Category: Uncategorized

ന്യൂഡൽഹി: ഒക്ടോബർ 16-ന് ഡൽഹിയിലെ കൊണാട്ട് പ്ലേസിൽ കോക്രോച്ച് ജനതാ പാർട്ടി (സിജെപി) സംഘടിപ്പിക്കാനിരിക്കുന്ന പ്രതിഷേധ പ്രകടനം തടയണമെന്ന ആവശ്യം അംഗീകരിക്കാൻ ഡൽഹി ഹൈക്കോടതി വിസമ്മതിച്ചു. പാർട്ടി സ്ഥാപകൻ അഭിജീത് ദിപ്കെയുടെ നേതൃത്വത്തിൽ നടത്താൻ തീരുമാനിച്ചിരിക്കുന്ന പ്രതിഷേധത്തിന് വിലക്കേർപ്പെടുത്തണമെന്നാവശ്യപ്പെട്ട് സമർപ്പിച്ച ഹർജി പരിഗണിക്കവെയാണ് കോടതിയുടെ നടപടി. പ്രതിഷേധവുമായി ബന്ധപ്പെട്ട ക്രമസമാധാന പ്രശ്നങ്ങൾ ഒഴിവാക്കാനും പൊതുജനങ്ങൾക്കും വ്യാപാരികൾക്കും ബുദ്ധിമുട്ടുകൾ ഉണ്ടാകാതിരിക്കാനും ആവശ്യമായ എല്ലാ മുൻകരുതലുകളും സ്വീകരിക്കുമെന്ന ഡൽഹി പോലീസിന്റെ ഉറപ്പ് കോടതി രേഖപ്പെടുത്തി. കേസിൽ തുടർവാദം നവംബർ മൂന്നിന് നടക്കും. ബാർ ആൻഡ് ബെഞ്ച് റിപ്പോർട്ട് പ്രകാരം, കൊണാട്ട് പ്ലേസിലെ പാലിക ബസാറിൽ ലൈസൻസോടെ തെരുവ് കച്ചവടം നടത്തുന്ന അനിൽ കുമാർ ഗുപ്തയാണ് പ്രതിഷേധം തടയണമെന്നാവശ്യപ്പെട്ട് ഹൈക്കോടതിയെ സമീപിച്ചത്. കൊണാട്ട് പ്ലേസിലെ സെൻട്രൽ പാർക്കിൽ വലിയ ജനക്കൂട്ടത്തെ പങ്കെടുപ്പിച്ച് പ്രതിഷേധം സംഘടിപ്പിക്കുന്നത് പ്രദേശത്തെ സാധാരണ ജനജീവിതത്തെയും വ്യാപാര പ്രവർത്തനങ്ങളെയും…

Read More

തിരുവനന്തപുരം: സിഎംആർഎൽ–എക്സാലോജിക് സാമ്പത്തിക ഇടപാടുമായി ബന്ധപ്പെട്ട കേസിൽ മുഖ്യമന്ത്രി പിണറായി വിജയനെയും പൊതുമരാമത്ത് മന്ത്രി പി.എ. മുഹമ്മദ് റിയാസിനെയും ചോദ്യം ചെയ്യാൻ എൻഫോഴ്സ്മെന്റ് ഡയറക്ടറേറ്റ് (ഇഡി) നീക്കം നടത്തുന്നതായി റിപ്പോർട്ട്. ഇരുവരുടെയും സ്വത്ത് വിവരങ്ങളും സാമ്പത്തിക ഇടപാടുകളും വിശദമായി പരിശോധിക്കാനാണ് അന്വേഷണ ഏജൻസിയുടെ നീക്കമെന്നാണ് വിവരം. വിജിലൻസ് രജിസ്റ്റർ ചെയ്ത എഫ്ഐആറുകളുടെ അടിസ്ഥാനത്തിൽ കള്ളപ്പണം വെളുപ്പിക്കൽ തടയൽ നിയമപ്രകാരം (പിഎംഎൽഎ) ഇഡി അന്വേഷണം ആരംഭിച്ചതായാണ് റിപ്പോർട്ടുകൾ. മുഖ്യമന്ത്രി പിണറായി വിജയന്റെ മകൾ ടി. വീണയുടെ ഉടമസ്ഥതയിലുള്ള എക്സാലോജിക് സൊല്യൂഷൻസ് എന്ന കമ്പനിയും കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡും (സിഎംആർഎൽ) തമ്മിലുള്ള സാമ്പത്തിക ഇടപാടുകളാണ് കേസിന്റെ പ്രധാന അന്വേഷണവിഷയം. എക്സാലോജിക് കമ്പനിക്ക് സിഎംആർഎല്ലിൽനിന്ന് ലഭിച്ച പണം യഥാർത്ഥ സേവനങ്ങൾക്കുള്ള പ്രതിഫലമായിരുന്നോ, അതോ മറ്റ് സാമ്പത്തിക താൽപ്പര്യങ്ങളുടെ ഭാഗമായിരുന്നോ എന്നതാണ് അന്വേഷണത്തിൽ പരിശോധിക്കുന്നത്. എക്സാലോജിക്കിന് കൈമാറിയ തുക മുഖ്യമന്ത്രി…

Read More

തിരുവനന്തപുരം: നെടുമ്പാശ്ശേരിയിൽ ആഡംബര കാർ ഇടിച്ച് മൂന്ന് വിദ്യാർത്ഥികൾ മരിച്ച സംഭവത്തിൽ അന്വേഷണം ശക്തമാക്കി പ്രത്യേക അന്വേഷണ സംഘം (എസ്.ഐ.ടി). അപകടത്തിന് ഉത്തരവാദികളായ പ്രതികളെ രക്ഷപ്പെടുത്താൻ പൊലീസ് ശ്രമിച്ചുവെന്ന ഗുരുതര ആരോപണങ്ങൾ ഉയർന്ന സാഹചര്യത്തിലാണ് സർക്കാർ പ്രത്യേക അന്വേഷണ സംഘത്തെ നിയോഗിച്ചത്. അപകടത്തെക്കുറിച്ചുള്ള അന്വേഷണത്തിനൊപ്പം കേസിന്റെ പ്രാഥമിക ഘട്ടത്തിൽ പൊലീസിന്റെ ഭാഗത്തുനിന്ന് വീഴ്ചകളുണ്ടായോ എന്നതും പരിശോധിക്കപ്പെടും. ആലുവ ഡിവൈ.എസ്.പി പി.പി. ബൈജു പൗലോസിന്റെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. ആലുവ റൂറൽ എസ്.പി കെ.എസ്. സുദർശനാണ് അന്വേഷണത്തിന് മേൽനോട്ടം വഹിക്കുന്നത്. അപകടത്തിലേക്ക് നയിച്ച സാഹചര്യങ്ങൾ, വാഹനത്തിന്റെ അമിതവേഗം, പ്രതികളുടെ ലഹരി ഉപയോഗം, അപകടശേഷമുള്ള പൊലീസ് നടപടികൾ എന്നിവയെല്ലാം വിശദമായി പരിശോധിക്കാനാണ് അന്വേഷണ സംഘത്തിന്റെ നീക്കം. കേസിലെ മുഖ്യപ്രതി സുഹൈൽ സജീവ് ഉൾപ്പെടെയുള്ള നാല് പ്രതികളെയും അങ്കമാലി മജിസ്‌ട്രേറ്റ് കോടതി ഇന്ന് വൈകിട്ട് അഞ്ച് മണിവരെ പൊലീസ് കസ്റ്റഡിയിൽ…

Read More

കൊല്ലം: സോളാർ തട്ടിപ്പ് കേസുമായി ബന്ധപ്പെട്ട് മുൻ മുഖ്യമന്ത്രി ഉമ്മൻചാണ്ടിക്കെതിരെ ഉയർന്ന ആരോപണങ്ങൾക്ക് പിന്നിൽ മന്ത്രി കെ.ബി. ഗണേശ് കുമാറിന്റെ ഗൂഢാലോചനയുണ്ടെന്ന് മുൻ മന്ത്രി കെ. ബാബു കോടതിയിൽ മൊഴി നൽകി. ഉമ്മൻചാണ്ടിയെ രാഷ്ട്രീയമായി അപകീർത്തിപ്പെടുത്തുകയെന്ന ലക്ഷ്യത്തോടെയാണ് വ്യാജ ആരോപണങ്ങൾ ഉന്നയിച്ചതെന്നാണ് കെ. ബാബുവിന്റെ ആരോപണം. കൊട്ടാരക്കര മജിസ്ട്രേറ്റ് കോടതിയിലാണ് അദ്ദേഹം ഇക്കാര്യം വ്യക്തമാക്കിയത്. അഡ്വ. സുധീർ ജേക്കബ് വാദിയായി സമർപ്പിച്ച കേസിലാണ് നിർണായക മൊഴി നൽകിയത്. ഉമ്മൻചാണ്ടിയുടെ നേതൃത്വത്തിലുള്ള യുഡിഎഫ് മന്ത്രിസഭയിൽ താനും ഗണേശ് കുമാറും ഒരുമിച്ച് മന്ത്രിമാരായിരുന്ന കാലത്തെ സംഭവങ്ങളും കെ. ബാബു കോടതിയിൽ വിശദീകരിച്ചു. ഔദ്യോഗിക വസതിയുമായി ബന്ധപ്പെട്ടുണ്ടായ വിവാദങ്ങളെത്തുടർന്ന് ഗണേശ് കുമാറിന് മന്ത്രിസ്ഥാനം രാജിവെക്കേണ്ടിവന്നിരുന്നു. അന്നത്തെ മുഖ്യമന്ത്രി ഉമ്മൻചാണ്ടിയുടെ മധ്യസ്ഥതയിലാണ് പ്രശ്നങ്ങൾ ഒത്തുതീർപ്പിലെത്തിയതെന്നും ബാബു മൊഴിയിൽ വ്യക്തമാക്കി. രാജിക്കുശേഷം മന്ത്രിസഭയിലേക്ക് തിരിച്ചെത്താൻ ഗണേശ് കുമാർ ശ്രമിച്ചെങ്കിലും പിതാവും കേരള കോൺഗ്രസ് (ബി)…

Read More

തിരുവനന്തപുരം: ചിറയിൻകീഴ് എംഎൽഎ രമ്യ ഹരിദാസിന്റെ പേഴ്സണൽ സ്റ്റാഫിൽ തുടർച്ചയായ രാജി. പേഴ്സണൽ അസിസ്റ്റന്റ് വി. വിമൽ രാജിവെച്ചതിന് പിന്നാലെ എംഎൽഎയുടെ ഡ്രൈവർ കുഞ്ഞുമുഹമ്മദും രാജിക്കത്ത് കൈമാറി. എംഎൽഎയുമായുള്ള അഭിപ്രായവ്യത്യാസങ്ങളാണ് രാജിക്ക് പിന്നിലെന്നാണ് പുറത്തുവരുന്ന വിവരം. മൂന്ന് അംഗങ്ങളുണ്ടായിരുന്ന പേഴ്സണൽ സ്റ്റാഫിൽ രണ്ടുപേർ ചുരുങ്ങിയ കാലയളവിനുള്ളിൽ രാജിവെച്ചത് രാഷ്ട്രീയ കേന്ദ്രങ്ങളിലും കോൺഗ്രസ് നേതൃത്വത്തിനിടയിലും ചർച്ചയായിരിക്കുകയാണ്. പേഴ്സണൽ സ്റ്റാഫിലെ പ്രധാനപ്പെട്ട രണ്ട് ജീവനക്കാർ തുടർച്ചയായി പടിയിറങ്ങിയത് എംഎൽഎയുടെ ഓഫീസിന്റെ പ്രവർത്തനത്തെക്കുറിച്ചും ചോദ്യങ്ങൾ ഉയർത്തുന്നുണ്ട്. രാജികൾക്ക് പിന്നിലെ യഥാർഥ കാരണങ്ങൾ സംബന്ധിച്ച് ഔദ്യോഗിക വിശദീകരണം പുറത്തുവന്നിട്ടില്ലെങ്കിലും എംഎൽഎയും ജീവനക്കാരും തമ്മിലുള്ള അഭിപ്രായഭിന്നതകളാണ് പ്രശ്നങ്ങൾക്ക് കാരണമെന്നാണ് സൂചന. സംഭവത്തിന്റെ പശ്ചാത്തലത്തിൽ കോൺഗ്രസ് നേതൃത്വം രമ്യ ഹരിദാസിനോട് വിശദീകരണം തേടിയേക്കുമെന്നാണ് വിവരം. നേരത്തെ രാജിവെച്ച പേഴ്സണൽ അസിസ്റ്റന്റ് വി. വിമൽ കോൺഗ്രസ് അനുകൂല സർവീസ് സംഘടനയുടെ നേതാവുകൂടിയാണ്. തദ്ദേശസ്വയംഭരണ വകുപ്പിൽ നിന്ന് ഡെപ്യൂട്ടേഷൻ…

Read More

നിത്യജീവിതത്തിൽ ഒഴിച്ചുകൂടാനാവാത്ത ഭക്ഷ്യവസ്തുക്കളിലൊന്നാണ് പാൽ. ചായയും കാപ്പിയും തയ്യാറാക്കുന്നതിനൊപ്പം തൈര്, പനീർ തുടങ്ങിയ നിരവധി ഭക്ഷ്യവസ്തുക്കളുടെ നിർമാണത്തിനും പാൽ ഉപയോഗിക്കുന്നു. എന്നാൽ വിപണിയിൽ ലഭിക്കുന്ന പാലിൽ മായം കലർത്തുന്നതായുള്ള ആശങ്കകൾ ഉപഭോക്താക്കൾക്കിടയിൽ നിലനിൽക്കുന്നുണ്ട്. പ്രത്യേകിച്ച് പാലിന്റെ കട്ടിയും പതയും വർധിപ്പിക്കാൻ ഡിറ്റർജന്റ് പോലുള്ള രാസവസ്തുക്കൾ ചേർക്കുന്നത് ആരോഗ്യത്തിന് ഭീഷണിയാകാം. പാലിൽ ഡിറ്റർജന്റിന്റെ സാന്നിധ്യമുണ്ടോയെന്ന് പ്രാഥമികമായി തിരിച്ചറിയാൻ വീട്ടിൽ തന്നെ പരീക്ഷിക്കാവുന്ന ലളിതമായ മാർഗം ഫുഡ് സേഫ്റ്റി ആൻഡ് സ്റ്റാൻഡേർഡ്സ് അതോറിറ്റി ഓഫ് ഇന്ത്യ (എഫ്എസ്എസ്എഐ) വിശദീകരിച്ചിട്ടുണ്ട്. പാലിൽ ഡിറ്റർജന്റ് കലർന്നിട്ടുണ്ടോയെന്ന് സംശയമുണ്ടെങ്കിൽ ചെറിയൊരു ഗ്ലാസ് ഉപയോഗിച്ച് പ്രാഥമിക പരിശോധന നടത്താം. ഇതിനായി അഞ്ച് മുതൽ പത്ത് മില്ലിലീറ്റർ വരെ പാൽ വൃത്തിയുള്ള ചെറിയ ഗ്ലാസിലോ അടയ്ക്കാവുന്ന പാത്രത്തിലോ എടുക്കുക. തുടർന്ന് നന്നായി കുലുക്കി പാലിന്റെ ഉപരിതലത്തിൽ രൂപപ്പെടുന്ന പതയും കുമിളകളും നിരീക്ഷിക്കുക. കുലുക്കുമ്പോൾ അസാധാരണമായ അളവിൽ കട്ടിയുള്ള…

Read More

ചിങ്ങം: തൊഴിൽമേഖലയിൽ സമ്മർദ്ദം കൂടാൻ സാധ്യതയുണ്ട്. വലിയ കമ്പനികളിൽ ജോലി ചെയ്യുന്നവർക്ക്‌ അവരുടെ സൂപ്പർവൈസർമാരെ തൃപ്തിപ്പെടുത്തേണ്ടി വരും. അത് ഒഴിച്ചാൽ ഇന്ന് നല്ല ദിവസമായിരിക്കും. വീട്ടമ്മമാർ ഇന്ന് ലൗകികമായ കാര്യങ്ങളിൽ ശ്രദ്ധിക്കും. സാമ്പത്തിക നേട്ടത്തിനും യാത്രക്കും സാധ്യത കാണുന്നു. കന്നി: ദിവസം മുഴുവന്‍ ഉത്സാഹവും ഉന്മേഷവും ഉണ്ടാകും. അപ്രതീക്ഷിത വിരുന്നുകാർ ഉണ്ടാകും. പരീക്ഷ എഴുതുന്ന കുട്ടികൾക്ക് ഇന്ന് ഇരട്ടി അത്മവിശ്വാസം തോന്നിപ്പിക്കും. പ്രിയപ്പെട്ടവരോടൊപ്പം സന്തോഷപൂര്‍വം സമയം ചെലവിടും. തുലാം : ഇന്ന് നിങ്ങൾക്കൊരു സമ്മിശ്ര ദിവസമായിരിക്കും. കുടുംബത്തിൽ സമാധാനം ഉണ്ടാകും. ജോലി സ്ഥലത്ത് സഹപ്രവര്‍ത്തകരുമായുള്ള വാക്ക് തർക്കമുണ്ടായേക്കാം.നിങ്ങളുടെ കാഴ്‌ചപ്പാടുകളുമായി ഒത്തിണങ്ങി പോകുന്നവരെ ഇന്ന് കണ്ടെത്തും. വൃശ്ചികം: സന്തോഷത്തോടെ ഈ ദിവസം ചെലവഴിക്കാന്‍ ശ്രമിക്കുക. ഇന്ന് നിങ്ങളുടെ ആരോഗ്യം മെച്ചപ്പെട്ടതായിരിക്കും. കുടുംബത്തില്‍ നിന്നും സുഹൃത്തുക്കളില്‍ നിന്നും സന്തോഷ വാര്‍ത്ത വന്നെത്തും. ഇന്ന് നിങ്ങളുടെ പ്രണയം പൂവണിയും. ധനു: ഒരു…

Read More

ന്യൂഡൽഹി: അങ്കിത ഭണ്ഡാരി കൊലപാതകക്കേസിൽ നീതി ആവശ്യപ്പെട്ട് ഡൽഹിയിൽ നടക്കുന്ന പ്രതിഷേധം ശക്തമാകുന്നു. ഇന്ത്യാ ഗേറ്റിൽ പ്രതിഷേധിച്ച അങ്കിതയുടെ മാതാപിതാക്കളെ ഡൽഹി പോലീസ് കസ്റ്റഡിയിലെടുത്തെങ്കിലും അൽപ്പസമയത്തിനകം വിട്ടയച്ചു. ബിജെപി നേതാവ് ദുഷ്യന്ത് ഗൗതമിനെ സിക്കിം ഗവർണറായി നിയമിക്കാനുള്ള തീരുമാനത്തിനെതിരെയാണ് കുടുംബം പ്രതിഷേധിക്കുന്നത്. സംഭവത്തിൽ ഡൽഹി പോലീസിന്റെയും കേന്ദ്ര സർക്കാരിന്റെയും നടപടികളെ ചോദ്യം ചെയ്ത് കോൺഗ്രസും രംഗത്തെത്തി. ബുധനാഴ്ച ഇന്ത്യാ ഗേറ്റിലെ പ്രതിഷേധവേദിയിലെത്തിയ കോൺഗ്രസ് നേതാക്കളായ രാഹുൽ ഗാന്ധിയും പ്രിയങ്ക ഗാന്ധി വധേരയും അങ്കിതയുടെ മാതാപിതാക്കളുമായി കൂടിക്കാഴ്ച നടത്തി. മകൾക്ക് നീതി ലഭിക്കുന്നതുവരെ കുടുംബത്തിനൊപ്പം നിലകൊള്ളുമെന്നും നിയമപോരാട്ടത്തിന് പിന്തുണ നൽകുമെന്നും നേതാക്കൾ ഉറപ്പുനൽകി. ദുഷ്യന്ത് ഗൗതമിന്റെ ഗവർണർ നിയമനം റദ്ദാക്കണമെന്ന ആവശ്യത്തിൽ ഉറച്ചുനിൽക്കുകയാണ് അങ്കിതയുടെ മാതാപിതാക്കൾ. വിഷയത്തിൽ തീരുമാനമെടുക്കാൻ കേന്ദ്ര സർക്കാരിന് 24 മണിക്കൂർ സമയപരിധിയും കുടുംബം നൽകിയിട്ടുണ്ട്. ഇന്ത്യാ ഗേറ്റിൽ സമാധാനപരമായി പ്രതിഷേധിക്കാൻ അനുമതി നിഷേധിച്ചാൽ വീട്ടിൽ…

Read More

ബർലിൻ: ജർമ്മനിയിലെ ബോഹും നഗരത്തിലുണ്ടായ തീപിടിത്തത്തിൽ രണ്ട് യുവതികളടക്കം മൂന്ന് മലയാളികൾ മരിച്ചു. ഇടുക്കി ഇരട്ടയാർ ശാന്തിഗ്രാം സ്വദേശി നോവ സാബു (23), കൊല്ലം ചെമ്മക്കാട് സ്വദേശിനി അഞ്ജലി ഷീല ജോയ് (27), കാലടി സ്വദേശി സ്റ്റീൻ ജോണി (26) എന്നിവരാണ് മരിച്ചത്. സംഭവത്തിൽ അഞ്ചുപേർക്ക് പരിക്കേറ്റു. ഇതേ കെട്ടിടത്തിൽ താമസിച്ചിരുന്ന 41 വയസ്സുള്ള റൊമാനിയൻ പൗരനെ പൊലീസ് അറസ്റ്റ് ചെയ്തു. ബോഹുമിലെ ഹോഫ്‌സ്റ്റഡെ മേഖലയിലെ ബഹുനില പാർപ്പിട കെട്ടിടത്തിൽ ചൊവ്വാഴ്ച പുലർച്ചെയാണ് തീപിടിത്തമുണ്ടായത്. രണ്ടാം നിലയിലെ അപ്പാർട്ട്മെന്റിലാണ് മൂന്ന് മലയാളികളെയും അഗ്നിശമനസേനാംഗങ്ങൾ മരിച്ചനിലയിൽ കണ്ടെത്തിയത്. പുക ശ്വസിച്ച് പരിക്കേറ്റ അഞ്ചുപേരെ ബോഹുമിലെ വിവിധ ആശുപത്രികളിൽ പ്രവേശിപ്പിച്ചു. ഇവരുടെ പൗരത്വം സ്ഥിരീകരിച്ചിട്ടില്ല. കോണിപ്പടിയിലൂടെ തീ അതിവേഗം മുകളിലത്തെ നിലകളിലേക്ക് പടർന്നത് രക്ഷാപ്രവർത്തനത്തിന് തടസ്സമായി. ഇതോടെ അപ്പാർട്ട്മെന്റുകളിൽ പ്രവേശിക്കാനും മുകളിലത്തെ നിലകളിലെ താമസക്കാരുടെ അടുത്തെത്താനും അഗ്നിശമനസേനയ്ക്ക് ബുദ്ധിമുട്ട് നേരിട്ടു. കട്ടപ്പന…

Read More

ഹൂസ്റ്റൻ : കേരള നർമ്മവേദി യുഎസ്എ ഒക്ടോബർ 10 വൈകീട്ട് മിസോറി സിറ്റിയിലുള്ള അപ്‌നാ ബസാർ ഹാളിൽ “ചിരിയോ ചിരി പൊട്ടിച്ചിരി” എന്ന പേരിൽ സംഘടിപ്പിച്ച ചിരി അരങ്ങ് യാതൊരു തരത്തിലുള്ള ഔപചാരിതകളോ, പ്രോട്ടോക്കോളുകളോ ഇല്ലാതെ വെറും നർമ്മത്തിൽ മാത്രം ചാലിച്ചെടുത്ത ഒരു ജനകീയ പരിപാടിയായി പെയ്തിറങ്ങി. തുടക്കം മുതൽ യാതൊരു ഗ്യാപ്പും ഇല്ലാതെ ബഹുഭൂരിപക്ഷം സദസ്യരും ഓരോരുത്തരായി വേദിയിൽ വന്നു സ്വന്തം ജീവിതാനുഭവങ്ങളും അമളികളും തമാശരൂപെണ പറഞ്ഞു. സന്നിഹിതരായ ചില ദമ്പതികൾ പരസ്പരം ഞോണ്ടിയും ട്രോൾ ചെയ്തും സംസാരിച്ചപ്പോൾ അതൊരു മധുര നൊമ്പരക്കാറ്റായി വീശിയടിച്ചു. അനേകം ചിരി അരങ്ങുകൾ അവതരിപ്പിച്ചിട്ടുള്ള, ഫ്ലോറിഡയിൽ നിന്നെത്തിയ പ്രശസ്ത എഴുത്തുകാരൻ ശ്രീ രാജു മൈലപ്രയുടെ നർമ്മത്തിൽ പൊതിഞ്ഞ വാക്കുകളും വാചകങ്ങളും ഏവർക്കും ചിരിക്കാനും ചിന്തിക്കാനും അവസരം നൽകി. സദസ്സിൽ നിന്ന് ഓരോരുത്തരായി എഴുന്നേറ്റു വന്നു വാക്കുകളും വാചകങ്ങളും ആംഗ്യങ്ങളും കൊണ്ട്…

Read More