Category: KERALA

കണ്ണൂര്‍: ഇടതുപക്ഷ ജനാധിപത്യ മുന്നണിയെ (എൽഡിഎഫ്) പ്രതിനിധീകരിച്ച് കെ കെ രത്നകുമാരി കണ്ണൂർ ജില്ലാ പഞ്ചായത്ത് പ്രസിഡൻ്റായി വ്യാഴാഴ്ച തിരഞ്ഞെടുക്കപ്പെട്ടു. എതിർ സ്ഥാനാർത്ഥി എം. ജൂബിലി ചാക്കോയെ പരാജയപ്പെടുത്തിയാണ് രത്നകുമാരി വിജയിച്ചത്. മുൻ അഡീഷണൽ ജില്ലാ മജിസ്‌ട്രേറ്റ് (എഡിഎം) കെ. നവീൻ ബാബുവിൻ്റെ മരണവുമായി ബന്ധപ്പെട്ട നിയമപരമായ സങ്കീർണതകളെ തുടർന്നുള്ള ജാമ്യ വ്യവസ്ഥകൾ കാരണം മുൻ പ്രസിഡൻ്റ് പി.പി.ദിവ്യ വോട്ടെടുപ്പിൽ നിന്ന് വിട്ടുനിന്നത് ശ്രദ്ധേയമാണ്. ദിവ്യയുടെ രാജിയെ തുടർന്നുണ്ടായ ഒഴിവിലേക്കാണ് ജില്ലാ കളക്ടർ അരുൺ കെ വിജയൻ്റെ മേൽനോട്ടത്തിൽ തിരഞ്ഞെടുപ്പ് നടന്നത്. എന്നാൽ, കലക്ടറുടെ നിർദേശപ്രകാരം പോലീസ്, പരിപാടി റിപ്പോർട്ട് ചെയ്യാൻ പഞ്ചായത്ത് ഹാളിൽ പ്രവേശിക്കുന്നതിൽ നിന്ന് മാധ്യമപ്രവർത്തകരെ തടഞ്ഞത് തർക്കത്തിനിടയാക്കുകയും തിരഞ്ഞെടുപ്പ് പ്രക്രിയയിലെ സുതാര്യതയെച്ചൊല്ലി വിമർശനം ഉയരുകയും ചെയ്തു. മുമ്പ് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്‌സൺ ആയിരുന്ന ശ്രീമതി രത്‌നകുമാരിയാണ് ഇപ്പോൾ 24 അംഗ പഞ്ചായത്ത്…

ന്യൂഡല്‍ഹി: വയനാട്ടിലെ മുണ്ടക്കൈ – ചൂരല്‍മല ഉരുള്‍പൊട്ടല്‍ ദേശീയ ദുരന്തമായി പ്രഖ്യാപിക്കാനാകില്ലെന്ന് കേന്ദ്രസര്‍ക്കാര്‍. ദേശീയ ദുരന്തമായി പ്രഖ്യാപിക്കാന്‍ മാനദണ്ഡങ്ങള്‍ അനുവദിക്കുന്നില്ലെന്നും കേന്ദ്ര ആഭ്യന്തര സഹമന്ത്രി നിത്യാനന്ദ റായ് അറിയിച്ചു. ഡല്‍ഹിയിലെ കേരളത്തിന്റെ പ്രതിനിധി കെ വി തോമസിനെയാണ് നിലപാട് അറിയിച്ചത്. മുണ്ടക്കൈ- ചൂരല്‍മല ഉരുള്‍പൊട്ടല്‍ ദേശീയ ദുരന്തമായി പ്രഖ്യാപിച്ച്‌ സഹായം അനുവദിക്കണമെന്ന് ആവശ്യപ്പെട്ട് കെ വി തോമസ് പ്രധാനമന്ത്രി നരേന്ദ്രമോദിക്ക് കത്തു നല്‍കിയിരുന്നു. ഇതിനുള്ള മറുപടിയിലാണ് കേന്ദ്ര ആഭ്യന്തരസഹമന്ത്രി കേന്ദ്രത്തിന്റെ നിലപാട് വ്യക്തമാക്കിയത്. പ്രളയവും ഉരുള്‍പൊട്ടലും ദേശീയ ദുരന്തമായി പ്രഖ്യാപിക്കാന്‍ മാനദണ്ഡങ്ങള്‍ പ്രകാരം സാധിക്കില്ലെന്ന് കത്തില്‍ വ്യക്തമാക്കുന്നു. നിലവിൽ എസ്‌ഡിആർഎഫ്, എൻഡിആർഎഫ് ചട്ടങ്ങളിൽ ഒരു ദുരന്തം ദേശീയ ദുരന്തമായി പ്രഖ്യാപിക്കാൻ മാനദണ്ഡമില്ലെന്നും കെ വി തോമസിനുള്ള മറുപടി കത്തിൽ കേന്ദ്ര സഹമന്ത്രി വ്യക്തമാക്കിയിട്ടുണ്ട്. സംസ്ഥാനത്തിന് എസ്‌ഡിആർഎഫ് പ്രവർത്തനങ്ങൾക്കായി 388 കോടി രൂപ നടപ്പ് സാമ്പത്തിക വർഷത്തിലേക്ക് അനുവദിച്ചിട്ടുണ്ട്.…

സെന്റർ ഫോർ ഇൻഫർമേഷൻ ആന്‍ഡ് ഗൈഡന്‍സ് ഇന്ത്യ (സിജി) യുടെ, സെന്റർ ഫോർ ലേർണിംഗ് ഡിപ്പാർട്ടമെന്റ് നേതൃത്വത്തിൽ അസ്സസ്മെന്റ് പ്രോഗ്രാം സംഘടിപ്പിക്കുന്നു. 6 നും 12 നും ഇടയിൽ പ്രായമുള്ള കുട്ടികൾക്ക് വേണ്ടി നവംബർ 16 (ശനിയാഴ്ച) ചേവായൂർ സിജി ക്യാമ്പസില്‍ വച്ചായിരിക്കും പരിപാടി. കുട്ടികളുടെ പഠനം, പെരുമാറ്റം, മാനസിക-വൈകാരിക, വികസന സവിശേഷതകൾ എന്നിവയെക്കുറിച്ച് സമഗ്രമായ അറിവ് ലഭ്യമാക്കുക എന്നതാണ് ഈ പ്രോഗ്രാം കൊണ്ട് ലക്ഷ്യമാക്കുന്നത്. പരിചയ സമ്പന്നരായ ടീം നടത്തുന്ന പ്രത്യേക മൂല്യനിര്‍ണ്ണയത്തിലൂടെ രക്ഷിതാക്കൾക്ക് അവരുടെ കുട്ടികളുടെ കഴിവുകൾ, വെല്ലുവിളികൾ, വളർച്ചക്കുള്ള സാധ്യതകൾ എന്നിവയെ കുറിച്ച് ധാരണയും മാർഗനിർദ്ദേശവും ലഭ്യമാക്കുകയും ചെയ്യുന്നു. പങ്കെടുക്കാൻ താൽപര്യപ്പെടുന്നവർ https://cigi.org/page/events  എന്ന വെബ്‌സൈറ്റിൽ രജിസ്റ്റർ ചെയ്യേണ്ടതാണ്. കൂടുതല്‍ വിവരങ്ങൾക്ക് : 8086663009

അലനല്ലൂർ: ഐ എൻ എൽ മണ്ണാർക്കാട് മണ്ഡലം കമ്മിറ്റി യോഗം അലനല്ലൂരിൽ ചേർന്നു. ജില്ലാ സെക്രട്ടറി കെ.വി.അമീർ യോഗം ഉൽഘാടനം ചെയ്തു. സംസ്ഥാനത്ത് മുനമ്പം വഖഫ് ഭൂമി മുൻ നിർത്തി യുഡിഎഫും ബിജെപിയും രാഷ്ട്രീയ ധ്രുവീകരണം നടത്തുകയാണെന്നും വി.ഡി സതീശന്റെയും കെ.സുരേന്ദ്രന്റെയും നിലപാടുകൾ കൈയ്യേറ്റക്കാരായ കുത്തകകളെ സഹായിക്കാൻ ആണെന്നും സംസ്ഥാന സർക്കാർനെ പ്രതിസ്ഥാനത്ത് നിർത്താൻ ആണ് ശ്രമമെന്നും അത് നടപ്പാവില്ലെന്നും അദ്ദേഹം സൂചിപ്പിച്ചു . വരാനിരിക്കുന്ന തദ്ദേശ തെരഞ്ഞെടുപ്പ് സംബന്ധിച്ച ജില്ലാ ട്രഷറർ അബ്ദുറഫീഖ് പാർട്ടി കാര്യങ്ങൾ വിശദീകരിച്ചു. മണ്ഡലത്തിൽ സേട്ട് സാഹിബ് സെന്റർ തുറക്കാനും യോഗം തീരുമാനിച്ചു. മണ്ഡലം പ്രസിഡന്റ് അബ്ദു മാഷ് അദ്ധ്യക്ഷത വഹിച്ചു. സെക്രട്ടറി ഉമ്മർ വട്ടത്തൊടി, വൈസ്‌ പ്രസിഡന്റ് വി.ടി. ഉസ്മാൻ, മുഹമ്മദ്‌ കുട്ടി .വി.ടി എന്നിവർ സംസാരിച്ചു. ജോയിന്റ് സെക്രട്ടറി ബഷീർ പുളിക്കൽ സ്വാഗതവും മണ്ഡലം ട്രഷറർ ഉമ്മർ ഓങ്ങല്ലൂർ…

കല്പറ്റ: ബുധനാഴ്ച നടന്ന വയനാട് ലോക്‌സഭാ മണ്ഡലത്തിലെ ഉപതിരഞ്ഞെടുപ്പ് ചൂരൽ മല ഉരുൾപൊട്ടലിൽ നിന്ന് രക്ഷപ്പെട്ട നിരവധി പേരുടെ പുനഃസമാഗമമായി മാറി. ഉരുള്‍ പൊട്ടലില്‍ ഈ മേഖലയിലെ നിരവധി കുടുംബങ്ങളെ തകർത്തിരുന്നു. ജില്ലയിലുടനീളമുള്ള വാടക വീടുകളിൽ താമസിക്കുന്നവർക്ക് പോളിംഗ് സ്റ്റേഷനുകളിലേക്കുള്ള പ്രവേശനം സുഗമമാക്കുന്നതിന്, വോട്ടർമാർക്ക് സൗജന്യ യാത്രാ സൗകര്യം വാഗ്ദാനം ചെയ്ത് വയനാട് ജില്ലാ ഭരണകൂടം വോട്ട് വണ്ടി എന്ന പേരിൽ നാല് കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ ബസുകൾ ഏര്‍പ്പാട് ചെയ്തിരുന്നു. ചൂരൽ മലയ്ക്ക് സമീപം സ്ഥിതി ചെയ്യുന്ന നീലിക്കാപ്പിലെ പോളിംഗ് സ്‌റ്റേഷൻ 169ൽ, മുണ്ടക്കൈയിലെ എസ്റ്റേറ്റ് തൊഴിലാളിയായ മൊയ്തീൻ (68) തൻ്റെ അയൽവാസിയായ ഷഹർബാനുമായി വീണ്ടും ഒന്നിച്ചപ്പോൾ വികാരാധീനനായി. ഏകദേശം 90 ദിവസങ്ങൾക്കു ശേഷമാണ് ഇരുവരുടേയും കണ്ടുമുട്ടല്‍. നഷ്ടപ്പെട്ട ബന്ധങ്ങളുടെ ഹൃദയഭേദകത്തിന് സാക്ഷിയായ അവരുടെ കണ്ണുനീർ ഒത്തുചേരൽ പലരെയും സ്പർശിച്ചു. ദുരന്തത്തിൽ അഞ്ച്…

കല്പറ്റ: വയനാട് ലോക്‌സഭാ ഉപതെരഞ്ഞെടുപ്പിൻ്റെ വോട്ടെടുപ്പ് ബുധനാഴ്ച സമാധാനപരമായിരുന്നു. പ്രാഥമിക റിപ്പോർട്ടുകൾ പ്രകാരം 64.72% വോട്ടർമാർ മണ്ഡലത്തിൽ വോട്ട് രേഖപ്പെടുത്തി. കഴിഞ്ഞ തിരഞ്ഞെടുപ്പിൽ 72.92% ആയിരുന്നു വോട്ടിംഗ് ശതമാനം. ആകെയുള്ള 14,71,742 വോട്ടർമാരിൽ 4,97,788 സ്ത്രീകൾ ഉൾപ്പെടെ 9,52,543 വോട്ടർമാരാണ് വോട്ട് ചെയ്തത്. കൽപ്പറ്റ നിയമസഭാ മണ്ഡലത്തിൽ 65.45%, സുൽത്താൻ ബത്തേരി 62.68%, മാനന്തവാടി 63.89%, തിരുവമ്പാടി 66.39%, ഏറനാട് 69.42%, നിലമ്പൂർ 61.91%, വണ്ടൂർ 64.43% എന്നിങ്ങനെയാണ് വോട്ടെടുപ്പ്. മണ്ഡലത്തിൽ രാവിലെ 10 മണിയോടെ 13.91% പോളിങ് രേഖപ്പെടുത്തി. ഉരുൾപൊട്ടൽ ബാധിത മേഖലയായ ചൂരൽ മലയിലും ജില്ലയിലെ ഗോത്ര വർഗക്കാർ തിങ്ങിപ്പാർക്കുന്ന പ്രദേശങ്ങളിലും മികച്ച പോളിംഗ് രേഖപ്പെടുത്തിയതായാണ് റിപ്പോര്‍ട്ടുകള്‍ സൂചിപ്പിക്കുന്നത്. ജില്ലയിലുടനീളമുള്ള വാടക അപ്പാർട്ടുമെൻ്റുകളിൽ താമസിക്കുന്ന മണ്ണിടിച്ചിലിനെ അതിജീവിച്ചവർക്കായി ജില്ലാ ഭരണകൂടം 15 ഷെഡ്യൂളുകളും നാല് കെഎസ്ആർടിസി ബസുകളും സൗജന്യമായി സര്‍‌വീസ് നടത്തി. മിക്ക പോളിംഗ്…

പത്തനംതിട്ട: മണ്ഡല, മകരവിളക്ക് ഉത്സവത്തിനുള്ള ഒരുക്കങ്ങള്‍ പൂര്‍ത്തിയായെന്ന് ദേവസ്വം ബോർഡ് പ്രസിഡൻ്റ് പിഎസ് പ്രശാന്ത്. നവംബര്‍ 15 വൈകിട്ട് അഞ്ചിന് ശബരിമല ക്ഷേത്ര നട തുറക്കും. ദര്‍ശന സമയം 16 മണിക്കൂറില്‍ നിന്നും 18 മണിക്കൂറാക്കി. പ്രതിദിനം 80,000 പേര്‍ക്ക് ദര്‍ശന സൗകര്യമുണ്ടാകും. 70,000 പേർ വെര്‍ച്വല്‍ ക്യൂവിലുണ്ടാകും. 10,000 പേർ തത്സമയം വരുന്നവരാകും. നിലയ്ക്കലില്‍ പാര്‍ക്കിങ്ങിന് അധിക സംവിധാനം ഒരുക്കും. 10,000 വാഹനങ്ങള്‍ക്ക് പാര്‍ക്ക് ചെയ്യാന്‍ സാധിക്കും. എരുമേലിയിലും പാര്‍ക്കിംഗ് സംവിധാനമുണ്ട്. പമ്പയില്‍ കൂടുതല്‍ നടപ്പന്തല്‍ സൗകര്യമുണ്ടാകും. അധികമായി ആറ് നടപ്പന്തല്‍ സജ്ജമാക്കി. ഇതോടെ ആകെ നടപ്പന്തലുകൾ ഒമ്പത് ആയി. ജര്‍മന്‍ പന്തലും സജ്ജമാക്കി. 8,000 പേര്‍ക്ക് പമ്പയില്‍ സുരക്ഷിതമായി നില്‍ക്കാന്‍ സാധിക്കും. മുഖ്യമന്ത്രിയുടെയും ദേവസ്വം മന്ത്രിയുടെയും നേതൃത്വത്തില്‍ നിരവധി യോഗങ്ങള്‍ ചേര്‍ന്നിരുന്നു. ഇരുപതില്‍പരം വകുപ്പുകളുടെ ഒറ്റക്കെട്ടായുള്ള പ്രവര്‍ത്തനമാണുണ്ടാകുക. ശരംകുത്തി മുതല്‍ നടപ്പന്തല്‍ വരെ പ്രത്യേക…

തിരുവനന്തപുരം: സംസ്ഥാനത്ത് ഉപതെരഞ്ഞെടുപ്പ് നടക്കുന്നതിനാല്‍ നാളെ (2024 നവംബര്‍ 13) നടത്താനിരുന്ന മുഴുവന്‍ പരീക്ഷകളും മാറ്റി വെച്ചതായി കേരള സര്‍വകലാശാല അറിയിച്ചു. തിയറി, പ്രാക്റ്റിക്കല്‍ പരീക്ഷകളുള്‍പ്പടെ എല്ലാ പരീക്ഷകളും മാറ്റി വെച്ചെന്നും, പുതുക്കിയ തീയതികള്‍ സര്‍വകലാശാല വെബ്‌സൈറ്റില്‍ പ്രസിദ്ധീകരിച്ചിട്ടുണ്ടെന്നും അറിയിപ്പില്‍ പറഞ്ഞു. പരീക്ഷ കേന്ദ്രത്തിനോ സമയത്തിനോ മറ്റു ദിവസങ്ങളിലെ പരീക്ഷകള്‍ക്കോ മാറ്റമില്ല. ഉപതെരഞ്ഞെടുപ്പ് നടക്കുന്നതിനാല്‍ നവംബര്‍ 20 ന് പാലക്കാട് നിയോജക മണ്ഡലത്തില്‍ അവധി പ്രഖ്യാപിച്ചു. മണ്ഡലത്തിലെ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ ഓഫീസുകള്‍ക്കും അവധി ബാധകമാണ്. നിയോജക മണ്ഡലത്തിലെ എല്ലാ സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ സ്ഥാപനങ്ങള്‍ക്കും ബാങ്കുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പൊതുമേഖലാ സ്ഥാപനങ്ങള്‍ക്കും വേതനത്തോടുകൂടിയുള്ള പൊതു അവധിയായിരിക്കും. മണ്ഡലത്തില്‍ വോട്ടുള്ളവര്‍ക്കും മണ്ഡലത്തിന് പുറത്ത് ജോലി ചെയ്യുന്നവരുമായ എല്ലാ സര്‍ക്കാര്‍- സ്വകാര്യ സ്ഥാപനങ്ങളിലെ ജീവനക്കാര്‍ക്കും ഈ ദിവസം ശമ്പളത്തോട് കൂടിയ അവധി നല്‍കണമെന്നാണ് നിര്‍ദേശം. വയനാട് ലോക്‌സഭാ ഉപതെരഞ്ഞെടുപ്പ്…

തിരുവനന്തപുരം: മല്ലു ഹിന്ദു ഐ എസ് ഓഫീസേഴ്സ് വാട്സ്‌ആപ്പ് ഗ്രൂപ്പ് വിവാദത്തില്‍ വ്യവസായ വകുപ്പ് ഡയറക്ടർ കെ ഗോപാലകൃഷ്ണനെയും കൃഷി വകുപ്പ് സ്പെഷ്യൽ സെക്രട്ടറി എന്‍ പ്രശാന്തിനെയും സസ്‌പെന്‍ഡ് ചെയ്തു. മല്ലു ഹിന്ദു വാട്‌സാപ് ഗ്രൂപ്പ് വിവാദത്തിലാണ് കെ ഗോപാലകൃഷ്ണനെ സസ്‌പെന്‍ഡ് ചെയ്തത്. അഡീഷണല്‍ ചീഫ് സെക്രട്ടറി ജയതിലകിനെതിരായ പരസ്യപ്രതികരണത്തിലാണ് എന്‍ പ്രശാന്തിനെതിരെ നടപടി. ഇരുവരും സര്‍വീസ് ചടങ്ങള്‍ ലംഘിച്ചുവെന്ന് ചീഫ് സെക്രട്ടറി കണ്ടെത്തിയിരുന്നു. ഇതിന്റെ അടിസ്ഥാനത്തില്‍ ഇരുവരേയും സസ്‌പെന്‍ഡ് ചെയ്യണമെന്ന് ആവശ്യപ്പെട്ടുള്ള ശുപാര്‍ശ ചീഫ് സെക്രട്ടറി മുഖ്യമന്ത്രി പിണറായി വിജയന് സമര്‍പ്പിച്ചിരുന്നു. ഇത് അംഗീകരിച്ചാണ് നടപടി. സസ്‌പെന്‍ഷന്‍ ഉത്തരവില്‍ കെ ഗോപാലകൃഷ്ണനെതിരെ ഗുരുതര കണ്ടെത്തലുകളാണ് ഉള്ളത്. ഐഎഎസ് ഉദ്യോഗസ്ഥര്‍ക്കിടയില്‍ സ്പര്‍ധയുണ്ടാക്കാന്‍ ഗോപാലകൃഷ്ണന്‍ ശ്രമിച്ചു എന്ന് സസ്‌പെന്‍ഷന്‍ ഉത്തരവില്‍ പറയുന്നു. ഗോപാലകൃഷ്ണന്‍ നടത്തിയത് ഗുരുതര ചട്ടലംഘനമാണ്. ഫോണ്‍ ഹാക്ക് ചെയ്തു എന്നുള്ള വാദം തെറ്റാണ്. ഫോറന്‍സിക് പരിശോധനയ്ക്ക്…