ശബരിമല: നടന്‍ ദിലീപ് ശബരിമലയില്‍ ശബരിമലയില്‍ ദര്‍ശനം നടത്തി. സുഹൃത്തും ബിസിനസ് പങ്കാളിയുമായ ശരത്തിനും മനേജര്‍ക്കുമൊപ്പം ഇന്നലെ വൈകിട്ട് പമ്പയിലെത്തിയ ദിലീപ് കാല്‍നടയായി രാത്രിയോടെ സന്നിധാനത്തെത്തി. ദേവസ്വം ഗസ്റ്റ് ഹൗസില്‍ വിശ്രമിച്ച ശേഷം ഇന്നു രാവിലെയാണ് ദര്‍ശനം നടത്തിയത്. മാളികപ്പുറം ദര്‍ശനവും കഴിഞ്ഞ് ഇന്ന് ഉച്ചയോടെ ദിലീപ് മലയിറങ്ങും.
തിരുവനന്തപുരം: മുഖ്യമന്ത്രി പിണറായി വിജയന്‍ ചികിത്സയ്ക്കായി വീണ്ടും അമേരിക്കയിലേക്ക്. ഈ മാസം 23നാണ് അമേരിക്കയിലേക്ക് പോകുന്നത്. മിനിസോട്ടയിലെ മായോ ക്ലിനിക്കിലാണ് മുഖ്യമന്ത്രി ചികിത്സ നടത്തുന്നത്. മുഖ്യമന്ത്രിയുടെ യാത്ര സംബന്ധിച്ച് ചീഫ് സെക്രട്ടറി ഉത്തരവിറക്കി. അമേരിക്കയില്‍ ചികിത്സ നടത്തിയിരുന്ന മുഖ്യമന്ത്രി, തുടര്‍പരിശോധനകള്‍ക്കായാണ് വീണ്ടും പോകുന്നത്. ഈ വര്‍ഷമാദ്യം ജനുവരി 15ന് മുഖ്യമന്ത്രി അമേരിക്കയിലേക്ക് ചികിത്സയ്ക്കായി പോയിരുന്നു. പിന്നീട് ജനുവരി 30 നാണ് അദ്ദേഹം നാട്ടില്‍ തിരിച്ചെത്തിയത്.
കോട്ടയം: എരുമേലിയില്‍ നിന്നും കാണാതായ ജെസ്‌ന മരിയ ജയിംസ് സിറിയയിലാണെന്ന് സിബിഐ കണ്ടെത്തിയെന്ന പ്രചാരണം ശരിയല്ലെന്ന് സിബിഐ. അത്തരം കണ്ടെത്തലുകളൊന്നും നടത്തിയിട്ടില്ലെന്ന് സിബിഐ വ്യത്തങ്ങള്‍ അറിയിച്ചു. സമൂഹമാധ്യമങ്ങളിലും ചില ഓണ്‍ലൈന്‍ സൈറ്റുകളും ജെസ്‌ന സിറിയിയില്‍ എത്തിയതായുള്ള പ്രചാരം നടത്തിയതോടെയാണ് സിബിഐയുടെ വിശദീകരണം. 2018ലാണ് കാഞ്ഞിരപ്പള്ളി സെന്റ് ഡൊമിനിക്‌സ് കോളജിലെ രണ്ടാംവര്‍ഷ വിദ്യാര്‍ഥിനി ആയിരുന്ന ജെസ്‌നയെ കാണാതായത്. വിവിധ ഏജന്‍സികള്‍ കേസ് അന്വേഷിച്ചിട്ടും ജെസ്‌നയെ കണ്ടെത്താനായിരുന്നില്ല. തുടര്‍ന്നാണ് കേസ് സിബിഐയ്ക്ക് കൈമാറിയത്. 2021 ഫെബ്രുവരിയിലാണ് കേസ് അന്വേഷണം ഹൈക്കോടതി സിബിഐയെ ഏല്‍പ്പിച്ചത്. 2018 മാര്‍ച്ച് 22-നാണ് കൊല്ലമുള സന്തോഷ് കവല കുന്നത്തുവീട്ടില്‍ ജെസ്‌നയെ കാണാതാകുന്നത്. കേസ് അന്വേഷണത്തിനു പ്രത്യേക പോലീസ് സംഘത്തെ നിയമിച്ചെങ്കിലും ജെസ്‌നയെക്കുറിച്ച് ഒരു വിവരവും കണ്ടെത്താനായില്ല. പിന്നീട് അന്വേഷണം ക്രൈംബ്രാഞ്ചിനു കൈമാറി. മുണ്ടക്കയം പുഞ്ചവയലിലുള്ള ബന്ധുവിന്റെ വീട്ടിലേക്കു പോകാനായാണ് ജെസ്‌ന വീട്ടില്‍നിന്ന് ഇറങ്ങിയത്. എരുമേലി വരെ…
പാലക്കാട്: ജില്ലയില്‍ ഇരുചക്ര വാഹന യാത്രയ്ക്ക് നിയന്ത്രണം ഏര്‍പ്പെടുത്തി ജില്ലാ ഭരണകൂടം. പുരുഷന്‍മാരെ പിന്‍സീറ്റില്‍ ഇരുത്തി യാത്ര പാടില്ല. സ്ത്രീകളെയും കുട്ടികളെയും പിന്‍സീറ്റില്‍ ഇരുത്തി യാത്ര ചെയ്യാമെന്നും അഡിഷണല്‍ ജില്ലാ മജിസ്‌ട്രേറ്റിന്റെ ഉത്തരവില്‍ പറയുന്നു. ഈ മാസം 20വരെ പാലക്കാട് ജില്ലയില്‍ നിരോധനാജ്ഞ നിലനില്‍ക്കുന്ന പശ്ചാത്തലത്തിലാണ് ഉത്തരവ്. അതേസമയം ഇരട്ടക്കൊലപാതകങ്ങള്‍ക്ക് പിന്നാലെ കൂടുതല്‍ അനിഷ്ട സംഭവങ്ങള്‍ ഉണ്ടാകുന്നത് തടയാനായി പാലക്കാട് ആയിരത്തോളം പോലീസ് ഉദ്യോഗസ്ഥരെയാണ് വിന്യസിച്ചിട്ടുള്ളത്.
വടക്കാങ്ങര: ഈസ്റ്റ് ജുമാ മസ്ജിദ് മഹല്ല് കമ്മിറ്റിയുടെ ആഭിമുഖ്യത്തിൽ സൗഹൃദ ഇഫ്താർ സംഘടിപ്പിച്ചു. ജാതി, മത, കക്ഷി രാഷ്ട്രീയത്തിനതീതമായി നടത്തിയ സമൂഹ നോമ്പുതുറയിൽ പ്രദേശത്ത് നിന്നും 900 ത്തോളം പേർ പങ്കെടുത്തു. പി.കെ സയ്യിദ് ഹുസൈൻ കോയ തങ്ങൾ റമദാൻ സന്ദേശം നൽകി. ജമാഅത്തെ ഇസ്ലാമി പ്രാദേശിക അമീർ പി.കെ അബ്ദുൽ ഗഫൂർ തങ്ങൾ, നുസ് റത്തുൽ അനാം ട്രസ്റ്റ് വർക്കിങ്ങ് ചെയർമാൻ അബ്ദുസ്സമദ് കരുവാട്ടിൽ, ഈസ്റ്റ് ജുമാ മസ്ജിദ് മഹല്ല് കമ്മിറ്റി പ്രസിഡന്റ് കെ നജ്മുദ്ദീൻ, സെക്രട്ടറി കെ.ടി ബഷീർ, സി.പി മുഹമ്മദലി, ടി നസീർ തുടങ്ങിയവർ നേതൃത്വം നൽകി.
ചെന്നൈ: എണ്‍പതുകളില്‍ കേരളത്തെ നടുക്കിയ സുകുമാരക്കുറുപ്പ് കേസിന് സമാനമായി തമിഴ്നാട്ടിലും സംഭവം അരങ്ങേറിയിരിക്കുകയാണിപ്പോള്‍. ലൈഫ് ഇന്‍ഷ്വറന്‍സ് തുക തട്ടിയെടുക്കാനാണ് തന്റെ രൂപസാദൃശ്യമുള്ള ചാക്കോ എന്ന ഫിലിം റപ്രസന്റേറ്റിവിനെ കൊലപ്പെടുത്തി കാറിലിട്ട് കത്തിച്ച സുകുമാര കുറുപ്പ് ഇന്നും കേരള പോലീസിന്റെ ക്രൈം റെക്കോര്‍ഡില്‍ പിടികിട്ടാപ്പുള്ളിയാണ്. എന്നാല്‍, ഇപ്പോള്‍ തമിഴ്നാട്ടില്‍ നടന്നത് തികച്ചും വ്യത്യസ്ഥ രീതിയിലാണെന്നു മാത്രം. തനിക്ക് ആഭരണം വാങ്ങിത്തരണമെന്ന ഭാര്യയുടെ നിര്‍ബ്ബന്ധം മൂലമാണ് തമിഴ്നാട്ടിലെ മധുരവോയല്‍ സ്വദേശി സതീഷ് കുമാര്‍ സ്വന്തം കാര്‍ കത്തിച്ച് ഇന്‍ഷ്വറന്‍സ് തുക തട്ടാന്‍ ശ്രമിച്ച് പോലീസിന്റെ പിടിയിലായത്. പ്രാദേശിക ബിജെപി നേതാവു കൂടിയാണ് സതീഷ് കുമാര്‍. ബിജെപി തിരുവള്ളൂര്‍ വെസ്റ്റ് ജില്ലാ സെക്രട്ടറിയായ സതീഷ് കുമാര്‍ സ്വയം വാഹനം കത്തിച്ചശേഷം മറ്റാരോ ആണ് അതു ചെയ്തതെന്ന് പറഞ്ഞ് പൊലീസില്‍ പരാതി നല്‍കുകയായിരുന്നു. ഏപ്രില്‍ 14ന് രാത്രിയാണ് സതീഷ് കുമാര്‍ സ്വന്തം കാറിന്…
പാലക്കാട്: ആർഎസ്എസ് പ്രവർത്തകന്റെയും എസ്ഡിപിഐ പ്രവർത്തകന്റെയും കൊലപാതകങ്ങൾ കേരളത്തെ പിടിച്ചുകുലുക്കിയ സാഹചര്യത്തിൽ, സംസ്ഥാനത്ത് വർഗീയവും രാഷ്ട്രീയവുമായ കൊലപാതകങ്ങൾ വർധിച്ചുവരികയാണെന്ന് ആരോപിച്ച് ഇടതു സർക്കാരിനെതിരെ രൂക്ഷ വിമർശനവുമായി കോണ്‍ഗ്രസ്. മുഖ്യമന്ത്രി പിണറായി വിജയൻ നടത്തുന്ന വർഗീയ പ്രീണനത്തിന്റെ ഫലമാണ് ഈ രാഷ്ട്രീയ കൊലപാതകങ്ങളെന്ന് കോണ്‍ഗ്രസ് ആരോപിച്ചു. പോലീസ് സേന അക്രമങ്ങളുടെയും കൊലപാതകങ്ങളുടെയും മൂക കാഴ്ചക്കാരായി മാറിയെന്നും, ജീവനും സ്വത്തിനും സംരക്ഷണമില്ലാത്തതിനാൽ ജനങ്ങൾ ഭയപ്പാടിലാണ് കഴിയുന്നതെന്നും നിയമസഭാ പ്രതിപക്ഷ നേതാവ് വി ഡി സതീശൻ പറഞ്ഞു. സംസ്ഥാനം ഗുണ്ടാ ഇടനാഴിയായി മാറിയെന്ന് ആരോപിച്ച അദ്ദേഹം ആർഎസ്എസ്, എസ്ഡിപിഐ തുടങ്ങിയ വർഗീയ ശക്തികൾ സംസ്ഥാനത്ത് അക്രമം അഴിച്ചുവിടുകയാണെന്നും പറഞ്ഞു. സോഷ്യൽ എഞ്ചിനീയറിംഗിന്റെ പേരിൽ മുഖ്യമന്ത്രി നടത്തുന്ന വർഗീയ പ്രീണനത്തിന്റെ ഫലമാണ് ഈ കൊലപാതകങ്ങളെല്ലാം, ആരെയും എതിർക്കാൻ സർക്കാരിന് അധികാരമില്ലെന്നും അദ്ദേഹം വർക്കലയിൽ മാധ്യമ പ്രവർത്തകരോട് പറഞ്ഞു. ന്യൂനപക്ഷ-ഭൂരിപക്ഷം വിഭാഗങ്ങളിൽ നിന്നുള്ള മതമൗലികവാദ…
പാലക്കാട്: ജില്ലയിൽ കഴിഞ്ഞ രണ്ട് ദിവസങ്ങളിലായി നടന്ന ആർഎസ്എസുകാരന്റേയും പിഎഫ്ഐ നേതാവിന്റെയും കൊലപാതകങ്ങൾ മുൻകൂട്ടി ആസൂത്രണം ചെയ്ത ഗൂഢാലോചനയുടെ ഭാഗമാണെന്ന് പോലീസ്. ആർഎസ്എസ് നേതാവ് എസ് കെ ശ്രീനിവാസന്റെ (45) കൊലപാതകത്തിന് ശേഷം പാലക്കാട്ടെത്തിയ എഡിജിപി (ക്രമസമാധാനം) വിജയ് സാഖറെ ഇവിടെ മാധ്യമപ്രവർത്തകരോട് പറഞ്ഞു, “രണ്ട് കൊലപാതകങ്ങൾക്കും പിന്നിൽ ഗൂഢാലോചനയുണ്ട്, ആരാണ് ഇതിന് പിന്നിലെന്ന് ഞങ്ങൾ കണ്ടെത്തും.” വെള്ളിയാഴ്ച പോപ്പുലർ ഫ്രണ്ട് ഓഫ് ഇന്ത്യ (പിഎഫ്ഐ) നേതാവ് സുബൈർ (43) കൊല്ലപ്പെട്ടതിന് പിന്നാലെ പ്രതികാര നടപടിക്ക് സാധ്യതയുണ്ടെങ്കിലും ശനിയാഴ്ച ആർഎസ്എസ് നേതാവിന്റെ കൊലപാതകം തടയുന്നതിൽ പോലീസ് പരാജയപ്പെട്ടുവെന്ന ആരോപണവും അദ്ദേഹം നിഷേധിച്ചു. ആസൂത്രിതമായ കൊലപാതകം തടയുക എന്നത് വളരെ ബുദ്ധിമുട്ടുള്ള കാര്യമാണെന്നും രണ്ട് കൊലപാതകങ്ങളും നന്നായി ആസൂത്രണം ചെയ്തതാണെന്നും സാഖരെ പറഞ്ഞു. കൊലപാതകങ്ങൾ, പ്രത്യേകിച്ച് പിഎഫ്ഐ നേതാവിന്റെ കൊലപാതകം രാഷ്ട്രീയ പ്രേരിതമാണോ എന്ന് പറയാനാകില്ലെന്നും എന്നാൽ, ആർഎസ്എസ്…
കോഴിക്കോട്: കോടഞ്ചേരിയില്‍ നടന്ന, വിവാദമായ ‘ലൗ ജിഹാദ്’ വിവാഹ കേസ് ഹൈക്കോടതിയില്‍. തന്റെ മകളെ കാണാനില്ലെന്ന് കാണിച്ച് ജോയ്സ്നയുടെ പിതാവ് ജോസഫാണ് ഹൈക്കോടതിയില്‍ ഹേബിയസ് കോര്‍പ്പസ് ഹര്‍ജി നല്‍കിയത്. ഈ കേസിലാണ് വധുവായ ജോയ്സ്നയെ കോടതിയില്‍ ഹാജരാക്കാന്‍ കോടതി ഉത്തരവ് പുറപ്പെടുവിച്ചത്. ചൊവ്വാഴ്ച്ച ജോയ്സ്നയെ ഹാജരാക്കാനാണ് ഹൈക്കോടതിയുടെ നിര്‍ദ്ദേശം. കോടഞ്ചേരി പൊലീസിനോടാണ് ജോയ്സ്നയെ ഹാജരാക്കാന്‍ നിര്‍ദേശിച്ചത്. ഒമ്പതാം തിയതി മകളെ കാണാതായതിനെ തുടര്‍ന്ന് പതിനൊന്നിന് പിതാവ് കോടതിയെ സമീപിച്ചിരുന്നു. കോഴിക്കോട് കോടഞ്ചേരി സ്വദേശിയായ ഡിവൈഎഫ്‌ഐ പ്രവര്‍ത്തകന്‍ ഷെജിന്‍, ജോയ്‌സ്‌ന എന്നിവരുടെ മിശ്രവിവാഹമാണ് വന്‍ വിവാദങ്ങള്‍ക്ക് വഴിവെച്ചത്. ഇതര മതത്തില്‍പ്പെട്ട ഇവരുടെ വിവാഹം ലൗ ജിഹാദ് ആണെന്ന് വ്യാജ പ്രചാരണം നടന്നിരുന്നു.
തിരുവനന്തപുരം: കേരളത്തിൽ തീവ്രവാദ ശക്തികളായ പോപ്പുലർ ഫ്രണ്ടിനും എസ്ഡിപിഐക്കും വേണ്ട സംരക്ഷണവും സ്വാതന്ത്ര്യവും നൽകുന്നത് കേരള സർക്കാർ ആണെന്ന് മുൻ ബിജെപി അദ്ധ്യക്ഷനും മുൻ മിസോറാം ഗവർണ്ണറുമായ കുമ്മനം രാജശേഖരൻ. പാലക്കാട്ടെ ശ്രീനിവാസ് കൃഷ്ണയുടെ കൊലപാതകത്തിൽ ആയിരുന്നു കുമ്മനത്തിന്റെ പ്രതികരണം. അദ്ദേഹത്തിന്റെ പോസ്റ്റിന്റെ പൂർണ്ണ രൂപം: പാലക്കാട് മേലാമുറിയിൽ ശ്രീനിവാസൻ എന്ന ആർ എസ് എസ് പ്രവർത്തൻ അതി നിഷ്ഠൂരമായി കൊലചെയ്യപ്പെട്ട സംഭവം വഷളായിക്കൊണ്ടിരിക്കുന്ന ക്രമസമാധാന നിലയുടെ നേർക്കാഴ്ചയാണ്. പ്രതികളായ എസ് ഡി പി ഐ ക്കാർക്കെതിരെ പോലീസ് കർശനമായ നടപടികൾ സ്വീകരിക്കേണ്ടതാണ്. ഇപ്പോഴും സ്വൈര്യമായി വിഹരിക്കുന്ന പ്രതികൾക്കെതിരെ പോലീസിന്റെ ഭാഗത്തുനിന്നും ശക്തമായ അന്വേഷണ നടപടികൾ ഉണ്ടായിട്ടില്ല. അവർക്ക് പണവും ആയുധവും പ്രേരണയും പിന്തുണയും നൽകുന്ന കേന്ദ്രങ്ങൾ കണ്ടെത്തണം. പാലക്കാട് കേന്ദ്രമാക്കി എസ് ഡി പി ഐ പോലുള്ള തീവ്രവാദ പ്രസ്ഥാനങ്ങൾ പ്രവർത്തനം തുടങ്ങിയിട്ട് വളരെ നാളുകളായി.…