്ത് പൊതുസമ്മേളനം എസ് ഐ ഓ സംസ്ഥാന പ്രസിഡൻറ് സഈദ് ടി കെ ഉദ്ഘാടനം നിർവഹിക്കുന്ന പരിപാടിയിൽ ജമാഅത്തെ ഇസ്ലാമി സംസ്ഥാന സെക്രട്ടറി ശിഹാബ് പൂക്കോട്ടൂർ മുഖ്യപ്രഭാഷണം നിർവഹിക്കും. എസ് ഐ ഒ സംസ്ഥാന സെക്രട്ടറി മിസ്ഹബ് ശിബ്‌ലി, എസ് ഐ ഒ ജില്ലാ പ്രസിഡണ്ട് അനീസ് ടി, ജമാഅത്തെ ഇസ്ലാമി പൊന്നാനി ഏരിയ പ്രസിഡൻറ് അബ്ദുസ്സലാം പി ,എസ്. ഐ .ഒ ജില്ലാ…

മലപ്പുറം: പൊതുവിതരണ സംവിധാനങ്ങൾ ദുർബലപ്പെടുത്തുന്ന ഭരണകൂട നയങ്ങൾക്കെതിരെ ടൈലറിംഗ്& ഗാർമെന്റ് വർക്കേഴ്സ് യൂണിയൻ മലപ്പുറം ടൗണിൽ നടത്തിവന്ന രണ്ടുദിവസത്തെ ജനകീയ ഓണചന്ത സമാപിച്ചു. സംസ്ഥാനത്ത് പൊതുവിതരണ സംവിധാനങ്ങൾ കൃത്യമായി പ്രവർത്തിക്കുന്ന സാഹചര്യമല്ല നിലവിലുള്ളതെന്നും . ഇത് ആഘോഷ കാലഘട്ടങ്ങളിൽ സാധാരണക്കാരനെ സാമ്പത്തിക ബാധ്യതയിലേക്ക് വരെ എത്തിക്കുന്ന സാഹചര്യമാണുള്ളതെന്നും സർക്കാർ പൊതു വിതരണ സംവിധാനം ശക്തിപെടുത്തണമെന്നും മലപ്പുറത്ത് ടൈലറിംഗ്& ഗാർമെന്റ് വർക്കേഴ്സ് യൂണിയൻ മലപ്പുറം ജില്ലാ ‘കമ്മറ്റിയുടെ നേതൃത്വത്തിൽ നടന്ന രണ്ടുദിവസത്തെ ജനകീയ ഓണചന്തയുടെ സമാപനം നിർവഹിച്ചു കൊണ്ട് സംസാരിച്ച എഫ്ഐടിയു സംസ്ഥാന ജനറൽ സെക്രട്ടറി തസ്‌ലീം മമ്പാട് പറഞ്ഞു. ടൈലറിങ് & ഗാർമെന്റ് വർക്കേഴ്സ് യൂണിയൻ ജില്ലാ ജനറൽ സെക്രട്ടറി സെയ്താലി വലമ്പൂർ അധ്യക്ഷത വഹിച്ചു. ജില്ലാ ട്രഷറർ പിടി അബൂബക്കർ സ്വാഗതവും, സെക്രട്ടറി ഷലീജ കീഴുപറമ്പ് നന്ദിയും പറഞ്ഞു. ഖദീജ വേങ്ങര, റഹ്മത്ത് പത്തത്ത്,അലവി വേങ്ങര,…

വയനാട്: വയനാട് ഉരുൾപൊട്ടലില്‍ എല്ലാം നഷ്ടപ്പെട്ട് അനാഥയായിത്തീര്‍ന്ന ശ്രുതിക്ക് പുതുജീവന്‍ നല്‍കിയ പ്രതിശ്രുത വരൻ ജെൻസണ്‍ വാഹനാപകടത്തില്‍ മരിച്ചു. കൽപ്പറ്റ വെള്ളാരംകുന്നിൽ വെച്ചുണ്ടായ വാഹനാപകടത്തിൽ ഗുരുതരമായി പരിക്കേറ്റ ജെൻസൺ ചികിത്സയിലായിരുന്നു. ബസും വാനും കൂട്ടിയിടിച്ചാണ് അപകടമുണ്ടായത്. ഇന്ന് രാവിലെ 8.52ഓടെയാണ് ആശുപത്രി അധികൃതർ മരണം സ്ഥിരീകരിച്ചത്. ഇന്നലെ വൈകിട്ടാണ് ജെൻസണും ശ്രുതിയും സഞ്ചരിച്ചിരുന്ന വാൻ സ്വകാര്യബസുമായി കൂട്ടിയിടിച്ചത്. ഇവർ കോഴിക്കോട് ബന്ധു വീട്ടിലേക്ക് പോകുമ്പോഴായിരുന്നു അപകടമുണ്ടായത്. വാനിന്‍റെ മുന്‍ഭാഗം പൂർണമായും തകർന്നിരുന്നു. ‌വാനില്‍ ഉണ്ടായിരുന്ന കുടുംബാംഗങ്ങൾ ഉൾപ്പെടെയുള്ളവരെ വാഹനത്തിന്‍റെ ഒരു ഭാഗം വെട്ടിപ്പൊളിച്ചാണ് പുറത്തെടുത്തത്. അപകടത്തിൽ കാലിന് പരിക്കേറ്റ് ശ്രുതിയും ആശുപത്രിയിൽ ചികിത്സയിലാണ്. ഇവരടക്കം വാനിൽ ഉണ്ടായിരുന്ന ഏഴ് പേർക്കാണ് പരിക്കേറ്റത്. ബസ്സിലെ രണ്ടു യാത്രക്കാര്‍ക്കും പരിക്കേറ്റു. ചൂരല്‍മലയിലുണ്ടായ ഉരുള്‍പ്പൊട്ടലില്‍ ശ്രുതിയുടെ അച്ഛനും അമ്മയും അനിയത്തിയും മരിച്ചിരുന്നു. ജെൻസണുമായുള്ള വിവാഹനിശ്ചയം കഴിഞ്ഞാണ് വീണ്ടും അപകടമുണ്ടായത്. ഒറ്റപ്പെട്ടു പോയ…