Category: MIDDLE EAST/GULF

കുവൈറ്റ്: സാൽമിയ മേഖലയിൽ ജൂത ചിഹ്നങ്ങളുള്ള സാധനങ്ങൾ വിൽപന നടത്തുന്നതായി ആരോപിക്കപ്പെടുന്ന കട അടച്ചു പൂട്ടാൻ കുവൈത്ത് വാണിജ്യ മന്ത്രാലയം ഉത്തരവിട്ടു. ഉടമയ്ക്ക് പിഴ ചുമത്തിയതായും കുറ്റക്കാർക്കെതിരെ നിയമനടപടികൾ സ്വീകരിച്ചതായും മന്ത്രാലയം പ്രസ്താവനയിൽ അറിയിച്ചു. ഇരുപതോളം ജൂതന്മാരാണ് കുവൈറ്റിലുള്ളതെന്നാണ് കണക്ക്. അവരെല്ലാവരും രാജ്യത്തെ യുഎസ് നാവിക താവളവുമായി ബന്ധപ്പെട്ടിരിക്കുന്നവരുമാണ്. 2021-ൽ രാജ്യത്തെ പാർലമെന്റ് ഇസ്രയേലുമായി ഇടപെടുന്ന ആരെയും തടവിലാക്കാൻ അനുവദിക്കുന്ന നിയമം പാസാക്കിയിരുന്നു. കുവൈറ്റ് പൗരന്മാരും പ്രവാസികളും ഇസ്രായേൽ സന്ദർശിക്കുന്നതിനോ രാജ്യവുമായി ബന്ധം സ്ഥാപിക്കുന്നതിനോ കുവൈറ്റ് നിയമം വിലക്കുന്നു. ഇസ്രയേലുമായി ബന്ധം സ്ഥാപിക്കാൻ വിസമ്മതിക്കുന്ന ഫലസ്തീൻ അനുകൂല നിലപാടിൽ കുവൈത്ത് സർക്കാർ വ്യക്തത പുലർത്തുന്നതായി റിപ്പോര്‍ട്ടുകളില്‍ പറയുന്നു.

ദോഹ (ഖത്തര്‍): ആരോഗ്യത്തോടെയും ആത്മവിശ്വാസത്തോടെയും ലോകകപ്പിനെ വരവേല്‍ക്കാം എന്ന ആശയം മുന്‍ നിര്‍ത്തി എക്സ്പാറ്റ് സ്പോര്‍ട്ടീവ് കള്‍ച്ചറല്‍ ഫോറവുമായി സഹകരിച്ച് ഖത്തര്‍ ഡയബറ്റീസ് അസോസിയേഷന്റെ അംഗീകാരത്തോടെ സ്പോര്‍ട്സ് കാര്‍ണ്ണിവലിന്റെ ഭാഗമായി സംഘടിപ്പിക്കുന്ന വെയ്റ്റ് ലോസ് കോമ്പറ്റീഷന്‍ (ശരീര ഭാരം കുറക്കല്‍) മത്സരത്തിന്‌ പ്രൗഢോജ്വല തുടക്കം. ബര്‍വ്വ സിറ്റിയിലെ കിംസ് ഹെല്‍ത്തില്‍ നടന്ന ചടങ്ങില്‍ ഇന്ത്യന്‍ സ്പോര്‍ട്സ് സെന്റര്‍ പ്രസിഡണ്ട് ഡോ. മോഹന്‍ തോമസ് ഉദ്ഘാടനം നിര്‍വ്വഹിച്ചു. ആരോഗ്യമാണ്‌ നമ്മുടെ ഏറ്റവും വലിയ സമ്പത്തെന്നും മറ്റെല്ലാ തിരക്കുകള്‍ക്കിടയിലും ആരോഗ്യം കാത്ത് സൂക്ഷിക്കുന്നതില്‍ പ്രവാസ ജീവിതത്തില്‍ ശ്രദ്ധ ചെലുത്തണമെന്നും സ്വന്തം ആരോഗ്യത്തെ കുറിച്ച് ചില വീണ്ടു വിചാരങ്ങള്‍ക്ക് ഈ മത്സരം പ്രയോജനപ്പെടുമെന്നും അദ്ദേഹം പറഞ്ഞു. കായിക മേഖലയില്‍ ഇത്തരം നൂതന ആശയങ്ങളുമായി മുന്നോട്ട് പോകുന്ന എക്സ്പാറ്റ് സ്പോര്‍ട്ടീവിന്റെ പ്രവര്‍ത്തനം ശ്ലാഘനീയമാണെന്നും അദ്ദേഹം പറഞ്ഞു. എക്സ്പാറ്റ് സ്പോര്‍ട്ടീവ് പ്രസിഡണ്ട് സുഹൈല്‍ ശാന്തപുരം…

ദുബായ്: നടപ്പു വർഷത്തിന്റെ ആദ്യ പകുതിയിൽ ഏകദേശം 8.5 ലക്ഷം (0.85 ദശലക്ഷം) ഇന്ത്യക്കാർ ദുബായ് സന്ദർശിച്ചതായി മുതിർന്ന ദുബായ് ഇക്കണോമി ആൻഡ് ടൂറിസം ഉദ്യോഗസ്ഥൻ അറിയിച്ചു. “2022 ന്റെ ആദ്യ പകുതിയിൽ, ഏകദേശം 70 ലക്ഷം (ഏഴു ദശലക്ഷം) ആളുകൾ ദുബായ് സന്ദർശിച്ചു, അതിൽ ഏകദേശം 8.5 ലക്ഷം ഇന്ത്യക്കാരും ഉൾപ്പെടുന്നു,” ഇന്റർനാഷണൽ ഓപ്പറേഷൻസിന്റെ റീജിയൻ – ദക്ഷിണേഷ്യൻ മേധാവി ബാദർ അലി ഹബീബ് വെള്ളിയാഴ്ച പറഞ്ഞു. അഞ്ച് വർഷത്തെ മൾട്ടിപ്പിൾ എൻട്രി വിസകൾ യുഎഇ ഉടൻ അനുവദിക്കുമെന്ന് ഹബീബ് പറഞ്ഞു. ദുബായിലേക്ക് കൂടുതൽ യാത്രകൾ നടത്താൻ ഇന്ത്യക്കാരെ ആകർഷിക്കാൻ ഈ നീക്കം സഹായിക്കുമെന്നാണ് കരുതുന്നത്. ദുബായിലെ ഹോട്ടൽ മുറികളുടെ എണ്ണം ഇപ്പോഴുള്ള 1.4 ലക്ഷത്തിൽ നിന്ന് ഉടൻ തന്നെ 1.5 ലക്ഷമാക്കുമെന്ന് അദ്ദേഹം പറഞ്ഞു. 2022-ന്റെ നാലാം പാദത്തിൽ അതിഥികൾക്കായി ഒരു ആഡംബര ഹോട്ടലായ…

ദുബായ്: ദസറ, ദീപാവലി ആഘോഷ സീസണുകളില്‍ വിമാന ടിക്കറ്റ് നിരക്ക് വീണ്ടും വര്‍ദ്ധിക്കാനിടയുണ്ടെന്ന് റിപ്പോർട്ട്. ഈ സീസണിന് മുന്നോടിയായി ദുബായ് ഉൾപ്പെടെയുള്ള പ്രധാന സ്ഥലങ്ങളിലേക്ക് ബുക്കിംഗ് അന്വേഷണങ്ങൾ ലഭിച്ചു തുടങ്ങിയതായി ട്രാവൽ ഏജന്റുമാർ പറയുന്നു. ദീപാവലി ആഘോഷങ്ങൾ ഒക്ടോബർ 24 ന് ആരംഭിക്കും. ഉത്തരേന്ത്യയിൽ ദസറയും ഒക്ടോബർ 24 നാണ്. ഈ സീസണിലും ഉത്സവ സീസണുകളിൽ ടിക്കറ്റ് നിരക്ക് പതിന്മടങ്ങ് വർദ്ധിപ്പിക്കുന്ന പതിവ് എയർലൈനുകൾ ആവർത്തിക്കും. വിമാന ടിക്കറ്റ് നിരക്ക് ഇരട്ടിയെങ്കിലും വർധിക്കുമെന്നാണ് യുഎഇയിലെ ട്രാവൽ ഏജൻസികൾ പറയുന്നത്. പൊതുവേ, ഉത്തരേന്ത്യയിൽ നിന്ന് യുഎഇയിലേക്ക് വിനോദസഞ്ചാരികളുടെ എണ്ണം വർദ്ധിക്കുന്ന സമയമാണിത്. ഇന്ത്യയ്‍ക്കും യുഎഇക്കും ഇടയില്‍ ഈ കാലയളവിനിടയില്‍ വിമാന സര്‍വീസുകളുടെ എണ്ണം കൂടാന്‍ സാധ്യതയില്ലാത്തിതിനാല്‍ യാത്രക്കാരുടെ എണ്ണം വര്‍ദ്ധിക്കുന്നതിനനുസരിച്ച് വിമാന ടിക്കറ്റ് നിരക്ക് മുകളിലേക്ക് നീങ്ങിത്തുടങ്ങും. ഉത്തരേന്ത്യയിലെ വിവിധ നഗരങ്ങളില്‍ നിന്നായിരിക്കും വിമാന യാത്രക്കാരുടെ തിരക്കേറുകയെന്നാണ് റിപ്പോര്‍ട്ടുകള്‍.…

കുവൈറ്റ് സിറ്റി: നിലവിലെ പൊതു ശുചീകരണ കരാർ നടപ്പിലാക്കുന്ന 17 ക്ലീനിംഗ് കമ്പനികൾ കുവൈറ്റ് മുനിസിപ്പാലിറ്റിയുടെ ബില്ലുകളുടെ പെയ്മെന്റില്‍ കാലതാമസം നേരിടുന്നതായി പരാതി. ഇതു സംബന്ധിച്ച് കമ്പനികൾ മുനിസിപ്പാലിറ്റി മന്ത്രി ഡോ. റാണ അൽ ഫാരസിന് പരാതി നൽകിയിട്ടുണ്ട്. ക്ലീനിംഗ് കരാർ മേഖലയിൽ പ്രവർത്തിക്കുന്ന കമ്പനികൾ എന്ന നിലയിൽ ഈ പ്രശ്നം ഗുരുതരമായ പ്രത്യാഘാതങ്ങൾക്കും വൻ നഷ്ടത്തിനും കാരണമാകുന്നുവെന്നാണ് കമ്പനികളുടെ പരാതി. കരാറിലെ വ്യവസ്ഥകൾ പ്രകാരം, സമർപ്പിച്ച തീയതി മുതൽ 30 ദിവസത്തിനകം മുനിസിപ്പാലിറ്റി പ്രതിമാസ ബിൽ പെയ്മെന്റ് നടത്തണം. എന്നാൽ, നഗരസഭയിൽ സമർപ്പിച്ച ബില്ലുകൾ മാസങ്ങളായി കെട്ടിക്കിടക്കുകയാണ്. അവസാനിപ്പിച്ച കരാർ പ്രകാരം മുകളിൽ പ്രസ്താവിച്ചതും വ്യവസ്ഥാപിതവുമായ കാലയളവിനുള്ളിൽ ശേഖരിക്കപ്പെടുന്നില്ല. ബില്ലുകളുടെ പേയ്‌മെന്റ് അംഗീകരിക്കുന്നതിനുള്ള ഒരു പുതിയ വർക്ക് മെക്കാനിസം എന്ന നിലയിൽ ഫിനാൻഷ്യൽ കൺട്രോളർ നിരവധി പുതിയ നടപടിക്രമങ്ങളും ആവശ്യകതകളും പുറപ്പെടുവിച്ചിട്ടുണ്ടെന്നും അവ കരാറിൽ പരാമർശിച്ചിട്ടില്ലാത്തതും…

ഉപഭോക്താക്കളുടെ ആവശ്യാനുസരണം യുണിയന്‍ കോപില്‍ വിതരണം ചെയ്യുന്നത് ഏഴ് ടണ്‍ ഉയര്‍ന്ന നിലവാരമുള്ള മാംസ്യ ഉല്‍പ്പന്നങ്ങള്‍. ദുബൈ: ദുബൈയിലെ യൂണിയന്‍ കോപിന്റെ വിവിധ ശാഖകളിലെ മാംസ്യ വിഭാഗത്തിലേക്ക് പ്രതിദിനം ഏഴ് ടണ്‍ ഫ്രഷ് ലോക്കല്‍, ഇറക്കുമതി മാംസ്യം വിതരണം ചെയ്യാറുള്ളതായി ഡോ. സുഹൈല്‍ അല്‍ ബസ്തകി വെളിപ്പെടുത്തി. മാംസ്യ സെക്ഷന്‍ പൂര്‍ണ ശേഷിയിലാണ് പ്രവര്‍ത്തിക്കുന്നതെന്നും കഴിഞ്ഞ വര്‍ഷം തുടങ്ങിയ പുതിയ ശാഖകളിലെ വിഭാഗങ്ങളും പ്രവര്‍ത്തനം തുടങ്ങിയെന്നും അദ്ദേഹം പറഞ്ഞു. ഉപഭോക്താക്കളുടെ ആവശ്യങ്ങള്‍ നിറവേറ്റുന്നതിനായി വിതരണം ചെയ്യുന്ന പ്രാദേശിക, ഇറക്കുമതി മാംസ്യത്തിന്റെ അളവ് കൂട്ടിയതായും ഡോ. അല്‍ ബസ്തകി വ്യക്തമാക്കി. ഓസ്‌ട്രേലിയന്‍, ഇന്ത്യന്‍, പാകിസ്ഥാനി, ബ്രസീലിയന്‍ മാംസ്യങ്ങള്‍ ഉള്‍പ്പെടെ 205 ടണ്‍ ലോക്കല്‍, ഇറക്കുമതി മാംസ്യമാണ് മാസം തോറും വിതരണം ചെയ്യുന്നത്. കോഓപ്പറേറ്റീവിലെ മാംസ്യ വിഭാഗം, മിന്‍സ്ഡ്, ചോപ്ഡ് മാംസ്യം, ബര്‍ഗറുകള്‍, സോസേജുകള്‍, മറ്റ് ഗ്രില്‍സ്, മിക്‌സ്ഡ് മീറ്റ്…

ദോഹ: ആരോഗ്യത്തോടെയും ആത്മവിശ്വാസത്തോടെയും ലോകകപ്പിനെ വരവേല്‍ക്കം എന്ന ആശയം മുന്‍ നിര്‍ത്തി എക്സ്പാറ്റ് സ്പോര്‍ട്ടീവ് കള്‍ച്ചറല്‍ ഫോറവുമായി സഹകരിച്ച് വെയ്റ്റ് ലോസ് കോമ്പറ്റീഷന്‍ (ശരീര ഭാരം കുറക്കല്‍) മത്സരത്തിന്റെ പോസ്റ്റർ പ്രകാശനം ചെയ്തു. റേഡിയോ മലയാളം 98.6 എം.ഡി അൻവർ ഹുസൈൻ വാണിയമ്പലം, എക്സ്പാറ്റ്‌ സ്പോർട്ടീവ്‌ വൈസ്‌ പ്രസിഡണ്ട് മുഹമ്മദ്‌ കുഞ്ഞി, സ്പോർട്സ്‌ കാർണ്ണിവൽ ജനറൽകൺവീനർ അബ്ദുറഹീം വേങ്ങേരി എന്നിവർ ചേർന്നാണ്‌ പോസ്റ്റർ പ്രകാശനം നിർവ്വഹിച്ചത്‌. കൾച്ചറൽ ഫോറം സ്പോർട്ട്സ്‌ വിംഗ്‌ സെക്രട്ടറി അനസ്‌ ജമാൽ, പരിപാടി വിശദീകരിച്ചു. കോമ്പറ്റീഷൻ ടെക്‌നിക്കൽ ടീമംഗങ്ങളായ ഹഫീസുല്ല കെ.വി, ലിജിൻ രാജൻ, ഷബീബ്‌ അബ്ദുറസാഖ്‌, റഹ്മത്തുല്ല, മീഡിയ കൺവീനർ റബീഹ്‌ സമാൻ തുടങ്ങിയവർ സംബന്ധിച്ചു. ആഗസ്ത് 26 ന്‌ ആരംഭിച്ച് സപ്തംബര്‍ 30 ന്‌ അവസാനിക്കുന്ന മത്സരത്തിന്റെ ഭാഗമായി തത്സമയ ഫിറ്റ്നസ് സെഷനും, ഭക്ഷണക്രമം, വ്യായാമം, തുടങ്ങിയവയെ കുറിച്ചുള്ള ബോധ…

ദോഹ: കൾച്ചറൽ ഫോറം തൃശ്ശൂർ ജില്ല സംഘടിപ്പിച്ച സ്വാതന്ത്ര്യ ദിനാഘോഷം “ആസാദി കാ ആസ്വാദൻ” ഐ.സി.ബി.എഫ് ആക്റ്റിങ് പ്രസിഡന്റ്‌ വിനോദ് നായർ ഉദ്ഘാടനം ചെയ്തു. നമ്മുടെ നാടിന്റെ പൈതൃകം സാഹോദര്യത്തിന്റെയും സൗഹൃദത്തിന്റെയും സ്നേഹത്തിന്റെതുമാണെന്നും ആ ഒരു പ്രതീതി ജനിപ്പിക്കുന്ന സ്വാതന്ത്ര്യ ദിനാഘോഷമാണ് കൾച്ചറൽ ഫോറം സംഘടിപ്പിച്ചത് എന്ന് വിനോദ് നായർ പറഞ്ഞു. കൾച്ചറൽ ഫോറം തൃശ്ശൂർ ജില്ല കമ്മിറ്റി അംഗം ഷംസീർ ഹസൻ മുഖ്യ പ്രഭാഷണം നടത്തി. തങ്ങളുടെ ജീവനേക്കാൾ വില രാജ്യത്തിന്റെ സ്വാതന്ത്ര്യത്തിനാണെന്ന് ചിന്തിക്കുകയും ധീരമായി പോരാടിയതിന്റെയും ഫലമാണ് നാം അനുഭവിക്കുന്ന സ്വാതന്ത്ര്യമെന്നും അത് സംരക്ഷിച്ചു നിർത്തണമെന്നും ഷംസീർ ഹസൻ പറഞ്ഞു. സ്വാതന്ത്ര്യ ദിനാഘോഷത്തോട് അനുബന്ധിച്ച് ഷാഹിദ് അലിയുടെ നേതൃത്വത്തിൽ ക്വിസ് മത്സരം, സ്ത്രീകളുടെയും കുട്ടികളുടെയും സമൂഹഗാനം, അബ്ദുൽ ലത്തീഫ് നയിച്ച നാടകം, മെഹ്‌ദിയ മൻസൂർ ആലപിച്ച ദേശഭക്തി ഗാനം എന്നിവ അരങ്ങേറി. കൾച്ചറൽ ഫോറം…

ബഹ്റൈന്‍: കൊല്ലം പ്രവാസി അസോസിയേഷൻ കലാ-സാഹിത്യ വേദി സൃഷ്ടിയുടെ ആഭിമുഖ്യത്തിൽ ഭാരതത്തിനു സ്വാതന്ത്ര്യം ലഭിച്ചതിന്റെ 75 മത് വാർഷിക ആഘോഷത്തിന്റെ ഭാഗമായി സ്വാതന്ത്ര്യദിന സംഗമം സംഘടിപ്പിച്ചു. സഗായ ബി.എം.സി ഹാളിൽ വച്ച് സംഘടിപ്പിച്ച പരിപാടി പ്രവാസി ലീഗൽ സെൽ ബഹ്‌റൈൻ ഹെഡ് സുധീർ തിരുനിലത്ത് ഉത്‌ഘാടനം ചെയ്തു. ലോക കേരള സഭ അംഗം രാജു കല്ലുംപുറം സ്വാതന്ത്ര്യ ദിന സന്ദേശം നൽകി. സൃഷ്ടി കൺവീനർ അനൂബ് തങ്കച്ചൻ അദ്ധ്യക്ഷത വഹിച്ച ചടങ്ങിന് കൺവീനർ സ്മിതീഷ് ഗോപിനാഥ് സ്വാഗതവും, കെ.പി.എ പ്രസിഡന്റ് നിസാർ കൊല്ലം, സെക്രട്ടറി അനോജ് മാസ്റ്റർ , അസി. ട്രെഷറർ ബിനു കുണ്ടറ എന്നിവർ ആശംസകളും നേർന്നു. കെ.പി.എ ജനറൽ സെക്രട്ടറി ജഗത് കൃഷ്ണകുമാർ, വൈസ് പ്രസിഡന്റ് കിഷോർ കുമാർ , ട്രഷറര്‍ രാജ് കൃഷ്ണൻ എന്നിവർ സന്നിഹിതരായിരുന്നു. കെ.പി.എ സെക്രട്ടറി സന്തോഷ് കാവനാട് നന്ദിയും…

ജറുസലേം: ഇസ്രായേലി ആക്രമണത്തിനിടെ പരിക്കേറ്റ 11 വയസ്സുള്ള പലസ്തീൻ പെൺകുട്ടി റഹാഫ് സൽമാനും 13 വയസ്സുള്ള സഹോദരനും തുർക്കിയിൽ ചികിത്സയ്ക്കായി ഗാസ മുനമ്പിൽ നിന്ന് പുറപ്പെട്ടു. തലസ്ഥാനമായ അങ്കാറയിൽ ചികിത്സ പൂർത്തിയാക്കാൻ തുർക്കി പ്രസിഡന്റ് റജബ് ത്വയ്യിബ് എർദോഗന്റെ അനുമതിയുടെ അടിസ്ഥാനത്തിലാണ് കുട്ടികൾ മാതാപിതാക്കളോടൊപ്പം പോയത്. ഓഗസ്റ്റ് 6 ന്, വടക്കൻ ഗാസ മുനമ്പിലെ ജബാലിയ പട്ടണത്തിൽ പതിച്ച ഇസ്രായേൽ മിസൈലിൽ നിന്നാണ് റാഹഫിനും മുഹമ്മദിനും പരിക്കേറ്റത്. അടിവയറ്റിലെ പരിക്കുകൾ, ഒടിഞ്ഞ കോളർബോൺ, സ്ഥാനഭ്രംശം സംഭവിച്ച തോളെല്ല്, രണ്ട് കണ്ണുകളുടെയും ആരോഗ്യപ്രശ്നങ്ങൾ എന്നിവയ്ക്ക് പുറമേ, റഹാഫിന്റെ ഇരു കാലുകളും വലതു കൈയും ഛേദിക്കപ്പെട്ടു. അവളുടെ സഹോദരൻ മുഹമ്മദിനെ സംബന്ധിച്ചിടത്തോളം, പെൽവിസിൽ കഷ്ണങ്ങൾ കൊണ്ട് അടിച്ചു, മുട്ടും സന്ധിയും തകർന്നു. “പരിക്കേറ്റ പെൺകുട്ടി റഹാഫ് സൽമാനെയും സഹോദരനെയും തുർക്കിയിൽ ചികിത്സയ്ക്കായി സ്വീകരിക്കാൻ തുർക്കി പ്രസിഡന്റ് ദയയോടെ സമ്മതിച്ചു” എന്ന്…