ചേർത്തല: യുഎസ് പ്രതിരോധ വകുപ്പിന്റെ പേരിൽ വ്യാജകരാർ ചമച്ച് വൻതുകയുടെ നിക്ഷേപത്തട്ടിപ്പ് നടത്തിയെന്ന കേസിൽ വിപിവിവി കമ്പനിയുടെ കേരള കോഓർഡിനേറ്റർ അറസ്റ്റിലായി. കൊല്ലം പാരിപ്പള്ളി സ്വദേശി പി. പ്രദീപ് കുമാറിനെയാണ് വർക്കല പൊലീസ് അറസ്റ്റ് ചെയ്തത്. വർക്കല വടശേരിക്കോണം സ്വദേശി എ.എം. മുനീറിൽനിന്ന് 70 ലക്ഷം രൂപ തട്ടിയെടുത്തെന്ന പരാതിയിലാണ് നടപടി. ചേർത്തല റെയിൽവേ സ്റ്റേഷനു സമീപത്തെ ഹോട്ടലിൽ എത്തിയ പ്രദീപ് കുമാറിനെ മുനീർ തിരിച്ചറിഞ്ഞതോടെയാണ് അറസ്റ്റിലേക്ക് നയിച്ച സംഭവങ്ങൾ അരങ്ങേറിയത്. ഹോട്ടലിലുണ്ടായിരുന്നവരുടെ സഹായത്തോടെ ഇയാളെ തടഞ്ഞു വെച്ച മുനീർ വിവരം ചേർത്തല പൊലീസിനെ അറിയിച്ചു. തുടർന്ന് സ്ഥലത്തെത്തിയ പൊലീസ് പ്രദീപ് കുമാറിനെ കസ്റ്റഡിയിലെടുത്തു. പിന്നീട് പ്രതിയെ വർക്കല പൊലീസിന് കൈമാറി. അറസ്റ്റ് രേഖപ്പെടുത്തിയ പ്രദീപ് കുമാറിനെ കോടതിയിൽ ഹാജരാക്കുമെന്ന് പൊലീസ് അറിയിച്ചു. യുഎസ് പ്രതിരോധ വകുപ്പിൽനിന്ന് വൻകിട കരാറുകൾ ലഭിച്ചിട്ടുണ്ടെന്ന് അവകാശപ്പെട്ടാണ് പ്രദീപ് കുമാര് നിക്ഷേപകരെ…
അമേരിക്കന് പ്രതിരോധ വകുപ്പിന്റെ പേരിൽ വ്യാജകരാറുണ്ടാക്കി ലക്ഷങ്ങള് തട്ടിയെടുത്ത കേസില് കേരള കോഓർഡിനേറ്റർ അറസ്റ്റിൽ
