കണ്ണൂർ: നവകേരള സദസിനെതിരായ രമേശ് ചെന്നിത്തലയുടെ ആരോപണത്തിന് മറുപടിയുമായി മുഖ്യമന്ത്രി പിണറായി വിജയൻ. പി ആര്‍ ഏജന്‍സിയുടെ കൈകളില്‍ ബുദ്ധി പണയം വെച്ചവരുടെ പ്രതികരണം മാത്രമാണിതെന്നും മുഖ്യമന്ത്രി പറഞ്ഞു. ഇത് സർക്കാർ പരിപാടിയാണ്. ഈ പരിപാടിയിൽ യുഡിഎഫ് സഹകരിക്കുന്നില്ലെന്നു മാത്രമല്ല അപകീർത്തിപ്പെടുത്താൻ ശ്രമിക്കുകയാണെന്നും മുഖ്യമന്ത്രി കുറ്റപ്പെടുത്തി. 25,000 പേരെ ഒരുമിച്ച് കാണാൻ കഴിയില്ലെന്ന് എല്ലാവർക്കും അറിയാം. അവർക്കുവേണ്ടിയാണ് ഓരോ പ്രതിനിധിയും ഇവിടെ ഇരിക്കുന്നതെന്നും മുഖ്യമന്ത്രി പറഞ്ഞു. പരിപാടിയിലെ തിരക്ക് മൂലമുണ്ടാകുന്ന ബുദ്ധിമുട്ട് കുറയ്ക്കുന്നതിന് വേദികളിൽ നിവേദനം നൽകാനുള്ള സംവിധാനം ഒരുക്കുന്നതിന് ശ്രദ്ധ ചെലുത്തുന്നുണ്ടെന്നും അദ്ദേഹം അറിയിച്ചു. കാസർകോട് ജില്ലയിലെ 5 നിയമസഭാ മണ്ഡലങ്ങളിൽ നിന്നായി 14,232 അപേക്ഷകൾ ലഭിച്ചു. മഞ്ചേശ്വരം – 1908, കാസർകോട് – 3,451, ഉദുമ – 3,733, കാഞ്ഞങ്ങാട് – 2,840, തൃക്കരിപ്പൂർ – 23,000. രണ്ട് ദിവസത്തെ അനുഭവത്തിന് ശേഷം നവകേരള…
നവകേരള സദസ്സ്: തങ്ങളുടെ ബുദ്ധി പിആർ ഏജൻസിക്ക് പണയം വെച്ചവരുടെ പ്രതികരണമാണ് യുഡി‌എഫിന്റേതെന്ന് മുഖ്യമന്ത്രി
