Category: MIDDLE EAST/GULF

കൊല്ലം പ്രവാസി അസ്സോസിയേഷൻ ഹമദ് ടൌൺ ഏരിയ അംഗമായിരുന്ന  കൊല്ലം ചടയമംഗലം സ്വദേശി കബീർ മുഹമ്മദിന്റെ ആകസ്മിക നിര്യാണത്തിൽ കെ.പി.എ ഹമദ് ടൌൺ ഏരിയയുടെ നേതൃത്വത്തിൽ അനുശോചനയോഗം സംഘടിപ്പിച്ചു. ഏരിയ പ്രസിഡന്റ് പ്രദീപ് കുമാറിന്റെ അദ്ധ്യക്ഷതയിൽ കൂടിയ യോഗത്തിൽ  കെ. പി.എ പ്രസിഡന്റ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ , ഏരിയ കോ-ഓർഡിനേറ്റർ വി.എം പ്രമോദ്, മറ്റു ഭാരവാഹികളായ വിഷ്ണു, മുഹമ്മദ് റാഫി എന്നിവർ സംസാരിച്ചു.

അബുദാബി : ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയുടെ (ഐഐടി) ഡൽഹിയുടെ ശാഖ അബുദാബിയിൽ സ്ഥാപിക്കുന്നതിനായി ഇന്ത്യയും യുണൈറ്റഡ് അറബ് എമിറേറ്റ്‌സും (യുഎഇ) ധാരണാപത്രം കൈമാറി. മിഡിൽ ഈസ്റ്റ്/നോർത്ത് ആഫ്രിക്ക (മെന) മേഖലയിൽ സ്ഥാപിക്കുന്ന ആദ്യത്തെ ഐഐടിയാണിത്. യുഎഇയിൽ ഐഐടി ഡൽഹി-അബുദാബി സ്ഥാപിക്കുന്നതിനുള്ള പദ്ധതിക്കായി കേന്ദ്ര വിദ്യാഭ്യാസ മന്ത്രാലയം, അബുദാബി വിദ്യാഭ്യാസ വിജ്ഞാന വകുപ്പ്, ഐഐടി ഡൽഹി എന്നിവ തമ്മിലാണ് ധാരണാപത്രം കൈമാറിയത്. “ഈ സന്ദർശന വേളയിൽ, യുഎഇയിൽ കാമ്പസ് സ്ഥാപിക്കുന്ന ഡൽഹിയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയുടെ ഇത്തരത്തിലുള്ള ആദ്യത്തെ മറ്റൊരു സുപ്രധാന നാഴികക്കല്ലും ഇരു നേതാക്കളും കണ്ടു, ” വിദേശകാര്യ സെക്രട്ടറി വിനയ് ക്വാത്ര പറഞ്ഞു. “വിദ്യാഭ്യാസ മേഖലയിലെ നമ്മുടെ ഉഭയകക്ഷി സഹകരണത്തിന്റെ വീക്ഷണകോണിൽ നിന്ന് മാത്രമല്ല, ജനങ്ങൾ തമ്മിലുള്ള ബന്ധങ്ങൾ ഒരുമിച്ച് കൊണ്ടുവരുന്നതിനും അവരെ കൂടുതൽ ശക്തിപ്പെടുത്തുന്നതിനും ഇത് വളരെ പ്രധാനമാണ്. വിദ്യാർത്ഥികൾ തമ്മിലുള്ള…

ഷാർജ: കൽബ ഇന്ത്യൻ സോഷ്യൽ ആൻഡ് കൾച്ചറൽ ക്ലബിൽ ജൂലൈ 07 മുതൽ ജൂലൈ 28 തിയ്യതി വരെ നീണ്ടുനിൽക്കുന്ന സമ്മർ സ്‌മൈൽ എന്നപേരിൽ സമ്മർക്യാമ്പിന് വർണ്ണാഭമായ തുടക്കം. ക്ലബ് ആക്റ്റിങ് സെക്രട്ടറി അബ്ദുൽ കലാം സ്വാഗതം പറഞ്ഞ ചടങ്ങിൽ ആർട്സ് സെക്രട്ടറിയും, പ്രോഗ്രാം കൺവീനറുമായ സുബൈർ എടത്തനാട്ടുകര ആദ്യക്ഷത വഹിച്ചു. ആക്റ്റിങ് പ്രസിഡണ്ട് ആന്റണി സി.എക്സ് ഉൽഘാടനം നിർവഹിച്ചു, ട്രഷറർ വി. ഡി മുരളീധരൻ, ഉപദേശക സമിതി അംഗം എൻ എം അബ്ദുസമദ്, ആർട്‌സ് കൺവീർ കെ പി മുജീബ്‌, സ്പോർട്സ് സെക്രട്ടറി ജോൺസൻ,വനിതാ കൺവീനർ നാൻസി വിനോദ്,ബാലവേദി വനിതാ വിങ് കോർഡിനേറ്റർ ജിദേശ് നാരായൺ എന്നിവർ ആശംസകൾ നേർന്നു. കൾച്ചറൽ സെക്രട്ടറി വി. അഷറഫ് ചടങ്ങിൽ നന്ദിയും പറഞ്ഞു. വേനൽ ചൂടിന്റെ ആലസ്യത്തെ മറികടന്ന് കലാപരവും, സാംസ്ക്കാരികപരവുമായ കുട്ടികളുടെ ഭാവനയെ തൊട്ടുണർത്തും വിധം ഒട്ടേറെ…

ബഹ്റൈന്‍: മാറിക്കൊണ്ടിരിക്കുന്ന ജീവിതശൈലിയും ഭക്ഷണരീതിയും എല്ലാം ആരോഗ്യത്തേക്കാള്‍ അനാരോഗ്യത്തെയാണ് നമുക്ക് സമ്മാനിക്കുന്നത്. അതിനാൽ ആരോഗ്യ കാര്യത്തില്‍ അതീവ ശ്രദ്ധ നല്‍കേണ്ട ഒരു സമയമാണ് കടന്നു പോവുന്നത്. രോഗങ്ങള്‍ വന്ന് ചികിത്സിക്കുന്നതിനേക്കാൾ നല്ലത് രോഗങ്ങള്‍ വരാതെ സൂക്ഷിക്കുകയാണ്. ഇതിനായി കൊല്ലം പ്രവാസി അസോസിയേഷൻ ഹമദ് ടൗൺ ഏരിയയും, ഹമദ് ടൌൺ അൽഅമൽ ഹോസ്പിറ്റലും സഹകരിച്ചു പ്രവാസികൾക്കായി സൗജന്യ മെഡിക്കൽ ക്യാമ്പ് സംഘടിപ്പിക്കുന്നു. രക്ത പരിശോധന കൂടാതെ ക്യാമ്പിൽ ഓർത്തോപീഡിക്, ഓർത്തോഡന്റിക്, ഒപ്താൽമോളജി എന്ന വിഭാഗങ്ങളിലെ പരിശോധനയും ഒരുക്കിയിട്ടുണ്ട്. മെഡിക്കൽ ക്യാമ്പിൽ പങ്കെടുക്കുന്നവർക്ക് ഹോസ്പിറ്റലിന്റെ സ്പെഷ്യൽ ഡിസ്‌കൗണ്ട് കാർഡും കൂടാതെ ലബോറട്ടറി , റെഡിയോളജി മറ്റു സ്പെഷ്യലിസ്റ് ഡോക്ടർ കൺസൾട്ടേഷനുകൾക്കും പ്രത്യേക ഡിസ്കൗണ്ടും ലഭ്യമാകുന്നതാണ്. 2023 ജൂലൈ 13,14,15 (വ്യാഴം, വെള്ളി, ശനി ) ദിവസങ്ങളിൽ രാവിലെ 7 മുതൽ ഉച്ചയ്ക്ക് 1 മണി വരെയും വൈകിട്ട് 5 മുതൽ…

ബഹ്റൈന്‍: കൊല്ലം പ്രവാസി അസോസിയേഷൻ ഗുദൈബിയ ഏരിയയുടെ നേതൃത്വത്തിൽ നടത്തിയ ബോട്ടിൽ ആർട്ട് മത്സരവിജയികളായ അലക്സ് വൈ. ഫിലിപ്പ് (ഒന്നാം സമ്മാനം) , റിട്ടു ജെയ്സൺ (രണ്ടാം സമ്മാനം) , സാന്ദ്ര നിഷിൽ (മൂന്നാം സമ്മാനം ), ഭദ്ര സജിത്ത് (പ്രോത്സാഹന സമ്മാനം) എന്നിവർക്ക് കെ.പി.എ ഈദ് ഫെസ്റ്റ് 2023 ൽ വച്ച് സമ്മാനം വിതരണം ചെയ്തു. വിധികർത്താവായ ലിംകാ ബുക്ക് ഓഫ് റെക്കോർഡ് അംഗമായ ആൽബർട്ട് ആന്റണി, കെ.പി.എ സെക്രട്ടറി അനോജ് മാസ്റ്റർ, ഗുദൈബിയ ഏരിയ കോ-ഓർഡിനേറ്റർമാരായ നാരായണൻ, ഷിനു താജുദ്ദീൻ, ഏരിയ ഭാരവാഹികളായ ബോജി രാജൻ, വിനീത് അലക്‌സാണ്ടർ, സജിത്ത് എന്നിവർ ചടങ്ങിൽ സംബന്ധിച്ചു.

ദോഹ: അറിയപ്പെടുന്ന സാഹിത്യത്തിന് വഴങ്ങാത്ത ഭാഷയും പ്രയോഗങ്ങളുമാണ്  ബഷീര്‍ സാഹിത്യത്തിന്റെ ഏറ്റവും വലിയ പ്രത്യേകതയെന്ന് പ്രശസ്ത ഗ്രന്ഥകാരനും വിദ്യാഭ്യാസ വിചക്ഷണനും ഖത്തറിലെ ശാന്തിനികേതന്‍ ഇന്ത്യന്‍ സ്‌കൂള്‍ വൈസ് പ്രിന്‍സിപ്പലുമായ ഡോ.സലീല്‍ ഹസന്‍ അഭിപ്രായപ്പെട്ടു. ബഷീര്‍ ഓര്‍മദിനമായ ജൂലൈ 5 ന് മീഡിയ പ്‌ളസ് സംഘടിപ്പിച്ച ചടങ്ങില്‍ ബഷീര്‍ അനുസ്മരണ പ്രഭാഷണം നടത്തുകയായിരുന്നു അദ്ദേഹം. തന്റെ കാലഘട്ടത്തിന് പരിചയമില്ലാത്ത മനുഷ്യപറ്റുള്ള ഭാഷയും പ്രയോഗങ്ങളും ധൈര്യപൂര്‍വം പ്രയോഗിച്ച് ഭാഷയില്‍ വിസ്മയം സൃഷ്ടിച്ച മഹാനാണ് ബഷീര്‍. സാഹിത്യത്തിലെ കലാപാത്രങ്ങളും നായിക നായകന്മാരും സമൂഹത്തിലെ എല്ലാ തട്ടുകളില്‍ നിന്നുമാകാമെന്ന് പ്രയോഗത്തിലൂടെ കാണിച്ചത് ബഷീറായിരുന്നു. കുശിനിക്കാരനും പ്യൂണും വേശ്യകളുമെന്നല്ല സമൂഹത്തിലെ എല്ലാ രംഗത്തുള്ളവര്‍ക്കും കഥാപാത്രങ്ങളാകാമെന്ന് ബഷീര്‍ തെളിയിച്ചു. പച്ചയായ മനുഷ്യയാഥാര്‍ഥ്യങ്ങളിലേക്ക് കഥയേയും സാഹിത്യത്തേയും കൊണ്ടുവന്നാണ് ബഷീര്‍ ഉയര്‍ന്നു നില്‍ക്കുന്നത്, അദ്ദേഹം പറഞ്ഞു. ബഡുക്കൂസ്, ബുദ്ദൂസ്, ഇമ്മിണി ബല്യ ഒന്ന് തുടങ്ങി നിരവധി പുതിയ വാക്കുകളും…

ദോഹ: വൈക്കം മുഹമ്മദ് ബഷീറിന്റെ സാഹിത്യത്തെയും ജീവിതത്തെയും അധികരിച്ച് മലയാളത്തിലെ എഴുപത്തഞ്ചിലധികം സാഹിത്യ സാംസ്‌കാരിക പ്രതിഭകളെ അണിനിരത്തി ആശയം ബുക്സ് പ്രസിദ്ധീകരിച്ച ബഷീര്‍ വര്‍ത്തമാനത്തിന്റെ ഭാവി എന്ന കൃതിയുടെ പരിഷ്‌കരിച്ച രണ്ടാം പതിപ്പിന്റെ പ്രകാശനം ബഷീര്‍ ഓര്‍മ ദിനമായ ജൂലൈ അഞ്ചിന് ദോഹയിലെ സ്‌കില്‍സ് ഡവലപ്‌മെന്റ് സെന്ററില്‍ നടന്നു. പ്രവാസി ദോഹ മുന്‍ അധ്യക്ഷനും നോര്‍ക്ക റൂട്‌സ് ഡയറക്‌റുമായ സി.വി.റപ്പായിയാണ് പ്രകാശനം നിര്‍വഹിച്ചത്. കാലത്തെ അതിജീവിച്ച മഹാനായ എഴുത്തുകാരനാണ് ബഷീറെന്നും ബഷീറിന്റെ കൃതികള്‍ മലയാളികളുള്ളിടത്തോളം കാലം വായിക്കപ്പെടുന്നു പുസ്തകം പ്രകാശനം ചെയ്ത് സംസാരിക്കവേ റപ്പായ് പറഞ്ഞു. ബഷീര്‍ കൃതികളെ സമഗ്രമായി വിലയിരുത്തുന്ന ബഷീര്‍ വര്‍ത്തമാനത്തിന്റെ ഭാവി എന്ന കൃതി ആശയം ബുക്‌സിന്റെ ശ്‌ളാഘനീയമായ പ്രവര്‍ത്തനമാണെന്നും ഇത് ഗള്‍ഫ് വായനക്കാര്‍ക്കെത്തിച്ച മീഡിയ പ്‌ളസ് ടീം അഭിനന്ദനമര്‍ഹിക്കുന്നുവെന്നും അദ്ദേഹം പറഞ്ഞു. ഖത്തറിലെ ഇന്ത്യന്‍ കള്‍ചറല്‍ സെന്റര്‍ മുന്‍ പ്രസിഡണ്ടും സാമൂഹ്യ…

ബഹ്റൈന്‍: കൊല്ലം പ്രവാസി അസ്സോസിയേഷൻ ബലിപ്പെരുന്നാൾ ആഘോഷങ്ങളുടെ ഭാഗമായി സംഘടിപ്പിച്ച ഈദ് ഫെസ്റ്റ് 2023 മെഗാ ഒപ്പന മത്സരത്തിൽ ടീം സോൾ ഡാൻസേർസ് ഒന്നാം സ്ഥാനം കരസ്ഥമാക്കി. കെ.സി.എ ഹാളിൽ നടന്ന ഫൈനല്‍ മത്സരത്തില്‍ ടീം ഇഷാൽ രണ്ടാം സ്ഥാനവും, ടീം മുഹബത്ത് മൂന്നാം സ്ഥാനവും നേടി. വിജയികൾക്ക് ട്രോഫിയും, ക്യാഷ് അവാർഡും കൂടാതെ എല്ലാ മത്സരാര്‍ത്ഥികള്‍ക്ക് മെഡലുകളും സമ്മാനിച്ചു. സാമൂഹ്യ പ്രവർത്തകരായ റിതിൻ രാജ്, സൽമാൻ ഫാരിസ്, സയ്യദ് ഹനീഫ്, നൈന മുഹമ്മദ്, എന്നിവര്‍ സമ്മാനങ്ങള്‍ വിതരണം ചെയ്തു. റ്റീന മാത്യു നെല്ലിക്കൻ, അശ്വതി ജ്യോതിരാജ് എന്നിവര്‍ വിധികർത്താക്കളായ മത്സരത്തില്‍ ടീമുകള്‍ എല്ലാം മികച്ച നിലവാരം പുലര്‍ത്തി. കെ.പി.എ പ്രസിഡന്റ് നിസാർ കൊല്ലം , ജനറൽ സെക്രട്ടറി ജഗത് കൃഷ്ണകുമാർ, ട്രഷറർ രാജ് കൃഷ്ണൻ, സെക്രട്ടറിയേറ്റ് അംഗങ്ങളായ അനോജ് മാസ്റ്റർ, സന്തോഷ്‌ കാവനാട് എന്നിവർ ചടങ്ങിൽ…

റിയാദ് : ഈ വർഷം ആവശ്യമായ അനുമതിയില്ലാതെ ഹജ്ജ് നിർവഹിക്കാൻ ശ്രമിച്ചതിന് 17,615 പേരെ സൗദി അറേബ്യയിലെ സുരക്ഷാ അധികാരികൾ അറസ്റ്റ് ചെയ്തതായി പബ്ലിക് സെക്യൂരിറ്റി ഡയറക്ടറും ഹജ് സുരക്ഷാ കമ്മിറ്റി ചെയർമാനുമായ ലെഫ്. ജനറൽ മുഹമ്മദ് അൽ ബസ്സാമി അറിയിച്ചു. അറസ്റ്റിലായവരിൽ 9,509 പേർ തൊഴിൽ, താമസ, അതിർത്തി സുരക്ഷാ ചട്ടങ്ങൾ ലംഘിച്ചതായും അദ്ദേഹം പറഞ്ഞു. രാജ്യത്തിന്റെ വിവിധ പ്രദേശങ്ങളിൽ 105 വ്യാജ ഹജ് കാമ്പെയ്‌നുകളും സുരക്ഷാ സേവനങ്ങൾ പിടിച്ചെടുത്തു. കാമ്പെയ്‌നുകൾക്ക് ഉത്തരവാദികളായവരെ അറസ്റ്റ് ചെയ്യുകയും പബ്ലിക് പ്രോസിക്യൂഷന് റഫർ ചെയ്യുകയും ചെയ്തു. ഹജ് പെർമിറ്റ് ഇല്ലാത്ത 202,695 പേരെ മക്കയുടെ പ്രവേശന കേന്ദ്രങ്ങളിൽ നിന്ന് തിരിച്ചയച്ചതായി അൽബസാമി പറഞ്ഞു. മക്കയിലേക്കും പുണ്യസ്ഥലങ്ങളിലേക്കും പ്രവേശിക്കാൻ അനുമതിയില്ലാത്ത 128,999 വാഹനങ്ങളും തിരിച്ചയച്ചിട്ടുണ്ട്. ഹജ്ജ് സുരക്ഷാ സേനയുടെ പ്രയത്‌നങ്ങളെ അദ്ദേഹം പ്രശംസിക്കുകയും ഹജ്ജുമായി ബന്ധപ്പെട്ട സുരക്ഷാ, സംഘടനാ പദ്ധതികൾ…

ബഹ്റൈന്‍: കൊല്ലം പ്രവാസി അസോസിയേഷൻ ഹമദ് ടൌൺ ഏരിയ കമ്മിറ്റിയുടെ നേതൃത്വത്തിൽ ജൂലൈ 1 ഡോക്ടർസ് ഡേ വിപുലമായി ആഘോഷിച്ചു. ഹമ്മദ് ടൗൺ അൽ അമൽ ഹോസ്പിറ്റലിൽ വച്ച് സംഘടിപ്പിച്ച ചടങ്ങിൽ ഡോക്ടർമാരും, കെ.പി.എ അംഗങ്ങളും പങ്കെടുത്തു. ഹമദ് ടൗൺ ഏരിയ പ്രസിഡന്റ് പ്രദീപ് കുമാർ അദ്ധ്യക്ഷനായ ചടങ്ങിന് ഏരിയ കോ ഓർഡിനേറ്റർ വി.എം. പ്രമോദ് സ്വാഗതം പറഞ്ഞു. സീനിയർ മെമ്പർ അജികുമാർ വിശിഷ്ടാതിഥിയായി പങ്കെടുത്തു. അൽ അമൽ ഹോസ്പിറ്റൽ സി.ഇ.ഒ ഡോ. ന്യൂട്ടൻ, ഡയറക്ടർ നിർമല ശിവദാസൻ, ഡോ. റജില, ബി.ഡി.ഒ സുജാതൻ, കെ.പി.എ ട്രെഷറർ രാജ് കൃഷ്ണൻ, സെക്രട്ടറി സന്തോഷ് കാവനാട്, ഏരിയ കോ-ഓർഡിനേറ്റർ അജിത് ബാബു എന്നിവർ ആശംസകൾ അറിയിച്ചു. ഏരിയ സെക്രട്ടറി വിഷ്ണു നന്ദി അറിയിച്ചു.