Category: INDIA

ന്യൂഡല്‍ഹി: ഡല്‍ഹിയിലെ റോഡുകളില്‍ ബസുകള്‍ക്കും ചരക്ക് വാഹനങ്ങള്‍ക്കും പ്രത്യേക പാത ഏര്‍പ്പെടുത്തി. ഏപ്രില്‍ ഒന്ന് മുതല്‍ ഈ പാതയിലൂടെ മാത്രമേ ബസുകളും ചരക്ക് വാഹനങ്ങളും സഞ്ചരിക്കാന്‍ പാടുള്ളു. ഗതാഗത കുരുക്ക് പരിഹരിക്കാനും റോഡിലെ സുരക്ഷ വര്‍ധിപ്പിക്കാനുമാണ് ഡല്‍ഹി ഗതാഗത വകുപ്പിന്റെ പുതിയ പരീക്ഷണം.. പദ്ധതിയുടെ ഭാഗമായി ആദ്യഘട്ടത്തില്‍ ഡല്‍ഹിയിലെ 15 റോഡുകളില്‍ പ്രത്യേക പാത ഏര്‍പ്പെടുത്താനാണ് തീരുമാനം. നിയമം ലംഘിച്ച് മറ്റു പാതകളിലൂടെ യാത്ര ചെയ്യുന്ന വാഹനങ്ങളുടെ ഡ്രൈവര്‍മാര്‍ക്ക് 10,000 രൂപ പിഴയും ആറ് മാസം വരെ തടവ് ശിക്ഷയും ലഭിക്കും. ട്രാഫിക് പോലീസും ഗതാഗത വകുപ്പും ചേര്‍ന്ന് രാവിലെ എട്ട് മണി മുതല്‍ രാത്രി 10 വരെ ഈ പാതകള്‍ ബസുകള്‍ക്കും ചരക്ക് വാഹനങ്ങള്‍ക്കും മാത്രമായി നിജപ്പെടുത്തും.. ബാക്കിയുള്ള സമയങ്ങളില്‍ മറ്റു വാഹനങ്ങള്‍ക്കും ഈ പാതയിലൂടെ സഞ്ചരി ക്കാനാകും. ബസ് പാതകള്‍ കൃത്യമായി തിരിച്ചറിയാന്‍ മുന്നറിയിപ്പ്…

കൊൽക്കത്ത: പശ്ചിമ ബംഗാളിലെ ബിർഭൂമിൽ ഭരണകക്ഷിയായ തൃണമൂൽ കോൺഗ്രസ് (ടിഎംസി) പഞ്ചായത്ത് വൈസ് പ്രസിഡന്റ് ഭാദു ഷെയ്ഖിന്റെ മരണത്തെത്തുടർന്ന് പൊട്ടിപ്പുറപ്പെട്ട അക്രമത്തിൽ പത്തോളം പേരുടെ മരണവും തുടർന്നുള്ള പ്രദേശവാസികളുടെ പലായനവും സംസ്ഥാന മുഖ്യമന്ത്രി മമത ബാനര്‍ജിയുടെ വിമർശനത്തിന് ഇടയാക്കി. സംഭവത്തിൽ പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി. “പശ്ചിമ ബംഗാളിലെ ബിർഭൂമിൽ നടന്ന അക്രമത്തിൽ ഞാൻ എന്റെ ദുഃഖവും അനുശോചനവും രേഖപ്പെടുത്തുന്നു. ഇത്തരമൊരു ഹീനകൃത്യം ചെയ്തവരെ സംസ്ഥാന സർക്കാർ തീർച്ചയായും നിയമത്തിന് മുന്നിൽ കൊണ്ടുവരുമെന്ന് ഞാൻ പ്രതീക്ഷിക്കുന്നു,” പ്രധാനമന്ത്രിയുടെ ഓഫീസ് (പിഎംഒ) ട്വീറ്റ് ചെയ്തു. “ഇത്തരമൊരു പ്രവൃത്തി ചെയ്തവരോടും അത്തരം കുറ്റവാളികളെ പ്രോത്സാഹിപ്പിക്കുന്നവരോടും ഒരിക്കലും ക്ഷമിക്കരുതെന്ന് ഞാൻ ബംഗാളിലെ ജനങ്ങളോട് അഭ്യർത്ഥിക്കുന്നു. കുറ്റവാളികളെ എത്രയും വേഗം നിയമത്തിന് മുന്നിൽ കൊണ്ടുവരാൻ സംസ്ഥാനത്തിന് എന്ത് സഹായവും നൽകുമെന്നും കേന്ദ്ര സർക്കാർ സംസ്ഥാനത്തിന് ഉറപ്പ് നൽകുന്നു,” പ്രധാനമന്ത്രി പറഞ്ഞു. അക്രമത്തെക്കുറിച്ചുള്ള…

ചെന്നൈ: മുൻ പ്രധാനമന്ത്രി രാജീവ് ഗാന്ധി വധക്കേസിൽ ശിക്ഷിക്കപ്പെട്ട നളിനി ശ്രീഹരന് ജാമ്യം അനുവദിച്ചതിനെതിരെ തമിഴ്‌നാട്ടിലെ ഒരു കോൺഗ്രസ് ജില്ലാ പ്രസിഡന്റ് മദ്രാസ് ഹൈക്കോടതിയെ സമീപിച്ചു. ചൊവ്വാഴ്ചയാണ് നളിനി ജാമ്യത്തിനായി മദ്രാസ് ഹൈക്കോടതിയെ സമീപിച്ചത്. നളിനി രാജീവ് ഗാന്ധി വധക്കേസിൽ ശിക്ഷിക്കപ്പെട്ടുവെന്ന് മാത്രമല്ല, ഇന്ത്യയുടെ പരമാധികാരം, സുരക്ഷ, രാഷ്ട്രീയ സ്വാതന്ത്ര്യം എന്നിവയെ നേരിട്ട് ബാധിക്കുന്ന ഗൂഢാലോചനയിൽ പങ്കാളിയാണെന്ന് കോൺഗ്രസ് പാർട്ടിയുടെ മദ്രാസ് സൗത്ത് ജില്ലാ പ്രസിഡന്റ് എം.എ.മുത്തളഗൻ തന്റെ ഹർജിയിൽ പറഞ്ഞു. ലിബറേഷൻ ടൈഗേഴ്സ് ഓഫ് തമിഴ് ഈഴം (എൽടിടിഇ) പോലെയുള്ള അന്താരാഷ്ട്ര ഭീകര സംഘടനകളുമായി ഗൂഢാലോചന നടത്തിയ വ്യക്തിക്ക് ജാമ്യം നൽകുന്നത് സമൂഹത്തിന് തെറ്റായ സന്ദേശം നൽകുമെന്നും അദ്ദേഹം പറഞ്ഞു. രാജീവ് ഗാന്ധി വധക്കേസിലെ പ്രതികൾ ശിക്ഷയിൽ ഇളവ് നൽകുന്നതിനും പരോൾ ലഭിക്കുന്നതിനുമായി പലതവണ കോടതിയെ സമീപിച്ചിട്ടുണ്ടെന്ന് ഹരജിയിൽ കോൺഗ്രസ് നേതാവ് ആരോപിച്ചു. ഒരാൾ ശിക്ഷിക്കപ്പെട്ട്…

ന്യൂഡല്‍ഹി: കോവിഡ് പ്രതിരോധത്തില്‍ നിര്‍ണായക തീരുമാനവുമായി കേന്ദ്രസര്‍ക്കാര്‍. കോവിഡ് വാക്‌സിനായ നോവവാക്‌സിന് അടിയന്തര ഉപയോഗത്തിന് ഡിസിജിഐ (ഡ്രഗ്‌സ് കണ്‍ട്രോളര്‍ ഓഫ് ഇന്ത്യ) അനുമതി നല്‍കി. മാസ്‌ക് ധരിക്കാത്തവര്‍ക്കെതിരെ ഇനി മുതല്‍ കേസെടുക്കേണ്ടെന്നും കേന്ദ്രം സംസ്ഥാനങ്ങള്‍ക്ക് നിര്‍ദേശം നല്‍കി. 12നും 18 വയസിനും ഇടയില്‍ പ്രായമുള്ള കുട്ടികള്‍ക്ക് കുത്തിവയ്ക്കാനാണ് സിറം ഇന്‍സ്റ്റിറ്റ്യൂട്ട് പുറത്തിറക്കുന്ന നോവവാക്‌സിന് അനുമതി നല്‍കിയത്. രാജ്യത്ത് അനുമതി ലഭിക്കുന്ന നാലാമത്തെ വാക്‌സിനാണിത്. അമേരിക്കന്‍ മരുന്ന് നിര്‍മാണ കമ്പനിയായ നോവവാക്‌സ് ഇന്ത്യയിലെ സിറം ഇന്‍സ്റ്റിറ്റ്യൂട്ടുമായി നേരത്തേ ധാരണയിലെത്തിയിരുന്നു. വരും ദിവസങ്ങളില്‍ പുതിയതായി അനുമതി ലഭിച്ച വാക്‌സിന്‍ വിതരണം ചെയ്ത് തുടങ്ങും. പൊതു ഇടങ്ങളില്‍ മാസ്‌ക് ധരിച്ചില്ലെങ്കില്‍ ഇനി കേസെടുക്കേണ്ടെന്നാണ് കേന്ദ്ര നിര്‍ദേശം. ദുരന്തനിവാരണ നിയമപ്രകാരമുള്ള നടപടികള്‍ പിന്‍വലിക്കണമെന്ന് സംസ്ഥാനങ്ങള്‍ക്ക് കേന്ദ്ര സര്‍ക്കാര്‍ നിര്‍ദേശം നല്‍കി. ആള്‍ക്കൂട്ടം, കോവിഡ് നിയന്ത്രണലംഘനം എന്നിവയ്ക്കും ഇനി കേസുണ്ടാകില്ല. കഴിഞ്ഞ ഏഴാഴ്ചയായി രാജ്യത്ത്…

ന്യൂഡല്‍ഹി: ഭീകരാക്രമണ ഭീഷണിയെ തുടര്‍ന്ന് രാജ്യതലസ്ഥാനത്ത് സുരക്ഷ ശക്തമാക്കി. അജ്ഞാത ഇമെയില്‍ സന്ദേശം വഴി ഉത്തര്‍പ്രദേശ് പോലീസിനാണ് ഭീകരാക്രമണ ഭീഷണിയെത്തിയത്. ഇവര്‍ ഡല്‍ഹി പോലീസിന് വിവരം കൈമാറുകയായിരുന്നു. തീവ്രവാദ സംഘടനയായ തെഹ്രിക്-ഇ-താലിബാനാണ് ഇമെയിലിന് പിന്നിലെന്നാണ് പോലീസ് വിലയിരുത്തുന്നത്. ഡല്‍ഹിയിലെ സരോജ്‌നി മാര്‍ക്കറ്റ് പോലുള്ള പ്രദേശങ്ങളില്‍ സുരക്ഷാനിര്‍ദ്ദേശങ്ങളെ മുന്‍നിര്‍ത്തി പരിശോധന ശക്തമാക്കിയതായും പോലീസ് അറിയിച്ചു  

സെക്കന്തരാബാദ്: തെലുങ്കാനയിലെ സെക്കന്തരാബാദില്‍ തടി ഗോഡൗണിലുണ്ടായ വന്‍ തീപിടിത്തത്തില്‍ 11 തൊഴിലാളികള്‍ മരിച്ചു. ബിഹാറില്‍നിന്നുള്ള കുടിയേറ്റ തൊഴിലാളികളാണ് മരിച്ചത്. സക്കന്തരാബാദിലെ ബോയ്ഗുഡിയിലെ തടി ഗോഡൗണിലാണ് സംഭവമുണ്ടായത്. ഷോര്‍ട്ട് സര്‍ക്യൂട്ടാണ് തീപിടിത്തമുണ്ടാകാന്‍ കാരണമെന്നാണ് പ്രാഥമിക നിഗമനം. സമീപത്തുണ്ടായിരുന്ന ആക്രിക്കടയിലേക്കും തീപടര്‍ന്നു. പുലർച്ചെ നാല് മണിയോടെയാണ് സംഭവം. അപകടത്തിൽപ്പെട്ടവരെല്ലാം ഉറങ്ങുകയായിരുന്നു. വിവിധ പ്രദേശങ്ങളിൽ നിന്ന് സ്ഥലത്തെത്തിയ അഞ്ച് ഫയർ എഞ്ചിനുകളുടെ സഹായത്തോടെയാണ് തീ അണച്ചത്. മൃതദേഹങ്ങൾ ഗാന്ധി ആശുപത്രിയിലേക്ക് മാറ്റി. 10 മൃതദേഹങ്ങൾ തിരിച്ചറിയാനാകാത്ത വിധം കത്തിക്കരിഞ്ഞതായി ആശുപത്രി അധികൃതർ അറിയിച്ചു. തടി ഡിപ്പോ ഉടമയുടെ അനാസ്ഥയും സുരക്ഷാ ചട്ടങ്ങളുടെ ലംഘനവുമാണ് സംഭവത്തിലേക്ക് നയിച്ചതെന്ന് ഹൈദരാബാദ് പോലീസ് കമ്മീഷണർ സി.വി. ആനന്ദ് സംഭവസ്ഥലത്ത് മാധ്യമ പ്രവർത്തകരോട് പറഞ്ഞു. തീപിടിത്തത്തിൽ മുഖ്യമന്ത്രി കെ.ചന്ദ്രശേഖർ റാവു നടുക്കം രേഖപ്പെടുത്തുകയും മരണത്തിൽ അനുശോചനം രേഖപ്പെടുത്തുകയും ചെയ്തു. തീപിടിത്തത്തിൽ മരിച്ചവരുടെ കുടുംബങ്ങൾക്ക് അഞ്ച് ലക്ഷം രൂപ…

മുംബൈ: മഹാരാഷ്ട്ര മുഖ്യമന്ത്രി ഉദ്ധവ് താക്കറെയുടെ ഭാര്യാ സഹോദരൻ ശ്രീധർ മാധവ് പടങ്കറിന്റെ ഉടമസ്ഥതയിലുള്ളതും നിയന്ത്രിക്കുന്നതുമായ കമ്പനിയുടെ 6.45 കോടി രൂപ വിലമതിക്കുന്ന സ്ഥാവര സ്വത്തുക്കൾ എൻഫോഴ്‌സ്‌മെന്റ് ഡയറക്ടറേറ്റ് ചൊവ്വാഴ്ച താൽകാലികമായി കണ്ടുകെട്ടി. പടങ്കറിന്റെ നിർമ്മാണ സ്ഥാപനമായ ശ്രീ സായിബാബ ഗൃഹനിർമിതി പ്രൈവറ്റ് ലിമിറ്റഡ് എന്ന സ്ഥാപനത്തിനെതിരെ കുറ്റപത്രം സമർപ്പിച്ചതായി ഏജൻസി പറഞ്ഞു. ഈ സ്ഥാപനത്തില്‍ നന്ദകിഷോർ ചതുർവേദി എന്ന വ്യക്തി കണക്കില്‍ പെടാത്ത ഒരു കോടിയിലധികം രൂപ നിക്ഷേപിച്ചിരുന്നു. താനെയിലെ നിലാംബ്രി അപ്പാർട്ട്‌മെന്റിന്റെ 11 ഫ്‌ളാറ്റുകൾ സീൽ ചെയ്തതായി ഇഡി ചൊവ്വാഴ്ച പുറത്തിറക്കിയ പ്രസ്താവനയിൽ അറിയിച്ചു. 6.45 കോടി രൂപയാണ് ഈ ഫ്ലാറ്റുകളുടെ വില. ശ്രീധർ മാധവ് പടങ്കറിന്റെ ഉടമസ്ഥതയിലുള്ളതും നിയന്ത്രിക്കുന്നതുമായ ശ്രീ സായിബാബ ഗൃഹനിർമിതി പ്രൈവറ്റ് ലിമിറ്റഡുമായി ഈ പദ്ധതി ബന്ധപ്പെട്ടിരിക്കുന്നു. താക്കറെയുടെ ഭാര്യ രശ്മിയുടെ യഥാർത്ഥ സഹോദരനാണ് പടങ്കർ. പുഷ്പക് ഗ്രൂപ്പിന്റെ കമ്പനിയായ…